សាលាបឋមសិក្សាស្ពង់សាខាថ្មី

ថ្ងៃចន្ទ ទី១ ខែធ្នូ ឆ្នាំ២០២៥
លោកយ៉ែម សុខជា នាយកសាលាបឋមសិក្សាស្ពង់សាខា បានអញ្ជើញចូលរួមប្រជុំបូកសរុបការងារអប់រំ ប្រចាំខែវិច្ឆិកា និងលើកទិសដៅការងារខែធ្នូ នៅការិយាល័យអប់រំយុវជន និងកីឡាស្រុកស្ទឹងត្រង់ ក្រោមអធិបតីភាពលោកសយ តុលា អភិបាលរង នៃគណៈអភិបាលស្រុកស្ទឹងត្រង់

នៅព្រឹកថ្ងៃទី1 ខែវិច្ឆិកា ឆ្នាំ2025
សាលាបឋមសិក្សាស្ពង់សាខា បានប្រារព្ធកម្មវិធីបើកបវេសនកាលឆ្នាំថ្មី2025~2026 ព្រមទាំងចែកសម្ភារៈសិក្សា និង នំ ដែលបានមកពីការឧបត្ថម្ភពីសប្បុរសជន
1, ភិក្ខុ ឡេង ឆេងគុណ 40,000រៀល
2,លោកឃិន សំណាង និងភរិយា 100,000រៀល
3,លោកស្រីចក់ ស្រីនួន និងភរិយា 50,000រៀល

ខ្ញុំតំណាងឲ្យលោកគ្រូអ្នកគ្រូ និងសិស្សានុសិស្ស នៃសាលាបឋមសិក្សាស្ពង់សាខា សូមថ្លែងអំណរដល់លោកស្រី ចក់ ស្រីនួន និងស្វាមី បានឧបត្ថម្ភប្រាក់ 50,000រៀល សម្រាប់ទិញសៀវភៅនិង នំ ចែកដល់សិស្សានុសិស្សក្នុងថ្ងៃបើកបវេសនកាលឆ្នាំថ្មី ២០២៥~២០២៦។
សូមជូនពរឲ្យជួបតែពុទ្ធពរបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ🙏🙏។

ខ្ញុំតំណាងឲ្យលោកគ្រូអ្នកគ្រូ និងសិស្សានុសិស្ស នៃសាលាបឋមសិក្សាស្ពង់សាខា សូមថ្លែងអំណរដល់លោកវេជ្ជបណ្ឌិត ឃិន សំណាង និងភរិយា បានឧបត្ថម្ភប្រាក់ 100,000រៀល សម្រាប់ទិញសៀវភៅចែកដល់សិស្សានុសិស្សក្នុងថ្ងៃបើកបវេសនកាលឆ្នាំថ្មី ២០២៥~២០២៦។
សូមជូនពរឲ្យជួបតែពុទ្ធពរបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ🙏🙏។

ខ្ញុំព្រះករុណាតំណាងឲ្យលោកគ្រូអ្នកគ្រូ និងសិស្សានុសិស្ស នៃសាលាបឋមសិក្សាស្ពង់សាខា សូមថ្លែងអំណរព្រះគុណដល់ភិក្ខុ ឡេង ឆេងគុណ បានឧបត្ថម្ភបច្ច័យ 40,000រៀល សម្រាប់ទិញសៀវភៅចែកដល់សិស្សានុសិស្សក្នុងថ្ងៃបើកបវេសនកាលឆ្នាំថ្មី ២០២៥~២០២៦។
សូមប្រគេនពរឲ្យមានសុខភាពល្អ និងចៀសផុតពីជំងឺទាំងពួង🙏🙏។

នៅរសៀលថ្ងៃទី 20 ខែតុលាឆ្នាំ 2025 សាលាបឋមសិក្សាស្ពង់សាខាថ្មី បានធ្វើយុទ្ធនាការប្រមូលកុមារចូលរៀន។

សូមជម្រាបជូនដំណឹងដល់មាតាបិតា ឬអាណាព្យាបាលឲ្យបានដឹងថា សាលាបឋមសិក្សាស្ពង់សាខាថ្មី និងចាប់ផ្តើមទទួលចុះឈ្មោះសិស្សចាប់ពីថ្ងៃទី១៥ ខែតុលា ឆ្នាំ២០២៥ នៅទីចាត់ការសាលារៀនរៀងរាល់ម៉ោងធ្វើការ។
ថ្នាក់ទី១ ចុះឈ្មោះចូលរៀនមានអាយុ ៦ឆ្នាំ ឬ៧០ខែ
ពេលនាំកូនមកចុះឈ្មោះចូលរៀនសូមភ្ជាប់មកជាមួយ សំបត្រកំណើត សៀវភៅគ្រួសារ សៀវភៅស្នាក់នៅ សំបុត្រពេទ្យ ។
ការចុះឈ្មោះចូលរៀនពុំមានការបង់ប្រាក់ឡើយ

ថ្ងៃទី១៣ ខែតុលា ឆ្នាំ២០២៥
ចូលរួមប្រជុំណែនាំសម្រាប់ត្រៀមបើកបវេសនកាលថ្មីឆ្នាំសិក្សា២០២៥~២០២៦ នៅការិយាល័យអប់រំយុវជន និងកីឡានៃរដ្ឋបាលស្រុកស្ទឹងត្រង់ ក្រោមអធិបតីភាព លោកសយ តុលា អភិបាលរង នៃគណៈអភិបាលស្រុកស្ទឹងត្រង់

កិច្ចប្រជុំជាមួយអាណាព្យាបាលសិស្សស្តីពីការធ្វើតេស្តចុងឆ្នាំតាមថ្នាក់បឋម(PLP)19-08-2025

សូមជូនដំណឹងដល់មាតាបិតា អាណាព្យាបាលសិស្សទាំងអស់ឲ្យបានជ្រាបថាសាលានឹងរៀបចំធ្វើតេស្តតាមរយៈថ្នាលបឋមPLP គ្រប់កម្រិតថ្នាក់ ដូចនេះសូមមាតាបិតាសិស្សទាំងអស់អញ្ជើញចូលរួមសហការ ដោយយកទូរសព្ទដៃមកជាមួយផង ឬឱ្យកូនយកទូរសព្ទដៃមកដោយខ្លួនឯងក៏បាន។
បញ្ជាក់សូមបញ្ចូលលុយទូរសព្ទដៃនិងបញ្ចូលថ្មឲ្យបានពេញរួចជាស្រេច។

ថ្ងៃទី​០១​ ខែកក្កដា​ ឆ្នាំ២០២៥
ចូលរួមប្រជុំបូកសរុបលទ្ធផលការងារ​ ប្រចាំខែ​ មិថុនា​ និងលេីកទិសដៅ​ អនុវត្តសម្រាប់ខែកក្កដា​ ឆ្នាំ២០២៥​ ដោយស្ថិតក្រោមអធិបតីភាព​ លោក​ សយ​ តុលា​ អភិបាលរង​ នៃគណ:អភិបាល​ស្រុក​ តំណាងលោក​ បាន​ ស្រេង​ អភិបាលនៃគណ:អភិបាលស្រុកស្ទឹងត្រង់​។