កម្មវិធីសប្បុរសធម៌សម្រាប់ការសិក្សាអប់រំ - Charity Program For Education

យើងខ្ញុំសមាជិកសមាជិកានៃកម្មវិធីសប្បុរសធម៌សម្រាប់ការសិក្សាអប់រំ សូមចូលរួមរំលែកទុក្ខយ៉ាងក្រៀមក្រំបំផុត ចំពោះមរណភាព លោក ព្រេង ឃាង ត្រូវជាបិតារបស់លោក ឃឹម ឧត្តម ប្រធាន កម្មវិធីសប្បុរសធម៌សម្រាប់ការសិក្សាអប់រំ ដែលបានទទួលមរណភាពកាលពីថ្ងៃទី០៥ ខែមេសា ឆ្នាំ២០២២ ក្នុងជន្មាយុ ៧៥ឆ្នាំ។

សូមវិញ្ញាណក្ខន្ធ លោកឧបាសក ព្រេង ឃាង បានទៅកាន់សុគតិភព កុំបីឃ្លៀងឃ្លាតឡើយ។

លិខិតចូលរួមរំលែកមរណទុក្ខ
យើងខ្ញុំសមាជិកសមាជិកានៃកម្មវិធីសប្បុរសធម៌សម្រាប់ការសិក្សាអប់រំ សូមចូលរួមរំលែកទុក្ខយ៉ាងក្រៀមក្រំបំផុត ចំពោះមរណភាព លោក ព្រេង ឃាង ត្រូវជាបិតារបស់លោក ឃឹម ឧត្តម ប្រធាន កម្មវិធីសប្បុរសធម៌សម្រាប់ការសិក្សាអប់រំ ដែលបានទទួលមរណភាពកាលពីថ្ងៃទី០៥ ខែមេសា ឆ្នាំ២០២២ ក្នុងជន្មាយុ ៧៥ឆ្នាំ។

សូមវិញ្ញាណក្ខន្ធ លោកឧបាសក ព្រេង ឃាង បានទៅកាន់សុគតិភព កុំបីឃ្លៀងឃ្លាតឡើយ។

#សូមអនុមោទនាពិធីបុណ្យមាឃបូជា🙏🇰🇭

ពិធីបុណ្យមាឃបូជា ប្រារព្ធឡើងនៅថ្ងៃ១៥កើត ពេញបរមី ខែមាឃ ដើម្បីរំឭកដល់ព្រឹត្តិការណ៍ សំខាន់ ៗដែលបានកើតឡើងនៅក្នុងពេលដែលព្រះពុទ្ធជាម្ចាស់ទ្រង់គង់ធរមាននៅឡើយៈ

ពិធីបុណ្យមាឃបូជា ប្រារព្ធឡើងដើម្បី៖
- ប្រារព្ធនូវការធ្វើចតុរង្គសន្និបាត ប្រកបដោយអង្គបួន
- ប្រារព្ធថ្ងៃដែលព្រះអង្គទ្រង់សម្ដែងឱវាទបាតិមោក្ខ
- រំលឹកដល់ថ្ងៃដែលព្រះអង្គទ្រង់ដាក់អាយុសង្ខារ។

សូមជូនពរអោយបងប្អូនប្រជាពលរដ្ឋខ្មែរទាំងអស់ ជួបតែភាពរីកចំរើនសុខកាយសប្បាយចិត្តគ្រប់ក្រុមគ្រួសារ។

សូមបងប្អូនជនរួមជាតិទាំងអស់មុនចាកចេញពីគេហដ្ឋានទៅកាន់ទីអារាមនិងទីកន្លែងផ្សេងៗ សូមថែរក្សាសុខភាពនិងអនាម័យជាប្រចាំ ដោយអនុវត្តតាមវិធានការ ៣កុំ ៣ការពារ និងគោរពតាមការណែនាំរបស់ក្រសួងសុខាភិបាលឲ្យបានខ្ជាប់ខ្ជួន ដើម្បីប្រាសចាកនិងចៀសវាងនៅរោគទាំងពួងជាពិសេសជំងឺCOVID-19 ដែលកំពុងតែរីករាលដាលជាដើម។
សូមបួងសួងឲ្យប្រទេសកម្ពុជាឆាប់ចៀសផុតអំពីជម្ងឺកូវីដ19។

ថ្ងៃពុធ ១៥កើត ខែមាឃ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១៦ ខែកុម្ភៈ ឆ្នាំ២០២២
___________________________________________
កម្មវិធីសប្បុរសធម៌សម្រាប់ការសិក្សាអប់រំ - Charity Program For Education

អបអរសាទរ! ខួបទី៤៣ឆ្នាំ នៃទិវាជ័យជម្នះ ៧មករា! 🇰🇭
៧ មករា ១៩៧៩ - ៧ មករា ២០២២
__________________________________

កម្មវិធីសប្បុរសធម៌សម្រាប់ការសិក្សាអប់រំ - Charity Program For Education

សូមគោរពជូន លោកគ្រូ ឃឹម ឧត្តម ប្រធានក្រុមកម្មវិធីសប្បុរសធម៌សម្រាប់ការសិក្សាអប់រំ និងសមាជិក-សមាជិការទាំអស់ សូមមានសុខភាពល្អ កម្លាំងពលំមាំមួន បញ្ញាវៀងវៃ ដើម្បីបន្តរួមគ្នាដឹកនាំក្នុងកិច្ចងារមួយនេះបន្តទៅមុខទៀត ជាប្រយោជន៍ដល់សង្គមជាតិ។

ថ្ងៃសៅរ៍ ១៣រោច ខែមិគសិរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី០១ ខែមករា គ.ស.២០២២
___________________
កម្មវិធីសប្បុរសធម៌សម្រាប់ការសិក្សាអប់រំ - Charity Program For Education

#ទិវាចូលឆ្នាំសកល_ឆ្នាំថ្មី២០២២
ក្នុងឱកាសទិវាចូលឆ្នាំសកលឆ្នាំថ្មី២០២២ កម្មវិធីសប្បុរសធម៌សម្រាប់ការសិក្សាអប់រំ សូមប្រសិទ្ធិពរជ័យសិរីមង្គលមហាបវរប្រសើរ ចូរកើតកើនចម្រើនដល់អស់លោកអ្នកសប្បុរសប្រុសស្រី ប្រជាជនខ្មែរទូទាំងប្រទេស សូមជួបតែសេចក្ដីសុខសេចក្ដីចម្រើន សមប្រកបនូវពុទ្ធពរទាំងឡាយ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ជាអាវសាន សូមបងប្អូនប្រជាពលរដ្ឋខ្មែរ សូមថែរក្សាសុខភាពនិងអនាម័យ ដោយអនុវត្តតាមវិធានការ ៣កុំ ៣ការពារ និងគោរពតាមការណែនាំរបស់ក្រសួងសុខាភិបាលឲ្យបានខ្ជាប់ខ្ជួន ដើម្បីប្រាសចាកនៅរោគទាំងពួង ជាពិសេសជំងឺCOVID-19 ដែលកំពុងតែរីករាលដាល។

ដោយសេចក្ដីគោរពនិងដោយសេចក្ដីភាតរភាព!។
សូមអរព្រះគុណ និងសូមអរគុណ!!!

ថ្ងៃសៅរ៍ ១៣រោច ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១ ខែមករា ឆ្នាំ២០២២
______________________________
កម្មវិធីសប្បុរសធម៌សម្រាប់ការសិក្សាអប់រំ - Charity Program For Education

អបអរសាទរព្រះរាជពិធី បុណ្យអុំទូក បណ្ដែតប្រទីប អកអំបុក និងសំពះព្រះខែ🎆🇰🇭🙏
ក្នុងឱកាសពេលនេះដែរ កម្មវិធីសប្បុរសធម៌សម្រាប់ការសិក្សាអប់រំ-CHARITY PROGRAM FOR EDUCATION សូមថ្វាយបង្គំគោរពប្រគេនពរនិងគោរពជួនពរដល់លោកប្រធាននិងគណៈសមាជិកសមាជិកាសហការី នៃក្រុមការងារទាំងអស់គ្នា ព្រមទាំងគោរពជូនពរដល់បងប្អូនជនរួមជាតិគ្រប់រូបទូទាំងប្រទេសកម្ពុជា ជួបតែសេចក្តីសុខចម្រើន និងសមប្រកបដោយពុទ្ធពរ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ
សូមមានសុខភាពល្អបរិបូរណ៍ ជោគជ័យគ្រប់ភារកិច្ច នឹងមានសុភមង្គលគ្រប់ៗប្រការជួបជុំគ្រួសារដោយភាពសប្បាយរីករាយ សូមធ្វើដំណើរទៅទីជីតឆ្ងាយប្រកបដោយសុខសុវត្ថិភាព។
សូមអរព្រះគុណនិងសូមអរគុណ!
________________________________
កម្មវិធីសប្បុរសធម៌សម្រាប់ការសិក្សាអប់រំ - Charity Program For Education

អបអរសាទរ ខួបអនុស្សាវរីយ៍លើកទី៦៨ នៃទិវាបុណ្យឯករាជ្យជាតិ (៩ វិច្ឆិកា ១៩៥៣ - ៩ វិច្ឆិកា ២០២១)។🇰🇭
សូមគោរពជូនពរដល់ប្រជាពលរដ្ឋខ្មែរទូទាំងប្រទេសសូមមានសុខភាពល្អ​​ ទទួលទានមានបាន​និងមានសុវត្ថិភាពរាល់ការធ្វើដំណើរទៅកាន់ទីជិតឆ្ងាយ។
_______________________________
កម្មវិធីសប្បុរសធម៌សម្រាប់ការសិក្សាអប់រំ - Charity Program For Education

អបអរសាទរ!ខួបលើកទី១៧ នៃព្រះរាជពិធីគ្រងព្រះបរមរាជសម្បត្តិ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។
ទូលព្រះបង្គំយើងខ្ញុំព្រះករុណា ជាប្រធានថ្នាក់ដឹកនាំព្រមទាំង សមាជិក សមាជិកាទាំងអស់គ្នា នៃកម្មវិធីសប្បុរសធម៌សម្រាប់ការសិក្សាអប់រំ - Charity Program For Education សូមបរមរាជានុញ្ញាតសម្តែងនូវអំណរសាទររំភើបរីករាយយ៉ាងក្រៃលែង ប្រកបដោយកតញ្ញូកតវេទិតាធម៌ដ៏ស្មោះស្ម័គ្របំផុតថ្វាយព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់ជាទីបំផុត។
ក្នុងឱកាសដ៏មហាមង្គលាភិរម្យ នក្ខត្តឬក្សថ្លៃថ្លាមហាប្រសើរ នៃព្រះរាជពិធីគ្រងព្រះបរមរាជសម្បត្តិគម្រប់១៧ព្រះវស្សា ទូលព្រះបង្គំយើងខ្ញុំព្រះករុណាទាំងអស់គ្នា សូមព្រះបរមរាជានុញ្ញាតលំឱនកាយ បង្គំថ្វាយព្រះសព្ទសាធុការព្រះពរជ័យ បវរសួស្តី សិរីវិវឌ្ឍនាជាអនេកប្បការ ថ្វាយព្រះករុណាអម្ចាស់ជីវិតលើត្បូង សូមព្រះអង្គទ្រង់ប្រកបដោយ ព្រះបរមសុខគ្រប់ប្រការ និងគង់ប្រថាប់ក្នុងរាជ្យសម្បត្តិ ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៍ ព្រះជន្មាយុយឺនយូរជាងរយព្រះវស្សា ដើម្បីគង់ជាម្លប់ដ៏ត្រជាក់ត្រជំុដោយសេចក្តីសុខដុមរមនា ជាភិយ្យោភាពដល់ប្រជានុរាស្ត្រគ្រប់រូបជានិរន្តរ៍តរៀងទៅ។

ថ្ងៃសុក្រ ៨រោច ខែអស្សុជ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៩ ខែតុលា ឆ្នាំ២០២១
_________________________
កម្មវិធីសប្បុរសធម៌សម្រាប់ការសិក្សាអប់រំ - Charity Program For Education

អបអរសាទរ ទិវារំលឹកខួប ៣០ឆ្នាំនៃ #កិច្ចព្រមព្រៀងទីក្រុងប៉ារីស២៣តុលាឆ្នាំ២០២១ 🇨🇵🇰🇭

កិច្ចព្រមព្រៀងទីក្រុងប៉ារីស ស្តីពីដំណោះស្រាយនយោបាយរួមមួយនៃជម្លោះនៅកម្ពុជា ត្រូវបានបង្កើតឡើងនៅថ្ងៃទី២៣ ខែតុលា ឆ្នាំ១៩៩១ ។ កិច្ចព្រមព្រៀងសន្តិភាពប៉ារីសនេះ គឺជាកិច្ចព្រមព្រៀងអន្តរជាតិមួយ ដើម្បីបញ្ចប់ជម្លោះនយោបាយនៅកម្ពុជាដែលនាំឱ្យមានការផ្សះផ្សាជាតិ ឯកភាពជាតិ ការគោរពអធិបតេយ្យភាព បូរណភាពទឹកដី និងស្ថេរភាព ឯករាជ្យភាព អព្យាក្រិតភាពរបស់កម្ពុជា និងការកសាងប្រទេសកម្ពុជាឡើងវិញ ។
២៣តុលានាំមកនូវការរួបរួមជាតិសន្តិភាពប្រជាធិបតេយ្យនិងការអភិវឌ្ឍ។
___________________________________
កម្មវិធីសប្បុរសធម៌សម្រាប់ការសិក្សាអប់រំ - Charity Program For Education