បឋមសិក្សាសំរោងជើង

13/10/2025

គណៈនាយក លោកគ្រូ អ្នកគ្រូ ដែលកំពុងបម្រើការនៅសាលាបឋមសិក្សាសំរោងជើង សូមអនុញ្ញាតគោរពជម្រាបជូនដំណឹងដល់អស់លោក លោកស្រី ដែលជាមាតាបិតាឬអ្នកអាណាព្យាបាល ដែលមានកូនគ្រប់អាយុ ៥ឆ្នាំត្រូវរៀនថ្នាក់មត្តេយ្យ និង ៦ឆ្នាំត្រូវរៀនថ្នាក់ទី១សម្រាប់ឆ្នាំសិក្សាថ្មី ២០២៥-២០២៦ នាពេលឆាប់ៗខាងមុខនេះឲ្យបានជ្រាបថា៖

+សាលារៀននឹងចាប់ទទួលចុះឈ្មោះសិស្សចូលរៀនពីថ្ងៃព្រហស្បតិ៍ ទី​១៦ ចាប់ពីថ្ងៃផ្សព្វផ្សាយដំណឹងនេះតទៅរហូតដល់ថ្ងៃទី៣០ ខែតុលា ឆ្នាំ២០២៥ នាពេលខាងមុខ។
+ការចុះឈ្មោះចូលរៀន
-សិស្សថ្នាក់ទី១ : ការចុះឈ្មោះចូលរៀនត្រូវបានកំណត់ចំពោះកុមារ ដែលមានអាយុចាប់ពី៦ឆ្នាំឬយ៉ាងតិច៧០ខែ ។​ ដោយសូមភ្ជាប់មកជាមួយនូវ

- លិខិតបព្ជាក់សំបុត្រកំណេីត សៀវភៅគ្រួសារ ឬ សៀវភៅស្នាក់នៅថតចម្លងចំនួន ១ ច្បាប់
- រូបថត 4x6 ចំនួន ៣ សន្លឹក
- ប័ណ្ណសមធម៌(ប្រសិនជាមាន)
- លេខទូរស័ព្ទភ្ជាប់តេឡេក្រាម។​

សូមអស់លោក លោកស្រីមេត្តារួសរាន់ឡើងព្រោះការចុះឈ្មោះសិស្សចូលរៀនមានកាលកំណត់។
+បញ្ជាក់: ការចុះឈ្មោះចូលរៀនពុំតម្រូវឲ្យមានបង់ប្រាក់កាសអ្វីឡើយ។ សូមអរគុណ!

09/10/2025

នាព្រឹកថ្ងៃទី ៩ ខែ តុលា ឆ្នាំ ២០២៥ សាលាបឋមសិក្សាសំរោងជើង បានប្រារព្ធពិធីចែកវិញ្ញាបនបត្របញ្ចប់ថ្នាក់បឋមសិក្សាទៅកាន់ប្អូនៗថ្នាក់ទី៦ ដែលមានការអញ្ជើញចូលរួមពីសំណាក់ លោក អនុប្រធានការិយាល័យខណ្ឌព្រែកព្នៅ លោកគណៈកម្មការគ្រប់គ្រងសាលារៀន និង លោកស្រីអនុភូមិរង សំរោងជើង ព្រមទាំងមាតាបិតាអាណាព្យាបាលសិស្សផងដែរ🙏🏼

19/08/2025

#សេចក្ដីជូនដំណឹង : ក្រុមការងារថ្នាលបឋម PLP សូមជូនដំណឹងដល់គណៈគ្រប់គ្រងសាលា លោកគ្រូ អ្នកគ្រូ មាតាបិតា អ្នកអាណាព្យាបាល និងសាធារណជនមេត្តាជ្រាបថា៖

ដោយសារប្រព័ន្ធមានបញ្ហារអាក់រអួលពេលមានសិស្សចូលអនុវត្តច្រើន ដូចនេះការអនុវត្តតេស្តស្តង់ដាបញ្ចប់ឆ្នាំសិក្សាតាមរយៈថ្នាលបឋម ត្រូវអនុវត្តដូចខាងក្រោម៖

១. សិស្សអាចធ្វើតេស្តពីផ្ទះពេលណាក៏បាន តាមគោលការណ៍ស្ម័គ្រចិត្ត និងមិនយកលទ្ធផលសម្រេចឱ្យឡើងថ្នាក់ ឬត្រួតថ្នាក់នោះទេ និងម្យ៉ាងទៀត ដើម្បីកុំឱ្យរំខានពេលវេលាមាតាបិតា អ្នកអាណាព្យាបាលក្នុងការជូនកូនមកសាលារៀនដើម្បីធ្វើតេស្ត ។

២. លើកទឹកចិត្តឱ្យមាតាបិតា ឬអ្នកអាណាព្យាបាលនៅក្បែរដើម្បីជួយការងារបច្ចេកទេសសិស្សអំឡុងពេលអនុវត្តតេស្តនៅផ្ទះ។

៣. ករណីធ្វើតស្តនៅសាលារៀន លោកគ្រូ អ្នកគ្រូត្រូវសម្របសម្រួលដល់ដំណើរការតេស្ត។

៤. សូមចាកចេញ (log out) ពីគណនីពេលអនុវត្តតេស្តរួចរាល់ ដើម្បីសម្រួលដល់
ដំណើរការប្រព័ន្ធ៕

សូមអរគុណ និងសូមអធ្យាស្រ័យចំពោះការជូនដំណឹងក្នុងរយៈពេលដ៏ខ្លីនេះ 🙏

19/08/2025

ដំណើរការតេស្តចុងឆ្នាំថ្នាក់ទី១ ដល់ទី៦ នឹងដំណើរការនៅថ្ងៃទី ២០ ខែ សីហា ឆ្នាំ ២០២៥

19/08/2025

11/08/2025

ដំណើរការប្រឡងឆមាសទី2 ថ្នាក់ទី៦ ជូនពរសំណាងល្អ ប្រឡងជាប់ទាំងអស់គ្នា

07/08/2025

កិច្ចព្រមព្រៀងនៃកិច្ចប្រជុំពិេសសគណៈកម្មាធិការព្រំដែនទូទៅ (GBC) រវាង កម្ពុជា និង ថៃ
ថ្ងៃទី ៧ សីហា ២០២៥ នៅកូឡាឡាំពួរ ប្រទេសម៉ាឡេស៊ី
(សយបកប្រែឱ្យ)
១. កិច្ចព្រមព្រៀងឈប់បាញ់
1. ភាគឺទាំងពីរឯកភាពឈប់បាញ់អាវុធគ្រប់ប្រភេទ ដែលរួមមានការវាយប្រហារលើប្រជាជនស៊ីវិល លំនៅដ្ឋានជនស៊ីវិល និងគោលដៅយោធា ទាំងពីរផ្នែក ក្នុងគ្រប់ករណី និងគ្រប់តំបន់។ ភាគីទាំងពីរត្រូវជៀសវាងការបាញ់ដោយគ្មានការបំរើការពារ ទៅលើទីតាំង ឬកងទ័ពរបស់គ្នាទៅវិញទៅមក។ កិច្ចព្រមព្រៀងនេះមិនត្រូវបំពាននោះទេ គ្រប់កាលៈទេសៈ។
2. ភាគីទាំងពីរយល់ព្រមរក្សាការតាំងកងយោធាបច្ចុប្បន្ន ដោយគ្មានការផ្លាស់ទីបន្ថែម ពីព្រោះកិច្ចព្រមព្រៀងឈប់បាញ់ បានអនុវត្តនៅម៉ោង ២៤:០០ ថ្ងៃទី ២៨ កក្កដា ២០២៥ (ម៉ោងក្នុងស្រុក)។ មិនត្រូវមានការផ្លាស់ទីកងទ័ព ឬការស្ទង់ទីតាំងណាមួយឡើយ។
3. ភាគីទាំងពីរយល់ព្រមមិនបន្ថែមកម្លាំងនៅព្រំដែនកម្ពុជា-ថៃ។ ការបញ្ជូនកម្លាំងបន្ថែមអាចបង្កើនភាពតានតឹង និងប៉ះពាល់ដល់កិច្ចខិតខំដោះស្រាយវិវាទយូរអង្វែង។
4. ភាគីទាំងពីរយល់ព្រមមិនធ្វើសកម្មភាពប្រយុទ្ធ ឬកិច្ចសកម្មដែលអាចបង្កភាពតានតឹង។ វាមានន័យថាមិនអនុញ្ញាតឱ្យកងទ័ពឆ្លងចូលដែនអាកាស ឬដែនដីរបស់គ្នាទៅវិញទៅមក ចាប់ពីម៉ោង ២៤:០០ ថ្ងៃទី ២៨ កក្កដា ២០២៥។
ក៏ដូចជាមិនសាងសង់ ឬពង្រឹងលេណដ្ឋានយោធាដែលឆ្លងសង្កត់ព្រំដែនផងដែរ។
5. ភាគីទាំងពីរយល់ព្រមមិនប្រើកម្លាំងលើប្រជាជនស៊ីវិល ឬផ្ទះសម្បែងជនស៊ីវិល ក្នុងគ្រប់ករណី។ វាបង្កគ្រោះថ្នាក់ដល់សុវត្ថិភាពប្រជាជន និងបំពានច្បាប់អន្តរជាតិ។
6. ភាគីទាំងពីរយល់ព្រមគោរពច្បាប់អន្តរជាតិមនុស្សធម៌ក្នុងការព្យាបាលយោធាដែលចាប់បាន ដូចជា៖ លំនៅដ្ឋាន អាហារ ថែទាំសុខភាព។ ប្រសិនបើមានសំណើឲ្យព្យាបាលយោធាឬស៊ីវិលដែលគ្មានការត្រួតត្រាច្បាស់ពីភាគីផ្សេងទៀត ភាគីទទួលជាអ្នកសម្រេចសក្ដានុពលតាមសមត្ថភាពវេជ្ជសាស្ត្រដែលមាន។
យោធាចាប់បានត្រូវបានដោះលែង និងបញ្ជូនត្រឡប់ក្រោយបញ្ចប់សកម្មភាពប្រយុទ្ធ។ ក៏ដូចជាសម្រេចដល់ការផ្ទេរសពយោធានៅក្នុងសេចក្ដីគោរពចំពោះគតិយុត្តិ និងគោលការណ៍មនុស្សធម៌។
7. បើមានការរអាក់រអួលដោយចេតនា ឬគ្មានចេតនា ភាគីទាំងពីរត្រូវពិភាក្សាជាបឋម តាមកម្រិតក្នុងស្រុក ដើម្បីកុំឲ្យស្ថានការណ៍តានតឹងរីករាលដាលពេញព្រំដែន។ ដើម្បីការពារជីវិតនិងសុវត្ថិភាពប្រជាជននិងយោធា។
8. ជាពិសេស ភាគីទាំងពីរយល់ព្រមចំពោះ៖
8.1 រក្សាការទំនាក់ទំនងជាប្រចាំរវាងតំបន់យោធាទាំងអស់ និងតំបន់យោធាដ៏ទៃទៀតរបស់ទ័ពទាំងពីរភាគី ព្រមទាំងអង្គភាពនៅតាមបណ្តោយព្រំដែន ដើម្បីដោះស្រាយបញ្ហាទាំងអស់ដោយសន្តិវិធី និងជៀសវាងការប៉ះទង្គិច។
8.2 ប្រជុំគណៈកម្មាធិការព្រំដែនតំបន់ (RBC) នៅក្នុងរយៈពេលពីរអាទិត្យ បន្ទាប់ពីកិច្ចប្រជុំ GBC ពិសេសនៅថ្ងៃទី ៧ សីហា ២០២៥។ ម្ចាស់ផ្ទះនឹងត្រូវកំណត់តាមវគ្គធ្វើម្ចាស់ផ្ទះជាប្រចាំ។
8.3 រក្សាបណ្តាញទំនាក់ទំនងត្រង់ និងប្រចាំរវាងរដ្ឋមន្រ្តី និងអ្នកបញ្ជាការកងកម្លាំងការពារជាតិ។
៩. ភាគីទាំងពីរយល់ព្រមមិនបន្តផ្សព្វផ្សាយព័ត៌មានមិនពិត ឬព័ត៌មានក្លែងក្លាយ ដើម្បីកុំឲ្យបង្កតានតឹង បន្ថយទស្សនៈអវិជ្ជមានរបស់សាធារណជន និងបង្កើតបរិយាកាសសមរម្យសម្រាប់ការសន្ទនាសន្តិភាព។
II. វិធានការសម្រាប់អនុវត្តកិច្ចព្រមព្រៀងឈប់បាញ់
10. ភាគីទាំងពីរសន្យាផ្តោតលើការអនុវត្តយល់ព្រមរួមដែលបានឈានដល់នៅក្នុងកិច្ចប្រជុំពិសេសថ្ងៃទី ២៨ កក្កដា ២០២៥ ដែលរួមមានការឈប់បាញ់ និងការបង្កើតក្រុមអ្នកសង្កេតការណ៍អាស៊ានដឹកនាំដោយម៉ាឡេស៊ី ដើម្បីធ្វើវាយតម្លៃ និងធានាការអនុវត្តន៍កិច្ចព្រមព្រៀងនេះ។
11. ភាគីទាំងពីរយល់ព្រមចាត់តាំង RBC តំណាងរបស់ខ្លួន ដើម្បីអនុវត្តការឈប់បាញ់ ដែលសម្របសម្រួល និងត្រួតពិនិត្យដោយក្រុមអ្នកសង្កេតការណ៍អាស៊ានដឹកនាំដោយម៉ាឡេស៊ី។ RBC ទាំងនេះនឹងប្រជុំជាប្រចាំ និងបញ្ជូនរបាយការណ៍ទៅកាន់ GBC តាមបណ្ដាញបញ្ជាការជាតិរបស់ខ្លួន។
12. ខណៈពេលកំពុងរង់ចាំក្រុមអ្នកសង្កេតការណ៍អាស៊ានដឹកនាំដោយម៉ាឡេស៊ី ត្រូវបានកំណត់នៅទីក្រុង Putrajaya នៅថ្ងៃទី ២៨ កក្កដា ២០២៥ គណៈកម្មការសង្កេតការណ៍បណ្ដោះអាសន្ន (IOT) ដែលមានសមាជិកជាអ្នកតំណាងយោធាអាស៊ាន នៅថៃ និងដឹកនាំដោយប្រទេសម៉ាឡេស៊ី នឹងត្រូវបង្កើតដោយឯករាជ្យក្នុងប្រទេសកម្ពុជា និងថៃ ដើម្បីសង្កេតការណ៍និងវាយតម្លៃការអនុវត្តន៍ឈប់បាញ់ជាប្រចាំ។
សមាសភាពនៃ IOT នីមួយៗនឹងត្រូវអញ្ជើញដោយប្រទេសម្ចាស់ផ្ទះជាមួយនឹងការពិភាក្សាជាមួយម៉ាឡេស៊ី។ IOT នឹងមិនឆ្លងព្រំដែនឡើយ ហើយនឹងធ្វើការសហការយ៉ាងជិតស្និទ្ធជាមួយ RBC និង GBC របស់ប្រទេសនីមួយ។
III. កាលបរិច្ឆេទ និងទីកន្លែងសម្រាប់កិច្ចប្រជុំក្រោយ
13. ភាគីទាំងពីរយល់ព្រមកំណត់កិច្ចប្រជុំ GBC នាខាងមុខក្នុងរយៈពេលមួយខែបន្ទាប់ពីថ្ងៃទី ៧ សីហា ២០២៥ (នៅទីកន្លែងដែលនឹងពិភាក្សា)។ បើមិនអាចធ្វើបាន គេនឹងរៀបចំកិច្ចប្រជុំ GBC ពិសេស ដោយប្រើទ្រង់ទ្រាយដូចជាកិច្ចប្រជុំនេះ ដើម្បីពិភាក្សាអំពីការឈប់បាញ់។

04/08/2025

នៅថ្ងៃ ចន្ទ ១០កើត ខែស្រាពណ៍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ០៤ ខែ សីហា ឆ្នាំ ២០២៥ លោកនាយក លោកនាយករង និងគ្រូអ្នកគ្រូ សិស្សានុសិស្សនៃ សាលាបឋមសិក្សាសំរោងជើងបាននាំយក ៖
+ទឹកសុទ្ធ 200យួរ
+មី ២កេស
+ធូបមូស ៣ដុំ
+រួមទាំង ថវិកា ៤០ម៉ឺនរៀល
បានប្រគល់ជូនសាលាសង្កាត់សំរោង ខណ្ឌព្រែកព្នៅ រាជធានីភ្នំពេញ ដើម្បីជូនដល់វីរៈកងទ័ពជួរ មុខ និង ជនភៀសសឹកដែលកំពុងជួបទុក្ខលំបាកដោយការឈ្លៀនពានរបស់សៀមតាមបណ្តោយព្រំដែនព្រះរាជាណាចក្រកម្ពុជា៕🙏🏼

25/07/2025

25/07/2025

25/07/2025

🇰🇭 Khmer (ភាសាខ្មែរ)
នៅថ្ងៃទី 24 ខែកក្កដា ឆ្នាំ 2025
ប្រទេសថៃបានបាញ់កាំជ្រួចចំនួន 6 ដំបូងចូលក្នុងដែនកម្ពុជា មុន។ ដូច្នេះ ប្រទេសកម្ពុជាមានសិទ្ធិដោយស្របច្បាប់ក្នុងការការពារខ្លួនឯង និងការពារអធិបតេយ្យភាព និងអធិបតេយ្យនៃទឹកដីជាតិរបស់ខ្លួន។

🇺🇸 United States (English)
On 24 July 2025,
Thailand launched six missiles into Cambodian territory first. As a result, Cambodia has the legitimate right to defend itself and protect its national sovereignty and territorial integrity.

🇨🇳 Chinese (中文)
2025年7月24日，
泰国率先向柬埔寨领土发射了六枚导弹。因此，柬埔寨有合法权利进行自卫，并捍卫其国家主权和领土完整。

🇷🇺 Russian (Русский)
24 июля 2025
года Таиланд первым запустил шесть ракет по территории Камбоджи. В связи с этим Камбоджа имеет законное право на самооборону и защиту своего государственного суверенитета и территориальной целостности.

🇫🇷 French (Français)
Le 24 juillet 2025,
la Thaïlande a lancé en premier six missiles sur le territoire cambodgien. En conséquence, le Cambodge a le droit légitime de se défendre et de protéger sa souveraineté nationale ainsi que l’intégrité de son territories.

🇯🇵 Japanese (日本語)
2025年7月24日、
タイは最初にカンボジアの領土に向けてミサイル6発を発射しました。その結果、カンボジアには自国の主権と領土の一体性を守るために正当な自衛権があります。

🇰🇷 Korean (한국어)
2025년 7월 24일,
태국이 먼저 캄보디아 영토에 미사일 6기를 발사했습니다. 이에 따라 캄보디아는 자국의 주권과 영토 보전을 수호하기 위해 정당하게 자위권을 행사할 권리가 있습니다.

#ប្រទេសថៃបាញ់កម្ពុជាមុន
#កម្ពុជាប្រើសិទ្ធការពារខ្លួន


#ថៃជាអ្នកផ្តើមសង្គ្រាម

#ไทยเป็นผู้เริ่มสงคราม