Educational Broadcasting Cambodia

- - - - [English Below] - - - -
នាព្រឹកថ្ងៃទី២០ ខែមេសា ឆ្នាំ២០២៦ លោកសែ មុទ្ធិជាតិ ប្រធានអង្គការអុី ប៊ី ស៊ី បានទទួលជួបពិភាក្សាជាមួយលោកប្រធានមជ្ឈមណ្ឌលការងារ និងក្រុមការងារពីររូបទៀតមកពី សាកលវិទ្យាល័យ ពាណិជ្ជសាស្រ្ត អេសុីលីដា (ACLEDA University) មកចូលរួមកិច្ចប្រជុំ។
កិច្ចជំនួបនេះ រៀបចំឡើងក្នុងគោលបំណងពង្រឹងកិច្ចសហប្រតិបត្តិការរវាង EBC និង AUB ក៏ដូចជាពិភាក្សាលើលទ្ធភាពការងារ និងឱកាសថ្មីៗសម្រាប់និស្សិតនាពេលអនាគត។

----------------
On the morning of April 20, 2026, Mr. Se Mouthycheat, President of EBC Organization welcomed discussion with the Head of the AUB Career Center and two representatives from ACLEDA University of Business (AUB) for a consultative meeting. The session was organized to strengthen the strategic partnership between EBC and AUB, focusing on future collaborative frameworks and shared operational goals.



✅ ដើម្បីទទួលបានព័ត៌មានបន្ថែមពីអង្គការអុី ប៊ី ស៊ី សូមចូលទៅកាន់តំណភ្ជាប់ខាងក្រោម៖
Digital Educational Content: https://ebc.edu.kh/
eLearning: https://elearning.ebc.edu.kh/
eLibrary: https://elibrary.ebc.edu.kh/
Facebook: https://www.facebook.com/EducationalBroadcastingCambodia
Telegram: https://t.me/ebc_official
TikTok: https://www.tiktok.com/
YouTube: https://www.youtube.com/

សូមគោរពជូនពរជ័យ សិរីមង្គល វិបុលសុខ បរមមហាប្រសើរ ក្នុងឱកាសបុណ្យចូលឆ្នាំប្រពៃណីជាតិខ្មែរ ២០២៦

គោរពជូនចំពោះ ឯកឧត្តម សុខ ពុទ្ធិវុធ
ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំមមី អដ្ឋស័ក ព.ស. ២៥៦៩ គ.ស. ២០២៦ សូម ឯកឧត្តម និងលោកជំទាវ ព្រមទាំងក្រុមគ្រួសារ ទទួលបាននូវសុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ អាយុយឺនយូរ និងប្រកបដោយពុទ្ធពរទាំង ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

រាជធានីភ្នំពេញ៖ រសៀលថ្ងៃទី៦ ខែមេសា ឆ្នាំ២០២៦ លោកសែ មុទ្ធិជាតិ ប្រធានអង្គការអុី ប៊ី ស៊ី បានអមដំណើរឯកឧត្តម សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មការគ្រប់គ្រងគម្រោងស្តីពីការបង្កើតនិងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាននិងប្រព័ន្ធផ្សព្វផ្សាយ អញ្ជើញចូលរួមជាមួយ ឯកឧត្តម ហាប់ ទូច រដ្ឋលេខាធិការប្រចាំការក្រសួងវប្បធម៌និងវិចិត្រសិល្បៈ តំណាងដ៏ខ្ពង់ខ្ពស់លោកជំទាវបណ្ឌិតសភាចារ្យរដ្ឋមន្ត្រីក្រសួងវប្បធម៌និងវិចិត្រសិល្បៈ ក្នុងពិធីសូត្រមន្តប្រោះព្រំទទួលស្វាគមន៍វត្ថុបុរាណខ្មែរ ចំនួន ២០រូប ដែលទាមទារបានពីអ្នកកាន់កាប់សមុច្ច័យឯកជនមួយនៅតំបន់អាស៊ី នៅសារមន្ទីរជាតិកម្ពុជា។

តាកែវ៖ នារសៀលថ្ងៃទី១០ ខែមេសា ឆ្នាំ២០២៦ ឯកឧត្តមប្រធាន សុខ ពុទ្ធិវុធ រដ្ឋលេខាធិការក្រសួងប្រៃសណីយ៍និងទូរគមនាគមន៍ និងជាប្រធានគណៈកម្មការគ្រប់គ្រងគម្រោងស្តីពីការបង្កើតនិងប្រតិបត្តិការថ្នាលអប់រំដោយប្រើប្រាស់បច្ចេកវិទ្យាគមនាគមន៍ព័ត៌មាននិងប្រព័ន្ធផ្សព្វផ្សាយ បានអញ្ជើញជាអធិបតីក្នុងពិធីបើកព្រឹត្តិការណ៍សង្រ្កាន្តសហគមន៍ ក្នុងស្រុកអង្គរបុរី ដោយមានការអញ្ជើញចូលរួមពី ឯកឧត្តម ដួង វីរ័ត្ន អនុប្រធានក្រុមប្រឹក្សាភិបាលវេទិកាសម្ព័ន្ធសង្គមស៊ីវិល នៃទីស្ដីការគណៈរដ្ឋមន្រ្តី និងជាប្រធានអង្គភាពគ្រប់គ្រងគម្រោងស្ដារវិស័យទេសចរណ៍ សហគមន៍ បន្ទាប់ពីវិបត្តិកូវីដ-១៩ (តេជោភូមិ ១០០) លោក មូល វិចិត្រ អភិបាលរងខេត្តតាកែវ តំណាង ឯកឧត្ដមអភិបាលនៃគណៈអភិបាលខេត្តតាកែវ លោកប្រធានក្រុមប្រឹក្សាស្រុក លោក លោកស្រីក្រុមប្រឹក្សាស្រុកអង្គរបូរី លោកអភិបាលស្រុកស្ដីទី គណៈអភិបាលស្រុក មន្រ្តីរាជការជុំវិញស្រុក ឯកឧត្តម លោកជំទាវ លោក លោកស្រី និងថ្នាក់ដឹកនាំ។

ថ្លែងក្នុងពិធីបើកព្រឹត្តិការណ៍សង្រ្កាន្តសហគមន៍នេះ ឯកឧត្ដម សុខ ពុទ្ធិវុធ ក៏បានបញ្ជាក់ផងដែរថា ការរៀបចំព្រឹត្តិការណ៍សង្រ្កាន្ត អបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ បង្ហាញយ៉ាងច្បាស់ពីការថែរក្សាការពារវប្បធម៌ទំនៀមទម្លាប់ប្រពៃណីជាតិ ការដឹងគុណ និងយកចិត្តទុកដាក់ដល់វីរកងកម្លាំងជួរមុខ និងបងប្អូនខ្មែរជនភៀសសឹក ជំរុញចរន្តសេដ្ឋកិច្ចក្នុងស្រុក និងទេសចរណ៍ បង្ហាញពីសាមគ្គីភាព ឯកភាពជាតិ និងភាពធន់របស់កម្ពុជា។

សង្រ្កាន្តសហគមន៍ រៀបចំឡើងក្នុងគោលបំណង ដើម្បីបង្កើតបរិយាកាសសប្បាយរីករាយ ចូលរួមអបអរសាទរពិធីបុណ្យចូលឆ្នាំប្រពៃណីជាតិខ្មែរ ចូលរួមអភិរក្សលើកកម្ពស់វប្បធម៌ជាតិដូចជា ជំនឿ ទំនៀមទម្លាប់ ប្រពៃណីជាតិខ្មែរឱ្យ និងមានការលេងល្បែងប្រជាប្រិយជាច្រើនប្រភេទ សម្តែងរបាំប្រពៃណីខ្មែរ ការដាក់តាំងបង្ហាញសមិទ្ធផលនានាតាមរយៈស្តង់ពិព័រណ៍ និងការកម្សាន្តសប្បាយមើលការប្រគុំតន្ត្រីជាដើម។

---- English Below ----
ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស ២៥៦៩ គ.ស. ២០២៦
សូមគោរពជូនពរលោកប្រធាន ព្រមទាំងក្រុមគ្រួសារ និងបុត្រទទួលបាននូវសុខភាពល្អបរិបូរណ៍ កម្លាំងមាំមួន ប្រាជ្ញាឈ្លាសវៃ អាយុយឺនយូរ និងប្រកបដោយពុទ្ធពរទាំង៤ ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

------------------
2026 | Year of the Horse
Wishing our president and family a year of unstoppable energy, sharp wisdom, and peak health. May your path be paved with health, longevity, and the timeless joy of the four Buddhist graces of Longevity, Nobility, Happiness, and Strength.