Smart Knowledge Sharing

ចែករំលែក 🟪ជម្ងឺអុតស្វាយ🟪
ពេលជួបខ្ញុំនៅក្រៅ សូមកុំឆ្ងល់ ហើយសួរខ្ញុំថា ហ្ហាក!😳​ មុខហ្អែងកើតអីហា បានប្លែកម៉េសឡូវ😇???
កុំទាន់អាលភ្ញាក់ផ្អើល ស្តាប់ខ្ញុំនិយាយសិន🗣
រឿងហេតុគឺបែបនេះ
ខ្ញុំបាទបានកើតជម្ងឺ អុតស្វាយ តាំងពីថ្ងៃទី ០៣​ខែមិថុនា ឆ្នាំ២០២៣។ ប៉ុន្តែបានដឹងច្បាស់ថា ជាជម្ងឺនេះនៅថ្ងៃទី ០៦ មិថុនាឆ្នាំ២០២៣។ ដោយសារខ្ញុំបានទៅពិនិត្យសុខភាព នៅមន្ទីពេទ្យកាល់ម៉ែត្រ។ ខណ:ពេលនោះខ្ញុំក៏បានប្រើសេវ៉ាកម្មបេឡាជាតិសន្តិសុខសង្គម( ប ស ស)ផងដែរ។ ចាប់ពីពេលទៅដល់រហូតទទួលបានថ្នាំ ខ្ញុំបានប្រើពេលប្រហែល ២ម៉ោង ហើយមិនបានចំណាយថវិការទេ សម្រាប់ជម្ងឺនេះសម្រាប់ខ្ញុំ។
ត្រឡប់មកចូលរឿង អុតស្វាយយើងវិញ កុំបែកជាអូហូរជាស្ទឹងវែងឆ្ងាយពេក😁 ខ្ញុំសូមអនុញ្ញាត្តិរៀបរាប់ និងចែករំលែក ត្រួសៗ​ដូចខាងក្រោម
ថ្ងៃទី០១- ០៦- ២៣​​ : ខ្ញុំមានអាការ: ក្តៅខ្លួន ក្តៅស្ទេញៗ🤐 (ភាសានិយាយ)
ថ្ងៃទី០២- ០៦- ២៣​​ : ខ្ញុំមានអាការ: ក្តៅខ្លួនខ្លាំងជាងមុន រួមទាំងក្តៅក្នុងបរិវេណភ្នែក ដង្ហើមចេញតាមមាត់ និងច្រមុះ ក្តៅខុសធម្មតា( ចាប់អារម្មណ៍ តិចៗ)
1️⃣ ថ្ងៃទី០៣- ០៦- ២៣​ ​​ (ថ្ងៃទី១) : ព្រឹកឡើងក្រោកពីដំណេក ខ្ញុំមានអាការ: ក្តៅខ្លួន ហើយបានឃើញពងទឹកថ្លា(ពងបែក)១គ្រាប់នៅលើដៃឆ្វេង និង១គ្រាប់ទៀតនៅលើស្មងជើងឆ្វេង។ ដោយគិតថា ជាពងបែកធម្មតា មិនទុកយូរខ្ញុំក៏បានញ៉េចវាចោលតែម្តង🫧។
2️⃣ ថ្ងៃទី០៤- ០៦- ២៣​ ​​ (ថ្ងៃទី២) : ព្រឹកឡើងក្រោកពីដំណេកដូចសព្វមួយដង ហើយអាការ: ក្តៅខ្លួនដូចម្សិលមិញ មិនបង្អង់យូរខ្ញុំក៏ងាកទៅមើលអា២គ្រាប់ដែលបានញ៉េចពីម្សិលមិញ តែរឿងដែលគួរឲ្យភ្ញាក់ផ្អើលនោះគឺ វាប្រែជាភ្ជាប់គ្នាវិញ និងធំជាងមុនទ្វេរដង។ មិនតែប៉ុន្នោះក៏ឃើញមានកន្ទួលក្រហមតូចៗ ប្រហែល ៤ ទៅ១០គ្រាប់នៅលើដែ និងដងខ្លួន។ ក្រៅពីនោះក៏មាននៅលើមុខប្រហែល ៤ទៅ៥គ្រាប់ផងដែរ។​ ដោយអាការ:ក្តៅ និងពិបាកក្នុងខ្លួន មិនទុកយូរនាំតែជូរផ្អូម ខ្ញុំក៏បានទៅ ឱសថស្ថានមួយកន្លែង(មិនបញ្ចេញឈ្មោះ) ដើម្បីឲ្យលោកគ្រូពេទ្យផ្សំថ្នាំឲ្យ។ ក្រោយពីគាត់បានវិភាគអាការ:រោគ គាត់ក៏បានសន្និដ្ធានភ្លាមៗថា ពងបែកធម្មតាដោយសារក្តៅពេក។ គាត់ក៏បន្ថែមទៀតថា ចូរផឹកទឹកឲ្យច្រើន និងតមអាហារខ្លាញ់។
3️⃣ ថ្ងៃទី០៥- ០៦- ២៣​ ​​ (ថ្ងៃទី៣) : ក្រោយពេលក្រោកពីដំណេក ក្រោយពេលលេបថ្នាំអស់ ៣លេបដែលបានផ្សំ ។ អាការ:ហាក់គ្មានភាពធូរស្រាល បែរជាមានភាពពិបាកជាងមុន។ ដោយមានការងឿងឆ្ងល់នៃអាការ:ខ្លួនឯង ខ្ញុំក៏បានទាញទូរសព្ទ័ខ្វាក មកឆែកមើលក្នុង យូធូប (ពងបែក ដៃ ជើង) ក្រោយពេលមើលអស់ប្រមាណប្រហែល ៤ទៅ១០វីដេអូ។ មានជម្ងឺ ២មុខដែលខ្ញុំសង្ស័យ ទី១ ជម្ងឺពងបែក ដែ ជើង និងមាត់( Hand, Foot, and Mouth disease) ទី២ ជម្ងឺ អុតស្វាយ (Chickenpox_(English)) ។ ដោយមានការសង្ស័យ ខ្ញុំក៏បានទៅ ឱសថស្ថាន( Phamacy) ក្បែរផ្ទះមួយផ្សេងទៀត ក្រោយពីធ្វើរោគវិនិច្ឆ័យ លោកគ្រូពេទ្យក្មេង ក៏បានសន្និដ្ធានថា បណ្តាលមកពីការអាឡែកស៊ីនៃអាហារ។ ដោយមិនទុកចិត្តគាត់ខ្ញុំក៏មិនបានប្រើថ្នាំនោះដែរ ពីព្រោះអ្វីដែលខ្ញុំបានហូប កាលពី២​ទៅ៣​ថ្ងៃមុន​ សុទ្ធតែជាអាហារធម្មតាដែល ធ្លាប់ហូប។ ត្រឡប់មកដល់ផ្ទះវិញ ខ្ញុំក៏បានសួរទៅបងខ្ញុំ គាត់បានសួរពួកម៉ាករបស់គាត់ គាត់វិនិច្ឆ័យថា ជាជម្ងឺអុតស្វាយ។
4️⃣ ថ្ងៃទី០៦- ០៦- ២៣​ ​​ (ថ្ងៃទី៤) : ក្រោកពីដេកពងបែក ដៃ ជើងនិងមុខ កើនឡើងកកាន់តែច្រើន និងធំជាងមុន។ ខ្ញុំក៏សម្រេចចិត្តទៅមន្ទីរពេទ្យកាល់ម៉ែត្រ។ ក្តៅក្នុងខ្លួនផង ក្តៅលើមុខផង ក្តៅអាកាសធាតុផង ភ័យតិចៗផងព្រោះមិនទាន់ដឹងថាជាជម្ងឺអ្វី ឲ្យប្រាកដ និយាយពីថាអារម្មណ៍ចង់ហោះ😂។ ខ្ញុំបានទៅដល់ពេទ្យម៉ោងប្រហែល ១០ព្រឹក ផ្នែក បសស នៅធ្វើការធម្មតា(ម៉ោង ១១ព្រឹក បសស ឈប់ចែកលេខកូដ យោងតាមព័ត៌មានដែលបានសួរពីបងស្រីដែលធ្វើការនៅពេទ្យ👩‍🦳) ក្រោយពីសួរព័ត៌មាន និងរៀបចំឯកសាររួចរាល់ អ្នកគ្រូពេទ្យក៏បានជូនខ្ញុំទៅអគារថ្មី) ដោយពេលដែលខ្ញុំទៅ ផ្នែករោគសើស្បែក មិនមានចំនួនច្រើន ដូច្នេះខ្ញុំរង់ចាំប្រហែល ៣នាទី ក៏បានចូលក្នុងបន្ទប់ពិគ្រោះជម្ងឺ ២៧(Consultations 27 )ជាមួយអ្នកមីងពេទ្យស្អាត។ ក្រោយពេលអ្នកមីងសួរនាំអំពីអាររោគ និងត្រួតពិនិត្យមើលមុខ និងដៃ គាត់ក៏បានវិនិច្ឆ័យថា ជាជម្ងឺអុតស្វាយ។ គាត់ក៏បានប្រាប់ថាអុតស្វាយ ជាជម្ងឺបង្ករឡើងដោយមេរោគ ( Varicella Zoster Virus) ដូចនេះវាធ្វើឲ្យយើងមានអាការគ្រុនក្តៅ ក្តៅខ្លួនខ្លាំង ក្តៅរងារ មិនឃ្លានអាហារ អស់កម្លាំង ពេលខ្លះក៏មានឡើងកូនកណ្តុរផងដែរ ។ គាត់ក៏បានបញ្ជាក់បន្ថែមទៀតថា វាមិនមានផលប៉ះពាល់ធ្ងន់ធ្ងរទេ ចំពោះមនុស្សប្រុសពេញវ័យ🤵🏻‍♂️។
❌ ប៉ុន្តែចូរចងចាំថា វាមានផលប៉ះពាល់ធ្ងន់ធ្ងរ ចំពោះក្មេងៗ ដូចជារលាកខួរក្បាល ប្រពន្ធ័ប្រសាទ និងប៉ះពាល់ស៊ួត ទងស៊ួត រហូតដល់បាត់បង់ជីវិត ប្រសិនបើមិនបានព្យាបាលទាន់ពេលវេលា និងមិនត្រឹមត្រូវ។
⛔️ មានផលប៉ះពាល់ធ្ងន់ធ្ងរ ចំពោះស្ត្រីមានផ្ទៃពោះ👩‍👦 (កូនកើតមកមានអវ:យវ:ខុសប្រក្រតី ខូចក្រអូមាត់ ឬឆែបក្រអូមាត់ក្មេង🧑‍🦲)។
ហើយគាត់ក៏បានបន្ថែមបន្តទៀតថា ចំពោះវ៉ាក់សាំងការពារជម្ងឺអុតស្វាយនេះ មិនទាន់បានដាក់បញ្ចូលក្នុងវ៉ាក់សាំងជាតិនៅឡើយទេ ប៉ុន្តែអាចរកបាន នៅតាមបណ្តា Clinic ឯកជនមួយចំនួន។
ក្រោយពេលពិគ្រោះយោបល់ចប់អ្នកគ្រូ ក៏បានឲ្យទៅចាំនៅក្រៅបន្ទប់ ដើម្បីទទួលសំបុត្រសម្រាប់បើកថ្នាំ និងលិខិតបញ្ជាក់ឈប់សម្រាកព្យាបាលនៅផ្ទះ។ មិនរង់ចាំយូរ ក្រោយពេលទទួលបាន​ ខ្ញុំក៏ទាញទូរសព្ទ័មកខ្វាក Apply Sick Leave ភ្លាមៗ រួចជាការស្រេច។ បន្ទាប់មកក៏ ទៅបើកថ្នាំ។
5️⃣ ថ្ងៃទី០៧- ០៦- ២៣​ ​​ (ថ្ងៃទី៥) : ក្រោកពីដេកពងបែក និងអាការ:មិនទាន់មានការធូរស្រាលនៅឡើយ បែរជា កើនឡើងកាន់តែច្រើនជាងមុន ។
6️⃣,7️⃣ ថ្ងៃទី០៨,៩- ០៦- ២៣​ ​​ (ថ្ងៃទី៦&៧)​​ : មិនទាន់មានសភាពល្អនៅឡើយទេ តែបែរជាឡើងកាន់តែស្រុះជាងមុនថែមទៀត។ ជាពិសេស គឺនៅលើមុខតែម្តង ហើយក្រហាយខ្លាំងថែមទៀតផង។ ខ្ញុំក៏បានលេបថ្នាំតាមវេជ្ជបញ្ជារបន្តទៀត។
8️⃣ថ្ងៃទី១០- ០៦- ២៣​ ​​ (ថ្ងៃទី៨)​​ : នៅលើមុខក្រៀមខ្លះ របកខ្លះ ដោយសារត្រូវទឹក។
9️⃣ថ្ងៃទី១១- ០៦- ២៣​ ​​ (ថ្ងៃទី៩): នៅលើមុខរបកអស់ ប្រមាណប្រហែល ៥០%
🔟ថ្ងៃទី១២- ០៦- ២៣​ ​​ (ថ្ងៃទី១០): នៅលើមុខរបកអស់ ប្រមាណប្រហែល ៩០% នៅលើដៃ ជើង និងដងខ្លួន ប្រហែល ៦០%។ ហើយបានបន្សល់ស្លាកស្នាមមួយចំនួន។ ចំពោះអាការ ក៏បាន ត្រលប់មកស្ថាភាពដើមវិញ។
..
មកដល់បច្ចុប្បន្ន ថ្ងៃទី២៦ ខែ មិថុនា​ ឆ្នាំ ២០២៦
អាការល្អប្រសើរ ដូចដើម ប៉ុន្តែបានបន្សល់ស្នាម មួយចំនួនចំពោះពងបែកធំៗ និង អា២គ្រាប់ដែលខ្ញុំបានញ៉េច ទាំងមិនដឹងខ្យល់អី (ហាហា😂)
ខ្ញុំក៏សូមបញ្ជាក់ផងដែរថា អ្វីដែលខ្ញុំបានរៀបរាប់ទាំងប៉ុន្មានខាងលើនេះ ជាអ្វីដែលខ្ញុំបានជួបផ្ទាល់ សួរផ្ទាល់ និងស្រាវជ្រាវផ្ទាល់ខ្លួនបន្តិចបន្តួចតែប៉ុននោះ ។ សូមកុំជឿដោយខ្វះការពិចារណា និងខ្វះការវិនិច្ឆ័យ ដោយសារខ្វះព័ត៌មានគ្រប់គ្រាន់។
សូមពុកម៉ែ បងប្អូនដែលសង្ស័យថាខ្លួនមានជម្ងឺអ្វីមួយ ឬមានអាការ:ណាមួយមិនប្រក្រតី សូមអញ្ជើញទៅ ពិគ្រោះយោបល់ជាមួយលោកគ្រូ អ្នកគ្រូពេទ្យ ដែលមានជំនាញច្បាស់លាស់ និងអាចជឿ ទុកចិត្តបាន៕

🔥🔥🔥បើមាន ចំនុចណាខ្វះខាត និងខុសឆ្គង សូមរិះគន់ក្នុងន័យស្ថាបណា។សូមអរគុណ😍🙏😍

What Does BIM stand for?

ស្រុក​ អភ័ព្វ​ ! ស្ទេីរ​តែ​រលាយប្រទេស​​ ព្រោះ​ ពលរដ្ឋ​ ងាយគេបន្លប់​ខួរក្បាល​ ! ! !
១)​ផ្លែចេក​អំបូងលឿង​ ចាក់​ជំងឺអេដស៍​ចូល​ (ទីបំផុតខ្មែរអត់ដាំ​ គេដាំខ្នាតធំនាំចេញពិភពលោក)
២)​ ហូបត្រីក្រហម​ កេីតជំងឺសាហាវ​(គេ​បន្លប់​មិនអោយ​យើង​ចិញ្ចឹម​ ព្រោះ​ចិញ្ចឹម​ត្រី​ប្រភេទ​នេះ​ នាំចេញ​ទៅ​បរទេស​ ឬ​ លក់​ក្នុង​ស្រុក​ ចំណេញ​ច្រើន​)
៣)​ ហូបបន្លែ​ ឆាយ៉ា​ កេីតមហារីក​(ព្រោះ​ ឆាយ៉ា​ ល្អ​ មាន​គុណសម្បត្តិ​ មហិមារ​ គេនាំបន្លែគីមីមកលក់​ស្រុក​យើង​ មិនសូវដាច់)​
៤)​ ប៉ោម​ សារ៊ី​ ទន្លាប់​ ទំពាំងបាយជូរ​ ប័រ​ ដាំបាន​តែ​ អាកាសធាតុ​ត្រជាក់​ (គេ​ មិនចង់​អោយយេីង​ដាំ​ ព្រោះ​ ផ្លែឈើ​ ទាំង​នេះ​ ទទួល​ចំណូលខ្ពស់​)
៥)​ Comment 168 រកស៊ី​មាន​បាន ​(ព្រោះ​គេ​ចង់​ដឹង​ថា​ ខួរក្បាល​ខ្មែរ​យើង​ ចេះ​ពិចារណា​ហើយ​ឬ​នៅ​ ឬ​នៅ​ត្រឹម​កម្រិត​ ជឿ​​ ៗៗៗ)
៦)​ យប់​ឡេីង​កុំចុះពីផ្ទះ​ ឆ្កែលូ​ខ្មោចលង ​(ព្រឹក​ឡេីង​ គេលួចគោ​អស់​ម៉ាភូមិ)
៧)​ ហូបដំឡូងមីពុល​ (ដេីម្បី​ កុំអោយ​យក​ដំឡូង​មី​ ទៅ​ផលិត​ចំណី​សត្វ​ខ្លួនឯង​)
៨)​ ពោតក្រហម​ កិនធ្វេី​ចំណី​សត្វ​ ខ្លួនឯង​មិនកេីតទេ​ (ព្រោះ​ គេ​ខ្លាច​ គេ​លក់​ចំណី​សត្វ​អត់​ដាច់​ តែ​ខ្មែរ​យើង​ចេះ​ផលិត​ខ្លួន​ឯង​ ប្រាកដ​ជា​ផលិត​បាន​ថោក​ ហេីយ​ចិញ្ចឹម​សត្វ​បាន​ច្រើន​ បាន​ជោគជ័យ​)
៩)​គ្រាប់​បន្លែ​ ទុកពូជត​ មិនកេីត(ចុះ​ ស្រូវ​ រាប់​មុឺន​ឆ្នាំ​ហេីយ​ ម្តេច​ក៏​ទុកពូជ​ដាំតៗ​ បាន​រហូត​)រាប់​មិនអស់​ទេបាទ ប្រទេស​ ដែល​មាន​ប្រជាជន​ ជឿ​ ៗៗៗៗ​ ដោយ​គ្មាន​ការ​ពិសោធន៍​ពិចារណា​ បែប​នេះ​ បេីមិន​ធ្វើ​ខ្ញុំ​គេ​ តពូជ​ ទេ​ទេីបចំឡែក!
ប្រភព​ Facebook។

សូមចូលរួម គោរពច្បាប់ចរាចរណ៍ទាំងអស់គ្នាណា!!!

ខ្ញុំអ្នកខេត្តស្វាយរៀង (ចេញមុន អ្នកព្រៃវែងខុសអី) ហេតុអ្វីពុំសូវឃើញមាន អ្នកតូច អ្នកធំ មានប្រតិកម្មចឹង ឬមួយវាជាការពិតទើបមិនមានអ្នកប្រតិកម្ម ឬហេតុផលអ្វីផ្សេង??? រិះគន់ខ្ញុំមក រិះគន់កាន់តែច្រើន កាន់តែល្អ តែក្នុងន័យស្ថាបនាណា ហាមក្នុងន័យជាន់ពន្លិច។ សូមអរគុណ!!!

បើអ្នក មិនខ្លាំងទេ
កុំថាឡើយ គ្មានអ្នកស្តាប់អ្នក
សូម្បីអ្នកខ្លួនឯង​ ក៏មិនស្តាប់ខ្លួនឯងដែរ!!!