ទីចាត់ការហិរញ្ញវត្ថុសាលាខេត្តកែប

យោង​ច្បាប់​ស្ដីពី​ការ​ប្រឆាំង​ការ​ឆបោក​តាម​ប្រព័ន្ធ​បច្ចេកវិទ្យា​ និង​អនុក្រឹត្យ​លេខ​០៣​ របស់​រាជរដ្ឋាភិបាល​កម្ពុជា​ ស្ដីពី​ការ​គ្រប់គ្រង​សន្តិសុខ​សុវត្ថិភាព​តាម​ទីតាំង​រស់នៅ​ប្រមូលផ្ដុំ​ ខ្ញុំ​សូម​ជម្រាប​ដល់ម្ចាស់ទីតាំងជួលស្នាក់នៅទាំងអស់ក្នុងភូមិសាស្រ្តខេត្តកែប​ជ្រាបថា​ ៖

រាល់​ការទទួលភ្ញៀវអន្តរជាតិ​ ដែលគ្មានឯកសារត្រឹមត្រូវ នឹងត្រូវពិន័យជាប្រាក់ចំនួន ៤លានរៀល (១,០០០ដុល្លារ) ក្នុងម្នាក់ ឬអាចលើសពីនេះទៅតាមស្ថានភាពនៃបទល្មើស​ ។​

ប្រសិនបើរកឃើញថាមានការសហការ ឬបើកទីតាំងឱ្យមានសកម្មភាព Scam Online ម្ចាស់ទីតាំងនឹងត្រូវទទួលទោសទណ្ឌតាមផ្លូវច្បាប់យ៉ាងធ្ងន់ធ្ងរ​បន្ថែមទៀត​ ដោយ​គ្មាន​ការ​លើក​លែងជាដាច់ខាត​ ។

គណៈបញ្ជាការឯកភាពរដ្ឋបាលខេត្តកែប បានប្តេជ្ញាចិត្តយ៉ាងមុតមាំ​ និង​សច្ចា​ធានាជូន​សម្ដេច​ធិបតី​នាយករដ្ឋមន្ត្រី​រួចហើយ​ ក្នុងការបោសសម្អាត​ និងលុបបំបាត់ Scam Online ​ឱ្យអស់​ពី​ភូមិសាស្ត្រ​ខេត្ត ដើម្បីលើកកម្ពស់កិត្តិយសខេត្ត និងកិត្តិយសប្រទេសជាតិ​ ។

សូមបងប្អូនប្រជាពលរដ្ឋ និងម្ចាស់អាជីវកម្មទាំងអស់ កុំពាក់ព័ន្ធ កុំនៅពីក្រោយ កុំអន្តរាគមន៍ក្នុងគ្រប់ទម្រង់នៃបទល្មើស​ និង​សូមរួមគ្នាថែរក្សាខេត្តកែបឱ្យមានសុវត្ថិភាពឌីជីថល គ្មាន​ Scam Online​ ដើម្បីចូលរួមចំណែកជាមួយរាជរដ្ឋាភិបាលក្នុងការអភិវឌ្ឍប្រទេស​ និងសេដ្ឋកិច្ចជាតិឱ្យកាន់តែរឹងមាំ​ ៕

សូមសហការរាយការណ៍មកអាជ្ញាធរមានសមត្ថកិច្ច​ តាមរយៈលេខទូរស័ព្ទខាងក្រោម​ ៖

* នាយករដ្ឋបាលខេត្ត៖ ០១១​ ៧៩៧​ ៦៧៩
* ស្នងការនគរបាលខេត្ត៖ ០១៧​ ៧០៤​ ៤៤៤
* មេបញ្ជាការកងរាជអាវុធហត្ថខេត្ត៖ ០៩៧​ ៧៧៧​ ៧៧៧១
* អភិបាល​ក្រុងកែប​៖ ០៨៨​ ៤៣២​ ០០៣៤
​ * អភិបាល​ស្រុកដំណាក់ចង្អេីរ​​៖ ០៩៩​ ៥៤៩​ ៧៨៩