សាលាបឋមសិក្សា កាប៉ូ KAPO primary school

📢 សេចក្តីជូនដំណឹង
សូមជម្រាបជូនដំណឹងដល់ពុកម៉ែបងប្អូន ដែលជាអ្នកភៀសសឹក ហើយមានកូន ក្មួយ ប្អូនៗកំពុងបន្តការសិក្សា អាចចូលមកបន្តការសិក្សានៅ #សាលាបឋមសិក្សាកាប៉ូ ចាប់ពីថ្នាក់មត្តេយ្យមធ្យម រហូតដល់ ថ្នាក់ទី៦ ចាប់ពីថ្ងៃជូនដំណឹងនេះតទៅ។
សាលាបឋមសិក្សាកាប៉ូ ស្ថិតនៅភូមិកាប៉ូ សង្កាត់អូរឫស្សី ក្រុងក្រចេះ ខេត្តក្រចេះ។
សូមអរគុណ🙏

នៅព្រឹកថ្ងៃសុក្រ៧រោច ខែមិគសិរ ឆ្នាំម្សាញ់ សប្តស័ក ពុទ្ធស័ករាជ ២៥៦៩ត្រូវនឹងថ្ងៃទី១២ ខែធ្នូ ឆ្នាំ២០២៥
សាលាបឋមសិក្សាកាប៉ូបានរៀបចំផ្សព្វផ្សាយអំពីការប្រឆាំងនិង ការជួញដូរមនុស្សដល់សិស្សានុសិស្ស។

ព្រឹកថ្ងៃព្រហស្បតិ៍ ទី៣០ ខែតុលា ឆ្នាំ២០២៥
#សាលាបឋមសិក្សាកាប៉ូ បានរៀបចំពិធីចែករង្វាន់ និង បណ្ណសរសើរដល់សិស្សានុសិស្សដែលមានចំណាត់ថ្នាក់លេខ ១ ដល់ លេខ ៥ មានចំនួន ៧៨នាក់ ស្រី ៥១នាក់។

គណ:គ្រប់គ្រងសាលា លោកគ្រូ អ្នកគ្រូ និងសិស្សានុសិស្សសាលាបឋមសិក្សាកាប៉ូ ទាំងអស់ ពិតជាមានការតក់ស្លុតពន់ពេកណាស់ដោយបានទទួលដំណឹងមរណភាព លោក ឡាយ បូរ៉ា ប្រធានមន្ទីរអប់រំ យុវជន និងកីឡាខេត្ដក្រចេះ នៅថ្ងៃពុធ ទី២២ ខែតុលា ឆ្នាំ២០២៥នេះ ។ សូមបួងសួងឲ្យវិញ្ញាណក្ខន្ធលោកប្រធានបានទៅកាន់សុគតិភព ។
យើងខ្ញុំ សូមចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារសពផងដែរ ៕

#យុទ្ធនាការប្រមូលកុមារចូលរៀនរបស់សាលាបឋមសិក្សាកាប៉ូ
គណៈគ្រប់គ្រងសាលាបឋមសិក្សាកាប៉ូ មានកិត្តយសសូមជម្រាបជូនដល់ មាតាបិតា អាណាព្យាបាល
ដែលមានកូនអាយុ4ឆ្នាំនិង5ឆ្នាំសម្រាប់មត្តេយ្យសិក្សា
អាយុ 6ឆ្នាំ ឬ70ខែសម្រាប់ថ្នាក់ទី1មកចុះឈ្មោះចូលរៀននៅសាលាបឋមសិក្សាកាប៉ូឱ្យបានគ្រប់ៗគ្នា។
#ការចុះឈ្មោះចូលរៀនពុំមានបង់ប្រាក់ទេ

សាលាបឋមសិក្សាកាប៉ូ សង្កាត់អូរឫស្សី ក្រុងក្រចេះ ខេត្តក្រចេះ មានកិត្តិយសសូមជម្រាបជូនដំណឹងដល់មាតាបិតា អាណាព្យាបាល ដែលមានកូនគ្រប់អាយុចូលរៀនឲ្យបានជ្រាបថា សាលាចាប់ទទួលចុះឈ្មោះសិស្សចូលរៀននៅថ្ងៃទី១៣ ខែតុលា ឆ្នាំ២០២៥នេះតទៅ÷
👉 ថ្នាក់ទី១ កុមារត្រូវមានអាយុ ៦ឆ្នាំ ឬ៧០ខែ
👉ថ្នាក់មត្តេយ្យ កុមារត្រូវមានអាយុ ៤ឆ្នាំ ឬ៥ឆ្នាំ
ដោយភ្ជាប់មកជាមួយនូវ÷
១- សេចក្តីចម្លងសំបុត្រកំណើត ឬបណ្ណពណ៍លឿង
២- បណ្ណសមធម៌(ក្រ១ ក្រ២ និងរងហានិភ័យ)
⭐ការចុះឈ្មោះចូលរៀនមិនមានបង់ប្រាក់ទេ។
សូមអរគុណ !

ថ្ងៃទី២៥ ២៦ និង២៧ ខែសីហា​ ឆ្នាំ២០២៥​ សាលាបឋមសិក្សាកាប៉ូ បាន​រៀបចំអនុវត្តការប្រឡងតេស្តចុងឆ្នាំគ្រប់កម្រិតថ្នាក់​ ដេីម្បីវាស់ស្ទង់​សមត្ថភាព​សិស្ស
ក្នុងឆ្នាំសិក្សា​ ២០២៤-២០២៥។

គណ:គ្រប់គ្រងសាលា​បឋមសិក្សាកាប៉ូ សូមសូមជូនដំណឹងស្ដីពីការត្រៀមរៀបចំធ្វើតេស្តស្តង់ដាចុងឆ្នាំសិក្សាតាមរយៈប្រព័ន្ធ​ PLP ដល់អាណា​ព្យាបាល​សិស្ស​ និងកូនៗសិស្សានុសិស្សទាំងអស់​ ចាប់ពីថ្ងៃទី ២០ ដល់២៥ ខែសីហា ឆ្នាំ២០២៥ ខាងមុខនេះ។
👉សូមអាណាព្យាបាលគ្រប់ៗរូបភ្ជាប់យកមកជាមួយនូវទូរសព្ទ័ដៃដែលមានប្រើinternet ឬ ថេបប្លែតមកជាមួយអរគុណ🙏🙏
👉ពត៍មានលម្អិតសូមទំនាក់ទំនងមកលោកគ្រូ អ្នកគ្រូទទួលបន្ទុកថ្នាក់។

ដំណេីរការប្រឡងឆមាសលើកទី២​ របស់សាលាបឋមសិក្សាកាប៉ូ នៅថ្ងៃទី០៥​ ខែសីហា​ ឆ្នាំ២០២៥​ ។សូមអរគុណដល់មាតាបិតាសិស្សសម្រាប់ការចំណាយពេលវេលាដ៏មានតម្លៃក្នុងការចូលរួមតាមដានការប្រឡងរបស់កូនៗ🙏

សកម្មភាពនៃការធ្វើតេស្តប្រចាំខែកក្កដា ឆ្នាំសិក្សា ២០២៤-២០២៥មុខវិជ្ជាភាសាខ្មែរ និងគណិតវិទ្យា ។
ជូនពរឱ្យកូនៗប្រលងបានជាប់គ្រប់ៗគ្នា។