គម្រោងកុមារកម្ពុជារីករាយ - Happy Cambodian Children - HCC

12/08/2026

🏠សាលាបឋមសិក្សាស្វាយសជាសាលារៀនកម្រិតបឋមសិក្សាមួយនៅជនបទនៃស្រុកវ៉ារិនខេត្តសៀមរាបក្នុងគម្រោងកុមារកម្ពុជារីករាយ(HCC)ដែលអនុវត្តគម្រោងដោយអង្គការខេប(KAPE)។ សាលានេះមានអាយុកាលក្រាស់ក្រែលទៅហើយក្តីប៉ុន្តែមានរឿងដែលគួរឱ្យកោតសរសើរនិងនឹកស្មានមិនដល់គឺថ្នាក់ដឹកនាំសាលានិងលោកគ្រូអ្នកគ្រូបានតាំងចិត្ត ស្រុះស្រួលគ្នា ប្រឹងប្រែងមិនខ្លាចនៅហត់និងលះបង់ខ្ពស់ពិសេសលើនិយតភាពសិក្សារបស់សិស្សានុសិស្សនៅក្នុងសាលាដើម្បីធ្វើឱ្យប្រសើរឡើងនូវគុណភាពអប់រំនិងឧត្តមប្រយោជន៍របស់កុមារតាមរយៈការរៀបចំវេនគ្រូបង្រៀនជំនួសមិនឱ្យសិស្សទៅផ្ទះវិញទាំងដៃទទេឬខកខានរៀនឡើយនៅពេលមានគ្រូជាប់ប្រជុំឬទៅចូលរួមការបណ្តុះបណ្តាលផ្សេងៗ និងមានដំណើរការថ្នាក់បំប៉នសម្រាប់សិស្សានុសិស្សដែលមានតម្រូវការរៀនសូត្របន្ថែម១ថ្ងៃ១ម៉ោងនិង៦ថ្ងៃក្នុង១សប្ដាហ៍បន្តរហូតដំណាច់ឆ្នាំសិក្សាឬក្នុងមហាវិស្សមកាលក្តីលៃយ៉ាងណាកុំឱ្យកុមាររស់នៅជាមួយអនក្ខរភាព។
👍សូមកោតសរសើរចំពោះការលះបង់ និង ខិតខំប្រឹងប្រែងពីថ្នាក់ដឹកនាំសាលានិងលោកគ្រូអ្នកគ្រូ ជាមួយភាគីពាក់ព័ន្ធទាំងអស់ដើម្បីភាពជោគជ័យថ្មីៗទៀត។
❤ថ្នាក់ដឹកនាំសាលានិងលោកគ្រូអ្នកគ្រូលះបង់ខិតខំប្រឹងប្រែងអភិវឌ្ឍសាលារៀន។
👍អាណាព្យាបាលមានទំនុកចិត្តនិងចូលរួមចែករំលែកធនធានរបស់ខ្លួន។
👦👩សិស្សានុសិស្សខិតខំប្រឹងប្រែងរៀនសូត្រដើម្បីអនាគតដ៏ល្អប្រសើរ។
👬ដៃគូពាក់ព័ន្ធមានកម្លាំងចិត្តនិងចូលរួមឧបត្ថម្ភគាំទ្រ។

05/08/2026

គម្រោងកុមារកម្ពុជារីករាយ (HCC) នៃអង្គការសកម្មភាពសម្រាប់ការអប់រំនៅកម្ពុជា (KAPE) បានរៀបចំវគ្គបណ្តុះបណ្តាលដ៏មានសារៈសំខាន់មួយ គឺការពង្រឹងសមត្ថភាពក្រុមការងារលើការវាយតម្លៃអំណាន(EGRA) និងគណិតវិទ្យាថ្នាក់ដំបូង(EGMA) ដើម្បីត្រៀមលក្ខណៈចុះអនុវត្តការងារនៅតាមសាលារៀនគោលដៅក្នុងខេត្តសៀមរាប និងបន្ទាយមានជ័យ។ កម្មវិធីបណ្ដុះបណ្ដាលនេះប្រព្រឹត្ដទៅនៅថ្ងៃទី៤-៥ ខែសីហា ឆ្នាំ២០២៦ នៅសាលាគរុកោសល្យ និងវិក្រឹតការ ខេត្តសៀមរាប ក្នុងគោលបំណងផ្តល់ជំនាញនៃការវាយតម្លៃអំណាន និងគណិតវិទ្យាថ្នាក់ដំបូងដល់ក្រុមការងារដៃគូ ព្រមទាំងការអនុវត្តផ្ទាល់តាមសាលារៀនគោលដៅ ស្វែងយល់ពីនីតិវិធីតេស្ត និងការប្រើប្រាស់កម្មវិធី Tangerine ដើម្បីធានាបាននូវគុណភាព និងប្រសិទ្ធភាពខ្ពស់។
↪️សកម្មភាពសំខាន់ៗក្នុងវគ្គបណ្តុះបណ្តាល រយៈពេល២ថ្ងៃនេះរួមមាន៖
➡️ថ្ងៃទី១ (ថ្ងៃទី៤ សីហា ២០២៦)៖ ការណែនាំសង្ខេបអំពីនីតិវិធី និងប្រភេទសន្លឹកកិច្ចការសិស្ស នៃការវាយតម្លៃអំណាន (EGRA) និងគណិតវិទ្យាថ្នាក់ដំបូង (EGMA) ព្រមទាំងការបង្ហាញ និងការវឹកហាត់ធ្វើតេស្តជាក់ស្តែងតាមរយៈកម្មវិធី Tangerine ជាលក្ខណៈក្រុមតូច និងក្រុមធំ។
➡️ថ្ងៃទី២ (ថ្ងៃទី៥ សីហា ២០២៦)៖ ការចុះអនុវត្តធ្វើតេស្តសិស្សផ្ទាល់ ការវាយតម្លៃអ្នកធ្វើតេស្ត (IRR1 & IRR2) ការឆ្លុះបញ្ចាំងពីលទ្ធផល ការបង្ហាញសន្លឹកកិច្ចការគណិតវិទ្យាថ្នាក់ទី៦ និងការរៀបចំផែនការចុះវាយតេស្តតាមសាលាគោលដៅនីមួយៗ។
🔄ជាលទ្ធផលវគ្គបណ្តុះបណ្តាលនេះបានបញ្ចប់ដោយជោគជ័យ ក្រោមការចូលរួមយ៉ាងផុសផុលពីសិក្ខាកាម ក្រុមការងារគម្រោង និងអ្នកសម្របសម្រួលវគ្គបណ្ដុះបណ្ដាល។ សិក្ខាកាមទទួលបានទាំងចំណេះដឹងទ្រឹស្តី និងបទពិសោធន៍ជាក់ស្តែងក្នុងការប្រើប្រាស់បច្ចេកវិទ្យា Tangerine សម្រាប់ការវាយតម្លៃ ក៏ដូចជាផែនការសកម្មភាពច្បាស់លាស់ ដើម្បីធានាថាការចុះវាយតម្លៃអំណាន និងគណិតវិទ្យាថ្នាក់ដំបូងនៅតាមសាលារៀនគោលដៅក្នុងខេត្តសៀមរាប និងបន្ទាយមានជ័យ ដំណើរការទៅយ៉ាងរលូន។

03/08/2026

ការវាយតម្លៃនិរន្តរភាពសាលារៀនបឋមសិក្សា អង្គនារាម ស្ថិតក្នុងឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំ ដែលជាសាលាគោលដៅមួយ នៃគម្រោងកុមារកម្ពុជារីករាយ (HCC) នាថ្ងៃទី៣ ខែសីហា ឆ្នាំ២០២៦ ដើម្បីវាយតម្លៃជាប្រព័ន្ធថា តើសាលាបឋមសិក្សា និងសាលាមត្តេយ្យ ដែលគាំទ្រដោយ HCC សម្រេចបាន ឬអត់នូវដំណាក់កាលនៃការឈរជើងបានដោយខ្លួនឯង ដូចដែលបានកំណត់នៅក្នុងគោលការណ៍ណែនាំស្តីពីនិរន្តរភាព HCC ។ ហើយការវាយតម្លៃនេះ វាស់វែងសមត្ថភាពសាលា ក្នុងការរក្សាសមត្ថភាពអំណានរបស់សិស្ស ការងារអនាម័យ ការគ្រប់គ្រង ស្តង់ដារនៃការបង្រៀន ការគាំទ្រពីសហគមន៍ និងយន្តការក្នុងការផ្តល់មូលនិធិបដិភាគ ក្រោយពេលដែលអន្តរាគមន៍ហិរញ្ញវត្ថុរបស់ HCC ត្រូវបានបញ្ចប់។


#រដ្ឋបាលស្រុកត្បូងឃ្មុំ

02/08/2026

[ខេត្តត្បូងឃ្មុំ] វគ្គបណ្តុះបណ្តាលពង្រឹងសមត្ថភាពក្រុមការងារលើការវាយតម្លៃអំណាន (EGRA) និងគណិតវិទ្យាថ្នាក់ដំបូង (EGMA)** 📚🔢

កាលពីថ្ងៃទី៣០-៣១ ខែកក្កដា ឆ្នាំ២០២៦ កន្លងទៅនេះ អង្គការសកម្មភាពសម្រាប់ការអប់រំនៅកម្ពុជា (KAPE) ក្នុងគម្រោងកុមារកម្ពុជារីករាយ HCC បានរៀបចំវគ្គបណ្តុះបណ្តាលពង្រឹងសមត្ថភាពដល់ក្រុមការងារ នាយក-នាយិកា មន្រ្តីការិយាល័យ និង មន្ទីរអប់រំនៅក្នុង**ខេត្តត្បូងឃ្មុំ** ស្តីពីនីតិវិធី និងបច្ចេកទេសនៃការវាយតម្លៃសមត្ថភាពអំណាន (EGRA) និងគណិតវិទ្យាថ្នាក់ដំបូង (EGMA)។

🎯 **គោលបំណង និងវត្ថុបំណងសំខាន់ៗនៃវគ្គបណ្តុះបណ្តាល៖**

* ផ្ដល់នូវជំនាញវាយតម្លៃអំណាន និងគណិតវិទ្យាថ្នាក់ដំបូង និងការអនុវត្តផ្ទាល់នៅតាមសាលារៀនគោលដៅ

* យល់ដឹងពីនីតិវិធីនៃការវាយតម្លៃ និងបង្កើនប្រសិទ្ធភាពតាមរយៈការប្រើប្រាស់កម្មវិធី **Tangerine**

* ចុះអនុវត្តធ្វើតេស្តផ្ទាល់ជាមួយសិស្ស និងពិនិត្យមើលភាពជឿជាក់នៃការវាយតម្លៃ (IRR)

* រៀបចំផែនការសកម្មភាពចុះវាយតម្លៃជាក់ស្តែងនៅតាមសាលារៀនគោលដៅ

វគ្គបណ្តុះបណ្តាលនេះ បានប្រព្រឹត្តទៅដោយរលូន និងទទួលបានលទ្ធផលយ៉ាងល្អប្រសើរ ក្នុងការត្រៀមលក្ខណៈចុះវាស់វែងសមត្ថភាពសិស្សប្រកបដោយគុណភាព និងតម្លាភាព។

16/07/2026

ខេត្តបន្ទាយមានជ័យ ៖ ថ្ងៃទី១៦ ខែកក្តដា ឆ្នាំ២០២៦
– ក្រោមអធិបតីភាពរបស់លោក ញាន មនោ តំណាងអោយមន្ទីអប់រំ យុវជន និងកីឡាខេត្តបន្ទាយជ័យ ព្រឹត្តិការណ៍ប្រកួតអំណានល្បី វគ្គផ្តាច់ព្រ័ត្រប្រចាំតំបន់ទី១ ខេត្តបន្ទាយមានជ័យ (ស្រុកព្រះនេត្រព្រះ និងភ្នំស្រុក) បានប្រព្រឹត្តទៅយ៉ាងរលូន និងប្រកបដោយភាពជោគជ័យ ដែលស្រុកព្រះនេត្រព្រះធ្វើជាម្ចាស់ផ្ទះ។
ក្នុងនោះមានបេក្ខជនចូលរួមសរុបចំនួន ២១រូប មកពី ៧សាលា នៃស្រុកទាំងពីរ។

🏆 លទ្ធផលប្រកួតវគ្គផ្តាច់ព្រ័ត្រ ប្រចាំតំបន់១ ឆ្នាំ២០២៦ (ក្រោមគម្រោងកុមារកម្ពុជារីករាយ – HCC)

🏛️ ថ្នាក់ទី៤
• លេខ១៖ កុមារី ជាយ ស៊ីណាន🥇 – សាលាបឋមសិក្សាស្មាច់ ស្រុកព្រះនេត្រព្រះ
• លេខ២៖ កុមារី ជឿត ណារិន🥈 – សាលាបឋមសិក្សាភូមិថ្មី ស្រុកភ្នំស្រុក
• លេខ៣៖ កុមារី ឆាយ គឹមស៊ី🥉 – សាលាបឋមសិក្សាឬស្សីកណ្តាល​ ស្រុកព្រះនេត្រព្រះ

🏛️ ថ្នាក់ទី៥
• លេខ១៖ កុមារី ភាន សុនីតា 🥇– សាលាបឋមសិក្សាឬស្សីកណ្តាល ស្រុកព្រះនេត្រព្រះ
• លេខ២៖ កុមារី ប៉ង ស៊ីលាន🥈 – សាលាបឋមសិក្សាត្របែក ស្រុកព្រះនេត្រព្រះ
• លេខ៣៖ កុមារា ហឿង ចាន់សិទ្ធិ🥉 – សាលាបឋមសិក្សាភូមិថ្មី ស្រុកភ្នំស្រុក

🏛️ ថ្នាក់ទី៦
• លេខ១៖ កុមារី ជា មនីសត្យា 🥇– សាលាបឋមសិក្សាកំពីងពួយ ស្រុកភ្នំស្រុក
• លេខ២៖ កុមារី គុណ ម៉ាត់ថាណា🥈 – សាលាបឋមសិក្សាភូមថ្មី ស្រុកភ្នំស្រុក
• លេខ៣៖ កុមារី សំ សិរីរាជនី 🥉– សាលាបឋមសិក្សាឬស្សីកណ្តាល ស្រុកព្រះនេត្រព្រះ
________________________________________
🎉 សូមអបអរសាទរដល់បេក្ខជនជាប់ជ័យលាភីទាំងអស់!
សូមថ្លែងអំណរគុណដល់គ្រប់ភាគីពាក់ព័ន្ធ និងក្រុមការងារទាំងអស់ដែលបានចូលរួមធ្វើឱ្យកម្មវិធីនេះប្រព្រឹត្តទៅដោយរលូន និងប្រកបដោយជោគជ័យ🙏🙏🙏

07/07/2026

គម្រោងកុមារកម្ពុជារីករាយហៅកាត់ថាHCC គឺកំពុងគាំទ្រក្រសួងអប់រំយុវជននិងកីឡាក្នុងការបង្កើតសាលារៀនគំរូដែលមានអភិបាលកិច្ចល្អ និង គុណភាពខ្ពស់សម្រាប់សាលារៀននៅកម្ពុជា/ Establish a model school with good governance and high quality for schools in Cambodia

04/07/2026

01/07/2026

ស្ទឹងត្រែង ៖ ថ្ងៃទី៣០ ខែមិថុនា ឆ្នាំ២០២៦ – ក្រោមអធិបតីភាពរបស់លោកជំទាវ វិន ស៊ីធួន តំណាងឯកឧត្តម សរ សុពុត្រា អភិបាលខេត្តស្ទឹងត្រែង ព្រឹត្តិការណ៍ប្រកួតអំណានល្បី វគ្គផ្តាច់ព្រ័ត្រប្រចាំតំបន់ទី៣ (ខេត្តស្ទឹងត្រែង ក្រចេះ និងរតនគិរី) បានប្រព្រឹត្តទៅយ៉ាងជោគជ័យ ដោយមានខេត្តស្ទឹងត្រែងជាម្ចាស់ផ្ទះ។
ក្នុងនោះមានបេក្ខជនចូលរួមសរុប ៤៨រូប មកពី ១៥សាលារៀន នៃខេត្តទាំង៣។
________________________________________
🏆 លទ្ធផលប្រកួតវគ្គផ្តាច់ព្រ័ត្រ តំបន់ទី៣ ឆ្នាំ២០២៦ (ក្រោមគម្រោងកុមារកម្ពុជារីករាយ – HCC)
________________________________________
📘 ថ្នាក់ទី៤
• លេខ១៖ កុមារី ណែត នូណា🥇 – សាលាបឋមសិក្សាកោះព្រះ ខេត្តស្ទឹងត្រែង
• លេខ២៖ កុមារា រី តារា🥈 – សាលាបឋមសិក្សាចំរើន ខេត្តក្រចេះ
• លេខ៣៖ កុមារី សាមឿន ធីតា🥉 – សាលាបឋមសិក្សាខិះស្វាយ ខេត្តស្ទឹងត្រែង
________________________________________
📗 ថ្នាក់ទី៥
• លេខ១៖ កុមារី ភ័ណ្ឌ សុម៉ាលី 🥇– សាលាបឋមសិក្សាលើឃួន ខេត្តរតនគិរី
• លេខ២៖ កុមារា សុពឿន ផារ័ត្ន🥈 – សាលាបឋមសិក្សាស្រែគរ ខេត្តស្ទឹងត្រែង
• លេខ៣៖ កុមារា សុចាន់ រតនៈ🥉 – សាលាបឋមសិក្សាស្រែក្រសាំង ខេត្តស្ទឹងត្រែង
________________________________________
📙 ថ្នាក់ទី៦
• លេខ១៖ កុមារា ចិត្រា ដារា 🥇– សាលាបឋមសិក្សាស្រែគរ ខេត្តស្ទឹងត្រែង
• លេខ២៖ កុមារី រចំ សាធីន🥈 – សាលាបឋមសិក្សាលើឃួន ខេត្តរតនគិរី
• លេខ៣៖ កុមារា ប៉ុត ប៉ាង 🥉– សាលាបឋមសិក្សាចំរើន ខេត្តក្រចេះ
________________________________________
🎉 សូមអបអរសាទរដល់ជ័យលាភីទាំងអស់!
សូមថ្លែងអំណរគុណដល់គ្រប់ភាគីពាក់ព័ន្ធ និងក្រុមការងារទាំងអស់ដែលបានចូលរួមធ្វើឱ្យកម្មវិធីនេះប្រព្រឹត្តទៅដោយជោគជ័យ។