05/06/2026
ខ្ញុំសូមជម្រាបជូនដំណឹង និងអំពាវនាវដល់បងប្អូនប្រជាពលរដ្ឋទាំងអស់ ឱ្យមានការប្រុងប្រយ័ត្នខ្ពស់ចំពោះការបញ្ជាទិញទំនិញពីទំព័រហ្វេសប៊ុក (Page) ដែលមានឈ្មោះថា L&M Online Shop។
កាលពីថ្ងៃទី២៨ ខែឧសភា ឆ្នាំ២០២៦ ខ្ញុំបានបញ្ជាទិញទូរទឹកកកខ្នាតតូចចំនួន ០១ គ្រឿង និងបានវេរប្រាក់ទូទាត់ពេញចំនួនរួចរាល់ (L&M Online Shop បានប្រាប់ថាទូទាត់រួចថ្ងៃនេះអីវ៉ាន់ដល់ថ្ងៃស្អែក) ទៅតាមតម្លៃដែលហាងបានផ្សព្វផ្សាយ។ ប៉ុន្តែ គិតរហូតមកទល់ពេលនេះ (រយៈពេល ៤ ថ្ងៃហើយ) ខ្ញុំនៅមិនទាន់ទទួលបានទំនិញនោះនៅឡើយទេ។យោងតាមភស្តុតាង (Screenshot) នៃប្រព័ន្ធផ្ញើសារ៖
ថ្ងៃទី២៩, ៣០, ៣១ ខែឧសភា និងថ្ងៃទី០១ ខែមិថុនា ឆ្នាំ២០២៦៖ ភាគីខាងហាងបានចូលអានសារសាកសួរ (Seen) ជាបន្តបន្ទាប់ ប៉ុន្តែពុំមានការឆ្លើយតប ឬពន្យល់ពីមូលហេតុណាមួយឡើយ។
សកម្មភាពគេចវេះ និងការមិនអើពើចំពោះអតិថិជនបែបនេះ បានស្តែងឱ្យឃើញយ៉ាងច្បាស់ពី ការខ្វះក្រមសីលធម៌វិជ្ជាជីវៈ និងកង្វះទំនួលខុសត្រូវយ៉ាងធ្ងន់ធ្ងរ ក្នុងនាមជាអាជីវករ។ អាកប្បកិរិយាបែបនេះ កំពុងបង្កើតជាមន្ទិលសង្ស័យយ៉ាងខ្លាំងទៅលើតម្លាភាព និងភាពស្មោះត្រង់របស់ហាង online មួយនេះ។
សូមបងប្អូនទាំងអស់គ្នាពិចារណា និងបង្កើនការប្រុងប្រយ័ត្ន ដើម្បីជៀសវាងការខាតបង់ថវិកា និងពេលវេលាដូចរូបខ្ញុំ។
