ពន្លឺធម៌ព្រះពុទ្ធ

[​៧១​]​ ​ម្នាល​ភិក្ខុ​ទាំងឡាយ​ ​កាលពីដើម​ ​មាន​គ្រូ​ឈ្មោះ​អរ​កៈ​ ​ជា​អ្នកធ្វើ​នូវ​កំពង់​ ​ជាទី​ទៅកាន់​សុគតិភព​ ​ជា​អ្នក​ប្រាសចាក​តម្រេក​ក្នុង​កាម​ទាំងឡាយ​ ​ម្នាល​ភិក្ខុ​ទាំងឡាយ​ ​ឯ​គ្រូ​ឈ្មោះ​អរ​កៈ​ ​មាន​សាវក​ច្រើន​រយ​ ។​ ​គ្រូ​ឈ្មោះ​អរ​កៈ​ ​រមែង​សំដែងធម៌​ដល់​សាវក​ទាំងឡាយ​ ​យ៉ាងនេះ​ថា​ ​ម្នាល​ព្រាហ្មណ៍​ ​ជីវិត​ពួក​មនុស្ស​ ​ជា​របស់​តិច​ ​ខ្លី​ ​មានទុក្ខ​ច្រើន​ ​មាន​សេចក្តី​ចង្អៀតចង្អល់​ច្រើន ​។​ ​អ្នក​ទាំងឡាយ​ ​ត្រូវ​ដឹង​ ​ត្រូវ​ធ្វើ​នូវ​កុសល​ ​ត្រូវ​ប្រព្រឹត្ត​ ​នូវ​ព្រហ្មចរិយ​ធម៌​ ​ដោយ​ប្រាជ្ញា​ ​ព្រោះ​សត្វ​ដែល​កើត​ហើយ​ ​សុទ្ធតែ​ស្លាប់ ​។​ ​
ម្នាល​ព្រាហ្មណ៍​ ​ប្រៀប​ដូច​ដំណក់ទឹក​សន្សើម​ ​លើ​ចុង​ស្មៅ​ ​ដល់​ព្រះអាទិត្យ​រះ​ឡើង​ ​ក៏​ត្រឡប់​បាត់​វិញ​ឆាប់រហ័ស​ ​ជា​របស់​មិន​ឋិតថេរ​នៅ​យូរយារ​បាន​ ​យ៉ាងណា​ ​ម្នាល​ព្រាហ្មណ៍​ ​ជីវិត​របស់​ពួក​មនុស្ស​ ​ជា​របស់​តិច​ ​ខ្លី​ ​មានទុក្ខ​ច្រើន​ ​មាន​សេចក្តី​ចង្អៀតចង្អល់​ច្រើន​ ​ប្រៀប​ដូច​ដំណក់ទឹក​សន្សើម​ ​យ៉ាងនោះ​ដែរ​។​ ​អ្នក​ទាំងឡាយ​ ​ត្រូវ​ដឹង​ ​ត្រូវ​ធ្វើ​នូវ​កុសល​ ​ត្រូវ​ប្រព្រឹត្ត​នូវ​ព្រហ្មចរិយ​ធម៌​ ​ដោយ​ប្រាជ្ញា​ ​សត្វ​ដែល​កើត​ហើយ​ ​សុទ្ធតែ​ស្លាប់​ ៕៚
..............................

https://youtu.be/rfSvICpeI9o?si=1jaylB3NoLYTMQkf

៙. អាវុធប្រាំយ៉ាងការពារខ្លួន រស់នៅមាំមួនពួនផុតគ្រោះ
មួយគឺយើងស្ងៀមដោយចំពោះ សម្ដីអសុរោះព្រោះគេស្អប់។
ពីរទិដ្ឋិត្រង់ផ្ចង់ស្មារតី ក្នុងលោកមានភ័យកុំបីជាប់
បីខំសាងទុនចិត្តបុណ្យស្ងប់ បន្ថយឱ្យចប់ការគាប់ទាស់។
បួនគាប់ជួនជុំជំនុំជន មានចិត្តទន់ភ្លន់មិនគន់ឈ្លោះ
ប្រាំវិវេកធម៌ល្អចំពោះ ឆ្លងគ្រោះខាងមុខសុខមែនពិត។
អាវុធខន្តីសោរច្ចៈ សតិសម្បជញ្ញៈ និងបុញ្ញមិត្ត
គារវៈ មេត្តារក្សាចិត្ត វិវេកបីស្ងាត់ កម្ចាត់មារ.៕៚

https://youtu.be/Eftbg3rjQOs?si=E2Ok6ETRnafV99F8

៙. បដិបត្តិធម៌ មិនគ្រាន់តែដើម្បីឱ្យស្ងប់ចិត្ត ក្នុងពេលចម្រើនសមថៈនោះឡើយ តែដើម្បីយើងមានជីវិតរស់នៅជាមួយនឹងព្រឹត្តិការណ៍នៃជីវិតប្រចាំថ្ងៃ ដោយការយល់ដឹង មិនមែនចេះតែចង់បានស្ងប់ៗ ដល់ទៅចិត្តមិនស្ងប់ ក៏តាំងកើតទុក្ខទោមនស្សនោះឡើយ ព្រោះចិត្តមិនស្ងប់ ក៏ជាចិត្តដែលធ្វើកិច្ចនាទីរបស់ខ្លួនយ៉ាងត្រឹមត្រូវដែរ ជាពិសេសគឺមិនមែនកើតមកធ្វើជាខ្លួនយើងឯណា យើងខ្វល់តែខ្លួនឯង ៕៚

( ជំនួយសតិ ភាគទី ២៣ ទំព័រ ១០៨ )

✅ចេះដឹងត្រឹមត្រូវ ៦មុខ✅
១.ចេះយកឈ្នះខ្លួនឯង មិនមែនឈ្នះអ្នកដទៃទេ
២.ចេះដឹង មិនមែនអួតដឹងទេ
៣.ចេះលះបង់ មិនមែនហួងហែងទេ
៤.ចេះរក្សាខ្លួន មិនមែនប្រកាន់ខ្លួនទេ
៥.ចេះដឹងត្រូវតាមសេចក្ដីពិត មិនមែនត្រូវតាមចិត្តចង់ទេ
៦.ចេះរស់នៅជាមួយនឹងអ្វីៗ ដែលមិនជាទីប្រាថ្នា គឺថារៀនឲ្យចេះ រស់នៅជាមួយឲ្យបាន ព្រោះថាអ្វីៗនោះ វាជាធម្មតានៃជីវិតត្រូវចេះអត់ធន់សម្លឹងឲ្យដឹងការពិត ឲ្យឃើញហេតុផលបរមត្ថ ៕៚

💎ចា​លា​សូត្រ​ ​ទី៦​💎
[​១៦​]​ ​សាវត្ថី​និទាន​។​ ​គ្រានោះ​ ​ចា​លា​ភិក្ខុនី​ ​ស្លៀកដណ្តប់​ ​ក្នុង​បុព្វណ្ហសម័យ​។​បេ​។​ ​អង្គុយ​សម្រាក​ក្នុង​វេលា​ថ្ងៃ​ ​ក្រោមម្លប់​ឈើ​មួយ​។​
​ [​១៧​]​ ​គ្រានោះ​ ​មារ​មានចិត្ត​បាប​ ​ចូល​ទៅ​រក​ចា​លា​ភិក្ខុនី​។​បេ​។​ ​លុះ​ចូល​ទៅដល់​ហើយ​ ​បាន​ពោល​ពាក្យ​នេះ​ ​នឹង​ចា​លា​ភិក្ខុនី​ថា​ ​ម្នាល​ភិក្ខុនី​ ​នាង​មិន​គាប់ចិត្ត​នឹង​អ្វី​។​ ​ម្នាល​អាវុសោ​ ​យើង​មិន​គាប់ចិត្ត​នឹងជា​តិ​។​
​[​១៨​]​ ​ហេតុអ្វី​ក៏​នាង​មិន​គាប់ចិត្ត​នឹងជា​តិ​ ​បុគ្គល​មាន​ជាតិ​ ​រមែង​បរិភោគ​នូវ​កាម​ទាំងឡាយ​ ​អ្នកណា​បង្គាប់​នាង​ឲ្យ​ប្រកាន់យក​នូវ​អំពើ​នេះ​ថា​ ​ម្នាល​ភិក្ខុនី​ ​ចូរ​នាង​កុំ​គាប់ចិត្ត​នឹងជា​តិ​ដូច្នេះ​។​
​[​១៩​]​ ​ចា​លា​ភិក្ខុនី​តប​ថា​ ​សត្វ​កើត​ហើយ​ ​រមែង​មាន​មរណៈ​ ​សត្វ​កើត​ហើយ​ ​រមែង​ឃើញ​ ​នូវ​ទុក្ខ​ទាំងឡាយ​ ​គឺ​ការ​ចង​ ​ការបៀតបៀន​ ​និង​សេចក្តី​ឧប​ទ្រព្យ​ផ្សេង​ៗ​ ​ហេតុ​ដូច្នោះ​ ​បុគ្គល​ ​មិន​ត្រូវ​គាប់ចិត្ត​នឹង​ការ​កើត​ឡើយ​ ​ព្រះពុទ្ធ​ទ្រង់​សំដែងធម៌​ ​ជា​គ្រឿង​ប្រព្រឹត្ត​កន្លង​នូវ​ការ​កើត​ ​ដើម្បី​លះបង់​ ​នូវ​ទុក្ខ​ទាំងអស់​ ​ព្រះ​អង្គ​ញុំា​ងយើង​ឲ្យ​នៅក្នុង​សច្ចធម៌​ ​សត្វ​ទាំងឡាយ​ណា​ ​កើត​ក្នុង​រូបភព​ក្តី​ ​សត្វ​ទាំងឡាយ​ណា​ ​មាន​ចំណែក​ក្នុង​អរូបភព​ក្តី​ ​សត្វ​ទាំងអស់​នោះ​ ​កាលបើ​មិនដឹង​នូវ​និរោធ​ទេ​ ​រមែង​មកកាន់​ភព​ថ្មីទៀត​ ៕៚
​•លំដាប់នោះ​ ​មារ​មានចិត្ត​បាប​ដឹង​ថា​ ​ចា​លា​ភិក្ខុនី​ ​ស្គាល់​អញ​ហើយ​ ​ក៏​មាន​សេចក្តី​ទុក្ខ​ ​តូចចិត្ត​ ​បាត់​អំពី​ទីនោះ​ទៅ​។

៙. ពេលថ្កំថ្កើង បានរុងរឿង គេឥស្សា
ពេលដួលផ្ងារ បង់សក្ដា គេមើលងាយ
ពេលផ្ការីក ឃ្មុំចោមក្រេប កេសរសាយ
ពេលផ្ការោយ ឃ្មុំឃ្លាតឆ្ងាយ មនុស្សមក្ខៈ។
ពេលមានប្រាក់ គេរាក់ទាក់ ទន់សម្ដី
ពេលក្រក្រី គេបែរ ភ័យ ខ្លាចខ្ចីប្រាក់
ពេលធ្វើស្ពាន គេតែងឆ្លង គេឡើងថ្នាក់
ពេលស្ពានបាក់ ស្ពានក៏ធ្លាក់ វដ្ដៈវែង ។
ពេលថ្កំថ្កើង ដូចផ្ការីក សម្បត្តិមាន
ពេលធ្វើស្ពាន កុំភ្លេចយាន ឆ្លងខ្លួនឯង
ពេលគេពឹង យើងក៏ប្រឹង មិនវង្វេង
ពេលនេះឯង គោរពក្រែង ស្វែងអាត្មា ។
ចូរប្រឹងប្រែង ស្វែងរកខ្លួន ជាទីពឹង
យើងធ្លាប់ប្រឹង រកពំនឹង ពីសង្សារ
សមុទ្រទុក្ខ មុខទឹកភ្នែក បដាចារា
ទ្រង់ត្រាស់ថា អត្តានំ តេ គវេស្សសុ.៕៚

៙.សូមអនុមោទនាស្ដាប់ព្រះធម៌ ស្អែកជាថ្ងៃឧបោសថសីល !
—————
៙.រឿងខ្លះក្នុងជីវិតរបស់យើងនេះ មិនចាំបាច់ពិសេសអ្វីទៅនោះទេ ត្រឹមតែបានរស់នៅមិនសូវកើតទុក្ខប៉ុណ្ណឹង គឺពិសេសណាស់ហើយ ខ្លឹមសារសំខាន់ គឺសុខចិត្ត ៕៚

( ជំនួយសតិ ភាគទី ២៤ ទំព័រ ១០៨ )

#សូមអនុមោទនាស្ដាប់ព្រះធម៌ដោយចិត្តជ្រះថ្លា !
#ថ្ងៃនេះជាថ្ងៃឧបោសថសីល !
៙ .កុំសង្ឃឹមថា អ្នកណាល្អជាមួយនឹងយើងរហូតទៅនោះឡើយ សូម្បីតែខ្លួនឯង ប៉ុន្តែ បើយើងមិនប្រឹងប្រែងជួយខ្លួនឯង តើបានអ្វីជាទីពឹង ។
- កុំចេះតែគិតៗឱ្យកើតទុក្ខ ព្រោះការគិតឱ្យកើតសុខ មានដែរតើ ។
- កុំសោយអារម្មណ៍ជាគ្រឿងពុល គឺត្រូវមានយោនិសោមនសិការសម្រាប់បន្សាបជាតិពុល ដូចជាការបន្សាបជាតិពុលក្នុងមើមក្តួចដែរ ។
- កុំឱ្យបាត់បង់សមត្ថភាព និងគុណតម្លៃរបស់ខ្លួន ព្រោះហេតុតែពាក្យប៉ុន្មានម៉ាត់ ឬសូម្បីច្រើនម៉ាត់នៃអ្នកដទៃ ដែលរិះគន់ ជេរ ស្តី ប្រមាថ ។
- កុំឱ្យជាមនុស្សអស់តម្លៃ ព្រោះហេតុតែចង់បានអ្វីៗ អំពីអ្នកដទៃ ។
- កុំបាត់បង់កម្លាំងចិត្ត ព្រោះហេតុតែការបាត់បង់អ្វីៗជាខាងក្រៅនោះ ។
- កុំអាឡោះអាល័យអតីត តែត្រូវយកអតីតជាបទសិក្សា ជាមេរៀន ។
- កុំកង្វល់នឹងអនាគត តែត្រូវចេះគិត ព្រោះវាជាទីឆ្លងកាត់ក្នុងដំណើរផ្លូវ ។
- កុំប្រកាន់ហួងហែងបច្ចុប្បន្ន តែត្រូវកំណត់ឱ្យឃើញប្រាកដជាបរមត្ថ ។
- កុំចេះតែរកប្រាក់ សន្សំទុកដាក់ចាក់គរ ត្រូវរកខ្លួនឯងផង ៕៚
( ជំនួយសតិ ភាគទី ២៤ ទំព័រ ១១១-១១២ )

#សូមអនុមោទនាស្ដាប់ព្រះធម៌ #ស្អែកជាថ្ងៃឧបោសថសីល
———
៙. មានរឿងទាស់ចិត្តអ្វី នឹងអ្នកដទៃ ដើម្បីឆាប់រសាយការថ្នាំងថ្នាក់ចិត្ត ត្រូវឆាប់រឭកថា រឿងក្នុងជីវិតយើងគ្មានអ្នកណាធ្វើឱ្យឡើយ ។
• ក្នុងអារម្មណ៍នៃវិញ្ញាណសូន្យចាកអ្នកដទៃ មានតែអកុសលវិបាកដឹងអារម្មណ៍មិនល្អ និងមនោវិញ្ញាណដឹងរឿងដែលខ្លួនឯងគិតប៉ុណ្ណោះ ។
• អកុសលវិបាកក្នុងមនុស្សយើង តិចតួចណាស់ បើប្រៀបនឹងសង្សារទុក្ខ ឬប្រៀបនឹងទុក្ខក្នុងនរក.៕៚

៙.សូមអនុមោទនាព្រឹកនេះជាថ្ងៃឧបោសថសីល !
———
៙. មានគ្នាជុំ អប អរ ... កុំភ្លេចខ្លួន ! ពេលក្លាយជា អ្នកទោស បាត់មុខ អស់មិត្ត...។
• នេះ នៅជាមនុស្សផង ។
• ទុកថាជាមេរៀន ឱ្យយើងចេះពឹងខ្លួនឯង ពោលគឺ ប្រតិបត្តិ តាមព្រះធម្មវិន័យ.៕៚

https://youtu.be/csKBFb5kcSQ?si=4N-_3ys6tHNAHSgq

.សិក្សាព្រះត្រៃបិដក ព្រះអដ្ឋកថា...ដូចគ្នា តែការយល់មិនដូចគ្នាខ្លះ ជារឿងធម្មតា ។ ទោះយ៉ាងណាក៏មិនរារាំងចំពោះបដិបត្តិធម៌ លុះត្រាស់ដឹងកាលណា ក៏រមែងលែងសង្ស័យក្នុងសតិប្បដ្ឋានវិបស្សនា អរិយសច្ចធម៌ហើយ ៕៚
🙏🙏🙏២៤.០៥.២០២៥🙏🙏🙏
https://youtu.be/nLGTXePpLQI?si=JuQ53cGe1NtbVlCj