ក្រុមប្រឹក្សាយុវជន វិទ្យាល័យព្រះមុនីវង្ស

03/09/2026

វិទ្យាល័យព្រះមុនីវង្ស - Preah Monivong Highschool Top1 battambang 👏🏻🎊

លទ្ធផលសិស្សនិទ្ទេស A ក្នុងប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ២០២៦ ក្នុងខេត្តបាត់ដំបង (គិតតាមសាលារៀន)

02/09/2026

អបអរសាទរប្អូនប្រុស តែ រតនា ជាសិស្សថ្នាក់ទី១២P នៃវិទ្យាល័យព្រះមុនីវង្ស ទទួលបាននិទ្ទេស🅰️🎉👏🏻

02/09/2026

អបសាទរប្អូនស្រី ងី សុលីតា ជាសិស្សថ្នាក់ទី១២A នៃវិទ្យាល័យព្រះមុនីវង្សទទួលបាន និទ្ទេសA 🅰️🎉

02/09/2026

អបអរសាទរ ប្អូន🅰️👏🏻

04/08/2026

សូមចូលរួមអបអរសាទរ ចំពោះប្អូនៗជាសមាជិកក្លិបមនសិការពលរដ្ឋល្អ តំណាងវិទ្យាល័យព្រះមុនីវង្ស ទាំងពីកម្រិត (ថ្នាក់ទី១០ ពន្លឺនៃក្តីសង្ឃឹម និងថ្នាក់ទី១១ រូបវិទ្យាជាគន្លឹះនៃstem ) ដែលត្រូវបានជ្រើសរើសជាប់ជាគម្រោងឆ្នើមថ្នាក់ខេត្ត ក្នុងការប្រកួតគម្រោង "កម្ពុជាក្នុងបេះដូងខ្ញុំ" ប្រចាំខេត្តបាត់ដំបង ក្នុងកម្មវិធីមនសិការពលរដ្ឋ ឆ្នាំ២០២៦។
___________________
០៤.០៨.២០២៦

18/07/2026

ព្រឹក,ថ្ងៃសៅរ៍ ទី១៨ ខែកក្កដា ឆ្នាំ២០២៦
លោកគ្រូ អ៊ុល វិចិត្រ តំណាងលោក អេង ភីរុណ នាយក នៃវិទ្យាល័យព្រះមុនីវង្ស រួមទាំងអ្នកគ្រូបន្ទុក និងក្រុមប្រឹក្សាយុវជន នៃវិទ្យាល័យព្រះមុនីវង្ស បាននាំយកនូវថវិកាទៅចូលរួមរំលែកទុក្ខជាមួយនិងក្រុមគ្រួសារ នៃសពកុមារា លី ប៊ុនហាក់ហេង ជាសិស្សថ្នាក់ទី 7G នៃវិទ្យាល័យព្រះមុនីវង្ស ដែលបានទទួលមរណភាពកាលពី ថ្ងៃសៅរ៍ ទី១១ ខែកក្កដា ឆ្នាំ២០២៦ ដោយឧបទ្ទវហេតុលុងទឹក ។

16/07/2026

នៅថ្ងៃទី ១៦ ខែកក្កដា ឆ្នាំ២០២៦
គណៈគ្រប់គ្រង លោកគ្រូ អ្នកគ្រូ និងសិស្សានុសិស្ស នៃវិទ្យាល័យព្រះមុនីវង្ស ខេត្តបាត់ដំបង បានចូលរួមក្នុងកម្មវិធីអប់រំ និងផ្សព្វផ្សាយរបស់មជ្ឈមណ្ឌលធនធានចល័តនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.)។

ការរៀបចំនេះធ្វើឡើងក្នុងគោលបំណងដើម្បីពង្រឹងការយល់ដឹងអំពីប្រវត្តិសាស្ត្រខ្មែរក្រហម និងសមិទ្ធផលសំខាន់ៗនៃដំណើរការកាត់ទោសមេដឹកនាំជាន់ខ្ពស់ ដើម្បីស្វែងរកយុត្តិធម៌ជូនជនរងគ្រោះ។

ក្នុងអំឡុងកម្មវិធី សិស្សានុសិស្សបានស្វែងយល់តាមរយៈការស្តាប់បទបង្ហាញ ទស្សនាវីដេអូឯកសារ ពិភាក្សាក្រុម និងការសួរដេញដោល ដែលសកម្មភាពទាំងនេះមិនត្រឹមតែផ្ដល់ចំណេះដឹងផ្នែកប្រវត្តិសាស្ត្រនិងច្បាប់ប៉ុណ្ណោះទេ ប៉ុន្តែថែមទាំងបណ្ដុះស្មារតីយុវជនឱ្យដឹងគុណតម្លៃនៃសន្តិភាព សិទ្ធិមនុស្ស និងរួមគ្នាការពារកុំឱ្យរបបខ្មៅងងឹតនេះវិលត្រឡប់មកវិញ។

តាមរយៈកម្មវិធីផ្សព្វផ្សាយនេះ អ.វ.ត.ក. បន្តបេសកកម្មក្នុងការផ្ទេរចំណេះដឹងទៅកាន់យុវជនជំនាន់ក្រោយ ដើម្បីធានាថាប្រវត្តិសាស្ត្រមិនត្រូវបានភ្លេច និងយុត្តិធម៌ត្រូវបានគោរព និងបន្តរក្សាទុកក្នុងសង្គមកម្ពុជា។

10/06/2026

ព្រឹក,ថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ព.ស.២៥៧៩ ត្រូវនឹងថ្ងៃទី១០ ខែមិថុនា ឆ្នាំ២០២៦
យុវជនកាយរឹទ្ធិ យុវជនកាកបាទក្រហម និងយុវជនស.ស.យ.ក. នៃវិទ្យាល័យព្រះមុនីវង្ស បានអញ្ជើញចូលរួមអបអរ "ពិធីសម្ពោធដាក់ឲ្យប្រើប្រាស់ជាផ្លូវការនូវអគារជំងឺមិនឆ្លង និងស្ដារនីតិសម្បទា" នៃមន្ទីរពេទ្យបង្អែកខេត្តបាត់ដំបង ។ កម្មវិធីនេះប្រព្រឹត្តិទៅក្រោមអធិបតីភាពដ៏ខ្ពង់ខ្ពស់ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល និងឯកឧត្តម Kim Chang Yong ឯកអគ្គរដ្ឋទូតសាធារណរដ្ឋកូរ៉េប្រចាំព្រះរាជាណាចក្រកម្ពុជា ស្ថិតនៅបរិវេណមន្ទីរពេទ្យបង្អែកខេត្តបាត់ដំបង ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។
👉អគារជំងឺមិនឆ្លងនេះជាអំណោយដ៏ថ្លៃថ្លា របស់ប្រជាជនសាធារណរដ្ឋកូរ៉េ ជូនចំពោះប្រជាជនខេត្តបាត់ដំបង តាមរយៈមូលនិធិកូរ៉េ សម្រាប់ការថែទាំសុខភាពអន្តរជាតិ ហៅកាត់ថា(KOFIH)។

25/05/2026

24/05/2026

នាព្រឹកថ្ងៃទី២៤ ខែឧសភា ឆ្នាំ២០២៦ យុវជន ស.ស.យ.ក.នៃវិទ្យាល័យព្រះមុនីវង្សចំនួន២២ នាក់ បានចូលរួមសម្របសម្រួលក្នុងកម្មវិធី“ ១ ម៉ឺនជំហាន ដើម្បីសិស្ស ១ ម៉ឺននាក់ “ ក្រោមប្រធានបទ “រត់ ដើរ ដើម្បីលើកកម្ពស់ការអាន និង សារមន្ទីរ ស.ស.រ” ក្រោមអធិបតីភាពឯកឧត្តម មូល ធន អភិបាលរង នៃគណអភិបាលខេត្តបាត់ដំបង ដែលមានអ្នកចូលរួមប្រមាណជាង ៤០០០ នាក់។ កម្មវិធីនេះរៀបចំដោយ AmretMFI នៅបរិវេណវិមានឯករាជ្យខេត្តបាត់ដំបង។