សាលាបឋមសិក្សាតាស្តា

គណៈកម្មការគ្រប់គ្រងសាលារៀន នាយកសាលា លោកគ្រូអ្នកគ្រូ សិស្សានុសិស្ស និងអាណាព្យាបាលសិស្សនៃសាលាបឋមសិក្សាតាស្ដា សូមគោរពអរគុណដល់លោកនាយកអង្គការ និងសហការីនៃ Action Education ដែលបានចុះជួបពិភាក្សា និងឧបត្ថម្ភកុំព្យូទ័រ ដើម្បីគាំទ្រដល់ការសិក្សារៀនសូត្ររបស់សិស្ស។
សូមគោរពជូនពរលោកនាយក និងសហការីគ្រប់រូបមានសុខភាពល្អបរិបូណ៌ និងជោគជ័យគ្រប់ភារកិច្ច🙏🏻🙏🏻។

សេចក្តីជូនដំណឹង
សូមជម្រាបជូន ដល់ឪពុកម្តាយ ឬអាណាព្យាបាលសិស្សជ្រាបថា សាលាបឋមសិក្សាតាស្ដានឹងចូលរៀន នៅថ្ងៃចន្ទ ទី២០ ខែមេសា ឆ្នាំ២០២៦ សូមប្អូនៗសិស្សានុសិស្សចូលរួមគោរពបទបញ្ជាផ្ទៃក្នុងសាលា!

សកម្មភាពសិស្សានុសិស្សថ្នាក់ទី ២ខ លេងល្បែងសិក្សា បង្រៀនដោយអ្នកគ្រូ បេន កន្និកា
ល្បែងសិក្សា ជាផ្នែកមួយនៅក្នុងការជួយសិស្សរៀនយឺត ក៏ដូចជាធ្វើឱ្យសិស្សមានភាពរីករាយនៅក្នុងការសិក្សា។
សូមអរគុណ និងសូមជូន Credit ដល់លោកគ្រូអ្នកគ្រូដែលបានបង្កើតល្បែងនេះឡើងផងដែរ🙏🏻

ប្រជុំបច្ចេកទេសលើកទី៣ នៅកម្រងសន្តិភាព
ថ្ងៃព្រហស្បតិ៍ ទី២៦ ខែមីនា ឆ្នាំ២០២៦
ការធ្វើថ្នាក់និទស្សន៍កញ្ចប់អំណានថ្នាក់ទី២ បង្រៀនដោយអ្នកគ្រូ ខែម មា និងថ្នាក់ទី៤ បង្រៀនដោយអ្នកគ្រូ រិទ្ធ សុភមុនីឧស្សាហ៍ ជាគ្រូបង្រៀននៅសាលាបឋមសិក្សាហ៊ុន សែនសន្តិភាព

ដំណើរការនៃការកែពិន្ទុ និងបញ្ចូលពិន្ទុត្រូវបានបញ្ចប់ដោយរលូន។ សូមគោរពអរគុណលោកគ្រូអ្នកគ្រូគ្រប់រូបសម្រាប់ការចូលរួមយ៉ាងសកម្ម។🙏🏻🙏🏻
សូមប្អូនៗរង់ចាំលទ្ធផលទាំងអស់គ្នា😊

សកម្មភាពនៃការប្រឡងឆមាសលើកទី១ រយៈពេល ២ថ្ងៃ ត្រូវបានបញ្ចប់។
សូមជូនពរប្អូនៗទទួលបានលទ្ធផលល្អក្នុងការប្រឡង។🥰🥰

អបអរសាទរ ទិវាជាតិអំណាន ខួបលើកទី១១ ក្រោមប្រធានបទ “សំណេរ និងអំណានក្នុងបរិបទថ្មី” ការប្រារព្ធទិវាជាតិអំណាននេះ ក្នុងគោលបំណងលើកកម្ពស់វប្បធម៌អំណាននៅក្នុងសង្គម និងជំរុញឱ្យកុមារ យុវជន សិស្សនិស្សិត និងសាធារណជនទូទៅ មានការចាប់អារម្មណ៍ក្នុងការអានសៀវភៅ និងស្វែងយល់ចំណេះដឹងថ្មីៗជាបន្តបន្ទាប់។ ការអានជាគន្លឹះសំខាន់សម្រាប់ការអភិវឌ្ឍបញ្ញា ការពង្រឹងសមត្ថភាពគិតវិភាគ ការបង្កើនជំនាញស្រាវជ្រាវ និងការពង្រីកទស្សនវិស័យឱ្យកាន់តែទូលំទូលាយ។

១១ មីនា ២០២៦



Via: Samdech Thipadei Hun Manet, Prime Minister of Cambodia

ថ្ងៃសុក្រ ១២កើត ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី ៣០ ខែមករា ឆ្នាំ២០២៦

សាលាបឋមសិក្សាតាស្ដា បានទទួលប័ណ្ណសរសើរ ថ្នាក់ខេត្ត ក្នុងពិធីបិទសន្និបាតអប់រំ យុវជន និងកីឡា ក្រោមអធិបតីភាពដ៏ខ្ពង់ខ្ពស់របស់ឯកឧត្តមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី ក្រសួងអប់រំ យុវជន និងកីឡា លើជ័យលាភី៖
១. សាលាស្អាត ចំណាត់ថ្នាក់លេខ ៤
២. អ្នកគ្រូ ស៊ីប ឌីណា ចំណាត់ថ្នាក់លេខ ៤ (គ្រូបង្រៀនល្អភាសាខ្មែរថ្នាក់ទី១,២,៣)

ព្រមជាមួយគ្នានេះ សាលាក៏សូមអបអរសាទរចំពោះអ្នកគ្រូ បេន កន្និកា ដែលបានទទួលសញ្ញាបត្រវគ្គបំប៉នគ្រូបង្រៀនកម្រិតមូលដ្ឋាន ជំនាន់ទី១៣ និងកម្មវិធីអភិវឌ្ឍវិជ្ជាជីវៈជាប្រចាំ (CPD) នៅវិទ្យាស្ថានគរុកោសល្យខេត្តបាត់ដំបង ផងដែរ។

សាលាក៏សូមកោតសរសើរ និងថ្លែងអំណរគុណយ៉ាងជ្រាលជ្រៅចំពោះលោកស្រីនាយិកា អ្នកគ្រូ លោកគ្រូ គណៈកម្មការសាលា អាណាព្យាបាលសិស្សគ្រប់រូបដែលខិតខំប្រឹងប្រែងចូលរួមចំណែកអភិវឌ្ឍសាលា និងបង្ហាត់បង្រៀនសិស្សប្រកបដោយឆន្ទៈ។

សូមគោរពអរគុណ🙏🏻