Т.Тешебаев атындагы орто мектеби

N11Т.Тешебаев а.о.м. 9-сентябрь - Комуз күнүнө карата өткөрүлгөн иш чара

Акыркы жылдары Кыргыз жергесинде көптөгөн алгылыктуу иштер бүткөрүлдү. Мына ошолордун ичинде быйыл Токтогул жергесинде эки мектептин жаңы имараттары бүткөрүлүп, жаңы 2025-2026-окуу жылынын алдында, тактап айтканда 29-август 2025-жылы мамлекет башчысы С.Жапаров тарабынан онлайн форматында ачылган бир нече мектеп, бала бакча, эл керегине жараган ар түрдүү кызмат аткарган жаңы имараттардын катарында ишке берилди. Мектептин ачылышына Токтогул шаарынын мэри, Токтогул шаарынын акиминин орун басары, мектеп жамааты, ысымын мектеп алып жүргөн Т.Тешебаев аксакалдын урпактары, айылдын тургундары күбө болушту. Ачылышка катышкан бардык адамдар эл үчүн өлкөдө жасалган иштерге, ал ичинде кыска мөөнөттө курулган N11 Т.Тешебаев атындагы мектептин жаңы имараты үчүн мамлекет башчысына, өкмөткө терең ыраазычылык билдиришти.