Акымбеков Мамат атындагы орто мектеби

31/05/2026

Урматтуу ата-энелер, кадырлуу коноктор, ардактуу мугалимдер жана сүйүктүү окуучулар!
Акыркы коңгуроо салтанаты – бир окуу жылынын жыйынтыгын чыгарып, жетишкендиктерди даңазалаган өзгөчө күн. Бул окуу жылында мектебибиздин окуучулары билим, спорт, чыгармачылык жана коомдук иштер боюнча райондук, облустук жана республикалык деңгээлдеги сынактарда ийгиликтерди жаратып, мектебибиздин намысын бийик көтөрүштү.
Жыл ичинде талыкпай эмгектенип, мыкты көрсөткүчтөргө жетишкен окуучуларыбыз бүгүн Ардак грамота жана сыйлыктар менен сыйланууда. Алардын ар бир жеңишинин артында мээнеткеч мугалимдердин эмгеги, ата-энелердин колдоосу жана окуучулардын өздөрүнүн аракети турат.
Мугалимдерибиз да билим берүүдө чыгармачылык менен иштеп, окуучуларды ийгиликке жетелеп, мектептин аброюн көтөрүүгө чоң салым кошушту. Алардын кесипкөйлүгү жана тынымсыз изденүүсү биздин сыймыгыбыз.
Урматтуу окуучулар! Бүгүнкү алган сыйлыгыңар жаңы ийгиликтерге дем берип, дагы да бийик максаттарды багындырууга шыктантсын. Ал эми мугалимдерибизге жана ата-энелерге өсүп келе жаткан муунду тарбиялоодогу зор эмгеги үчүн терең ыраазычылык билдиребиз.
Баарыңыздарды окуу жылынын ийгиликтүү аякташы менен куттуктайбыз! Мектебибиздин жетишкендиктери артып, окуучуларыбыздын жылдызы ар дайым жанып турсун!

10/05/2026

10/05/2026

9-Май — Улуу Ата Мекендик согуштагы Жеңиштин 81 жылдыгына карата мектебибизде эскерүү иш-чарасы болуп өттү.
Иш-чарага айыл аксакалдары жана мугалимдер жамааты катышып, согушта курман болгон ата-бабаларыбызды эскеришип куран окулду.
Баатырлардын Мекен үчүн кылган эрдиги эч качан унутулбайт. Алардын жаркын элеси ар дайым жүрөгүбүздө сакталат.
Тынчтык асманыбыз ачык болуп, элибизде ынтымак болсун.

21/04/2026

🎉 Куттуктайбыз! 🎉
“Жыл мугалими” кароо-сынагында жогорку жетишкендиктерди багындырган ардактуу мугалимдерибизди чын жүрөктөн куттуктайбыз! 👏
🥇 1-орунду ээлеп, облустук турга жолдомо алган: 🔹 Торобеков Үмүт Барпыбековна (Физика)
🔹 Касымбекова Алмакан Рысбековна (Адам жана коом)
🔹 Чолпон кызы Назира (Информатика)
🔹 Муратбек кызы Замира (Биология)
🔹 Джунушалиева Малика Базарбаевна (Англис тили)
🥈 Райондук турда 2-орунду камсыз кылган: 🔹 Ботоева Назира Салмоорбековна (Башталгыч класс)
Сиздердин талыкпас эмгегиңиздер, билимиңиздер жана кесипке болгон сүйүүңүздөр – чоң сыймык! 🌟
Алдыдагы облустук турда да ийгиликтерди каалайбыз! 🚀

28/03/2026

Нооруз — жаңылануунун, биримдиктин жана ынтымактын майрамы! 🌿
Мектебибизде Нооруз майрамы өзгөчө шаң менен белгиленди.
Иш-чаранын жүрүшүндө окуучулар улуттук каада-салттарды чагылдырып, көркөм ыр-бийлерди тартуулашты. Майрамдык кечеде сармерден оюну уюштурулуп, жаштар өздөрүнүн тапкычтыгын, сөзгө чеберлигин жана акылмандыгын көрсөтүштү.
Кыз-жигиттер айтышып, тамаша-чын аралаш сөздөрдү айтып, көрүүчүлөргө көтөрүңкү маанай тартуулашты. Бул оюн улуттук маданиятыбыздын көркөм мурастарынын бири экенин дагы бир жолу айгинеледи.
Нооруз — достукту бекемдеген, жүрөктөрдү жакындаткан жана жаңы үмүттөрдү жараткан майрам катары баарыбызга кубаныч тартуулады! 🌸
#Нооруз #МектепЖашоосу #Сармерден #УлуттукСалт

05/02/2026

Бүгүн 5-февраль күнү билим берүү тармагындагы санариптештирүүнү өнүктүрүү максатында “Алтын Казык” программасынын алкагында башталгыч класстарда эмгектенген 16 мугалимге ноутбуктар тапшырылды.
Бул демилге мугалимдердин ишин жеңилдетип, сабактарды заманбап технологиялар менен өткөрүүгө, окуучулардын билим сапатын жогорулатууга чоң мүмкүнчүлүк түзөт.
Билим берүүгө жасалган ар бир колдоо – келечекке жасалган инвестиция.
“Алтын Казык” – сапаттуу билимдин бекем пайдубалы!
📚💻 Билим берүүнүн сапатын арттырууга багытталган бул маанилүү демилгеге ыраазычылык билдиребиз!

03/02/2026

Жаңылыктар менен бөлүшөбүз!
Биздин мектебибиз кластердик мектептердин катарына киргендигине байланыштуу Агартуу министрлиги тарабынан чоң колдоо көрсөтүлдү. Анын алкагында физика, биология жана химия сабактары үчүн заманбап лабораториялык жабдуулар жана долбоор боюнча панельный доска мектебибизге жеткирилди.
🔬⚗️ Бул жабдуулар окуучулардын теориялык билимдерин практика менен айкалыштырууга, сабактарды кызыктуу, жеткиликтүү жана натыйжалуу өткөрүүгө чоң мүмкүнчүлүк түзөт.
📚 Окуучуларыбыздын илимге болгон кызыгуусун арттырып, келечектеги изилдөөчү, дарыгер, инженерлердин калыптанышына жол ачкан бул колдоо үчүн Агартуу министрлигине терең ыраазычылык билдиребиз.
✨ Мектебибизде сапаттуу билим берүү жолундагы иштер мындан ары да уланат!