Эл аралык билим берүү программалары колледжи

2026-жылдын 14-май күнү Эл аралык билим берүү программалары колледжинде
“Укук жана кыз тагдыры” аттуу иш-чара өткөрүлдү. Иш-чара колледждин Аялдар кеңешинин төрайымы Г. Борубекова жана Коомдук илимдер жана АЧД циклынын окутуучулары М. Т. Абдибаитов менен Б. Ш. Жоробаевдердин демилгеси менен уюштурулду.
Иш-чаранын негизги максаты — кыздардын укуктук сабаттуулугун жогорулатуу, алардын коомдогу орду жана коопсуздугу тууралуу пайдалуу маалымат берүү болду.
Жолугушууга конок катары Ош ШИИБдин Ак-Буура милиция бөлүмүнүн милициянын аймактык ыйгарым укуктуу өкүлү, милициянын майору Касымова Айниса Хасанбаевна жана Ош ШИИБдин ГОМ-3 бөлүмүнүн жардамчылары Талайкулова Элиза Талайкуловна, Айдаралиева Айназик Амангелдиевна катышып, студенттерге укуктук багытта маанилүү маалыматтарды беришти.
Иш-чара мазмундуу өтүп, катышуучулар өздөрүнүн кызыктырган суроолоруна жооп алышты.

#ошму #кмоп #колледж #рекомендации #река

КОЛЛЕДЖДИН КЫЗМАТКЕРЛЕРИ САМАРКАНД ШААРЫНДА АКАДЕМИЯЛЫК ИШ САПАРДА БОЛУШТУ

Ош мамлекеттик университетинин Эл аралык билим берүү программалары колледжинин административдик жана окутуучулук курамы 2026-жылдын 11–14-май күндөрү Самарканд мамлекеттик чет тилдер институтунда иш сапары менен болушту.
Иш сапардын алкагында ОшМУнун өкүлдөрүн институттун ректору Б. Холиков кабыл алып, тараптар университеттердин ректорлору тарабынан кол коюлган өз ара кызматташтык жөнүндө меморандумдун алкагында академиялык кызматташтыкты кеңейтүү, окутуучулардын тажрыйба алмашуусу, студенттердин академиялык мобилдүүлүгү жана биргелешкен илимий долбоорлор боюнча пикир алышты.
Ошондой эле делегация Инновациялык билим берүү технологиялары жана методдору кафедрасы уюштурган “From Chalk to Chatbots: The Evolution of Teaching” («Доска жана бордон чат-ботторго чейин: окутуу процессинин эволюциясы») аттуу семинар-тренингге катышты. Семинарда заманбап педагогикалык ыкмалар, санариптик технологиялар жана жасалма интеллектти билим берүүдө колдонуу маселелери талкууланды.

KYZYL - KIYA OPEN 2026
Эл аралык билим берүү программалары колледжинин студенти Джумабаева Дилафруз 59 кг салмакта Кызыл-Кыя шаарында өткөрүлгөн эл аралык Тхэквондо чемпионатында 1-орунду ээледи.

#ошму #река #студент #рекомендации

9-МАЙ — УЛУУ ЖЕҢИШ КҮНҮ
2026-жылдын 30-апрелинде Эл аралык билим берүү программалары колледжинде Аялдар кеңешинин төрайымы Г. Борубекова жана коомдук дисциплиналар бөлүмүнүн окутуучулары М. Айтиева, Г. Мадалиева тарабынан 9-МАЙ — УЛУУ ЖЕҢИШ КҮНҮНӨ карата “Бир жеңиш — бир сүрөт” аттуу сүрөт тартуу конкурсу жогорку деңгээлде уюштурулду. Иш-чаранын жүрүшүндө М. Айтиева Чыңгыз Айтматовдун чыгармаларын жасалма интеллекттин жардамы аркылуу QR-код менен сунуштап, студенттердин санариптик сабаттуулугун жана заманбап технологияларды колдонуу жөндөмүн текшерди.
Конкурстун жыйынтыгында:
1-орунду МЛС-9-2-24 тайпасы,
2-орунду АЯС 9-2-23 тайпасы,
3-орунду ПДС 9-1-25 тайпасы ээледи.
Байгелүү орундарды ээлеген катышуучуларга эки адамдык кинотеатрга билеттер белекке берилди. Ошондой эле санариптик билим боюнча өзгөчөлөнгөн студенттерге Султан Ибраимов атындагы Ош улуттук драма театрында коюлган “Азыр деле сулуусуңбу, жашсыңбы?” аттуу спектаклге билеттер тапшырылды.

#ошму #кмоп #колледж #рекомендации #река

2026-жылдын 28-апрелинде Ош мамлекеттик университетинин Эл аралык билим берүү программалары колледжинин бүтүрүүчү курстары жана бүтүрүүчүлөрү үчүн «Кесиптен карьерага: эл аралык мүмкүнчүлүктөр жана ишкерлик тажрыйба» аттуу семинар уюштурулду.
Семинарда Кыргыз Республикасынын жарандарын чет өлкөдө ишке орноштуруу борборунун кызматкери Мурзабеков Исакбай Камалович сөз сүйлөп, борбордун милдеттери, аткарган кызматтары жана жарандарды чет өлкөлөрдө мыйзамдуу ишке орноштуруу боюнча кеңири маалымат берди.
Иш-чаранын жүрүшүндө жеке ишкер, “Lenin Peak Yurt” конок үйүнүн негиздөөчүсү Бегматаева Гүлбурак өзүнүн ишмердүүлүгү жана жетишкен ийгиликтери тууралуу баяндама жасап, бүтүрүүчүлөрдү билимге жана эмгекке болгон кызыгуусун арттырууга дем берди.
Иш-чаранын соңунда бүтүрүүчүлөр ассоциациясынын өкүлдөрү спикерлерге ыраазычылык билдиришти.

#ошму #кмоп #колледж #рекомендации #река

2026-жылдын 30-апрель күнү Ош шаардык эмгек, социалдык камсыздоо жана миграция башкармалыгы, Ош шаардык мэриясы, Ош технологиялык университети, Миграциялык ресурстук борбор жана “Ош Бизнес Ассоциациясы” биргелешип С. Ибраимов атындагы Ош улуттук драма театрында бош жумуш орундар жана кесипке багыт берүү жарманкеси уюштурулду.
Бул жарманкеге Эл аралык билим берүү программалары колледжинин студенттери активдүү катышышты.
Иш-чараны Ош шаардык мэриясынын аппарат жетекчиси Масуда Айдарбековна ачып берди. Иш-чаранын жүрүшүндө бүтүрүүчүлөр иш берүүчүлөр менен бетме-бет баарлаша алышты.

#ошму #кмоп #колледж #рекомендации #река

Ош мамлекеттик университетинин STEM инновациялык колледжи тарабынан уюштурулган "Өтмө кубок" волейбол турниринде Эл аралык билим берүү программалары колледжинин волейбол боюнча балдар курама командасы 1-орунду камсыздап, диплом, кубок жана акчалай сыйлыктар менен сыйланышты.

#ошму #кмоп #колледж #река #рекомендации

Карьера жана өнөктөштүк күнү жогорку деңгээлде өткөрүлдү
2026-жылдын 28-апрелинде ОшМУнун Эл аралык билим берүү программалары колледжинде студенттердин жана бүтүрүүчүлөрдүн ишке орношуусуна көмөк көрсөтүү, ошондой эле иш берүүчүлөр менен өнөктөштүктү бекемдөө максатында «Карьера жана өнөктөштүк күнү» уюштурулуп, жогорку деңгээлде өткөрүлдү.
Иш-чаранын алкагында Ош шаарында жайгашкан мекеме-ишканалардын өкүлдөрүнүн катышуусунда бош жумуш орундар жарманкеси өткөрүлдү. Жарманкеде иш берүүчүлөр өз уюмдары тууралуу кеңири маалымат берип, актуалдуу вакансияларын сунушташты.
Колледждин бүтүрүүчүлөрүнө Ош шаардык эмгек, социалдык камсыздоо жана миграция башкармалыгы, ошондой эле Жарандарды чет өлкөдө ишке орноштуруу борбору тарабынан өлкө аймагындагы жана чет өлкөлөрдөгү бош жумуш орундар тууралуу маалыматтар берилди. Бул алардын кесиптик багыт алуусуна жана келечектеги карьерасын туура пландаштыруусуна өбөлгө түздү.
Иш-чаранын жүрүшүндө иш берүүчүлөр менен колледждин өкүлдөрүнүн ортосунда мазмундуу талкуу өтүп, анда окуу пландарын эмгек рыногунун талаптарына ылайыкташтыруу, студенттердин практикалык даярдыгын күчөтүү, өндүрүштүк практика жана стажировка мүмкүнчүлүктөрүн кеңейтүү маселелери каралды.
Мындай иш-чаралар билим берүү менен өндүрүштүн ортосундагы байланышты чыңдап, бүтүрүүчүлөрдүн атаандаштыкка жөндөмдүүлүгүн жогорулатууга олуттуу салым кошот.

#кмоп #студент #карьера #рекомендации #река

Бишкек шаарында өткөрүлгөн Кыргыз Республикасынын Кик-Боксинг боюнча чемпионатында ОшМУнун Эл аралык билим берүү программалары колледжинин студенти Усманов Одилжон 63 кг салмакта 3-орунду ээлеп, диплом жана медал менен сыйланды.

#ошму #кмоп #колледж #рекомендации #спортзал