Нарын шаардык билим берүү бөлүмү

📚 Республикалык предметтик олимпиаданын II этабы ийгиликтүү жыйынтыкталды
2025–2026-окуу жылында өткөрүлгөн республикалык предметтик олимпиаданын II этабы Нарын шаардык, райондук билим берүү бөлүмүнүн уюштуруусу менен жогорку деңгээлде өткөрүлдү. Олимпиаданын
📌 I күнү – 2026-жылдын 11-февралында,
📌 II туру – 12-февралында болуп өттү.
Бул олимпиадада билимге умтулган, изденген, келечекке чоң максат койгон окуучулар өздөрүнүн терең билимдерин, логикалык ой жүгүртүүсүн жана чыгармачылык жөндөмдөрүн көрсөтө алышты. Ар бир тапшырма окуучулардын предметтик даярдыгын гана эмес, жоопкерчилигин, тырышчаактыгын жана өзүнө болгон ишенимин сынады.
Олимпиаданын уюштурулушу талапка жооп берген шарттарда, так жана калыс өткөрүлүп, билим берүү тармагындагы ачыктыкты жана адилеттүүлүктү дагы бир ирет тастыктады. Мындай иш-чаралар жаш муундун өсүшүнө өбөлгө түзүп, келечекте өлкөбүздүн өнүгүүсүнө салым кошо турган билимдүү кадрларды даярдоодо өзгөчө мааниге ээ.
Олимпиадага катышкан бардык окуучуларга, аларды даярдаган мугалимдерге, ошондой эле уюштуруучуларга терең ыраазычылык билдиребиз. Билимге болгон умтулууңар эч качан токтобосун, ийгиликтер дайыма жолдош болсун!
✨ Билим — келечектин негизи!

⚡ЖРТ: КЫШКЫ КАТТОО 15-ОКТЯБРДАН БАШТАЛАТ

🗓️Кыргыз Республикасынын жогорку окуу жайларына кышкы кабыл алуу үчүн жалпы республикалык тестке (ЖРТ) каттоо 15-октябрда башталат.

🖥️Каттоо Билим берүүнү баалоо жана окутуу усулдары борборунун электрондук платформасында райондук жана шаардык билим берүү бөлүмдөрү аркылуу 30-октябрга чейин онлайн жүргүзүлөт.

Кабыл алуу жогорку окуу жайлардын контракттык окутуу формасына гана жүргүзүлөт. ЖРТга (кышкы кабыл алуу үчүн) орто жалпы билими жөнүндөгү аттестаты же орто кесиптик билими жөнүндөгү диплому бар жарандар гана катыша алышат.

Кыргыз Республикасынын аймагынан сырткары жашаган жарандар тестке бир күн калганда каттоодон өтүүлөрү зарыл.
Каттоо боюнча нускаманы жана видеороликти https://testing.kg/videolessons сайтынан көрүүгө болот.

Кышкы кабыл алуу үчүн ЖРТ болжол менен 2025-жылдын 20–23-ноябрында өткөрүлөт.

Кыргыз Республикасынын жогорку окуу жайларына өтүү үчүн ЖРТнын негизги тестин жана мамлекеттик тил боюнча тестти тапшыруу керек.

*****
⚡ОРТ: ЗИМНЯЯ РЕГИСТРАЦИЯ НАЧНЁТСЯ 15 ОКТЯБРЯ

🗓️Регистрация на Общереспубликанское тестирование (ОРТ) для зимнего приёма в вузы Кыргызской Республики начнётся 15 октября.

🖥️Регистрация проводится онлайн до 30 октября через районные и городские отделы образования на электронной платформе Центра оценки в образовании и методов обучения.

К регистрации на ОРТ (для зимнего приема) ДОПУСКАЮТСЯ лица, имеющие на руках аттестаты о среднем общем образовании или дипломы о среднем профессиональном образовании.

Гражданам, проживающим за пределами Кыргызской Республики, необходимо пройти регистрацию не позднее чем за один день до тестирования.

Можно ознакомиться с инструкцией и посмотреть видеоролик по заполнению онлайн-формы для регистрации на сайте https://testing.kg/videolessons.

ОРТ для зимнего приёма ориентировочно пройдёт с 20 по 23 ноября 2025 года.

Для поступления в вузы КР обязательно наличие результатов основного теста ОРТ и теста по государственному языку.

Н. И. Лобачевский атындагы Нижегород мамлекеттик университети тарабынан уюштурулган "Математика, физика жана информатика жумалыгы" бүгүн өз ишин аяктап, жабылышына окуучуларга сертификаттар берилди. Уюштуруучуларга ыраазычылык кат, белектер Нарын шаардык билим берүү бөлүмү жана #9 мектеби тарабынан тапшырылды.

Проект "Российская неделя физики, математики и информатики"

Сегодня в общеобразовательной средней школе #9 г.Нарын начал свою работу проект "Российская неделя математики, физики и информатики" для учащихся и учителей образовательных организаций общего среднего образования КР.
Учащиеся и учителя физики, математики информатики г.Нарын, Ат-Башинского и Кочкорского районов (свыше 300 участников) примут участие в данном проекте с 6 по 11 октября 2025 г.
Между общеобразовательной средней школой #9 г.Нарын и Национальным исследовательским Нижегородским государственным университетом им. Н. И. Лобачевского подписан договор о сотрудничестве.
На церемонии открытия "Российской недели математики, физики и информатики" с поздравительной речью выступили представитель Россотрудничество в КР - Гультяеев П. С., представитель Нарынской областной государственной администрации - Мамбетова Ж. А., представитель Нарынского городского отдела образования - Джолдубаева А. Дж., проректор по международной деятельности и внешним связям НИНГУ им. Н. И. Лобачевского - Бедный А. Б., начальник управления международного сотрудничества НИНГУ им. Н. И. Лобачевского- Кемаев К. В., заместитель начальника управления международного сотрудничества НИНГУ им. Н. И. Лобачевского - Горылев А. И.
Цель проекта- популяризация науки и образования в сфере точных наук.

🌟 Билим берүү кызматкерлеринин кесиптик майрамы менен куттуктоо! 🌟

✅Бүгүн Нарын шаардык билим берүү бөлүмүндө билим берүү кызматкерлеринин кесиптик майрамын утурлай майрамдык иш-чара өткөрүлдү. Бул күнү биз билим берүүнүн улуу максаты — келечек муунду тарбиялоо жолунда өмүрүн жана эмгегин арнаган мугалимдерди урматтап, алардын жетишкендиктерин белгиледик.

Иш-чарага Нарын шаарынын мэри -
Ж.Немат уулу, Нарын шаардык Кеңешинин төрагасы- Ж.Эсеналиев, билим берүү тармагында узак жылдар бою үзүрлүү эмгектенген ардагер мугалимдер, ошондой эле мугалимдер жана тарбиячылар катышты.

Бул майрам — жөн гана күн эмес, бул мугалимдердин түйшүгү, жүрөгү менен берген мээрими, билим берүү тармагына кошкон салымы бааланып, баатыр эмгек эскерилген күн. Билим берүүнүн алдыңкылары төмөнкү сыйлыктар менен сыйланышты:
🏅 Кыргыз Республикасынын Агартуу министрлигинин Ардак грамотасы
🏅 Билим берүүнүн мыктысы төш белгиси
🏅 Нарын шаардык мэриясынын жана Кеңешинин Ардак грамотасы
🏅 Кесиптик бирлик уюмунун Ардак грамотасы
🏅 Нарын жаштар өкүлүнүн Ардак грамотасы
🏅 Нарын шаардык билим берүү бөлүмүнүн Ардак грамотасы

Ошондой эле, ардагер мугалимдерге акчалай сыйлык тапшырылып, урмат-сый көрсөтүлдү. Бул сыйлык — мугалимге болгон терең урматтын символу.

🎓 Биздин мугалимдер — келечектин жарык жолун ачкан, жүрөгү таза, мээримге толгон адамдар. Ар бир окуучу сиздерден билим гана эмес, ошондой эле адамгерчиликти, шыктандырууну жана өзүнүн чыныгы потенциалын ачууну үйрөнөт.

💛 Баардык мугалимдерди кесиптик майрамы менен чын жүрөктөн куттуктайбыз! Сиздердин эмгегиңиздер — келечек муунду тарбиялоо жолунда баа жеткис.

#БилимБерүүКызматкерлери #МугалимдерМайрамы #НарынШаары #БилимБерүү #АрдакСый

🎉📚 5-ОКТЯБРЬ – БИЛИМ БЕРҮҮ КЫЗМАТКЕРЛЕРИНИН КЕСИПТИК МАЙРАМЫ МЕНЕН КУТТУКТАЙМ! 📚🎉

Урматтуу мугалимдер, бала бакча тарбиячылары, билим берүү кызматкерлери!

Сиздерди дүйнөдөгү эң улуу кесип ээлеринин майрамы менен чын дилимден куттуктайм! ✨
Ар бирибиздин жүрөгүбүздө, тагдырыбызда мугалимдин орду өзгөчө. Мугалим — билимдин шамын жагып, акыл-эс, тарбия менен жол көрсөткөн жетекчи, жашоонун маңызын үйрөткөн устат.

Сиздердин мээнетиңиздер менен Нарын шаарыбыздын билим берүү тармагы өсүп-өнүгүп, ар бир үйгө билимдин нуру, мээримдин жылуулугу тарайт. Балдарыбыздын жетишкендиги — сиздердин ак эмгегиңиздердин, чыдамкайлыгыңыздардын, чыныгы кесипкөйлүгүңүздөрдүн жемиши.

Бул майрам күнү сиздерге чың ден соолук, чыгармачылык ийгилик, үй-бүлөлүк бакыт жана ар дайым окуткан ар бир окуучуңуздун ийгилигинен кубаныч алууну каалайм. 🌿💐

Сиздердин ишиңиздер дайыма урмат-сыйга, кадыр-баркка арзып турсун!
Бардык устаттарыбыздын алдында терең таазим этем! 🙏

Урматтоо менен,
Нарын шаардык билим берүү бөлүмүнүн башчысы
У.Э.Турсунов