Ж. Баласагын атындагы КУУ - КТЭУИ

Ж. Баласагын атындагы КУУ - КТЭУИ Ж. Баласагын атындагы Кыргыз улуттук университетинин Кызыл-Кыя технология, экономика жана укук институту

Жаш дизайнердин ийгиликтүү кадамы ✨Ош шаарында өткөн “AK BUURA FASHION WEEK 2026” алкагындагы жаш дизайнерлердин кароо-с...
24/04/2026

Жаш дизайнердин ийгиликтүү кадамы ✨
Ош шаарында өткөн “AK BUURA FASHION WEEK 2026” алкагындагы жаш дизайнерлердин кароо-сынагына Дизайн-23 тайпасынын студенткасы активдүү катышып, өзүнүн чыгармачылыгын жогорку деңгээлде көрсөттү.
Анын эмгеги, таланты жана модага болгон өзгөчө көз карашы бул иш-чарада татыктуу бааланды. Мындай ийгиликтер жаштардын өнүгүүсүнө, чыгармачылык дараметинин өсүшүнө чоң өбөлгө түзөт.
Биз таланттуу студенткабызга мындан аркы чыгармачылык ийгиликтерди каалайбыз! 🌟

2026-жылдын 21-22-апрель күндөрү Жусуп Баласагын атындагы Кыргыз улуттук университетинин Кызыл-Кыя технология, экономика...
24/04/2026

2026-жылдын 21-22-апрель күндөрү Жусуп Баласагын атындагы Кыргыз улуттук университетинин Кызыл-Кыя технология, экономика жана укук институтунда кезектеги маанилүү иш-чара болуп өттү. Билим берүү программаларын жана уюмдарын аккредитациялоо агенттиги тарабынан бир нече багыттар боюнча сапаттык текшерүү жүргүзүлдү.
• Орто кесиптик билим берүү бөлүмү: 080108 «Банк иши», 230108 «Компьютердик системалар жана комплекстер»;
• Бакалавриат багыты: 532000 «Дене тарбия жана спорт» (Профили: Аскерге чакырууга чейинки даярдоо жана дене тарбия). 550700 Педагогика
Текшерүүнүн жыйынтыгында эксперттик комиссия тарабынан 550700 Педагогика 3 жылга , ал эми жогоруда аты аталган адистиктер 5 жылдык мөөнөткө аккредитациялоого сунушталды.
Бул иш-чаранын башкы максаты — институтта берилип жаткан билимдин мамлекеттик жана эл аралык стандарттарга шайкештигин аныктоо, окутуунун сапатын жогорулатуу жана эмгек рыногунда атаандаштыкка жөндөмдүү адистерди даярдоо болуп саналат.
Процесстин алгачкы күнүндө эксперттик комиссия студенттер, бүтүрүүчүлөр, ата-энелер жана негизги иш берүүчүлөр менен ачык маектешүүлөрдү өткөрдү. Ошондой эле окуу жайдын материалдык-техникалык базасы, окуу-усулдук камсыздоосу жана заманбап билим берүү технологияларынын колдонулушу ар тараптуу бааланды.
Бул жооптуу процессти уюштурууда көрсөткөн колдоосу жана методикалык багыт берүүсү үчүн Жусуп Баласагын атындагы Кыргыз улуттук университетинин жетекчилигине терең ыраазычылык билдиребиз.
Ошондой эле, билим берүү программаларына калыс жана кесипкөй баа берген Билим берүү программаларын жана уюмдарын аккредитациялоо агенттигине ыраазычылыгыбызды айтабыз. Биз үчүн эксперттердин сунуш-пикирлери окуу жайыбыздын өнүгүүсүнө жана билим сапатынын мындан ары бекемделишине чоң түрткү берет.
Сапат жана карьера адиси - Алиева Бурулкан Джулдашевна
Сапаттуу билим берүү — биздин негизги багытыбыз!

Жусуп Баласагын атындагы Кыргыз улуттук университетинин Кызыл-кыя технология, экономика жана укук институтунда АЧЫК ЭШИ...
17/04/2026

Жусуп Баласагын атындагы Кыргыз улуттук университетинин Кызыл-кыя технология, экономика жана укук институтунда АЧЫК ЭШИКТЕР иш - чарасы

Жараткандын алдында ар бир нерсе тагдыр мөөнөтү менен жазылган»Ж.Баласагын атындагы Кыргыз улуттук университетинин Кызыл...
31/03/2026

Жараткандын алдында ар бир нерсе тагдыр мөөнөтү менен жазылган»

Ж.Баласагын атындагы Кыргыз улуттук университетинин
Кызыл-Кыя технология, экономика жана укук институтунун «Окуу-усулдук жана маалымат технологиялары» бөлүмүнүн жетектөөчү адиси
МАТКАСЫМОВА НАСИБАХОН АБДУСАМИНОВНАнын
2026-жылдын 31-март күнү мезгилсиз дүйнөдөн өткөндүгүнө байланыштуу жакындарына терең кайгыруу менен көңүл айтып, аза кайгысын тең бөлүшөбүз.
Жаткан жери жайлуу болсун, топурагы торко болсун!

МАТКАСЫМОВА НАСИБАХОН АБДУСАМИНОВНАнын
БЕЙНЕСИНЕ

1969-жылдын 14-январында Баткен облусунун Кадамжай районуна караштуу Уч-Коргон айылында мугалимдин үй-бүлөсүндө төрөлгөн.
1976-1986-жылдары Уч-Коргон айылындагы С.Айни орто мектебинде билим алган.
1986-1989-жылдары Ош технологиялык лицейинде тигүүчүлүк кесибине ээ болгон.
1989-1993-жылдары Кызыл-Кыя шаарында “Динамо” тигүүчүлүк фабрикасында эмгектенген.
1993-2006-жылдары Кызыл-Кыя шаарындагы №7-кесиптик лицейинде өндүрүш мастери, окутуучу катары иштеген.
1999-2007-жылдары БатМУ КТЭУИде “Тигүүчү” кесибине ээ болуп, 2007-жылдан Кызыл-Кыя шаарындагы Т.Кулатов атындагы Тоо-техникалык колледжинде “ТШИ” кафедрасында окутуучу катары 2012-жылга чейин эмгектенген.
2012-жылдан азыркы күнгө чейин Ж.Баласагын атындагы Кыргыз улуттук университетинин Кызыл-Кыя технология, экономика жана укук институтунун «Окуу-усулдук жана маалымат технологиялары» бөлүмүнүн башкы адиси, окутуучу катары эмгектенип келген.

Бир канча “Ардак грамоталардын” ээси.
Үй-бүлөлүү, бир уул, бир кыздын энеси.

Насибахон Абдусаминовна боорукер, ишкер, жоопкерчиликтүү, уюштуруучу адис катары биздин эсибизде түбөлүк сакталат.

Ж.Баласагын атындагы Кыргыз улуттук университетинин
Кызыл-Кыя технология, экономика жана укук институтунун дирекциясы жана эмгек жамааты.

Кызыл-Кыя технология, экономика жана укук институтунда 8- март Эл аралык айымдар күнүнө карата майрамдык иш чара салтана...
06/03/2026

Кызыл-Кыя технология, экономика жана укук институтунда 8- март Эл аралык айымдар күнүнө карата майрамдык иш чара салтанаттуу түрдө өткөрүлдү.
!

КЫЗЫЛ-КЫЯ ШААРЫНДА МАМЛЕКЕТТИК ТУУ ЖАНА АК КАЛПАК КҮНҮ БЕЛГИЛЕНДИКызыл-Кыя технология, экономика жана укук институту Кыз...
05/03/2026

КЫЗЫЛ-КЫЯ ШААРЫНДА МАМЛЕКЕТТИК ТУУ ЖАНА АК КАЛПАК КҮНҮ БЕЛГИЛЕНДИ
Кызыл-Кыя технология, экономика жана укук институту Кызыл-Кыя шаарынын мериясы тарабынан даярдалган майрамдык иш чарага активдүү катышы.
-Республикасынын_Мамлекеттик_Туусунун_күнү_ЖАНА_5-март–Ак_калпак_күнү_МЕНЕН_КУТТУКТАЙБЫЗ.

ОКУТУУЧУ – СТУДЕНТТИН КӨЗҮ МЕНЕН» АНКЕТАЛЫК СУРАМЖЫЛООСУ ӨТКӨРҮЛДҮ2026-жылдын 3–5-март күндөрү Кызыл-Кыя технология, эко...
05/03/2026

ОКУТУУЧУ – СТУДЕНТТИН КӨЗҮ МЕНЕН» АНКЕТАЛЫК СУРАМЖЫЛООСУ ӨТКӨРҮЛДҮ
2026-жылдын 3–5-март күндөрү Кызыл-Кыя технология, экономика жана укук институтунда «Окутуучу – студенттин көзү менен» аттуу анкеталык сурамжылоо болуп өттү.
Сурамжылоо институттун билим берүү сапатын мониторингдөө алкагында төмөнкү түзүмдүк бөлүмдөрдүн студенттери арасында уюштурулду:
• «Экономика, педагогика жана инженердик технологиялар» факультетинин бакалавр программасынын күндүзгү бөлүмүнүн студенттери;
• Орто кесиптик билим берүү бөлүмүнүн (колледж) күндүзгү бөлүмүнүн студенттери.
Иш-чаранын негизги максаты: — Окутуучулардын кесиптик чеберчилигине жана сабак берүү сапатына студенттер тарабынан объективдүү баа берүү; — Окутуунун усулдук деңгээлин жана инновациялык технологиялардын колдонулушун талдоо; — Студенттердин пикирин эске алуу менен окуу процессин ачык-айкындуулукка жана сапатка багыттоо; — Окутуучу менен студенттин ортосундагы кайтарым байланышты (feedback) чыңдоо.
Сурамжылоонун жыйынтыктары анонимдүүлүктү сактоо менен талданып, окутуучулардын ишмердүүлүгүнө баа берүүдө жана институттун билим берүү сапатын жогорулатуу багытындагы стратегиялык пландоодо негизги көрсөткүч катары колдонулат.
Билим берүүдөгү ачык-айкындуулук — сапаттуу келечектин кепилдиги

2026-жылдын 4-мартында, юриспруденция адистигинин окутуучусу Абдуназаров А. ЮП-24 тайпасынын студенттерин окуу-тажрыйбал...
04/03/2026

2026-жылдын 4-мартында, юриспруденция адистигинин окутуучусу Абдуназаров А. ЮП-24 тайпасынын студенттерин окуу-тажрыйбалык максатта кылмыш иши боюнча соттук отурумга алып барды.
Иш шаардык сотунда каралды.
Соттук отурумдун жүрүшүндө студенттер сот процессинин тартиби, катышуучулардын укук-милдеттери, далилдерди изилдөө тартиби жана соттун чечим кабыл алуу процедурасы менен жеринде таанышышты. Ошондой эле мамлекеттик айыптоочунун, жактоочунун жана соттолуучунун процессуалдык аракеттерине байкоо жүргүзүштү.
Бул иш-чара студенттердин теориялык билимдерин практика менен айкалыштырууга, кылмыш-процессуалдык мыйзамдардын иш жүзүндө колдонулушун түшүнүүгө жана келечектеги кесиптик даярдыгын бекемдөөгө чоң өбөлгө түздү.

23-февраль – Ата Мекенди коргоочулардын күнүБүгүн окуу жайыбызда Ата Мекенди коргоочулардын күнүнө арналган майрамдык ко...
23/02/2026

23-февраль – Ата Мекенди коргоочулардын күнү
Бүгүн окуу жайыбызда Ата Мекенди коргоочулардын күнүнө арналган майрамдык концерттик программа жогорку деңгээлде өткөрүлдү. Иш-чарада патриоттук ырлар жаңырып, мекенге болгон сүйүү, эрдик жана кайраттуулук даңазаланды.
Бардык мекен коргоочуларды 23-февраль майрамы менен чын жүрөктөн куттуктайбыз! Ден соолук, бекем дух, тынчтык жана ийгиликтерди каалайбыз. Ата Мекенибиз ар дайым аман болсун! 🇰🇬

Address

Улица Нигматулина 1
Kyzyl-Kiya
720300

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Website

Alerts

Be the first to know and let us send you an email when Ж. Баласагын атындагы КУУ - КТЭУИ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category