Т.Үмөталиев атындагы жалпы орто билим берүү мектеби

30/06/2026

Бүгүн 30-июнь Манас шаарында "Жылдын мыкты мугалими-2026” кароо-сынагынын облусттук турунун жеңүүчүлөрүн сыйлоо аземи болуп өттү.
Аталган сынакка Т.Үмөталиев мектебинин диндердин өнүгүү тарыхы мугалими Батырбек уулу Нуркылым агай катышып, райондук турдун жеңүүчүсү болуп, облустук турга жолдомо алган.
Облустук турдан 2- орунду алып , Жалал-Абад облусттук билим берүү усулдук борбору тарабынан 2-даражадагы диплом менен сыйланды. Агай өзүнүн эмгеги, чыгармачылыгы жана кесипкөйлүгү менен жеңишке жетип олтурат. Ар бир жеңиш — бул чоң эмгектин, изденүүнүн жана кесипке болгон сүйүүнүн натыйжасы!
Сыйлык кут болсун агай. Бекем ден соолук, үй-бүлөлүк бакыт жана чыгармачылык ийгиликтерди каалайбыз.

26/06/2026

Бүгүн 26-июнь Республиканын бардык аймактарындагы билим берүү мекемелеринде 9-11-класстарга мамлекеттик үлгүдөгү күбөлүк, аттестаттарды тапшыруу аземи болуп өттү.
Т.Үмөталиев мектебинде да бул иш чара белгиленип, ага Мамыт Абылкасымов атындагы Аксы райондук билим берүү бөлүмүнүн адиси Ташибекова Гүлбарчын эжеке жана ата-энелер, мугалимдер катышты.
2025-2026-окуу жылында аталган мектепте 9-классты 142 окуучу, 11-классты 54 окуучу аяктады. Бүтүрүүчүлөрдүн арасынан артыкчылык аттестаты 4 окуучуга, ал эми артыкчылык күбөлүгү 6 окуучуга ыйгарылды.
Артыкчылык аттестаты 11-а классынын окуучусу Баймырзаева Бегайым,
11-б классынын окуучулары Бөлөкбаева Бегимай, Бейшенбекова Малика, Эргешалиева Аянага берилди.
Артыкчылык күбөлүгү
9-а классынын окуучусу Самадалиева Гулзыйнат,
9-б класс Бакытбекова Аяна,
9-в классынын окуучулары Сапаралиева Ширин,
Жороева Камила,
Мейманбекова Айзирек,
9-д классынан Нышанова Айгеримдерге тапшырылды.
Ошондой эле 11-б классынын окуучусу Бөлөкбаева Бегимай ЖРТдан 201 упай алып, мектеп сыймыгы болду. Бул жетишкендиги үчүн Бегимайга, ата-энесине жана класс жетекчисине мектеп тарабынан акчалай сыйлык берилди.
Азаматсың Бегимай, дагы да чоң бийиктиктерди жете бер!
Ал эми бардык бүтүрүүчүлөрүбүзгө ийгилик каалап, өздөрү каалаган кесиптеринин мыкты адиси болушуна тилектешпиз. Ак жол силерге бүтүрүүчүлөр!

24/06/2026

24/06/2026

Аксы районуна караштуу Кербен шаарындагы Т.Үмөталиев атындагы №35 жалпы орто билим берүү мектеби капиталдык ремонтко муктаж. Азыркы учурда ремонтко байланыштуу мектепти толугу менен бошотуу иштери жүрүп жатат.
Мектепти реконструкциялоо иши Erik долбоору аркылуу дүйнөлүк банк тарабынан каржыланмакчы.
Жалпы мектеп жамааты, окуучуларыбыз , ата-энелер тезирээк курулуш иштери башталып, кайрадан жаңы мектепте билим алууну күтүп жатабыз.

02/06/2026

Бүгүн 2-июнь Республиканын бардык билим берүү мекемелеринде 9-11-класстарга жыйынтыктоочу мамлекеттик аттестация башталды.
9-класстарга математика сабагынан,
11-класстарга эне тили. Кыргыз класстар үчүн кыргыз тилинен, ал эми орус класстар үчүн орус тилинен мамлекеттик сынак алынат.
Экзамен алдында окуучуларыбызга линейка өткөрүп, сынактын жол жобосун түшүндүрүп, ийгилик кааладык.
Экзамен -бул окуучунун алган билиминин жыйынтыгы. Окуучуларыбыз сынакты "4","5", деген бааларга тапшыруусуна тилектешпиз.

30/05/2026

Мектебимде бүгүн майрам, бүгүн шаң.
Кызыл-тазыл гүлгө оролуп жайнаган.
Окуучунун ыр күлкүсү жаңырып,
Майрамдардын өзгөчөсү байкасаң.
Бул албетте коңгурообуз акыркы,
Убактылуу үч ай бою эс алган.
Бүгүн 29-май өлкөбүздүн бардык аймактарында бүтүрүүчүлөр үчүн "Акыркы коңгуроо салтанаты" болуп өттү.
Аксы районуна караштуу Т.Үмөталиев мектебинде да бул саланат белгиленди.
Бүтүрүүчүлөрдү куттуктоо үчүн
Кербен шаарынын мэри Раимжанов Жаныш Авазбекович,
Аксы райондук РИИБдин башчысынын орун басары Абысейитов Адыл Шүкүраливич,
Кербен шаардык кеңешинин депутаты Мамырова Гүлнур эжеке, жана башка бир топ коноктор, ата-энелер, мугалимдер катышты.
Ошондой эле 10 жыл, 20жыл мурун мектепти бүтүп кеткен бүтүрүүчүлөр да келишип, агай эжейлерин куттуктап, белектерин беришти.
Ийгилик жараткан мугалимдерге жана окуучуларга ардак грамоталар ташырылды.
Кымбаттуу биздин бүтүрүүчүлөр!
Саналуу күндөрдөн кийин ак мектебиңер менен коштошуп, уядан учканы турасыңар.
Алдыдагы жолдор силер үчүн ар дайым ачык болуп, кадамыңар байсалдуу болсун.
Ак жол сага бүтүрүүчү!

26/05/2026

Жагымдуу жаңылыкты айта кетпесем болбос 🤗
Ж.Бекболотов атындагы балдар чыгармачылык үйүнүн "Ак бийке"бий ансамблинин курамында биздин мектептин окуучулары да бар. Мына ошол "Ак бийке" ансамбли 23-май күнү Казакстанда өткөрүлгөн ART фестивалга барып катышып, баш байгени жеңип алышып, Турция, Дубай, Өзбекстан Республикасына жолдомо алып кайтышты. Азаматсыңар кыздар! Жеңишиңер кут болсун, өнөрүңөр өркүндөй берсин. Сыймыктанабыз.
Ал окуучуларыбыз:
9-в классынын окуучулары Мейманбекова Айзирек, Сапаралиева Ширин, Абдырахманова Асель,
8-б классынын окуучусу Камчыбекова Гүлзар,
8-в классынын окуучулары Таалайбекова Аруузат, Камчыбекова Орозгүл, Андашбекова Рахима,
7-б классынын окуучусу Рыскулбеков Айданек.
Бул бий ийримин жетектеген Алымбаева Элиза эжекеге ыраазычылык билдиребиз.

26/05/2026

25-май күнү Т.Үмөталиев атындагы №35 жалпы орто билим берүү мектебинде жалпы ата-энелер үчүн "Ачык эшиктер күнү"болуп өттү.
Мектеп администрациясы
директор Кожоматова Н,
окуу иштери боюнча директордун орун басарлары Сарыбаева А, Жолдошбаева К,
профком Абдыкеримова Н,
уюштуруу иштери боюнча директордун орун басары Айдаралиева М,
соцпедагог Батырбек у Н,
өздөрүнө бөлүнгөн тапшырма боюнча ата-энелерге маалыматтарды жеткиришти.
2025-2026-окуу жылындагы жетишкендиктер, ийгиликтер, аткарылган иштер, окуучулардын тартиби, "Акыркы коңгуроо салтанаты", жайкы эс алуу убагындагы окуучулардын коопсуздугу жана жаңы окуу жылына карата пландар айтылды.

21/05/2026

20-май күнү Т.Үмөталиев атындагы №35 жалпы орто билим берүү мектебинде "Алдыңкылар мектеп сыймыгы" аттуу окуунун, коомдук иштердин жана спорттун алдыңкыларын сыйлоо аземи болуп өттү.
2025-2026-окуу жылындагы жетишкендиктери үчүн окуучулар Мактоо баракчасы менен сыйланышты. Бул саамалык окуучулар үчүн стимул болуп, мындан ары да ийгиликтерге жетишүүсүнө өбөлгө болот.