Ж.Мавлянов атындагы N14 Кербен жатак-мектеби

Ж. Мавлянов атындагы №14 Кербен жатак-мектебинде "Өткөндөр баркталмайын, тирүүлөр даңкталбайт!" аттуу эскерүү иш чарасы болуп өттү . Эскерүү кечеге көзү өткөн мугалимдердин жакындары, мектептин жалпы жамааты, сыйлуу коноктор катышты. Окуучулар келген конокторго ыр-бийлерди тартуулашты. Көзү өткөн кесиптештерибиздин кылган эмгектери, жакшы саамалыктары эскерилип, куран түшүрүлдү. Ар бир кафедра тарабынан дубал гезиттер чыгарылды. Видео слайд даярдалып, көрсөтүлдү. Алардын жаркын элеси жакындарынын жана биздин эсибизде түбөлүк сакталат!

20.04.2026-жылы биздин 1-“А” класста алиппе майрамы жогорку деңгээлде өттү. Бул майрам окуучулар үчүн эң маанилүү жана эсте каларлык күндөрдүн бири болду. Балдар алиппени ийгиликтүү аяктап, окуп-жазууну үйрөнгөндөрүн көрсөтүштү.
Майрам учурунда окуучулар ырларды көркөм айтып, бийлеп, кызыктуу сценкаларды көрсөтүштү. Ар бир бала активдүү катышып, өз өнөрүн тартуулады. Ата-энелер жана мугалимдер балдардын жетишкендиктерине күбө болуп, чоң кубанычта болушту.
Класстын жетекчиси окуучуларга жакшы тарбия берип, билимге болгон кызыгуусун арттырганы үчүн өзгөчө ыраазычылыкка татыктуу болду. Майрам абдан уюшкандыкта жана жогорку деңгээлде өтүп, бардык катышуучуларга жакшы маанай тартуулады.
Бул күн ар бир окуучунун эсинде узак убакытка сакталат.

27.02.2026-жылы 2-а,б,в(12) класстар арасында "Сергек жашоо -бактылуу келечек" аттуу эстафета оюну болуп өттү. Анда спорттук оюндар ойнолуп, ар бир класстан 7 ден ата-эне катышып, 1-орунду 2-б(12) классы, 2-орунду 2-а(12) классы, 3-орунду 2-в(12) классы ээлешти.

Ж.Мавлянов атындагы №14 Кербен жатак-мектебинде 17- март күнү жатаканада жатып тарбияланган таланттуу окуучулар арасында "Кыз-жигит" сармердени өткөрүлдү.

Ж.Мавлянов атындагы №14 Кербен жатак-мектебинде 26- февраль күнү 1-5- класстар арасында "Жаш таланттар -2026" сынагы өткөрүлдү.Таланттуу окуучулардын өнөрлөрүнө мугалимдер, ата-энелер, окуучулар күбө болушту.
Гран При ээси- Кожобекова Акылай 5-б кл.
1- орун Сүйүнбаева Нуржума 4- в кл.
2- орун Сарыкулов Нурдан 2- кл.
2- орун Абдимиталов Сыймык 2- кл.
3- орун Калысбекова Аселя 3- кл.
3- орун Үркүнбаева Аруужан 2- кл.

Кыргыз Республикасынын Президентинин «Улуттук дем-дүйнөлүк бийиктик” уңгужолу жөнүндө Жарлыгын, алп манасчы Тыныбек Жапый уулунун 180 жылдык маарекесине карата өткөрүлүп жаткан кароо - сынакка мектеп окуучуларынын арасында “Манас таануу” телетаймашынын райондук кароо-сынагы биздин мектепте 25-февраль күнү болуп өттү.

Бүгүн мектебибиздин жатаканасында 8-класстар арасында "21-февраль — Эл аралык эне тил күнүнө" арналган ачык сабакты тарбиячы мугалим О.Умаркулова өттү. Ошол эле темада 3-класстарга да жөнөкөйлөтүп өттү.
Бул күн 1999-жылы ЮНЕСКО тарабынан жарыяланып, дүйнө жүзүндө тилдердин ар түрдүүлүгүн сактоо жана өнүктүрүү максатын көздөйт.
Ачык сабактын жүрүшүндө окуучулар эне тилдин баалуулугу, анын улуттун руханий байлыгы экендиги тууралуу ойлорун ортого салышты. Кыргыз тилинин тарыхы, көркөм сөздүн күчү, макал-лакаптар жана улуттук мурастар жөнүндө кызыктуу маалыматтар айтылып, чыгармачылык тапшырмалар аткарылды. Окуучулар өздөрүнүн активдүүлүгүн, изденүүчүлүгүн жана тилге болгон сүйүүсүн көрсөтө алышты.

Эне тил — улуттун жүрөгү, наркы жана келечеги. Ар бирибиз өз эне тилибизди урматтап, таза сүйлөп, кийинки муунга жеткирүү — ыйык милдетибиз!