https://www.facebook.com/185464994653198/

Жайнак Желденбаев атындагы Боз-Бешик жалпы орто билим берүү мектеби., Керим, Karakol (2026)

21/06/2026

ЖРТдан мыкты балл алган Акак, Адинай, Нуржанатты чын жүрөктөн куттуктайбыз! 🎉

Акак, сен максатыңа жетүүнүн эмне экенин далилдедиң. Алган билимиң сага чоң эшиктерди ачсын. Университетте да мындай мыкты натыйжаларды кайталап, келечекте чоң адис болуп, элге пайдалуу кызмат кыла бер. Ишиң алга, жолуң ачык болсун!

Адинай, сенин эмгегиң менен туруктуулугуң мына натыйжасын берди. ЖРТ — бул башталышы гана. Алдыңда илимдин чоң дүйнөсү. Арманыңды ишке ашыр, кыялыңды көздөй ишеним менен кадам ташта. Ийгилик жаныңда болсун, кайда барсаң да жаркырап жүр!

Нуржанат, мыкты балл — бул сенин эмгегиңдин баасы. Акыл-эсиң, тырышчаактыгыңа ыраазыбыз. Алган билимиң менен адамдарга жардам берип, коомго керектүү инсан бол. Жолуң ачык, тагдырың татыктуу, келечегиң нурдуу болсун!

Бул жетишкендик силердин күчүңөр, ата-энеңердин тилеги, мугалимдердин эмгеги. Мына эми жаңы этап — кызыктуу студенттик жылдар башталат. Ар дайым бийиктиктерди багындырып, арзууларыңар ишке ашсын. Кыргызстандын келечеги силерде! 🇰🇬

Мектеп коллективи!
#ЖРТ2026жыл
#Билимдүүгөдүйнөжарык

30/05/2026

29-май "Акыркы коңгуроо" күнү.
Бүгүн, 2026-жылдын 29-майында, мектебибизде "Акыркы коңгуроо" салтанаттуу иш-чарасын өткөрүп жатабыз. Бул күн — билим берүү системасында этаптын аякташынын жана жаңы жашоого жолдомонун символу.

Урматтуу 2026-жылдын бүтүрүүчүлөрү!

Сиздер 11 жылдык окууну ийгиликтүү аяктадыңыздар. Мектеп сиздерге негизги билим берди, ойлоно билүүгө, эмгектенүүгө, мекенди сүйүүгө тарбиялады. Алдыңызда жоопкерчиликтүү тандоо турат. Кайсы кесипти тандабаңыздар, алган билимиңиздерди элдин, мамлекеттин өнүгүүсүнө жумшаңыздар. Мектебибиздин намысын ар кайда аркалап жүрүүңүзгө бекем ишенебиз.

Кадырлуу 20 жылдыкка келген уул-кыздарыбыз!

Бүгүн 20 жылдан кийин кайра чогулуп, мектебиңизге таазим кылып жатасыздар. Сиздердин ар бириңиздер коомдун ар кандай тармагында эмгектенип, мектебибиздин даңкын чыгарып жүрөсүздөр! Бүгүнкү салтанатка катышуу менен сиздер мугалимдерге ыраазычылык, бүгүнкү бүтүрүүчүлөргө үлгү көрсөтүп жатасыздар. Келгениңиздер үчүн терең ыраазычылык билдиребиз.

Урматтуу педагогикалык жамаат.

Бүгүнкү жетишкендик — бул сиздердин чыдамкай эмгегиңиздердин, колдооңуздардын жемиши. Билим берүү жана тарбиялоо жаатында кошкон салымыңыздар үчүн ыраазычылык билдиребиз!
Мектеп администрациясы!
29.05.2026

#АкыркыКоңгуроо #29Май2026 #Бүтүрүүчүлөр2026 #МугалимгеРахмат #ЖолуңарАчыкБолсун

21/05/2026

Бүгүнкү күн мектебибиз үчүн эң кубанычтуу күндөрдүн бири!

"Жыл мыктысы- 2026" сынагында 1-орунду ээлеп,Республикалык турга жолдомо алган урматтуу кесиптешибиз география мугалими НАСИРИДИН КЫЗЫ АКБЕРМЕТ!

Сизди бул чоң жеңишиңиз менен чын жүрөктөн куттуктайбыз!

Сиздин терең билимиңиз, эмгекке болгон берилгендигиңиз, окуучуларга болгон сүйүүңүз жана инновациялык ыкмаларыңыз сынактын калыс калыстары тарабынан жогору бааланды. Бул ийгилик – сиздин тынымсыз изденүүңүздүн, чыгармачылык мамилеңиздин жана мугалимдик миссияңызга чексиз берилгендигиңиздин натыйжасы.

Сизге ыраазычылык билдиребиз

Билим берүү тармагына кошкон салымыңыз үчүн. Сиздин тажрыйбаңыз жаш мугалимдер үчүн үлгү, кесиптештерибиз үчүн шыктандыруучу күч болуп жатат.
Окуучулардын жүрөгүнө жол таба билгениңиз үчүн. Ар бир балага жекече мамиле жасап, алардын талантын ачууга шарт түзгөнүңүз баа жеткис.
Мектебибиздин намысын бийик көтөргөнүңүз үчүн. Сиздин жеңишиңиз биздин бардыгыбыздын орток сыймыгыбыз.

Сизге кааларыбыз:
- Ден-соолук, үй-бүлөңүзгө ынтымак, иштериңизге береке.
- Жаңы чыгармачылык демилгелер жана кесиптик өсүү.
- Окуучуларыңыздын чоң ийгиликтери жана алардын "Рахмат, Сизге мугалим!" деген сөзү.
- Мындан ары да билим берүүнүн асманында жарык жылдыз болуп жаркыраңыз.

Сиздин эмгегиңиз эч качан текке кетпейт. Жеңишиңиз куттуу болсун!

Терең урматтоо менен мектеп администрациясы жана кесиптештериңиз!!!
#Жылмыктысы-2026
#ЖетиӨгүзрайондукбилимберүүбөлүмү
#Билимдүүгөдүйнөжарык

14/05/2026

Коллектив май айындагы эс алуу.
06.05.2026
09.05.2026
Эс алуудан алган күч-кубатыңыздар узакка жетсин.
Маанайыңыздар дайыма жагымдуу жана шыктанууга толсун.
Ар бир сабагыңыздар жеңил, кызыктуу жана жемиштуу өтсүн.
Окуучуларыңыздардын ийгиликтери сиздерди кубантсын.
Ден соолугуңуздар мыкты, үй-бүлөңүздөрдө тынчтык жана бакыт болсун!
Сиздер сыяктуу жаркын жана мээримдүү мугалимдер бар болгондуктан, биздин келечегибиз жарык. Кайрадан мектепке келип, билимдин чырагын күйгүзгөнүңүздөргө ыраазычылык билдиребиз!
Майдан кийинки күндөрүңүздөр шыктануу, жылуулук жана чоң ийгиликтерге толсун!
Алдыдагы окуу мезгилиңиздер жеңил жана бактылуу өтсүн! ❤️
#Ошшаары
#Сулаймантоо
#Манасшаары

14/04/2026

Бүгүн Жайнак Желденбаев атындагы Боз-Бешик жалпы билим берүү мектебинде Кыргыз Республикасынын Президентинин " ЖАШЫЛ МУРАС" жарлыгынын негизинде иш чарага окуучулар активдүү катышып, өз салымдарын кошушту.
Биздин максатыбыз: окуучуларыбызды, атуулдукка, мекенине патриот болууга, эмгекке тарбиялоо, келечекте кирешелүү өз алдынча иш иштегенге даяр турмушта өз ордун таба ала турган инсанды тарбиялашыбыз керек.
"Жаштарга жаркын келечек" аттуу долбоорубуз өнүктүрүү фонду аркылуу Арпачиев Данияр Карагулович, аким Бахавадинов Эрмек Ибрагимович колдоого алып, мектепке жалпы суммасы 360 миң сомго 600 түп "Кокон гилас" көчөтүн Түркиядан алдыртып беришти. Интенсивдүү 3 жылда түшүм бере турган Итальянский сорту сертификаты менен келди.
Мамлекетибиз өсүп- өнүгүүдө алдыга ишенимдүү бара жатат. Жалпы элимдин, коллективдин, окуучулардын атынан терең ыраазычылык билдирүү менен чоң ырахмат айтабыз.
" Жакшы адамдын артынан бак калат" демекчи бак өстүрүп из калтыралы деп чакырык кылам.
Элибиздин ынтымагы арта берсин!!!
#ЖашылМурас
#Жазжарышкүзкүрөш
#Өнүгөберели

20/02/2026

2026-жылдын 19-февралында мектебибизде кубанычтуу күн!

Жети-Өгүз районунун билим берүү бөлүмү райондон чыккан , олимпиадага жигердүү катышып, ийгилик жараткан окуучуларды сыйлоо аземин болуп өттү.

Аземде Жети-Өгүз райондук билим берүү бөлүмүнүн башчысы А.Д.Жапаров жана кесиптик бирлик уюмунун төрайымы Г.Ш.Абдыкадырова куттуктоо сөздөрүн сүйлөп, окуучулардын жетишкендиктерин жогору баалап, мындан аркы ийгиликтерди каалашты.

Жайнак Желденбаев атындагы Боз-Бешик жалпы билим берүү мектептин окуучулары райондук олимпиадада төмөнкүдөй жыйынтыктарды көрсөтүштү:

Мухтаров Байэл Азаматович география предмети боюнча 3-орун
Даярдаган мугалими Насиридин кызы Акбермет

Өмүрзакова Акак Бекболотовна кыргыз тили жана адабияты предмети боюнча 4-орун жигердүү катышкан.
Даярдаган мугалими Кожоканова Гүлгаакы Эсеновна

Бул жетишкендиктер — окуучулардын талыкпас эмгегинин жана мугалимдеринин сапаттуу даярдыгынын жыйынтыгы. Байэл,Акак Силер менен сыймыктанабыз! Азаматсыңар!
Даярдаган эжейлерди чын жүрөктөн куттуктайбыз!
#Билимкенимектеп
#Сапаттуубилим

20/11/2025

20.11.2025-жыл
Бүгүн мектебибизде "ЖАҢЫЧА КАДАМ-САПАТТУУ БИЛИМГЕ" аталышындагы облустук семинар болуп өттү.
Семинарга Жети-Өгүз райондук билим берүү бөлүмүнүн методисти Бексултанова Гүлнара Имангазиевна жана облусубуздун география мугалимдери келип катышышты.
Семинардын максаты:
Семинардын катышуучуларына билим берүү тармагындагы заманбап инновациялык ыкмаларды колдонуунун маанилүүлүгүн көрсөтүү жана окуу-тарбия процессинде системалуу пайдалануу менен окуучулардын терең билим алышын камсыз кылуу..
Күтүлүүчү натыйжа:
Сапаттуу билимге жетелеген жаңы кадамдарды (инновациялык ыкмаларды) өз иштеринде колдонуу үчүн жетиштүү билимге жана практикалык көндүмдөргө ээ болушат. Ошондой эле өз ара пикир алмашуунун негизинде усулдук тажрыйба алмашат.
Бүгүнкү семинарда 7-класска география мугалими НАСИРИДИН КЫЗЫ АКБЕРМЕТ "Африканын аймактары жана өлкөлөрү" аталышындагы стандардаттык ачык сабак өттү. Сабак 3С+1Е методун колдонуп мыкты деңгээлде өттү.
11-класска "Туруктуу өнүгүүнүн максаттарынан 13- максаттын негизинде "Адамдардын климатка тийгизген таасири" темасында стандарттык эмес сабак өттү.
Математика, информатика мугалими САЛАМАТОВА МЭЭРИМ ТАБЫЛДИЕВНА 7-8-класстар арасында "Мыктылар таймашы" мелдеш сабак өттү.
Мугалимдерибиз заманбап окутуу ыкмаларын колдонуу менен ( презентация, интерактивдүү карта, оюн элементтери, 3D модель платформаларын, жасалма интеллект ) билимдерин өнүктүрүү.
Сабактар мыкты уюштурулган, мазмуну терең, интерактивдүү жана практикалык багытта өттү. Мугалимдерибиз өзүнүн методикалык даярдыгын жана чыгармачылыгын көрсөтө алышты.
География мугалими, айылдык кеңештин депутаты Молдоакматова Анаркүл эжей жетектеген окуучулар "Ак илбирсти коргоо" боюнча сценка аткарышып окуучулары чыгармачылыгын мыкты деңгээлде көрсөтө алышты.
Семинар мыкты деңгээлде уюштурулуп, өз максатына жетти.
Сабак өткөн эжейлерибизге иштерине ийгилик, чыгармачылык,терең ыраазычылык билдиребиз.
Мектеп администрациясы
20.11.2025-жыл
#Облустукбилимберүүинституту
#ЖетиӨгүзрайондукбилимберүүбөлүмү
#Санарипбилимберүү
#Сапаттуубилим
#Жаңыбилимдер

---

30/10/2025

2025-2026-окуу жылында мугалимдерибизге Агартуу министрлигинен, Райондук билим берүү бөлүмүнөн сыйлыктар тапшырылды.
Агартуу министрлигинин "БИЛИМ БЕРҮҮНҮН МЫКТЫСЫ" төш белгиси менен башталгыч классынын мугалими, уюштуруучу Токторова Гүлмира Саяковна сыйланды.
Агартуу министрлигинин "ЫРААЗЫЧЫЛЫК КАТЫ" менен ардактуу эс алуудагы музыка мугалими Сартбаева Марткүл Каниметовна сыйланды.
Агартуу министрлигинин "АРДАК ГРАМОТАСЫ" менен окуу-тарбия иштери боюнча директордун орун басары, химия-биология мугалими Базарбаева Мээрим Амангелдиевна сыйланды.
Райондук билим берүү бөлүмүнөн "ЖЫЛДЫН МЫКТЫ ГЕОГРАФИЯ МУГАЛИМИ-2025" номинациясы менен ,баалуу белектер менен география мугалими Насиридин кызы Акбермет сыйланды.
Билим берүүгө кошкон салымдары зор.Биздин эжейлерибиздин ишине көптөгөн ийгиликтерди каалайбыз. Сыйлыктарыңыздар кут болсун!
Мектеп администрациясы!
#Агартууминистрлиги
#КелечекҮчүнБилим

01/09/2025

Урматтуу мугалимдер,окуучулар жана ата-энелер!!!
Сиздерди жаңы 2025-2026-окуу жылынын башталышы 1-сентябрь Билим күнү менен куттуктайбыз!
Жаңы билим,жаңы максат,жаңы ийгиликтер сиздер менен болсун!
12 жылдык доор өзгөрткөн билимге талыкпаган мугалимдердин эмгеги, жугумдуу билими,татыктуу тарбиясы менен жеңил өтүп кетели!
Бүгүн мектебибизде да 1-сентябрь Билим күнү белгиленди. Жаш жеткинчек бөбөктөрүбүз мектеп босогосун аттап биринчи коңгуроо кагылды.
Иш-чарага Оргочор айыл аймагынын айыл өкмөтүнүн башчысы Жусупов Нурдин Мукашевич, Оргочор айылдык кеңешинин төрагасы Тыныбеков Айбек Базаркулович өздөрүнүн куттуктоо сөздөрүн айтышып, ардактуу эс алууга кетип жаткан эжейлерибизге өздөрүнүн белектерин тапшырып, жылуу сөздөрүн айтышты.
Иш-чара ыр-бийлер менен коштолду.
#Доорөзгөрткөнбилим
#12жылдыкбилимберүү
#ЖаңыОкууЖылы
#Билимкүнү2025
#КелечекБилимде
01.09.2025-жыл

Жайнак Желденбаев атындагы Боз-Бешик жалпы орто билим берүү мектеби.

21/06/2026

30/05/2026

21/05/2026

14/05/2026

14/04/2026

20/02/2026

20/11/2025

30/10/2025

01/09/2025

Address

Website

Alerts

Shortcuts

Share

Category

Listing takedown request