2026-жылдын 21-май күнү
Токтогул атындагы №1 ЖОББМнын 11-классынын окуучуларына арналган “ Бактылуу балалык” аттуу мектеп парламентинин куттуктоо кечеси болуп өттү. Алгач мектептен жана класстан тышкаркы иштерди уюштуруучу Мунара Ташбаева окуучуларды куттуктоо аземине класс жетекчилери менен бирге чакырып, аларга арналган каалоо-тилегин билдирип, кечени баштады. Кечени парламент мүчөлөрү шаң менен алып барып, жагымдуу ырларды, кызыктуу бийлерди тартуулашты. Бүтүрүүчүлөргө атайы арналган логикалык суроолорду беришип, кызыктуу оюндарды уюштурушту. Кечеде класс жетекчилер жана предметтик мугалимдер сөз сүйлөп, окуучуларга ийгилик, ден соолук, ЖРТда ийгилик жараткан окуучулардан болуусуна тилектеш экендигин билдиришти.Окуучулар да мугалимдерге болгон ыраазычылыктарын айтышып, эжекелерин жана классташтарын жеңил бийге тартышты. Ак жол силерге, бүтүрүүчүлөр!
Токтогул атындагы N1 ЖОББМ
Share
Кара-Көл шаары Токтогул атындагы N1 ЖОББМ
[email protected]
2026-жылдын 22- май күнү “Жылдын мыкты окуучусу – 2026” шаардык сынагына Токтогул атындагы №1 жалпы орто билим берүү мектебинин 10-а классынын окуучусу Мамажунусова Алия Нурмуамбетовна катышып, 1-орунду ээледи.
Программада берилген өзүн-өзү тааныштыруу, чыгармачылык өнөр, долбоорлорду коргоо сыяктуу бир нече этаптар боюнча күч сынашып,билимге болгон умтулуусун, заманбап ой жүгүртүүсүн жана лидерликке болгон жөндөмүн жогорку деңгээлде көрсөтө алды.
Жыйынтыгында Кара-Көл ШБББ тарабынан диплом жана акчалай сыйлык менен сыйланды. Алга, Алия! Биз сени менен сыймыктанабыз!
19/05/2026
15-май Токтогул атындагы N1ЖОББМнын 5- б классынын окуучуларына класс жетекчиси Кокумбаева А.О. "17-май -Энелер күнү" деген темада тарбиялык саат өттү. Окуучулар тема боюнча маалымат алышты.Эне баланын коомдо өз ордун табуусу на жардам берет.Бейиш - энелердин таман астында. Эненин жүрөгү- кечиримдүүлүктүн түгөнгүс байлыгы .
Токтогул атындагы №1 жалпы
орто билим берүү мектебинин 1-"Б"классына "Апалар- үйдүн куту" деген темада тарбиялык саат өтүлдү.
Эне бар үйгө ар дайым жарык жана жылуу маанай болуп,берекенин булагы-апа болуп эсептелет.Апанын колу тийген тамак даамдуу, жасаган иши берекелүү болорун билишти. Баланын алгачкы тили, адеби жана кулк-мүнөзү энеден калыптанат.Дүйнөдөгү эң таза, эч нерсе талап кылбаган чексиз сүйүү энеге таандык экенин далилдеп билишти.
Мугалими: Оморова.М
Токтогул атындагы №1 жалпы
орто билим берүү мектебинин
4-а классында “Апалардын майрамы” темасында класстык саат өткөрүлдү. Класстык сааттын негизги максаты - окуучуларды энени урматтоого, сыйлоого, алардын үй-бүлөдөгү жана коомдогу ордун баалоого тарбиялоо болду.
Класстык саатта апанын коомдогу орду тууралуу дагы кеңири айтылып, энелер үй-бүлөнүн куту, балдардын тарбиячысы жана коомдун өнүгүшүнө салым кошкон эң маанилүү инсандар экени белгиленди. Маалымат берген класс жетекчиси Эгизбаева Ү.К
18/05/2026
Токтогул атындагы №1 жалпы
орто билим берүү мектебинин
11-Б классына дүйнөлүк адабияттын чолпон жылдызы Чынгыз Айтматовдун 100 жылдыгына карата чыккан президентибиздин жарлыгына байланыштуу "Ч.Айтматов -100 жашта"деген темада сабак өтүлдү.Алгач залкар жазуучубуздун өмүрү жана чыгармачылыгы боюнча маалымат алышты.Анын чыгармалары адамгерчилик, табият жана адеп-ахлак маселелерин козгоп, дүйнөнүн жүздөн ашык тилине которулган. Ал кыргыз жана орус тилдеринде бирдей жазып, "Жамила", "Саманчынын жолу", "Кылым карытар бир күн".
Каза болгон күнү: 2008-жылдын 10-июну, Германиянын Нюрнберг шаарында.
Наамдары: Кыргыз Республикасынын Баатыры, Социалисттик Эмгектин Баатыры, Кыргыз эл жазуучусу.
Ишмердүүлүгү: Жазуучу, журналист, дипломат (Европа Биримдигиндеги, НАТОдогу ж.б. өлкөлөрдөгү элчи).Атактуу чыгармалары:
Повесттер: "Бетме-бет", "Жамила", "Мугалим", "Саманчынын жолу", "Ак кеме", "Эрте келген турналар", "Деңиз бойлой жорткон Ала-дөбөт".
Романдар: "Кылым карытар бир күн" , "Кыямат", "Кассандра тамгасы", "Тоолор кулаганда".
Айтматовдун чыгармачылыгы кыргыз адабиятын эл аралык деңгээлге көтөрүп, анын каармандары (Жамила, Сейде, Бостон, Едигей ж.б.) дүйнөлүк адабияттын казынасына кирген.
2026-жылы жазуучу тууралуу көркөм тасманын премьерасы күтүлүүдө.Сабактын аягында жазуучунун өмүрү,чыгармалары боюнча тест алынды.
18/05/2026
Токтогул атындагы №1 жалпы
орто билим берүү мектебинин
6-в классынын класс жетекчиси Какеева Махабат тарабынан «Буллинг жана кибербуллинг» темасында тарбиялык саат өткөрүлдү.
Тарбиялык сааттын максаты — окуучуларга буллинг жана кибербуллинг тууралуу кеңири маалымат берүү, алардын терс таасирин түшүндүрүү жана бири-бирине сый мамиле кылууга тарбиялоо болду. Сабактын жүрүшүндө окуучуларга зомбулуктун түрлөрү, интернеттеги коопсуздук эрежелери, бири-бирин колдоо жана жардам берүү тууралуу түшүндүрмөлөр берилди.
Окуучулар темага активдүү катышып, өз ойлорун айтып, суроо-жооп жана талкуу уюштурулду. Тарбиялык саат пайдалуу жана кызыктуу өттү.
Click here to claim your Sponsored Listing.
Location
Category
Website
Address
Kara-Köl
721000