Накыл Сөздөр

"Орундуу сөз – жаркыраган күмүш идиштеги алтын алма."Накыл.25:11

ТИЛДИН БИЙЛИГИ
Адамдын ичи өз тилинин жемишине толот, ал өз оозунун чыгармасына тоёт. Өлүм менен өмүр тилдин бийлигинде, аны сүйгөндөр анын жемишинен татышат. (Накыл Сөздөр.18:20-21)

Айыпты жаап койгон адам сүйүү издейт, ал эми аны кайра эскерткен адам досун алыстатат. (Накыл Сөздөр.17:9) Жек көрүү жаңжал чыгарат, ал эми сүйүү бардык күнөөнү жабат. (Накыл Сөздөр.10:12)

Бай болуп тынчсызданып жашаганча, кедей болуп Тенирден коркуп жашаган жакшы. Алдамчылык менен мол киреше тапканча, чындык менен аз киреше тапкан артык.
(Накыл Сөздөр.15,16)

АКЫЛДУУЛАРДЫН АКЫЛДУУСУ
(Накыл Сөздөр.30:24-28)

24 Жер үстүндө төрт майда жаныбар бар, бирок алар акылдуулардан да акылдуу: 25 кумурскалар, күчтүү эл эмес, бирок алар өздөрүнүн азыгын жайында камдап алышат; 26 тоо чычкандары, алсыз эл, бирок алар үйлөрүн аскаларга салышат; 27 чегирткелер, алардын падышасы жок, бирок бардыгы тизилип чыгышат; 28 жөргөмүштөр, алар буттары менен илинип турушат, бирок падышанын ак сарайларында болушат.