Управление образования мэрии города Бишкек

Бишкек шаарындагы муниципалдык билим берүү тутумунда мамлекеттик тилди өнүктүрүү жана чыңдоо боюнча иштер ырааттуу жүргүзүлүүдө.

Бүгүнкү күндө борбор калаада 120 муниципалдык жалпы билим берүү уюму иш алып барат. Алардын ичинен 14 мектепте окутуу толугу менен кыргыз тилинде жүргүзүлөт, 105 мектепте билим берүү кыргыз жана орус тилдеринде жүргүзүлсө, 1 мектепте — №7 кечки мектепте окутуу орус тилинде жүргүзүлөт.

Мектепке чейинки билим берүү тармагына да өзгөчө көңүл бурулууда. Бишкек шаарында жалпы 127 муниципалдык бала бакча иштеп жатат. Алардын ичинен 45 бала бакчада окутуу жана тарбиялоо иштери кыргыз тилинде, 19 бала бакчада орус тилинде, ал эми 63 бала бакчада эки тилде жүргүзүлөт.

Белгилей кетсек, акыркы мезгилде борбор калаада 21 жаңы бала бакча ачылып, алардын баарында тарбиялоо жана окутуу мамлекеттик тилде — кыргыз тилинде жүргүзүлүүдө.

Жүргүзүлүп жаткан иштер балдардын ар тараптуу өнүгүүсүнө шарт түзүүгө, билим берүүнүн сапатын жогорулатууга жана мамлекеттик тилдин билим берүү чөйрөсүндөгү ролун бекемдөөгө багытталган.

Өсүп келе жаткан муундун эне тилин сүйүп, улуттук наркты аздектеп өсүшү — келечектеги руханий бай коомдун негизи. Ушул максатта билим берүү мекемелеринде мамлекеттик тилди өнүктүрүүгө, кыргыз тилинин кадыр-баркын көтөрүүгө жана жаш муунду мекенчилдикке тарбиялоого багытталган иштер мындан ары да улантылат.

В школах города Бишкек начались переводные экзамены для 5-х классов | Мэрия

301 Moved Permanently