АМУЦА

АМУЦА Contact information, map and directions, contact form, opening hours, services, ratings, photos, videos and announcements from АМУЦА, Education Website, Улица Шевченко 114, Bishkek.

Академия местного управления Центральной Азии (АМУЦА) - Борбордук Азиянын жергиликтүү башкаруу Академиясы (БАЖБА)
🔝 Квалификацияны жогорулатуу + кайра даярдоо
🎯 Курстар + актуалдуу билим
🏆 Расмий лицензия Единственное образовательное учреждение с лицензией МОиН КР на повышение квалификации и переподготовки, а также дополнительного образования по ведомственному направлению для муниципальных служащих.

21/09/2026

📢Борбордук Азиянын Жергиликтүү Башкаруу Академиясы СЭӨПтү иштеп чыгуу боюнча практикалык окуу курсун сунуштайт.

Курс:
👥 жергиликтүү өз алдынча башкаруу органдарынын жетекчилери жана кызматкерлери;
🏘️ айыл аймактарынын жана шаарлардын өнүгүүсүн пландоого катышкан адистер;
📊 СЭӨПтү иштеп чыгууга жана ишке ашырууга жооптуу кызматкерлер үчүн пайдалуу.

Окуу курста сиз аймактын муктаждыктарын туура аныктоо, артыкчылыктуу багыттарды тандоо жана аларды реалдуу максаттарга, иш-чараларга жана өнүгүү пландарына айландыруу боюнча практикалык билим аласыз.

🌱 Мындан тышкары, бүгүнкү күндө өзгөчө маанилүү болгон климаттын өзгөрүшү, жашыл экономика, энергияны үнөмдөө, туруктуу инфраструктура жана экологиялык маселелерди СЭӨПтө эске алуу жолдору каралат.

💡 СЭӨПтү жөн гана талап кылынган документ катары эмес, аймакты өнүктүрүүнүн иштей турган куралы катары түзүүнү үйрөнүңүз.

📲 Окуу курсуна азыр катталыңыз!
0700 559 444

Аймагыңыздын келечегин системалуу жана натыйжалуу пландоо үчүн керектүү билимди алыңыз.

#бажба #сэөп #жөб #аймактар #курс

Аймактагы көйгөйлөрдү чечүүгө бюджет жетишсиз болуп жатабы?Ичүүчү суу, көчө жарыгы, таштанды, жол, инфраструктура сыякту...
19/09/2026

Аймактагы көйгөйлөрдү чечүүгө бюджет жетишсиз болуп жатабы?

Ичүүчү суу, көчө жарыгы, таштанды, жол, инфраструктура сыяктуу маселелерди чечүүдө жергиликтүү бюджетке гана таянуу жетишсиз болушу мүмкүн. Бирок ЖӨБ органдарында кошумча мүмкүнчүлүктөр бар - бюджеттен тышкаркы каражаттарды жана инвестицияларды тартуу💼💰

Борбордук Азиянын Жергиликтүү Башкаруу Академиясы «Бюджеттен тышкаркы каражаттарды (инвестицияларды) тартуу» окуу курсуна чакырат.

Курста сиз:

✅ инвестициялардын түрлөрүн жана аларды тартуу мүмкүнчүлүктөрүн түшүнөсүз;
✅ аймактын инвестициялык паспортун даярдоонун негиздерин үйрөнөсүз;
✅ өнүктүрүү фонддору, дем берүүчү гранттар жана донордук каражаттар боюнча маалымат аласыз;
✅ жергиликтүү көйгөйлөр боюнча долбоордук табыштамаларды даярдоо боюнча практикалык көндүмдөрдү өздөштүрөсүз;
✅ идеяны каржылоо мүмкүнчүлүгүнө айландыруунун логикасын үйрөнөсүз🚀

💡Максат - аймактын көйгөйүн негиздеп, туура мүмкүнчүлүккө туура долбоор менен чыгуу.

Эгер сиз аймакка кошумча ресурстарды тартууну, долбоорлорду ишке ашырууну жана өнүгүү үчүн жаңы мүмкүнчүлүктөрдү колдонууну кааласаңыз - бул курс сиз үчүн.

📅 28–30-сентябрда
📍 Бишкек шаары, Шевченко көч., 114
📲 Катталуу: 0700 559 444

Бюджет чектелүү болушу мүмкүн. Өнүгүү мүмкүнчүлүгү - андан кеңири.

#инвестиция #жергиликтүүбашкаруу #бюджеттентышкаркыкаражаттар #окуукурсу #бажба

Кыргыз Республикасынын Экономика жана коммерция министрлиги Борбордук Азиянын жергиликтүү башкаруу Академиясынын эмгегин...
17/09/2026

Кыргыз Республикасынын Экономика жана коммерция министрлиги Борбордук Азиянын жергиликтүү башкаруу Академиясынын эмгегин баалап, кызматташтыкка кошкон салымы үчүн сыйлады🤝🏅

Бул сыйлык - биздин команда үчүн чоң ишеним жана жылуу баа. Биргелешкен эмгекти, аракетти жана өнөктөштүктү баалап, колдоо көрсөткөнүңүздөр үчүн терең ыраазычылык билдиребиз💚

Мындай баа алдыга дагы чоң жоопкерчилик, жаңы дем жана мотивация берет. Бирге жасалган иштер мындан ары да жакшы жыйынтыктарды алып келсин!✨

#БАЖБА #Экономикаминистрлиги #кызматташтык #өнөктөштүк #ыраазычылык

📣 Кыргыз тили боюнча интенсивдүү курска кабыл алуу жүрүп жатат!Мамлекеттик жана муниципалдык кызматта кыргыз тилин билүү...
16/09/2026

📣 Кыргыз тили боюнча интенсивдүү курска кабыл алуу жүрүп жатат!

Мамлекеттик жана муниципалдык кызматта кыргыз тилин билүү - кесиптик талаптардын бири. Ал эми «Кыргызтест» мамлекеттик мекемесинин тестирлөөсүнө даярданууда тилди билүү менен катар тесттин деңгээлине ылайык системалуу даярдык да маанилүү📚

Борбордук Азиянын Жергиликтүү Башкаруу Академиясы кыргыз тили боюнча А1ден В2ге чейинки деңгээлдерде окуу курстарына кабыл алат.
🎯 Курстун негизги багыты - «Кыргызтест» тестирлөөсүнө интенсивдүү даярдоо.

Окуу курсунда:

✅ деңгээлиңизге ылайык даярданасыз;
✅ теорияны практика менен бекемдейсиз;
✅ кыргыз тилин түшүнүү, туура колдонуу жана сүйлөө көндүмдөрүн өнүктүрөсүз;
✅ тестирлөөгө ишенимдүү даярданууга мүмкүнчүлүк аласыз.

💡 Тестти акыркы күндөрү шашылыш даярдык менен эмес, азыртан системалуу баштаңыз.

📍 Бишкек шаары
📲 Катталуу жана толук маалымат: 0700 559 444

Өз деңгээлиңизди аныктап, «Кыргызтестке» даярдыкты бүгүн баштаңыз! 🇰🇬

#кыргызтили #кыргызтест #мамлекеттиккызмат #окуукурсу #бажба

♻️Аймактагы таштанды маселесин бир жолку тазалоо менен чечүүгө болбойт. Аны системалуу башкаруу керек.Контейнер коюу, та...
15/09/2026

♻️Аймактагы таштанды маселесин бир жолку тазалоо менен чечүүгө болбойт. Аны системалуу башкаруу керек.

Контейнер коюу, таштанды чыгаруу графигин түзүү, ташуучу кызматты уюштуруу, чыгымдарды эсептөө, тариф маселесин кароо, калк менен иштөө - мунун баары ЖӨБ үчүн өзүнчө башкаруу системасын талап кылат.

Борбордук Азиянын Жергиликтүү Башкаруу Академиясы «ЖӨБ деңгээлинде калдыктарды башкаруу» окуу курсуна чакырат. 🌱

Курста сиз:

✅ аймактагы калдыктар боюнча учурдагы абалды талдоону;
✅ таштанды чогултуу жана чыгаруу системасын туура уюштурууну;
✅ контейнерлерди, маршруттарды жана кызмат көрсөтүүнү пландоону;
✅ кызматтын чыгымдарын жана туруктуу каржылоо механизмдерин түшүнүүнү;
✅ калк менен иштөө жана төлөм тартибин уюштуруу жолдорун;
✅ мыйзам талаптарын жана ЖӨБдүн жоопкерчилигин эске алуу менен чечим кабыл алууну үйрөнөсүз.

💡Курстун негизги баалуулугу - “таштандыларды кантип тазалайбыз?” деген суроодон “аймакта калдыктарды башкаруунун иштей турган системасын кантип түзөбүз?” деген деңгээлге өтүү.

Эгер сиздин аймакта таштанды убагында чыгарылбай жатса, контейнер жетишсиз болсо, чыгым көп болуп, система өзүн актабай жатса же калк менен төлөм маселеси татаал болсо - бул курс практикалык чечимдерди табууга жардам берет.

📅 21-сентябрь
📍 Бишкек шаары, Шевченко көч., 114
📲 Катталуу: 0700 559 444

Таза аймак туура түзүлгөн системадан башталат♻️

#калдыктардыбашкаруу #жөб #жергиликтүүбашкаруу #экология #бажба

15/09/2026

СЭӨП - муниципалитеттин өнүгүүсүн кагаз жүзүндө эмес, иш жүзүндө пландаган негизги инструмент.

Аймактын көйгөйлөрүн туура аныктоо, элдин муктаждыгын эске алуу, приоритеттерди белгилөө жана ресурстарды натыйжалуу пайдалануу - мунун баары сапаттуу СЭӨПтөн башталат🏘️📊

«Социалдык-экономикалык өнүгүү программасын иштеп чыгуу» курсунда сиз:

✅ СЭӨПтү иштеп чыгуунун алгоритмин;
✅ социалдык-экономикалык абалды талдоону;
✅ көйгөйлөрдү жана приоритеттерди аныктоону;
✅ иш-чаралар планын, бюджетти, мониторинг жана баалоону;
✅ коомчулук менен иштөөнү жана программаны макулдашууну үйрөнөсүз.

👥 Курс жергиликтүү кеңештин депутаттары, айыл өкмөт/мэрия кызматкерлери, жетекчилер жана жергиликтүү лидерлер үчүн.

📍 Бишкек шаары, Шевченко көч., 114
📲 Катталуу: 0700 559 444

Аймактын өнүгүүсүн системалуу пландагыңыз келсе - бул курс сиз үчүн🚀

#бажба #сэөп #жергиликтүүбашкаруу #муниципалдыкөнүгүү #окуукурс

📢МУНИЦИПАЛДЫК ИШКАНАЛАРДЫН САТЫП АЛУУЛАРЫН БАШКАРУУ БОЮНЧА ОКУУ КУРСУМуниципалдык ишкананын туруктуу иштеши сатып алуула...
13/09/2026

📢МУНИЦИПАЛДЫК ИШКАНАЛАРДЫН САТЫП АЛУУЛАРЫН БАШКАРУУ БОЮНЧА ОКУУ КУРСУ

Муниципалдык ишкананын туруктуу иштеши сатып алууларды канчалык туура уюштурганына да түздөн-түз байланыштуу💼

Керектүү товарды, жумушту же кызмат көрсөтүүнү өз убагында алуу, каражатты натыйжалуу пайдалануу, документтерди туура жүргүзүү жана тобокелдиктерди алдын ала көрө билүү - сатып алууларды башкарган адистин күнүмдүк жоопкерчилиги.

Борбордук Азиянын Жергиликтүү Башкаруу Академиясы «Муниципалдык ишканалардын сатып алууларын башкаруу» окуу курсуна чакырат.

📚Курс эмнеге жардам берет?

✅ сатып алууларды туура пландаштырууга;
✅ керектөөнү жана чыгымдарды негиздөөгө;
✅ сатып алуу процессиндеги документтерди системалуу жүргүзүүгө;
✅ жеткирүүчүлөр менен иштөөнүн маанилүү этаптарын түшүнүүгө;
✅ келишимдердин аткарылышын көзөмөлдөөгө;
✅ сатып алуулардагы мүмкүн болгон каталарды жана тобокелдиктерди азайтууга;
✅ муниципалдык ишкананын каражатын натыйжалуу жана жоопкерчиликтүү пайдаланууга.

💡Туура уюштурулган сатып алуу - бул муниципалдык ишкананын үзгүлтүксүз иштеши, кызмат көрсөтүүнүн сапаты жана ресурстарды туура башкаруу.

👥 Курс муниципалдык ишканалардын жетекчилери, сатып алууларга жооптуу адистер, финансисттер жана бул багытта иштеген башка кызматкерлер үчүн пайдалуу болот.

18-сентябрда
Бишкек шаарында, Шевченко көч., 114
0700 559 444

📲 Окуу курска катталып, сатып алууларды жөн гана жүргүзбөстөн, аларды системалуу жана натыйжалуу башкарууну үйрөнүңүз!

#муниципалдыкишкана #сатыпалуулар #жергиликтүүбашкаруу #окуукурсу #бажба

📢МУНИЦИПАЛДЫК ИШКАНАНЫН ИШИН УЮШТУРУУ БОЮНЧА ОКУУ КУРСУМуниципалдык ишкана түзүү - бул жөн гана юридикалык каттоодон өтк...
13/09/2026

📢МУНИЦИПАЛДЫК ИШКАНАНЫН ИШИН УЮШТУРУУ БОЮНЧА ОКУУ КУРСУ

Муниципалдык ишкана түзүү - бул жөн гана юридикалык каттоодон өткөрүү эмес. Анын артында так башкаруу, туура каржылоо, жоопкерчилик, мүлктү башкаруу, кызмат көрсөтүүнүн сапаты жана туруктуу иш алып баруу турат.

Бүгүн муниципалдык ишканалар ичүүчү суу, тазалык, жайыттарды башкаруу жана башка жергиликтүү маанидеги кызматтарды уюштурууда маанилүү роль ойнойт. Бирок ишкана натыйжалуу иштеши үчүн анын укуктук жана финансылык-экономикалык негиздерин туура түзүү зарыл🏛️📊

Ошондуктан Борбордук Азиянын Жергиликтүү Башкаруу Академиясы «Муниципалдык ишкананын ишин уюштуруу» окуу курсуна чакырат.

📚Курста эмнелерди үйрөнөсүз?

✅ муниципалдык ишкананын ишин жөнгө салган ченемдик укуктук актыларды колдонуу;
✅ МИнин максаттарын, милдеттерин жана функцияларын туура аныктоо;
✅ башкаруу органдарынын ыйгарым укуктарын так бөлүштүрүү;
✅ муниципалдык мүлктү башкаруунун негиздери;
✅ финансылык-экономикалык ишти уюштуруу;
✅ уставды иштеп чыгуу;
✅ түзүмдү жана штаттык расписаниени түзүү;
✅ тарифтик торду иштеп чыгуу;
✅ өндүрүштүк программаны даярдоо;
✅ калькуляция жана башка керектүү документтер менен иштөө.

Катышуучулар муниципалдык ишкананын күнүмдүк ишинде зарыл болгон документтерди өз алдынча иштеп чыгууга жана мыйзам талаптарын практикада колдонууга багытталган билим алышат.

👥Кимдер үчүн?
Мэрлер, айыл өкмөт башчылары, жергиликтүү кеңештин депутаттары, ЖӨБ органдарынын жооптуу кызматкерлери, муниципалдык ишканалардын жетекчилери жана адистери.

📅 17-сентябрда
📍 Бишкек шаарында

Эгер муниципалдык ишканаңыз жөн гана иштеп турбастан, натыйжалуу, туруктуу жана мыйзам талаптарына ылайык иштесин десеңиз, бул курс сиз үчүн🚀

📲 Катталуу үчүн: 0700 559 444

Орундар чектелүү!

#бажба #муниципалдыкишкана #жергиликтүүбашкаруу #жөб #окуукурсу

Эмгек акы менен иштөөдө ишеним кайдан пайда болот?Тажрыйбадан гана эмес, өз ишиңиздеги ар бир чечимди түшүнүп, аны негиз...
12/09/2026

Эмгек акы менен иштөөдө ишеним кайдан пайда болот?

Тажрыйбадан гана эмес, өз ишиңиздеги ар бир чечимди түшүнүп, аны негиздей ала турган так жана системалуу билимден.

Айрыкча кадр жана финансы тармагында иштеген адистер үчүн билимди үзгүлтүксүз жаңыртып туруу — кесипкөйлүктүн маанилүү бөлүгү. Анткени сиздин ишиңиз адамдарга түздөн-түз тиешелүү, ал эми тактык бул жерде өзгөчө мааниге ээ🎯

Борбордук Азиянын жергиликтүү башкаруу Академиясы «Мамлекеттик жана муниципалдык кызматтагы эмгек акы» окуу курсуна чакырат.

Бул - күнүмдүк жумушта өзүңүздү ишенимдүүрөөк сезүүгө, кесиптик билимиңизди бекемдөөгө жана татаал суроолордо туура багыт табууга жакшы мүмкүнчүлүк📚✨

📅 17–18-сентябрь
📍 Бишкек шаары
📲 Катталуу: 0700 559 444

Жумушта суроо жаралган учурда жооп издеген эмес, жообун билген адис болуңуз💡

#БАЖБА #ЖӨБ #Мамлекеттиккызмат #муниципалдыккызмат #эмгекакы

Address

Улица Шевченко 114
Bishkek
720001

Telephone

+996312976530

Website

Alerts

Be the first to know and let us send you an email when АМУЦА posts news and promotions. Your email address will not be used for any other purpose, and you can unsubscribe at any time.

Contact The School

Send a message to АМУЦА:

Shortcuts

Share

Category