11/12/2024
Ahmed madobe rag weeye
“2019-kii flim-kii aan soo aragnay iyo Riwaayadii oo sideedii ah ayaa maanta socota, waxaase ka sii xun oo layaab ah in Ilyaas Gaboose oo ina’adeerkay ah oo maalmo ka hor inta uusan Muqdisho kasoo bixin igu yiri doorashada hal maalin ha ku darin. in lasoo tashkiiliyay, laguna yiri adiga ayaa Madaxwayne ah. Aan idin weydiiyee Jubbaland ma jufadayda ayaa iska leh sow Soomaali kale majoogto? 2019-kii raggii saaxiibadayda ahaa oo ay Seeraar iyo Xidig hormoodka u ahaayeen ayaa Kismaayo Madaxwayne kaga dhawaaqay. waan isxakameeyay ee Villa Somalia waxay ku talagashay berrigaasi in Kismaayo dhiig ku daato. maanta waa sidii uun. Ma madaxwaynenimada uu Seeraar waayay ayuu ilyaas Gaboose heli karaa? Haddaan hadda amar bixiyo 10 daqiiqo iguma qaadanayso in aan soo afjaro Ilyaas Badal iyo kuwa la joogo. Laakiin waxaan ka gayoonayaa in aan anigu shaqsiyan aan Dhiig daadiyo maanta. Laakiin haddii ay ka waantoobi waayaan. Waxaan qaadanaynaa go’aamo qaraar”
Dal iyo dad aan naqaano oo aan leenahay oo aan kutacabnay dhiigeena. nin meel kale nooga yimid ugama hibaysanayno. marnaba ma dhacayso in gorgortan lageliyo Amniga Jubaland ayuu Madaxwayne Ahmed Madoobe ku daray hadalkiisa.
“Waan haysanaa ciidan adag oo leh khibrad, adkaysi,iyo akhlaaq. Ciidankaas waxaa si gooni ah u leh oo samaystay shacabka Jubaland. Ciidanka aad ku seexateen amniga ay dhaliyeen iyo Madax aan Dayicin amaanadiina oo aan gadmin oo aan baqin ayaa hareeraha idinka ah. marna ha ka walwalina Amnigiina”
“Anigu Axmed ahaan ma baqo mana qaato guunne iyo laaluush aan ciideyda iyo dadkayga ku gumeeyo”
Axmed Maxamed Islaam, Madaxweynaha Jubbaland
