Nyûmba nene YA gîkûyû na mûmbi

07/05/2026

ÎÎ HIHI NÎÛÎ ÎNO NÎ YA WÎRA ÛRÎKÛ?????

28/01/2026

26/01/2026

dûkanakue ngoro mwana wîtû nîûgûthundûka rîngî Ngai arî mbele

07/01/2026

Ûhoro ûyû nî wa maa hihi???

19/11/2025

🎸 MÛGOIYO 🎸

Mûgoiyo nîrwîmbo rwainaguo nî anake naîrîtu na rwarî rwa kûgitîra ûthingu na kwîruta gûkiiritithia thuti kagîo.

Kíarí gítugí kía mítugo míega ya mwanake na mùirítù Mùgíkùyù..

Mwanake okaga rwímbo atarí nguo nake mùirítu ndarî nguo ya ngoro no mwengù na Gícoco.

Anake makagùa kíharo na makegaríka ..kairítu gakenio ní mwígaríko waku gagagíùka mùkaina nako.

Mûiritû akûneaga mùgùnda wa rùgongo ûkarîmîra wothe no kíanda ndùngíhutia nî wa mwene mbûri,mwírí ùkarùngara na ùríehera hau mwírí wagoiya.

Aría magoiyagia na ihenya matiendetwo mùno..aría nao matindaga ho níma thaithagùo ..

Mùirítu agakímwíra..

"ndûgoiye rímwe tùinùke ní gùtukire "

Ùngítua makamburu haha no horohio.

nî thayû 🙏

06/09/2025

Múthuuri úmwe athiire thabaarí ya kúraya akínoga múno. Riúa narío rígíakana múno na akíona níwega acarie handú hena kííruru. Akíona mútí múnene múno na agíikara rungu rwagwo - kííruru iní kíagwo.
Híndí íría arorire igúrú akíona mútí úcio waarí na matunda. No ríría arorire matunda macio akíambia kwíyúria ciúria nyingí; "Níkíí gíatúmire Ngai ahe mútí múnene úguo matunda size niini úguo na mítí íría míniini ta water mellon na mababaí íkoragwo na matunda manene? Na githí mútí úyú ndwagíríirwo úkorwo na itunda ría kilo ta magana meerí? Akíona hau Ngai ndaarí fair.
Thuutha wa gwícúúrania kwa ihinda na kúruta Ngai mahítia, gatunda kaniini gakiuma mútí igúrú na gakímúgútha mútwe waake. Akíigua ruuo na akímaka múno. Akiuga ríu níndamenya Ngai níarí úúgí múingí múno. Tondú korwo itunda ríu riuma inene makíria no gúkua ingíakua.
. Meeciria ma Ngai ti ta meeciria maitú. Nacio njíra cia Ngai ticio njíra ciitú. Ona híndí íría woona ta maúndú mataikaire weega, gía na mwonere wa ú Ngai. No gúkorwo hena múbango wa Ngai úndú iní úcio.
Híndí íría mbura yaríkia kuura, andú amwe manegenaga makiugaga barabara íína ndooro. Nao aría angí makenaga makauga ríu nímekúhaanda, na kíría kí múgúnda nígígúkúra. Kúraringana na mwonere waaku. Riúa ríngíara múno angí manegenaga na angí magakena tondú nímekwendia maaí. Ngai nímúiganania wa maúndú.
Níkwarí na múndú útaarí na úhoti wa kwaria na kúigua na níendete múno gúthií kanitha. Híndí ímwe múraata waake akímwandíkíra na akímúúria, "Úthiiaga kanitha iní gwíka atía? Ndúngíhota kúina, ona kúigua ndúngíigua. Na githí ndúngíikaraga o múcií?
Múndú úcio akímúcokeria akímwíra thiaga kanitha nígetha andú mamenye ndí mwena úríkú. Nígetha mamenye ndí múhonoku na nínyendete Ngai.
Mwonere waaku wa maúndú útaarí atía kana hiihi ní útetagia Ngai ríría maúndú maritúha? Maúndú iní moothe wírute gúcookagíria Ngai ngaatho.
nî thayû 🙏

04/09/2025

Ùhiki wa Gîkùyú mbere ya gúka Kwa Nyakerù. Wetagwo wa thugo.

Hîndî ìmwe Gîkúyù Ithe wa rúrîrì nî akorire Múmbi nyina wa rúrîrì atînîkîte njaa yake ohete ngonda inyanya kìero kîmwe inya na kìrîa kìngî inya ikahinga inyanya. na nî arî na kîgirîko kîingî. Akîmúria "nîkî kîùru mwarî Mwenenyaga? Akîmwîra "ndîrenda úhe matukù anana ndîrîre úthingu na úgathirange wakwa tondú ndikanawona rîngî. nake Gîkùyú nî etîkîrire na hau nîho akire thingira agathingîre kuo. Na kumania na haú múirîtu wothe wa Gîkùyú atanakomwo nake nî múrúme ambaga gúthiî Kwa nyaciarawe. Akarîrîra úthingu, úgathirange gwata Rika rîake matukù anana ta nyina wa Rùrîrî. Arî nyumba îno arîaga irio cia kuma kwao múciì. Airîtu a thiriti yake nîmokaga kúmúcakaithia Tondú icera rîao nî rîathira atige gúîtwo múirîtu etagwo kang'ei. Mokaga ohamwe na arî a nyina na a ariú a nyina/ ithe. Múthenya wa múgwanja nî akagîrwo nyumba na îkarîka. Nyeki/Matîîa ma kúgita maumaga kwao. Atumia a kwao nîo mokaga nayo na makagita. Ndarwa cia gúkomera ciaimaga kwao (nîkîo ùhiki wa múgîkúyú kanithainì úrîrî úrehagwo nî aciari a mwena wa múirîtu) kîgongona gîake kîa riko nî kîahandagwo. ihiga rîambere nî rîenjagîrwo na rîrúgamagîrîra Mwenenyaga. rîa kerî tagwo rîkarúgamîrîra múthuri na rîa gatatú rîtienjagîrwo nî rîa mútumia na rúciaro rwake. rîkarathimwo na ndathimi ya múratina. nîakagîrio mwaki na akerwo ndúkanahore tiga múthì wa mútua rúrú na úngîkahora Ithe nî atocagwo thenge ya mwaki. múthenya wa kanana nî megúkoma nyumba îo na kîroko Ithe akoria múrio kana ararîrî múthingu. hîndî îo Ithe nî aharîrîirie gacohi kanini ga gútwarîra múthoniwe. nake múirîtu nî abataraga kuinîka múthî úcio na wentagwo wa gúcokia makinya na múciì. Akorwo arî múthingu gacohi gekîragwo mbimbi cia mbúri na Akorwo nieheretie ngiri Hera ekìraga makara. múirîtu akinya nî aneaga Ithe múceema na Ithe akoragwo amìetereire njaa ya gwake. akora mbimbi agatheka na kwamwen akora makara na kwarî hinya akamenya ena agendi menjîra mokîte na nî Njama
nî thayû 🙏

04/09/2025

MWATHANI WA MÛGÛÛGA.

Gĩkũyũ nĩgĩakorire ndũrũbũ gũkũ na makĩria ta mĩena ya kĩambuu na mangĩendire ng'ũndũ nĩmagũraga kwî ndũrũbũ na mbũri maiguithania itoka igakĩhandwo.

Kwarĩ mũthuuri wetagwo Gatonye ,Gatonye nîarî ngumo mûno nîwe waninire mbara na ûkabi na makîgîa na ûiguano matigatahana rîngî.

Nîwe warî wa mbere kwedia mwarî gwa ûkabi na akîmwendia mbûri 100 mûgarû na ûrîa mendagio Gîkûyû inî mbûri 30.

Nîho haumire "ruuno rwa Gatonye"

Gatonye nîarî na mûriû wetagwo Mûgûga na arĩ wa rĩũmba rĩa mwanya mũno mũno.

Mũgũũga wa gatonye enjagwo nĩ atumia atano hihi waya kwĩyũria nĩkĩĩ ?

Mûgũũga rĩũmba rĩake ombĩtwo ndakanaitwo thakame ona igana atĩa nĩkĩĩ kana kĩ ona mũkunya ũngĩakunyire ngothi yake aume thakame hanini tu kĩhinga kĩu kĩomaga gĩothe.

Enjagwo ũgwo nĩgetha ũkenja hanini ũkaneana rwenji nĩgetha nginya tũmaĩĩ twa ngothi yake tũtikaume ona hanini tondũ noũgũkoma we wamûkarara agakîmenyererwo weega biũ ona mũmũruithia......

No tũtigũtua ciira tũtiarĩ kuo

Mûgũũga ona e wa rĩũmba rĩa goro ũgwo hakinya nĩ gwetha ng'ũndũ arĩ mwaganu mũno tondũ ahandaga njoohi ya mũratina ĩkahĩa biũ agathiĩ akaiga kĩhingainĩ gĩthakainĩ ageta ndũrũbũ nyene ng'ũndũ ĩgakĩrwo kĩrĩa arenda akeerwo magĩre mbũri nahau kĩhingainĩ ĩgathiĩ ĩkarutĩrũo nyanja ng'ima ĩgakĩnyua ĩkarĩoo.

Mûgũũga acomoraga njũgũma atatigaga agakĩhiũkia ndũrũbu ya kĩongo ĩgakua na akamĩika kĩhingainĩ na ng'ũndũ agakĩoya.

Agîtuîka koigi ûtdrwo tondû ena indo na hinya

Ekire ũgwo ng'ũndũ nyingĩ ũmũũthĩ ũyũ nĩ harî itũũra rĩmwe kũu kabete rĩtanĩtio nake

Mũgũũga

Reke nginyie hau ona thathi nî ûhûmûkagwo.

nî thayû 🙏

23/08/2025

🏺 MÛRATINA 🏺

Mūratina ti njoohi nî njohi magongona inî magîkûyû na mūratina wahadagwo nì mūndū mūgo ta Wanjohi ena no ngorio ciaguo.l,no ngorio nì kūrongoria na nî kūhe merirìria muoyo na angîahandire njohi nî ehingaga ndaa ya kerî ti ya irîo atî ndangîkunya mbakî nginya îgakerûrwo.

Mūratina ūthondekagwo na indo inya nìcio kìratina,ngogoyo ya kìgwa,ūūkì na Maaì.

KÌRATINA

Kìratina kìrì mbegū nyingì mūno,ûkarongorerio ūciari ūciare ūkìre ngaara na kamwe na ndûkanahuke.
Kīratina gītituagwo mūtì igūrū nìkīo kïgūithagia gìakūra.
Ūkarongorerio ûikare thîî ûkaritwo kuo nî kûnoga kana ūkauma thīì nī gūkūra.

KĪGWA

Kìgwa nī nyamūirū nìkìo kīhihagwo ngogoyo ya mūratina tondū nī kīraihu na kīna marūngo nyingì
Ūkarongorerio,mūtūrìre waku ūkorwo na cama ta ngogoyo,ûkūre na marūngo ta kîgwa ta kahìì,kīhīī,muumo,mwanake,kamatimū,mūthuri wa horio,wa mataathi na wa matura nguru onginya mathûra ùru.

ŪŪKĪ

Ūyū nì wa njūkì na njûkî îhūngaga na īkainūkia mwatû inî wayo,njûkî nîîmenyaga kana îgathutūkania mahūa ma thumu.

Mùthuri arongoragîria ciana ciake mawega.
Mùtùrîre ta wa njùkî mùhùnga irùa,Akorongoreria ciana ùmatho mwega na mùtùrîre wîna cama,Atî mwanake aumagara athiî amathe na atahe na ataha ainùkie mùciî torîa njùkî îinukagia mwatù-itù wayo.
Agîe kîyo na mîtùkî ta njùkî na ahote gûthurania kîrîa arataha ta ùrîa njùkî îthuranagia mahùa marîa mega makùhùnga.


MAAĪ
Maaì nī ūtonga na nîo maaitú na îkoragwo iumîte kwa Ngai mûmbi mûmbuûri.


Tiga nî tene ûmûthî na rûciû ingiuma kûû,Twike ta maithe maitū tūītūrīre ino thîî mûtûrîre mwegawîna cama tuikare thîî na thaayû,gîkeno na tûkauma nî gûkûra.

Nî thayû 🙏

14/08/2025

Shout out to my newest followers! Excited to have you onboard! Florah Maua, Frank DE Mati, Benedict Kitili, Reddy Mg Paul, Elvis Onduso, Hallon Njoroge, Dave Kirima, Paul Prince Junior, Sammy Ngigi, Josphat Ndung'u, Mungai Joseph, Margaret Njagah, Peter Wainaina, Kaa Rozii, Simon Macharia, John Shasha, Hannah Bubi, Joseph Kamunyu, John Kimani, Hellen Mugure Muriithi, Michael Kiarie, David Mbugua, Zyke Mzito, Njau Wajane, Purity Mwaniki Purity, Benjamin Kariuki, Joseph Kagera, Mercy Waithera, Teresia Wanja, Muiruri Josphat, Maggie Ptaz, Trijoh Muchembi, Joseph Gacaja, Samuel Mungai, Selekta TëXx, Bonie Kabaru, Elikanah Kamau, Zachary Karuga Gathii, Walking Favour, Petér Mutenderia, Paul Macharia, Peter Gitau, John Maina, Joseph Gachuiri, Spartans Mashh, Maurice Otieno, Kentoh Dixkenzy, Beatrice Kingori, Daniel Maina Mwangi, Jah Planter Farmer