04/04/2026
BigBreaking: अब देखि Gijinkoku visa को लागि जापानीज भासा N2 (B2 ) level अनिबार्य
जापान सरकारले विशेषज्ञ सीपमा आधारित “技術・人文知識・国際業務”（技人国） भिसा (在留資格) प्राप्त गर्न जापानी भाषा क्षमताको प्रमाण अनिवार्य बनाउने नीति तय गरेको छ। जापानी भाषा प्रयोग हुने काममा लाग्नेहरूका लागि अब सिद्धान्ततः भाषा दक्षता देखाउनुपर्नेछ। यो निर्णय ३ तारिखमा सरकारी स्रोतमार्फत सार्वजनिक भएको हो। 技人国 भिसामा प्रवेश गरेपछि पनि साधारण श्रममा संलग्न हुने समस्या देखिएकाले यो कदम चालिएको हो। अप्रिलको मध्यतिर निर्देशिका परिमार्जन गरी जाँच प्रक्रियालाई कडा बनाइनेछ।
नयाँ निर्देशिका अनुसार अन्तर्राष्ट्रिय भाषा मापदण्ड “CEFR” मा कम्तीमा “B2” स्तर बराबरको जापानी भाषा क्षमताको प्रमाण पेश गर्नुपर्नेछ। यो स्तर जापानी भाषा परीक्षा (JLPT) को “N2” सरह मानिन्छ। हालसम्म भने विश्वविद्यालय स्तरको शिक्षा वा सो सरह योग्यता र कार्य अनुभव भए पुग्ने थियो, जापानी भाषा अनिवार्य थिएन।
यो नियम नयाँ रूपमा जापान आउने र जापानी भाषा प्रयोग हुने कामका लागि 技人国 (Gijinkoku) भिसा आवेदन गर्नेहरूमा लागू हुनेछ। जापानमै रहेका विद्यार्थीहरूले भिसा परिवर्तन गर्दा भने यो लागू नहुनेछ।
साथै, निर्देशिकामा थप व्यवस्था अनुसार,技能実習 (सीप अभ्यास) वा 特定技能 (विशेष सीप) कार्यक्रममा संलग्न कम्पनीहरूले हिंसा, तलब नदिने जस्ता कारणले ५ वर्षसम्म कामदार भर्ना गर्न प्रतिबन्ध पाएका भए, प्रतिबन्ध अवधि सकिएसम्म 技人国 अन्तर्गत पनि कामदार लिन नपाउने व्यवस्था गरिनेछ।
