Niko Niko Mama

01/09/2021

17/05/2020

3-17 “ЧИМЭЭГҮЙ ҮЕ”-дээ ХҮҮХДИЙН ТАРХИ ХӨГЖИЖ БАЙДАГ
“Манай хүүхэд англи хэлэнд авъяасгүй юм шиг байна. Хэлний дамжаанд явуулаад удаж байгаа боловч сурсан юмгүй.” хэмээн ярих эцэг эхчүүдтэй бишгүй л таарч байсан байх.

Өнгөцхөн харахад заагаад байхад сурахгүй мэт харагдах боловч энэ нь тухайн хүүхдийн ЧИМЭЭГҮЙ ХҮЛЭЭН АВАХ ҮЕ юм.

ЧИМЭЭГҮЙ ҮЕ гэдэг нь сурсан зүйлээ илэрхийлэхгүй “ЯМАР Ч ЧИМЭЭ ГАРГАХГҮЙ ДУУГАЙ ӨНГӨРҮҮЛЭХ ҮЕ” юм.
Англи хэлний хичээл дээр нь бусад хүүхдүүд багшийгаа дуурайн цөөн үгээр ч болов яриад байхад, манай хүүхэд таг дуугай.
Ийм үед гаднаа ямар ч ахиц дэвшилгүй харагдах хэдий ч цаг нь болохоор хүүхэд гэнэт ярьж эхлэх болно.
Энэ бол ЧИМЭЭГҮЙ ҮЕ дууссаны дохио юм.

Энэ үед тархинд ямар процесс явагдаж байдаг бол?

Ямар ч дэвшилгүй харагдах ЧИМЭЭГҮЙ ҮЕ-д гэсэн хүүхдийн тархины мэдрэлийн эсүүд холбогдож, идэвхитэй ажиллаж байдаг байна. Энэ холболт нь “босго түвшин”-д хүрмэгц огцом дэвшилт харагдаж ярих буюу сурсан зүйлээ гадагш нь гаргаж эхэлдэг гэнэ.

Тиймээс хүүхэд аливаа шинэ зүйлийг сурч эхлэнгүүт далд авъяас нь нахилж эхэллээ гэж ойлгох хэрэгтэй.
Ихэнх тохиолдолд сурсан зүйлээ гадагш нь илэрхийлдэг “том мод” болон боловсорсон үед нь авъяас нь нээгдэж буй мэт харагддаг боловч, “бяцхан нахиа, зулзаган навч” байхдаа ч хүүхдийн тархи хөгжөөд эхэлсэн байдаг юм шүү.

ЧИМЭЭГҮЙ ҮЕЭ АМЖИЛТТАЙ ДАВАН ТУУЛЖ СОНИРХОЛЫНХ НЬ ҮҮД ХААЛГА НЭЭГДЭХ ХҮРТЭЛ

Ганц англи хэлээр зогсохгүй аливаа зүйлд "сонирхол төрөх босго" буюу "ЧИМЭЭГҮЙ ҮЕ" гэж байдаг.
Эхний үед юу болоод байгааг нь ойлгохгүй "манараа үе", түүний дараагаар "сонирхолгүй, утгагүй санагдах үе" байдаг ч эдгээр үе шатыг даван туулж үргэлжлүүлж чадвал таны хүүхэд "СОНИРХОЛ ТӨРӨХ БОСГО"-ыг давж чадлаа гэсэн үг бөгөөд хүнээр хүчлүүлэхгүйгээр сурч эхэлдэг байна.

Тархины мэдрэлийн эсүүд шинээр холбогдох хүртэл тодорхой хугацаа зарцуулдаг учир энэ хугацаанд эцэг эхчүүд хүүхэддээ урам өгч "амжилттай оролдлого" хийх явцыг нь зогсоохгүй байх нь чухал юм.

02/05/2020

3-16 Хүүхэд хүмүүжүүлэх “ТУЙЛЫН ЗӨВ АРГА”, “ЗААВАЛ ГАРАХ ҮР ДҮН” гэж байдаггүй.

Юун түрүүнд “Хүүхдийг ингэж хүмүүжүүлбэл ийм болно гэсэн зөв хариулт байхгүй гэдгийг эцэг эхчүүд ойлгох нь зүйтэй юм.
Магадгүй ихэнх эцэг эхчүүд хүүхдээ Кристиано Роналдо шиг алдарт тамирчин, эсвэл Стив Жобс шиг бизнесийн ертөнцийн амжилттай нэгэн болж өсөн дэвжихийг хүсдэг байх.

Гэвч яг тэдний хүмүүжлийн аргаар өсгөсөн ч таны хүүхэд тийм болж өснө гэсэн үг биш юм.

Иймээс хэн нэгний арга барилыг дууриах эвсэл номын дэлгүүрийн лангуунд жирийлгэн өрсөн ХҮҮХЭД ХҮМҮҮЖЛИЙН ГАРЫН АВЛАГАНД БАРИГДАЛГҮЙ хүүхэд бүр “ӨӨР” болохыг ухааран, өөрийн хүүхдийнхээ оцлогийг ойлгож, түүний хурданд тохируулж, зөвхөн түүнд нуугдсан “нууц авьяас”-ыг олох “ЭРДЭНЭСИЙН ЭРЭЛ”-д гарцгаая.

Хүүхэд хүмүүжлийн гарын авлагууд ерөнхий онолын хувьд бичигдсэн байдаг тул түүнийг үгчлэн тусгаж авч, ёсчлон биелүүлнэ гэвэл эцэг эхүүдэд багагүй дарамттай даалгавар болох биз.
Яагаад гэвэл номын дагуу “зөв” байх учиртай үр дүн таны хүүхэд дээр эсрэгээр үйлчилбэл та өөрийн хүүхэддээ итгэл алдарч сэтгэлээр унаж болох юм.
Гэтэл үнэндээ хүүхэд бүр өөр учир Та хүүхэддээ итгэл алдрах бус тэр онолд эргэлзэх нь зүйтэй юм.

Хүүхэд өсгөх гэдэг чинь ийм л ярвигтай учраас сонирхолтой хийгээд хэзээ ч уйдамгүй ажиллагаа юм шүү дээ.

22/04/2020

🤴Хөвгүүд спорт тоглоом, охид дүрд орж тоглох тоглоом тоглосноор улам ухаалаг болно👸

Тархи судлалын шинжлэх ухаанд эрэгтэй эмэгтэй хүүхдийн тархины хөгжил өөр өөр байдаг. Тархины хөгжил өөр байдаг нэг шалтгаан нь дааврын тархинд нөлөөлөх нөлөөлөл юм. Тодруулбал эрэгтэй хүүхдийн тестостерон нэртэй дааврын нөлөөгөөр эрэгтэй хүүхэд хэн нэгэнд захирагдах, тогтсон хэв журамд баригдах дургүй, эрсдэл дагуулсан зүйлд дуртай байдаг. Тиймээс заримдаа аюултай үйлдэл гаргах тохиолдол байдаг. Өндөр зүйл рүү авирах, саваа мод эргүүлэх зэрэг ээжүүдийн нүдээр харахад тэр дор нь болиулмаар санагдах үйлдэл хийдэг. Гэхдээ тийм үед шууд хийж буй үйлдлийг таслан зогсоох бус, аюулыг сөрөх хүслээ гүйцээтэл хамтдаа хийж дуусгах нь зөв юм. Спортын элдэв тоглоом тоглуулснаар хүүхдийн тархины болон биеийн өсөлтөнд маш чухал үр дүнтэй.
👦Хүүгийнхээ адал явдалд дуртай, эрэмгий, аюул сөрөх дуртай төрөлхийн занг дэмий дарж, болиулах гэж зүтгэлгүй сургалттай холбож өгвөл аз жаргалын даавар илүү их ялгарна. 👨🏻‍🎓

Эмэгтэй хүүхдүүд харин окситосин нэртэй дааврын нөлөөгөөр анхаарал халамж сайтай, нийтэч, ярианы чадвар сайн байдаг. Аливаа зүйлийг ойлгосныхоо дараа үйлдэл хийдэг учраас эрэгтэй хүүхэдтэй харьцуулахад томоотой тайван байдаг. Харилцагчаа унших чадвар ч мөн адил эмэгтэй хүүхдэд илүү эрт төлөвшдөг гэж үздэг. Ойролцоогоор 4 наснаас эхлэн бусдыг ойлгох харилцагчаа унших чадвар илэрч эхэлдэг гэсэн судалгаа бий. Тиймээс эмэгтэй хүүхдэд байгаа уг чадварыг илүү хөгжүүлвэл зохилтой.
👧Ихэнх охидын дуртай дүрд орж тоглодог тоглоом охидын хувьд тархины хөгжилд сайн нөлөөтэй гэж үзэж болно. 👩‍🎓

👫👬👭Эрэгтэй эмэгтэй хүүхдийн ялгаанаас илүү хувийн онцлогт нь анхаарал хандуулья.

Дааврын нөлөөгөөр эрэгтэй эмэгтэй хүүхэд ялгаатай гэдэг нь хэнд ч ойлгомжтой. Гэхдээ тархи судлалын шинжлэх ухаанд тархины онцлогоор ялгаж үзвэл маш олон янзын ялгаа бий. Эмэгтэй хүүхэд хэрнээ аз сорьсон зүйлд дуртай хүүхэд байхад, эрэгтэй хүүхэд хэрнээ дүрд тоглох дуртай хүүхэд байх жишээтэй. Ихэнх тоглоомууд өнгө, хэлбэр дүрс зориулалтаар эрэгтэй эмэгтэй хүүхдийнх гэж ялгасан байдаг. Та өөрийн хүүхдэдээ тоглоом худалдаж авч өгөхдөө, эрэгтэй болохоор эмэгтэй болохоор гэсэн өнцгөөс бус, хүүхдийнхээ зан ааш хүсэл сонирхолд нийцсэн тоглоом авч өгөх хэрэгтэй юм.

👩‍👧‍👦Хүүхдийн хүмүүжилд хүйсийн ялгааг мэдээж харгалзаж үзэх хэрэгтэй боловч, түүнээс илүүтэйгээр хувийн онцлогийг нь анхаарч үзэх нь нэн чухал. 👨‍👧‍👦

18/04/2020

БҮЛЭГ 2-14. АМТААР ДАМЖУУЛАН ДОПАМИН (аз жаргалын гормон) ЯЛГАРУУЛАХ

0 – 5 насны хүүхдийн амтлах мэдрэмж маш эмзэг байдаг. Дөнгөж төрсөн хүүхэд хүртэл нялуун, исгэлэн, халуун амтыг ялгадаг байна.

0 – 3 НАСАНДАА АМТАЛСАН АМТ ХҮНИЙ АМТЛАХ МЭДРЭМЖИЙГ ХӨГЖҮҮЛЭХЭД ЧУХАЛ ҮҮРЭГТЭЙ

Амтлах мэдрэмжийг хөгжүүлэхийн тулд хүүхдийг бор хоолонд ороход нь хүнснийг аль болох амтлагчгүйгээр байгалийнх нь амтаар мэдрүүлэх нь зүйтэй юм.
Энэ нь эрүүл мэндэд тустайгаас гадна зөв хоололтын зуршил суулгадаг байна.

Хооллолт нь тархины хөгжилд нэн чухал үүрэгтэй юм.

1-рт, Хоол хүнснээс авдаг шим тэжээл нь тархины өсөлтийг дэмждэг тул бор хоолонд орсон цагаас нь эхлэн биеийн хөгжилд нь тохирсон тэжээллэг хүнсээр хооллох нь зүйн хэрэг.
2-рт, Хоол зажилах үйлдэл нь хоолыг шингээх үүрэгтэйгээс гадна тархины үйл ажиллагааг сайжруулах үүрэгтэй аж. Тархины мэдрэлийн эсүүдийг хөгжүүлдэг төрөл бүрийн даавруудын ялгаруулалтыг нь зажиллах процессын дэмжлэгтэйгээр нэмэгдүүлсэнээр тархины мэдрэлийн үйл ажиллагаа сайжирдаг байна.

Мөн “хооллолт” нь допамин ялгаруулалттай салшгүй холбоотой аж.
Өмнөх хэсгүүдэд өгүүлсэнчлэн анх удаа хийж буй үйлдээс төрсөн мэдрэмж допамин ялгаруулдаг тул “анх удаа идэж буй хоол”, “анх амталж буй амт” нь мэдээж допамин ялгаруулна.

Ямар нэгэн зүйл идэхэд төрсөн сэтгэл хөдлөлт нь хүүхдийн хувьд сансар огторгуйг бүтээсэн их тэсрэлттэй дүйцэхүйц асар том мэдрэмжийг үүсгэдэг байна. Иймээс хооллох бүрт хүүхдийн амтлах мэдрэхүй мэдэгдэхүйц хурдтай хөгждөг гэнэ.

“ХЭЛБЭР ДҮРСТ БЭНТО” НЬ ТАРХИ ХӨГЖҮҮЛДЭГ ГЭЖ ҮНЭН ҮҮ?
“Ногоо иддэггүй”, “маханд дургүй” гэх мэт хоолоо ялгаж иддэг хүүхэд олон байдаг шүү дээ.
Гэтэл ингэж ялгадаг хүүхдээс илүү ялгадаггүй бүх зүйлийг амтархан иддэг хүүхэд допамин сайн ялгаруулдаг болох нь тархи судлалаар нотлогджээ. Иймээс эцэг эхчүүд хүүхэддээ аль болох иддэггүй зүйлийг нь идүүлэх арга сүвэгчлэх хэрэгтэй болох нь.
Тэгвэл “байнга иддэг хүнсээ идсэн ч допамин ялгаруулах ямар арга байна?
Хүүхэд хоолыг 5-н мэдрэхүйгээрээ бүрэн мэдэрч иддэг. Амтлах, өнгө, хэлбэр дүрс харах, үнэрлэх, зажиллах зэрэг мэдэрхүйгээрээ дамжуулан шинэ мэдрэмжийг авч тархинд сэрэл өгсөнөөр допамин ялгардаг байна.

Хэлбэр дүрст бэнто (гараар хийж савласан өдрийн хоол) нь хүүхдүүдэд шинэ сэтгэгдэл төрүүлдэг тул дургүй ногоогоо ч дуртайяа иддэг төдийгүй баяр баясалыг мэдэрч допамин сайн ялгардаг байна.

ТАНИЛ ДАССАН МЭДРЭМЖ 50%, ШИНЭ МЭДРЭМЖ 50%

Хүүхэд нь хоолондоо муу бол дассан дуртай хүнсийг нь 50%, шинэ буюу тэр бүр иддэггүй зүйлийг нь 50% холиод үзээрэй.
Яагаад гэвэл хүүхэд шинэ зүйлд дуртай боловч нөгөө талаар дассан зүйлээ хараад тайвширдаг байна.Ухаан жолоогүй тоглож байсан хүүхэд гэнэт ээжрүүгээ ирж эрхэлдэг биздээ. Энэ нь ээждээ тэврүүлж сэтгэлийн тайвширлыг мэдрэхийг хүсэж байгаа учраас тэр юм.
Хоол хүнс ч ялгаагүй. Өөрийнх нь идэж дассан котлетэн дээр нь дуртай хүүхэлдэйн киноны баатрын дүрс тодрон харагдаж байвал хичнээн их баярлах бол.

15/04/2020

2-13. Харах, үнэрлэх мэдрэмжээр дамжуулж хүүхдийн сонирхлыг хөгжүүлэх арга😍😻🥰

Харааны мэдрэмжийг сайн хөгжүүлж чадвал хүүхдийн хүлээж авах мэдээлэл хувь илүү нэмэгдэж тэр хэрээр илүү сониуч болно. 0 настай хүүхэд ойрын хүрээний зүйлийг хардаг бол 2 сар хүрээд том хүний гар тоглоом зэргээ дагуулж харах чадвартай болдог. Ой хүрээд хол байгаа зүйлсийг ч харж чаддаг болно.
Хүүхдийн харааны мэдрэмжийг сайжруулахад өнгө алагласан хувцас өмсүүлэх, тоглоом зэргийг аажуухан дээрээс доош, баруунаас зүүн тийш хүүхэд дагуулж харах хэмжээнд хөдөлгөж хүүхдийн анхаарал сонирхлыг татах зэрэг нь үр дүнтэй арга юм.
Мөн гадаа гарч салхилангаа гадна орчныг танилцуулах, машин явж байна, модод найгаж байна гэх зэргээр хүүхэдтэйгээ ярилцах нь хүүхдийн тархи улам бүр хөгжиж, мэдрэмжтэй эелдэг хүн болж төлөвшинө.
Үнэрлэх мэдрэмж нь харах мэдрэмжээс ялгаатай. Хүүхэд дөнгөж төрөхдөө л бараг том хүнийхтэй ижил үнэрлэх чадвартай төрдөг. Хамрын угт байрлалтай үнэрлэх эсэд аливаа үнэр хүртсэнээр тэрхүү мэдээллийг тархинд дамжуулах миханизм үйлчилдэг. Тиймээс үнэрлэх мэдрэмжийг хөгжүүлэхийн тулд үнэрийг бодитоор мэдрүүлэх нь чухал юм. Байгалийн мод цэцэгнээс гадна хоол хүнс, жимс ногооны үнэрийг ч үнэртүүлж байх хэрэгтэй юм.
ХАРАХ ҮНЭРЛЭХ МЭДРЭМЖИЙГ ХӨГЖҮҮЛЖ БОЛОХ БОЛОМЖ БҮРИЙГ АШИГЛАЯ🍀

10/04/2020

БҮЛЭГ 2-12. ХҮҮХДИЙН ШИНИЙГ ЭРЭЛХИЙЛЭГЧ, СОНИУЧ ЗАНГ ХӨГЖҮҮЛЭХИЙН ТУЛД СОНСОХ, ХҮРТЭХ МЭДРЭХҮЙГ ХӨГЖҮҮЛЭХ НЬ ЗҮЙТЭЙ АЖ
Мэдрэл судлалын үүднээс авч үзвэл 5 мэдрэлийн хөгжил нь хүүхдийн сониуч занд хамгийн их нөлөөлдөг аж.
Хүний 5-н мэдрэхүйн хөгжил нь 5 нас хүрхэд бүрэн бүрэлдэн тогтдог аж. Иймээс аль болох бага насанд нь 5-н мэдрэхүйг нь аль болох сайтар хөгжүүлэх нь зүйтэй юм.
• Дуугардаг тоглоомоор тоглуулах
• Уянгалаг хөгжим сонсох
• Зурагт ном уншиж өгөх
• Сэтгэхүйн тоглоомоор тоглуудлах
• Амьд ургамал гэртээ тарих
Зэрэг нь мэдрэхүйг хөгжүүлэхэд үр дүнтэй гэдэг боловч зөвхөн эдгээр зүйлсээр хязгаарлагдахгүй юм.
Хамгийн гол нь хүрээлэн буй орчноосоо амьд мэдрэмжийг мэдэрч сурах нь чухал юм.
Жишээлбэл жаргах наран, уудам талын сэвэлзүүр салхи, тэнгэрт гялалзах одод, мяралзан урсах гол горхины дуу зэрэг нь хүүхдэд жинхэнэ амьд мэдрэмжийг төрүүлдэг юм. Иймээс хүүхдээ дагуулан агаар салхин гарч эргэн тойрноосоо амьд мэдрэмжийг мэдрэхэд нь туслаарай. Заавал гэрээсээ гарахгүй байсан ч хүүхэдтэйгээ ярилцах, тэврэлдэн эрхлэлдэх нь ч хүүхдийн мэдрэхүйг сайжруулдаг болох нь шинжлэх ухаанаар батлагджээ.

НЯЛХ ХҮҮХДИЙН СОНСГОЛ, ХҮРТЭХҮЙН МЭДРЭХҮЙГ ХӨГЖҮҮЛЭХ АРГА
Мэдрэл судлалын шинжлэх ухаанд хүүхэд дөнгөж төрөнгүүтээ харах, сонсох, хүртэх, амтлах, үнэрлэх таван мэдрэхүйгээ ашиглаж эхэлдэг болохыг нээн илрүүлжээ.

0 настай нялх хүүхдийн харах мэдрэхүй бүрэн хөгжөөгүй байдаг учир аав, ээжийнхээ дууг болон эргэн тойрныхоо дуу авиаг танихын тулд сонсох мэдрэхүйгээ илүүтэйгээр ашигладаг. Сонсох мэдрэхүйг сайн хөгжүүлбэл ярианы хөгжил сайжирдаг байна.

ХҮҮХДИЙН СОНСОХ МЭДРЭХҮЙГ ХӨГЖҮҮЛЭХИЙН ТУЛД ЭЦЭГ, ЭХ НЬ ИНЭЭМСЭГЛЭН ЗӨӨЛӨН ӨНГӨӨР АЛЬ БОЛОХ ИХ ЯРИХ НЬ ЗҮЙТЭЙ АЖ.

2 настай хүүхэд эцэг, эхийнхээ дууны өнгөнөөс сэтгэл зүйг нь уншиж чаддаг болдог ба баяр баясгалантай, тайван тайван дуу хоолой нь хүүхдийн сониуч зан хөгжих, сэргэлэн цовоо байхад нөлөөлдөг байна.
ИЙМЭЭС ХҮҮХЭДТЭЙГЭЭ ҮРГЭЛЖ ИНЭЭМСЭГЛЭН, ДӨЛГӨӨХӨН ЯРИЛЦАЖ БАЙЦГААЯ.

ХҮРТЭХ МЭДРЭХҮЙГ ХӨГЖҮҮЛЭХ НЬ

0 – 2 насанд нь хүртэх мэдрэхүйг нь хөгжүүлсэнээр хөдөлгөөний эвсэл сайтай болдог аж. Нялх хүүхэд унтаж хэвтэх цаг нь урт боловч хүртэх мэдрэхүйг нь хөгжүүлэх үүднээс аль болох сайн тэвэрч байгаарай.

Мөн хүүхдээ тэвэрч унтуулахад орон дээр нь тавингуут сэрчээд байдаг нь хүүхэд эцэг эхийнхээ биеийн дулааныг үгүйлж, хүсэж байгаагийн илрэл юм. Иймээс хүүхдийг тэвэрч унтуулж байхдаа хэцүү гэж бодолгүй, хүртэх мэдрэхүйг нь хөгжүүлж байна даа гэж бодвол тийм ч хэцүү санагдахгүй л болов уу.

ТЭВРҮҮЛЖ УНТАХАА БОЛЬСОН ТОМ БОЛСОН ҮЕД НЬ ТОЛГОЙГ НЬ ИЛЭХ, ТЭВРЭХ, НУРУУГ НЬ ИЛЖ УНТУУЛАХ ЗЭРГЭЭР АЛЬ БОЛОХ БИЕД НЬ ЭЕЛДЭГЭЭР ХҮРЧ ХАРЬЦАХАД ХҮҮХДИЙН ТАРХИНД АЗ ЖАРГАЛЫН ДААВАР ИЛҮҮ ИХЭЭР ЯЛГАРДАГ ТӨДИЙГҮЙ БУЛЧИНГИЙН ХӨГЖИЛ НЬ ИДЭВХИТЭЙ ЯВАГДДАГ ГЭНЭ ШҮҮ.

/4 Хүрчээд ингээд нялуурч эрхэлдэг хүүхэд энд бас бнаа бн/🥰

05/04/2020

2-11. ХҮҮХДИЙН СОНИУЧ ЗАНГ ХӨГЖҮҮЛЬЕ♥️

0-5настай хүүхэд хэдий балчир ч гэсэн тэдэнд өөрийн гэсэн үзэл бодол, мэдрэмж, сонирхол гэж байдаг. Дуртай, дургүй, амттай амтгүй, сайхан муухайг тэд зөнгөөрөө мэддэг. Тийм учраас ээж аавууд хүүхэддээ боломж олгоогүйн улмаас хүүхдийн далд авьяасыг нээн хөгжүүлж чадахгүй байх вий хэмээн санаа зовних шаардлагагүй. Эцэг эхчүүд хүүхдэдээ ямар нэг сэдэл өгсөн өгөөгүй хүүхэд өөрөө аливааг мэдэрч , илэрхийлж дуртай зүйлээ хайж олдог.

НЯЛХ ХҮҮХЭД ЮМ БҮХНИЙГ АМАНДАА ХИЙДЭГ ШАЛТГААН

Эцэг эхээс хамааралгүйгээр хүүхдүүд өөрсдөө аливааг мэдэрч байдгийн нэг жишээ нь 0-2 настай хүүхдийн юм бүхнийг амандаа хийж үздэг үйлдэл юм. Хүүхдийн харааны эрхтэн бүрэн хөгжөөгүй учраас хэлээрээ мэдэрч аливааг ангилдаг гэж олон судалгаанд дурдагдсан байдаг. Үүнийг synesthesia буюу хос мэдрэмж гэж нэрлэдэг бөгөөд хүрэх мэдрэмжээс авсан мэдээлэл харах мэдрэмжинд ч дамждаг нялх хүүхдэд л байдаг тусгай чадвар юм. Энэ чадвар бүх хүүхдэд байх бөгөөд хэлээ ашиглаж тухайн зүйлийн мэдээллийг олж авдаг. Энэ нь хүүхдийн сониуч зантай шууд холбогддог. 5 мэдрэхүйгээр дамжиж хүүхдийн тархи улам хөгжиж байдаг учраас аюултай эм бэлдмэл, хог зэрэг л биш бол хүүхдээ цэвэрхэн амны алчуур, тоглоом зэргийг амандаа хийхэд нь болиулахгүй байх нь зөв юм. Ингэснээр хүүхдийн сониуч зан хөдөлж тархи ч уоам бүр хөгжиж байдаг.

ХҮҮХЭД ӨСГӨХӨД ХАМГИЙН ЧУХАЛ НЬ ХҮҮХДИЙНХЭЭ ХИЙХИЙГ ХҮССЭН ЗҮЙЛИЙГ АЛЬ БОЛОХ ХИЙЛГЭХ ЯВДАЛ ЮМ.