月曜日 09:00 - 17:00 火曜日 09:00 - 17:00 水曜日 09:00 - 17:00 木曜日 09:00 - 17:00

ウェブサイトとは何ですか？

https://www.facebook.com/438392026024786/

𝐇𝐈𝐊𝐀𝐑𝐈, Osaka (2026)

02/06/2026

Hello work က ထောက်ပံ့ကြေးထက် ၃ ဆ လောက်
ပိုများများ ယူလို့ရတဲ့ နည်းလမ်းရှိတာ သိကြလား?

ပုံကတော့ မင်မင်ရဲ့ ရနိုင်ခြေရှိတဲ့
ထောက်ပံ့ကြေးကို ခန့်မှန်း တွက်ကြည့်ထားတာပါ

ဒီလျှောက်နည်းက ဂျပန်တွေ အတော်သုံးကြပေမဲ့
နိုင်ငံခြားသားတွေကတော့ သိတဲ့သူ နည်းပါတယ်

退職給付金ーたいしょく　きゅうふきん လို့ခေါ်ပါတယ်

လျှောက်ကြည့်ချင်တဲ့သူတွေက
ဒီအချက်တွေ သေချာလုပ်ထားမှ ရပါမယ်

✅၁- အလုပ်မထွက်မီကထဲက
ကြားကလျှောက်ပေးတဲ့ ပွဲစားကုမ္ပဏီနဲ့
ကြိုချိတ်ရပါမယ်

✅၂- ပွဲစားကုမ္ပဏီနဲ့ မချိတ်ပဲ
ကိုယ်တိုင်လုပ်လို့ မရနိုင်ပါ ( မင်မင်လဲ ပွဲစား မလုပ်ပါ)

✅၃- အလုပ်မထွက်မီ ၂ လ ၃ လကထဲက
ကြိုပြီးပြင်မှ ရပါမယ်
အလုပ်ထွက်ပြီးမှ တင်ရင် မရနိုင်ပါ

✅၄- အလုပ်မှာ အနိုင်ကျင့်ခံရလို့
စိတ်ပိုင်းဆိုင်ရာ ထိခိုက်တဲ့သူတွေ ပိုပြီး လျှောက်သင့်ပါတယ် ။
ဘာမှမဖြစ်ထားတဲ့သူတွေလဲ လျှောက်လို့ရပါတယ်

✅၅- အသေးစိပ် ဖောင်ဖြည့်နည်းတွေ သေချာ မသိပေမဲ့
အကြမ်းဖျဉ်းကတော့ အလုပ်မှာ စိတ်ဖိစီးပြီး
စိတ်ထိခိုက်ဒဏ်ရာ ရနေပါတယ်ဆိုတဲ့ အကြောင်းအရာမျိုး တင်ပြီး
လျှောက်ပေးတာ များပါတယ်

✅ဆရာဝန်ထောက်ခံချက် ရအောင်ထုတ်နည်း
ထောက်ခံချက်ထုတ်ထားပေမဲ့
မှတ်တမ်းမကျန်အောင်
ဘယ်လိုလုပ်သင့်သလဲ ဆိုတာကအစ
အသေးစိပ် ပြောပြပေးပါလိမ့်မယ်

✅Hello work မှာ ပြောရမဲ့ စကားတွေကအစ
ပွဲစားဂျပန် ကုမ္ပဏီက သင်ပေးပါလိမ့်မယ်

✅သူတို့ကို ၁၀ သောင်းခန့်တော့ ပေးရပါမယ်✅

⭕️သတိထားရမှာက 社会保険ーしゃかいほけん
တစ်နှစ်ကျော် မဆောင်ထားတဲ့သူတွေကတော့ မရနိုင်ပါ

ကိုယ်ရဲ့ လစာနဲ့ 社会保険 ဆောင်ထားတဲ့
အပေါ်မူတည်ပြီး များများ ရနိုင်ပါတယ်

⭕️ဂျပန်မှာ ရေရှည်နေမဲ့သူတွေ မလျှောက်သင့်ပါဘူး

ဂျပန်မှာ ၄/၅ နှစ် အလုပ်လုပ်ပြီး
အပြီးပြန်မဲ့သူတွေ ကတော့လျှောက်သင့်ပါတယ်

⭕️✅- ရေရှည်နေမဲ့သူတွေက
ဒီထောက်ပံ့ကြေးယူလိုက်ရင်
တခြား ပလန်သပ်သပ်နဲ့ ဝင်ရတဲ့
အာမခံပလန်တွေ ဝင်မရတော့တာမျိုး

ဝင်လို့ရခဲ့ရင်လဲ
နောက်နှစ်မှာ လစဉ်ကြေးတွေ
အများကြီး ဆောင်ရတာမျိုး ဖြစ်တတ်ပါတယ်

⭕️အလုပ်ထွက်ဖို့ စဉ်းစားထားပြီး
退職給付金လျှောက်ကြည့်ချင်တဲ့သူတွေကို

မင်မင့် အသိ ချိတ်ဖူးတဲ့
ပွဲစား ကုမ္ပဏီအကောင့်တွေ
ပြောပြပေးလို့ ရပါတယ်

cb မှာ လာယူပါ။

အကောင့်ပဲပြောပြနိုင်ပါတယ်။
အသေးစိတ်တွေတော့ မရှင်းပြနိုင်ပါဘူး ။

04/04/2026

ရေခဲသေတ္တာတွေ အနံ့အသက် မကောင်းရင်

ဒါမျိုး ဘူးလေးတွေ ထည့်ထားပေးရင်

အနံ့ဆိုးတွေ သက်သာစေပါတယ်

¥၁၀၀ တန်ဆိုင်နဲ့ drug store တွေမှာ ရနိုင်ပါတယ်

အနံ့ပျောက်ဆေးဘူးလေးတွေကို

ရိုးရိုးအအေးခန်းနဲ့ အသီးအရွက်အခန်းအတွက်
အမျိုးအစား ခွဲပြီး ထည့်ပေးလို့ရပါတယ်။

ဘယ်ဘက်က ပုံက ရိုးရိုး အအေးခန်းအတွက်

ညာဘက်က ပုံက
ရိုးရိုးအအေးခန်း& အသီးအရွက် ထားတဲ့
အအေးခနိးအတွက်

03/04/2026

မုန့်ဟင်းခါးဖတ် ၊ ရှမ်းခေါက်ဆွဲဖတ်

မုန့်တီ/ မြီးရှည်ဖတ် ၊ ကြာဇံ ဆို
ဘာတံဆိပ်ဝယ်ရမလဲ မသိတဲ့ သူတွေအတွက်

မင်မင်စားနေကျ
မြန်မာအရသာအတိအကျ ရတဲ့
တံဆိပ်လေးတွေ ပြောပြလိုက်ပါတယ်

ထိုင်းနဲ့ ဗီယက်နမ်ဆိုင်တွေမှာ
¥၂၀၀/ ¥၃၀၀ ဝန်းကျင်နဲ့
ဝယ်လို့ရပါတယ်

မြန်မာဆိုင် အများစု
စျေးသာရောင်းနေကြတာ

မုန့်ဟင်းခါးဆို そうめん အဖတ်😑

မုန့်တီ ဆို ဂျပန်うどん အဖတ်😑

ကြေးအိုး/ ကြာဇံကြော်ဆိုလဲ
ပဲကြာဇံတွေနဲ့ လုပ်ရောင်းနေကြတာ

ဘယ်လိုမှ အဆင်မပြေ😅

02/04/2026

ကလီစာ အစုံ နဲ့ ကိုရီးယားစာ
ကြိုက်တတ်တဲ့ သူတွေ

သွားကို သွားသင့်တဲ့နေရာ

鶴橋ーつるはし က Korea town

JR TsuruHashi station ရဲ့
central exit / west exit ကထွက်ပြီး
ညာဘက်ကို ကွေ့လိုက်တာနဲ့
စျေးဆိုင်တန်း လမ်းကျဉ်းလေးကို
တွေ့ရမှာဖြစ်ပါတယ်

တကယ်ပတ်ကြည့်ရင်
တစ်နေကုန် ပတ်လို့ရတဲ့အထိ
ဆိုင်တွေ အများကြီးပါ

အိုဆာကာ က foodie တွေအတွက်
おすすめ😊

20/03/2026

#日本語 #勉強 #ハラスメント

12/03/2026

ဂျပန်လို အလုပ်ထွက်စာရေးနည်း

ရေးနည်း အမျိုးမျိုးရှိပေမဲ့
အခြေခံကတော့ အတူတူပါပဲ

✅စာတင်မည့် ရက်စွဲ

✅ကုမ္ပဏီ နာမည်
ရှချော/ ဌာနမှူး နာမည် ရာထူး

✅စာပိုဒ်ကတော့
ကိုယ်ရေးကိုယ်တာ ကိစ္စနဲ့
ဘယ်နေ့ ဘယ်ရက်မှာ ထွက်မယ်ဆိုတာ
ရေးပေးရပါမယ်

ဘယ်ဘက် အောက်နားမှာ

✅ကိုယ်အလုပ်လုပ်တဲ့ ဌာန

✅ကိုယ့် နာမည် ရေးပြီး
တံဆိပ်တုံးပါ နှိပ်ပြီး

✅၁၀၀ တန်ဆိုင်မှာ ရောင်းထဲ
စာအိတ် အညိုလေးထဲ ထည့်ပြီး
တင်ပေးရပါမယ်

အထက်လူကြီးနဲ့ တိုင်ပင်ပြီး

အလုပ်မထွက်မီ ၁ လ အလိုမှာ
တင်ပေးတာ အကောင်းဆုံးပါ

အားလုံး အဆင်ပြေကြပါစေ 😊

#退職届　 #退職　 #အလုပ်ထွက်စာရေးနည်း

26/02/2026

မှီခိုဗီဇာနဲ့နေတဲ့ အမျိုးသမီးရယ်
အမြဲတမ်းဝန်ထမ်းလုပ်တဲ့ အမျိုးသမီးရယ်
ကလေးမီးဖွားချိန် ခံစားခွင့် ဘာတွေ ကွာခြားသလဲ?

မှီခိုဗီဇာနဲ့ နေတဲ့ အမျိုးသမီးတွေက ထောက်ပံ့ကြေး ၂ မျိုးပဲ ရပါမယ်

✅မွေးဖွားစရိတ်　―　出産育児　一時金
(Shussan Ikuji Ichijikin)　¥၅၀၀,၀၀၀ ရပါမယ်

- ဒါက အမျိုးသားရဲ့ အာမခံ (Kenzou/Shakai Hoken) ကနေ မိသားစုဝင် မွေးဖွားခြင်း ထောက်ပံ့ကြေးအနေနဲ့ ရမှာပါ။
- ဆေးရုံမှာ တိုက်ရိုက်ချေတဲ့ စနစ် (Direct Payment) သုံးမယ် ပြောရင် ရပါတယ် ။

✅ကလေးထောက်ပံ့ကြေး 　
児童手当　ー　Jido Teate　

လစဥ် ¥၁၅,၀၀၀ ကလေး ၃ နှစ်ပြည့်သည်အထိ

• ဒါက အလုပ်နဲ့မဆိုင်ဘဲ ဂျပန်မှာနေထိုင်တဲ့ ကလေးရှိသူတိုင်းကို 市役所―しやくしょ (City Hall) က ပေးတာပါ။

🌸🌸🌸######🌸🌸🌸###🌸🌸🌸

✅အမြဲတမ်းဝန်ထမ်း/ အချိန်ပိုင်း လုပ်တဲ့ အမျိုးသမီးတွေကတော့✅

မီးဖွားခွင့် မယူမီ ၂ နှစ်အတွင်းမှာ
雇用保険―こようほけん အလုပ်လက်မဲ့ အာမခံ
ဝင်ထားတဲ့ ကာလ စုစုပေါင်း ၁၂ လအထက် ရှိရပါမယ် ။

雇用保険 ဝင်ထားခဲ့ရင် အပေါ်မှာ ရေးထားတဲ့ ထောက်ပံ့ကြေး ၂ ခုအပြင် နောက်ထပ် ၂ ခု ထပ်ရပါမယ်။

✅မီးဖွားခွင့်လစာ　―　
出産手当金 (Shussan Teatekin)　

🌸ကလေးမမွေးခင် ၆ ပါတ်စာ၊ ကလေးမွေးပြီး ၈ ပါတ်စာအထိ ရပါမယ်။

✅ကလေးပြုစုခွင့်လစာ　―　
育児　休業　給付金　 (Ikuji Kyugyo Kyufukin)

🌸မီးဖွားခွင့်ပြီးဆုံးသည့် ရက်မှ ကလေး ၁ နှစ်/ ၂ နှစ်ပြည့်သည်အထိ ထောက်ပံ့ကြေး ရနိုင်ပါတယ်။

✅ကလေး ၁နှစ်ပြည့်/၂ နှစ်ပြည့်အထိ အလုပ်ကို ခွင့်ယူမယ်ဆိုရင်
ခွင့်ယူပြီးရင် အလုပ်ကို ပြန်ဝင်မဲ့အကြောင်း သေချာ ပြောထားသင့်ပါတယ်။✅

✅✅တကယ်လို့ အလုပ်ထွက်ချင်တယ်ဆိုရင် ခွင့်ကာလ အပြီး အလုပ်ခဏ ပြန်ဝင်ပြီး ၂ လ ၃ လ နေမှ ထွက်တာက ပို‌ကောင်းပါတယ်။

#ဂျပန်မှာကလေးမွေးမည့်သူများ

#နားရက်ခံစားခွင့်

#မီးဖွားခွင့်

#育児休暇

#配属者

#雇用保険加入

#給付金

#

24/02/2026

ကလေးမွေးဖွားစဉ် ထောက်ပံ့ကြေးများ လျှောက်နည်း

ထောက်ပံ့ကြေး အဓိက (၃) မျိုး ရှိပါတယ်

✅၁- မွေးဖွားစရိတ် (¥500,000) -
出産育児一時金
Shussan Ikuji Ichijikin

🌸ဘယ်မှာလျှောက်ရမလဲ- ဆေးရုံမှာပဲ လုပ်လို့ရပါတယ်

🌸ဘယ်လိုလုပ်ရမလဲ -
Direct Payment System
(直接支払制度 - Chokusetsu Shiharai Seido) ကို သုံးချင်တယ်လို့ ဆေးရုံမှာ ပြောလိုက်ပါ။

ဆေးရုံက အစိုးရဆီကနေ ၅ သိန်းကို တိုက်ရိုက်တောင်းပါလိမ့်မယ်။
မွေးစရိတ်က ယန်း ၅ သိန်းထက် ကျော်ရင် ကျော်သွားတဲ့ ပမာဏကို ကိုယ်တိုင် ဆောင်ရပါမယ်

✅၂- မီးဖွားခွင့်လစာ
(Maternity Leave Allowance)
出産手当金
Shussan Teatekin

🌸ဘယ်မှာလျှောက်ရမလဲ
ကုမ္ပဏီ မှတစ်ဆင့် လျှောက်ရပါမယ်

🌸ဘယ်အချိန်မှာလျှောက်ရမလဲ
ကလေးမွေးပြီး (၅၇) ရက်မြောက်နေ့ကစပြီး လျှောက်လို့ရပါတယ်။

🌸လုပ်ဆောင်ရန်

ကုမ္ပဏီကို Shussan Teatekin လျှောက်ချင်တယ်လို့ ပြောရင် Form ပေးပါလိမ့်မယ်။

ဆေးရုံက ဆရာဝန်လက်မှတ် လိုအပ်ပါတယ်။

✅၃- ကလေးပြုစုစဉ် ခံစားခွင့်
(Childcare Leave Allowance) -
育児休業　給付金
Ikuji Kyugyo Kyufukin

🌸ဘယ်မှာလျှောက်ရမလဲ
ဒါလည်း ကုမ္ပဏီကနေတစ်ဆင့် Hello Work ကိုလျှောက်ပေးရတာပါ။

🌸လုပ်ဆောင်ရန်
ခွင့် စ မယူခင် ကုမ္ပဏီကို ကြိုပြောထားရပါမယ်။ လျှောက်လွှာတင်တဲ့အခါ ကုမ္ပဏီကပဲ အစအဆုံး လုပ်ပေးလေ့ရှိပါတယ်။

🌸အားလုံး အဆင်ပြေကြပါစေ😊🌸

23/02/2026

🌸ဂျပန်မှာ ကလေးယူဖို့ စဉ်းစားနေတဲ့
မေမေတွေ အတွက် သိထားသင့်တဲ့ ခံစားခွင့်တွေပါ

✅၁။ ရရှိနိုင်မည့် နားရက်များ (Leave Period)

ဂျပန်ဥပဒေအရ အဓိက နားရက် ၂ မျိုးရှိပါတယ်။

🌸မီးဖွားခွင့်ー産前産後休暇
(Sanzen Sango Kyuka):

🌺မမွေးခင်: ၆ ပတ် (ရက်ပေါင်း ၄၂ ရက်)

🌺မွေးပြီး: ၈ ပတ် (ရက်ပေါင်း ၅၆ ရက်)

🌸ကလေးပြုစုစောင့်ရှောက်ခွင့်ー育児休暇
(Childcare Leave - Ikuji Kyugyo):

🌺မီးဖွားခွင့် ပြီးဆုံးသည့်နောက်နေ့မှစ၍ ကလေးအသက် ၁ နှစ် ပြည့်သည်အထိ (အခြေအနေအရ ၁ နှစ်ခွဲ သို့မဟုတ် ၂ နှစ်အထိ တိုးလို့ရပါတယ်)

✅၂။ ရရှိနိုင်မည့် ထောက်ပံ့ကြေးများ

🌸မီးဖွားခြင်းအတွက် တစ်လုံးတစ်ခဲတည်း ထောက်ပံ့ကြေး

ကလေးတစ်ယောက်အတွက် ယန်း ၅၀၀,၀၀၀ ရပါမယ်။ ဒါကို ဆေးရုံစရိတ်အတွက် တိုက်ရိုက်ပေးချေခိုင်းလို့ရပါတယ်။

🌸မီးဖွားခွင့်ကာလ ထောက်ပံ့ကြေး

မမွေးခင်နဲ့ မွေးပြီး နားရက်တွေအတွက် လူမှုဖူလုံရေး ကျန်းမာရေး အာမခံထဲကနေ (Health Insurance) ပေးတာပါ။

🌺တွက်နည်း: နေ့စဉ်ဝင်ငွေ၏ 2/3 ခန့်

🌺ခန့်မှန်းခြေ: တစ်လလျှင် ၁၆၀,၀၀၀ ယန်း ဝန်းကျင် (နားရက် စုစုပေါင်း ၉၈ ရက်စာအတွက် ရပါမယ်)။

🌸ကလေးထိန်းစရိတ် ထောက်ပံ့ကြေး

အလုပ်ပြန်မဝင်ခင် နားနေတဲ့ ကာလအတွက် ပေးတာပါ။

🌺ပထမ ၆ လ: လစာ၏ ၆၇%
(ခန့်မှန်းခြေ တစ်လ ၁၆၀,၀၀၀ ယန်း)

🌺နောက်ပိုင်းလများ: လစာ၏ ၅၀%
(ခန့်မှန်းခြေ တစ်လ ၁၂၀,၀၀၀ ယန်း)

✅၃။ အရေးကြီးသောအချက်များ

🌸社会保険と厚生年金 ကင်းလွတ်ခွင့်

နားရက်ရှည် ယူထားစဉ်အတွင်း ကျန်းမာရေးအာမခံနဲ့ ပင်စင်ကြေး (Kosei Nenkin) ပေးစရာမလိုပါဘူး (ဒါကြောင့် လက်ကျန်ငွေက ပုံမှန်ထက် ပိုများနိုင်ပါတယ်)

🌸住民税 (Inhabitant Tax)

နေထိုင်ခွန်ကတော့ အရင်နှစ်ဝင်ငွေပေါ် မူတည်တာမို့ နားနေစဉ်မှာ ကိုယ့်ဘာသာ ပေးဆောင်ဖို့ လိုအပ်ပါလိမ့်မယ်။

🌸ကလေးစရိတ် (Child Allowance)

ကလေးမွေးပြီးရင် အစိုးရကနေ ကလေးအတွက် တစ်လကို ၁၅,၀၀၀ ယန်း (အသက် ၃ နှစ်အထိ) ထပ်ပေးပါဦးမယ်။

‼️လစဉ်ရနိုင်မဲ့ ထောက်ပံ့ကြေးတွေကို
လစဉ် 社会保険、厚生年金စတာတွေ ဆောင်ထားတဲ့
အမြဲတမ်းဝန်ထမ်းတစ်ယောက် ရဲ့ အခွန်ဖြတ်ပြီး လစာ
လက်ကျန် သောင်း၂၀ ရှိတဲ့သူတွေ အတွက်
အကြမ်းဖျဉ်း တွက်ပြထားတာပါ ‼️

တစ်ယောက်နဲ့ တစ်ယောက် လစာမတူတဲ့အတွက်
လစဉ်ရနိုင်မဲ့ ထောက်ပံ့ကြေးကတော့ မတူနိုင်ပါဘူး

အတိုချုပ် နားရက်နဲ့ ရနိုင်မဲ့ လစာ ဇယားကို
ကွန်မန့်မှာ ထည့်ပေးထားပါတယ် 😊

#မီးဖွားခွင့်

#နားရက်ခံစားခွင့်

#ဂျပန်မှာကလေးမွေးမည့်သူများ

23/01/2026

⭕️စက်ဘီးစီးတဲ့သူတွေ သတိထားရန်⭕️

၄ လပိုင်းကစပြီး
တင်းတင်းကြပ်ကြပ် ကိုင်ပါတော့မယ်။

ကိုယ်တွေကနိုင်ငံခြားသားတွေ ဖြစ်နေတာမို့
ပိုပြီး ဂရုစိုက်ရပါမယ်။

ဂျပန်မှာ PR လျှောက်ဖို့၊ နိုင်ငံသားခံဖို့နဲ့
Work Visa ၅ နှစ် လိုချင်တဲ့သူတွေ
လမ်းစည်းကမ်း သေးသေးလေးဖောက်ဖျက်မိရင်လဲ

ရာဇဝတ်မှု record ကျန်တာမို့
ပိုပြီး သတိထားသင့်ပါတယ်။‼️

စက်ဘီးမပြောနဲ့ လမ်းလျှောက်နေရင်း
ဘယ်သူမှ မရှိတဲ့ လူကူးမျဥ်းကြားကို
မီးနီနေချိန် ဖြတ်ကူးမိရင်တောင်
surprised check နဲ့ ဖမ်းခံရတာမျိုး ကြုံရရင်
record ကျန်ပါတယ်။

ပုံထဲမှာ ရေးထားတဲ့ စည်းမျဥ်းတွေက

❌နှစ်ယောက်စီးခြင်း

❌စည်းကမ်းအနည်းငယ်ဖောက်ဖျက်ခြင်း

❌ ဘရိတ် ပျက်နေခြင်း

❌ ခဏရပ်စောင့်ရန် သတ်မှတ်နေရာတွင် မရပ်ခြင်း

❌ လူလျှောက်လမ်းတွင် ရမ်းကားစွာစီးခြင်း

❌ စက်ဘီးစီးနေစဥ် ဖုန်းသုံးခြင်း

❌ မီးနီဖြတ်ကူးခြင်း

❌ ရထားလမ်းမကူးမီ ခဏရပ်ရန် မလိုက်နာခြင်း

❌ ညဘက်တွင် မီးမဖွင့်ပဲ စီးခြင်း

❌ မီးရထားလမ်း ပိတ်ခါနီးတွင် ကပ်၍ ဖြတ်ကူးခြင်း

❌ စက်ဘီး ၂ စီး ဘေးချင်းယှဥ်၍ စီးခြင်း

❌ လမ်းပြောင်းပြန် စီးခြင်း

❌ ထီးဆောင်း၍ စီးခြင်း ..... စသည်များ....

မီးရထားလမ်းမဖြတ်မီ တစ်ခါရပ်ရမယ်၊
一時停止ーいちじていしလို့ ရေးထားတဲ့ မျဥ်းနားမှာ
တစ်ခါရပ်ရမယ် စတဲ့ သတ်မှတ်ချက်တွေက
လိုင်စင်စာမေးပွဲ ဖြေဖူးတဲ့ သူတွေ သိပါလိမ့်မယ်။

စက်ဘီးကိုလဲ ဆိုင်ကယ်တွေ၊ ကားတွေလို
ယာဥ်လို့ သတ်မှတ်တာမို့ ဒီစည်းကမ်းတွေ ပါလာတာပါ။

ဒီအထဲက ဘယ်လိုအချက်တွေ
အများဆုံး လုပ်လေ့ရှိလဲ
ပြောသွားကြပါအုံး။

𝐇𝐈𝐊𝐀𝐑𝐈

02/06/2026

04/04/2026

03/04/2026

02/04/2026

20/03/2026

12/03/2026

26/02/2026

24/02/2026

23/02/2026

23/01/2026

住所

営業時間

ウェブサイト

アラート

その学校に問い合わせをする

ショートカット

共有する

カテゴリー

掲載情報の削除リクエスト

月曜日	09:00 - 17:00
火曜日	09:00 - 17:00
水曜日	09:00 - 17:00
木曜日	09:00 - 17:00