ウェブサイトとは何ですか？

https://www.facebook.com/1015784851622346/

KHL - Tokutei Food Service Sharing, Osaka (2026)

28/04/2026

🌸 အစားအသောက်အရသာထက် ပိုအရေးကြီးတဲ့ ဝန်ဆောင်မှု (Customer Service) 🌸🇯🇵
အလုပ်ခွင်မှာ ဧည့်သည်တစ်ယောက်ဆီကနေ ရရှိခဲ့တဲ့ ကြည်နူးစရာ Review လေးတစ်ခုကို ဝေမျှပေးချင်ပါတယ်။
ဧည့်သည်က Review မှာ အခုလို ရေးပေးထားပါတယ်
味は普通です。
値段は今どき安いと思う。
何故わざわざコメントを入れたいと思ったかは、配膳接客のおそらく外国の男性がマナーよく全てきちんとできるのでとても感じが良かったからです。
昨日も他の和食のお店でスタッフ皆さん外国の人でしたがきちんとしていて、今日はさらに上回っていたので頑張って欲しい気持ちもこめてサービス⭐️5にしました。
ဒီလို အသိအမှတ်ပြုခံရတာဟာ ကျွန်တော်တို့လို Food Service သမားတွေအတွက် အမောပြေစရာ ဆုလာဘ်ပါပဲ။မိတ်ဆွေတို့ကော အလုပ်ခွင်မှာ အခုလို ကြည်နူးစရာလေးတွေ ကြုံဖူးလားဗျ? Comment မှာ ပြောပြပေးခဲ့ပါဦး။

17/04/2026

💦 နှစ်သစ်မင်္ဂလာ ဆုတောင်းလွှာ 🌸🇯🇵
မြန်မာနှစ်သစ်ကူးနှစ်ဆန်းတစ်ရက်နေ့မှာ ချစ်ခင်ရတဲ့ မိသားစုဝင်တွေနဲ့ မိတ်ဆွေသူငယ်ချင်းများအားလုံး မင်္ဂလာအပေါင်းနဲ့ ပြည့်စုံကြပါစေ။ နှစ်ဟောင်းက အခက်အခဲတွေ အားလုံးကို နှစ်သစ်ရဲ့ အတာရေနဲ့ ဆေးကြောသန့်စင်ပြီး စိတ်သစ်လူသစ်နဲ့ လိုအင်ဆန္ဒတွေ ပြည့်ဝကြပါစေလို့ KHL-Tokutei Food Service Sharing မှဆုမွန်ကောင်းတောင်းလိုက်ရပါသည်။

13/04/2026

🌸 ပျော်ရွှင်စရာ သင်္ကြန်အကြိုနေ့လေး ဖြစ်ပါစေ 💦
ဂျပန်နိုင်ငံရောက် မြန်မာမိသားစုများအားလုံး သင်္ကြန်အကြိုနေ့မှစ၍ နောင်နှစ်ပေါင်းများစွာတိုင် ကိုယ်စိတ်နှစ်ဖြာ ကျန်းမာချမ်းသာကြပါစေ။
မိသားစုနဲ့ ဝေးကွာနေပေမယ့် ဂျပန်မြေမှာ စိတ်ခွန်အားသစ်တွေနဲ့ အိပ်မက်တွေကို အောင်မြင်စွာ အကောင်အထည်ဖော်နိုင်ကြပါစေကြောင်း ဆုမွန်ကောင်းတောင်းလိုက်ရပါတယ်ခင်ဗျာ။ ✨🇲🇲🇯🇵

Thingyan2026 #သင်္ကြန်အကြိုနေ့

08/04/2026

ဂျပန်စားသောက်ဆိုင်မှာ ဒီလိုဧည့်သည်တွေလာရင် ဘယ်လိုဝန်ဆောင်မှုပေးမလဲ? 🇯🇵

၁။ ကလေးပါလာသော ဧည့်သည်များ (お子様連れのお客様) 👦👧
ကလေးများအတွက် ဘေးကင်းပြီး တခြားဧည့်သည်ကို အနှောင့်အယှက်မဖြစ်စေမယ့် နေရာမျိုး စီစဉ်ပေးရပါမယ်။

၂။ သက်ကြီးရွယ်အို ဧည့်သည်များ (高齢者のお客様) 👴👵
ပစ္စည်းမေ့ကျန်ခဲ့တာမျိုး၊ ရုတ်တရက် နေမကောင်းဖြစ်တာမျိုး ရှိနိုင်ပါတယ်။ငွေရှင်းတဲ့အခါ အသံကျယ်ကျယ်နဲ့ ဖြည်းဖြည်းချင်း ရေတွက်ပြရပါမယ်။ စာလုံးကြီးကြီး Menu များ ပြင်ဆင်ထားရပါမယ်။

၃။ 車椅子 - くるまいす (Wheelchair) အသုံးပြုသည့် ဧည့်သည်များ 👨‍🦽
ကိုယ်တိုင်တွန်းရတဲ့ ဘီးတပ်ကုလားထိုင်ဆိုရင်အတက်
အဆင်းများတွင် ကူညီပေးရပါမယ်။စကားပြောတဲ့အခါ မျက်လုံးချင်းဆုံနိုင်အောင် ကိုယ်ကိုနှိမ့်ပြီး (Eye Level)မှာ စကားပြောပေးရပါမယ်။ ဒါဟာ ဧည့်သည်ကို လေးစားတဲ့အပြုအမူတွေကိုပြသတာဖြစ်ပါတယ်။

ဂျပန်စားသောက်ဆိုင်မှာ အလုပ်လုပ်နေကြတဲ့သူများအတွက်
စားသောက်ဆိုင်လုပ်ငန်းခွင်သုံး ဗဟုသုတများအဖြစ်မျှဝေပေးလိုက်ရပါသည်။💪

28/03/2026

အခွင့်အရေးဆိုတာ ပြင်ဆင်ထားတဲ့သူဆီကိုပဲ လာတာပါ" ✨🇯🇵💪
Tokutei စားသောက်ဆိုင်ဗီဇာနဲ့ ပတ်သက်ပြီး စည်းကမ်းတွေ ဘယ်လိုပဲ ပြောင်းလဲပါစေဂျပန်စာ တကယ်တတ်ပြီး၊ကျွမ်းကျင်မှုစာမေးပွဲကိုအောင်ထားတဲ့သူတွေအတွက် နေရာက အမြဲရှိနေမှာပါ။ဒါကြောင့် စိတ်မညစ်ပါနဲ့၊ အားမလျှော့ပါနဲ့။ ကိုယ့်ရဲ့ အရည်အချင်းကသာ ကိုယ့်ရဲ့ အောင်မြင်မှုကို ဆုံးဖြတ်ပေးမှာပါ။အခြားသောကျွမ်းကျင်စာမေးပွဲတွေကိုဖြေဆိုလို့ရပါသေးတယ်နော်။
၁။ အစားအသောက်ထုတ်လုပ်ရေး (Food Manufacturing) 🍱
၂။ စိုက်ပျိုးရေး (Agriculture) 🍓

၃။ ဟိုတယ် (Accommodation) 🏨

၄။ ဘိုးဘွားစောင့်ရှောက်ရေး (Nursing Care) 介護 👵

စားသောက်ဆိုင်စာမေးပွဲတစ်ခု ဖြေလို့မရတာနဲ့ ကိုယ့်ရဲ့ ဂျပန်ခရီးစဉ်က ရပ်တန့်သွားတာ မဟုတ်ပါဘူး။ အခုသင်ထားတဲ့ ဂျပန်စာနဲ့ ဗဟုသုတတွေက တခြားသော လုပ်ငန်းနယ်ပယ်တွေမှာလည်း အများကြီး အသုံးဝင်ပါတယ်။💪🇯🇵

25/03/2026

食事をする場所での席順
(စားသောက်သည့်နေရာတွင် ထိုင်ခုံနေရာအစီအစဥ်)🇯🇵

ဂျပန်ရိုးရာစားသောက်ဆိုင်တွေမှာ ထိုင်တဲ့အခါ "ဘယ်သူက ဘယ်မှာထိုင်ရမလဲ" ဆိုတဲ့ အစဉ်အလာရှိပါတယ်။

၁။ 上座 (かみざ) -အထက်လူကြီး၊ရာထူးအကြီးဆုံးပုဂ္ဂိုလ်များ ထိုင်ရမည့်နေရာဖြစ်ပြီး၊ဆိုင်ထဲမှာ အန္တရာယ်အကင်းဆုံးနဲ့ စိတ်အချရဆုံး၊ သက်တောင့်သက်သာအရှိဆုံးနေရာ ဖြစ်ပါတယ်။ (入口 - いりぐち) နဲ့ "အဝေးဆုံး" နေရာဖြစ်ပါတယ်။

၂။ 下座 (しもざ) - လက်အောက်ငယ်သား၊ရာထူးအငယ်ဆုံးပုဂ္ဂိုလ်များ ထိုင်ရမည့်နေရာဖြစ်ပြီး၊ဧည့်သည်ကို ကြိုဆိုတာ၊ အစားအသောက် ဝန်ဆောင်မှုပေးရတာ အလွယ်ကူဆုံးနေရာ ဖြစ်ပါတယ်။ (入口 - いりぐち) နဲ့ "အနီးဆုံး" နေရာဖြစ်ပါတယ်။

၃။ 床の間 (とこのま)
• ဂျပန်ရိုးရာအခန်းတွေရဲ့ နံရံမှာ ပန်းချီကား၊ပန်းအိုးတွေနဲ့ အလှဆင်ထားတဲ့ နေရာလေး ဖြစ်ပါတယ်။
ဒီအချက်လေးတွေကို သေချာမှတ်ထားရင်
စားသောက်ဆိုင်စာမေးပွဲမှာလွယ်ကူစွာဖြေဆိုနိုင်ပါတယ်။
#ပညာဒါန

20/03/2026

和食 (わしょく) Manners ဂျပန်ရိုးရာစားသောက်မှု ယဉ်ကျေးမှု)🇯🇵

၁။はしの使い方(တူကိုအသုံးပြုနည်း) သင်ကညာသန်ဖြစ်လျှင်ဘယ်ဘက်လက်မှတူကိုအလယ်မှကိုင်တွယ်ပါ။ပြီးနောက်ညာဘက်လက်ဖြင့်အောက်ဘက်မှကိုင်ပြီး စနစ်တကျ ကိုင်တွယ်ပါ။ တူနှစ်ချောင်းလုံးကိုကိုင်တွယ်တဲ့အခါအောက်ကတူကို ငြိမ်အောင်ထားပြီး၊ အပေါ်ကတူကိုပဲ လှုပ်ရှားပြီး ညှပ်ရပါမယ်။
၂။ 一汁三菜 (いちじゅうさんさい)ဂျပန်ရိုးရာတည်းခင်ပုံ

ဧည့်သည်ရဲ့အရှေ့ဘက်မှာတည်းခင်းပုံ

ごはん (ထမင်း): ဘယ်ဘက်အရှေ့မှာ ထားရမည်။
• 汁 (しる) - စွပ်ပြုတ်: ညာဘက်အရှေ့မှာ ထားရမည်။
• 香 (こう) の物 (もの) - အချဉ်ကို အလယ်တည့်မှာ
ထားရမည်။主菜 (しゅさい) - အဓိကဟင်း (ဥပမာ- ငါးကင်): ညာဘက်အနောက်မှာ ထားရပါမယ်။
• 副菜 (ふくさい) - အရံဟင်း (ဥပမာ- အသီးအရွက်ပြုတ်): ဘယ်ဘက်အနောက်မှာ ထားရပါမည်။

ဒီအချက်လေးတွေကို ပုံနဲ့တကွ တွဲမှတ်ထားရင် စားသောက်ဆိုင်စာမေးပွဲအတွက် အများကြီး အထောက်အကူပြုမှာ ဖြစ်ပါတယ်။

#ပညာဒါန

18/03/2026

(ဗန်း၊ ဖန်ခွက် ကိုင်တွယ်နည်းနှင့် ဟင်းပွဲချနည်း) 🇯🇵

၁။トレイのもち方

ဗန်းကိုင်တဲ့အခါ အားသန်တဲ့လက်ရဲ့ ဆန့်ကျင်ဘက်လက်ဖဝါးပေါ်မှာ တင်ရပါမယ်။
• 注意点 (ちゅういてん): လေးတဲ့အရာတွေကို ကိုယ့်ဘက် အနီးဘက်(手前)မှာ တင်ပါ။ ဗန်းထဲမှာအမြင့်ရှည်တဲ့ပစ္စည်းဟန်ချက် (Balance)မညီတဲ့အရာတွေကို ကိုယ့်ဘက်ဝေးရာ(手先の方)တင်လို့မရပါဘူး။ ဗန်းကို ဧည့်သည်နဲ့ မတိုက်မိအောင် ဂရုစိုက်ရပါမယ်။ စားပွဲနားရောက်ရင် ဗန်းကိုင်ထားတဲ့လက်ကို ဧည့်သည်နဲ့ တတ်နိုင်သမျှ ဝေးဝေးမှာ ထားရပါမယ်။ဗန်းအလွတ်ကို ကိုင်ပြီး လမ်းလျှောက်တဲ့အခါဘေးဘက် (ဂျိုင်းကြား) မှာ ညှပ်ပြီး သယ်ရပါမယ်။

၂။ グラスのもち方(グラスのふち) ဖန်ခွက်ရဲ့အပေါ်နားသားမကိုင်ရပါဘူး။ ဖန်ခွက်ရဲ့ တစ်ဝက်အောက်ပိုင်း (はんぶんよりした) ကိုပဲ ကိုင်ရပါမယ်။ဧည့်သည် သောက်မယ့်ခွက်မှာလက်ဗွေ (指紋 - しもん) မထင်စေဖို့နဲ့ တစ်ကိုယ်ရေသန့်ရှင်းမှု (Hygiene) အတွက် ဖြစ်ပါတယ်။စားပွဲပေါ်မှာဖန်ခွက်ကိုချပေးတဲ့အခါ အသံမထွက်အောင် (音をたてないように) ညင်သာစွာ ချပေးရပါမယ်။

၃။ 配膳 (はいぜん)
ပန်းကန်ကို ကိုင်တဲ့အခါ (親指 - おやゆび) ကို ပန်းကန်ရဲ့ အနားသားမှာပဲ ကပ်ထားရပါမယ်။ လက်မ က ဟင်းပွဲထဲကို မဝင်သွားအောင် အထူးဂရုစိုက်ရပါမယ်။ပန်းကန်ရဲ့ အပေါ်နားသားမှာလက်ဗွေရာတွေ မကျန်ခဲ့ဖို့ အရေးကြီးပါတယ်။ ဟင်းပွဲရဲ့အလှဆုံးမြင်ရမယ့်အရှေ့ဘက်မျက်နှာစာ (正面 - しょうめん) ကို ဧည့်သည်ဘက်ကို တည့်တည့်လှည့်ပြီးမှ ချပေးရပါမယ်။

ဒီအချက်လေးတွေက စားသောက်ဆိုင်မှာ Professional ဆန်ဖို့အတွက် မရှိမဖြစ် လိုအပ်ပါတယ်။

KHL #ပညာဒါန

15/03/2026

- お辞儀 (おじぎ) ဦးညွှတ်ခြင်း🇯🇵✨
ဂျပန်စားသောက်ဆိုင်လုပ်ငန်းခွင်မှာ အခြေအနေအလိုက် ဦးညွှတ်ခြင်း(၃)မျိုး

၁။ 会釈 (えしゃく) 15 ဒီဂရီခန့်ဦးညွှတ်ခြင်း
ဧည်သည်နှင့်လမ်းမှာတွေ့သည့်အခါ /စောင့်ဆိုင်းစေ့သည့်အခါမှာသုံးပါသည်

၂။ 敬礼 (けいれい) ၃၀ ဒီဂရီခန့် ဦးညွှတ်ခြင်း
ဧည်သည်ကိုကြိုဆိုသည့်အခါ/ကျေးဇူးတင်ကြောင်းပြောသည့်အခါမှာသုံးပါသည်

၃။ 敬礼 (さいけいれい) ၄၅ ဒီဂရီခန့် ဦးညွှတ်ခြင်း
ဧည်သည့်ကိုပြန်လည်ပို့ဆောင်သည့်အခါ/တောင်းပန်သည့်အခါမှာသုံးပါသည်
ဒီနေ့သင်ခန်းစာတော့ ဒီဂရီ တစ်ခုချင်းစီကိုတော့မှတ်ထားဖို့လိုမယ်နော်😊

KHL #ပညာဒါန

14/03/2026

服装 (ふくそう) と身 (み) だしなみ
(ဝတ်စားဆင်ယင်မှုနှင့် သပ်ရပ်မှု) 🇯🇵✨
စားသောက်ဆိုင်ဝန်ထမ်းတစ်ယောက်ဟာ အမြဲတမ်း သန့်ရှင်းသပ်ရပ်နေဖို့ လိုအပ်ပါတယ်။
၁။ 身 (み) だしなみのポイント
• 髪 (かみ) - ဆံပင်: သပ်သပ်ရပ်ရပ် ရှိရမည်။ ဆံပင်ရှည်လျှင် စည်းထားရမည်။
• 顔 (かお) - မျက်နှာ: အမျိုးသားများ မုတ်ဆိတ်ရိတ်ရမည်။ အမျိုးသမီးများ မိတ်ကပ်အဖျော့ပဲ လိမ်းရမည်။ (ရေမွှေးပြင်းပြင်း မသုံးရ)။
• つめ - လက်သည်း: တိုတိုဖြတ်ထားရမည်။ လက်သည်းနီ မဆိုးရပါ။
• 装飾品 (そうしょくひん) - အလှဆင်ပစ္စည်း: လက်ဝတ်ရတနာများ မဝတ်ရပါ။ (နာရီအဖိုးတန်များ မဝတ်ရ)။
• 制服 (せいふく) - ယူနီဖောင်း: အမြဲသန့်ရှင်းနေရမည်။ ကြယ်သီးအကုန် တပ်ထားရမည်။
• くつ - ဖိနပ်: ဖိနပ်နောက်ဖနောင့်ကို မနင်းရပါ။ ညှပ်ဖိနပ် (Sandal) မစီးရပါ။
၂။ 立 (た) ち方 (かた) ・歩 (ある) き方 (かた)
(ရပ်နေပုံနှင့် လမ်းလျှောက်ပုံ)
• 背筋 (せすじ) をのばす: ခါးကို မတ်မတ်ထားပါ။
• 手 (て) は前 (まえ) で組 (く) む: လက်ကို ရှေ့မှာ စနစ်တကျ စုထားပါ။ (ဘောင်းဘီအိတ်ထဲ လက်မထည့်ရ)။
• 通路 (つうろ) ではお客様優先 (おきゃくさまゆうせん): လမ်းမှာ ဧည့်သည်နဲ့တိုးရင် ဧည့်သည်ကို အရင်ဦးစားပေး လမ်းဖယ်ပေးပါ။
ဒီအချက်လေးတွေက စားသောက်ဆိုင်မှာ အခြေခံအကျဆုံးဖြစ်လို့ သေချာမှတ်ထားကြပါဦး။

#ပညာဒါန

13/03/2026

QSCA (စားသောက်ဆိုင်၏ အခြေခံအချက် ၄ ချက်) 🇯🇵✨
စားသောက်ဆိုင်တစ်ဆိုင်မှာ ဧည့်သည်တွေ စိတ်ကျေနပ်မှုရရှိစေဖို့ အောက်ပါ အချက် (၄) ချက်က အလွန်အရေးကြီးပါတယ်။
၁။ Q - Quality / 料理 (りょうり) の品質 (ひんしつ)
• ဟင်းပွဲ၏ အရည်အသွေး
• အရသာရှိခြင်း၊ လတ်ဆတ်ခြင်းနှင့် ပူရမည့်ဟင်းပွဲကို ပူပူနွေးနွေးကျွေးခြင်း။
၂။ S - Service / 接客 (せっきゃく) サービス
• ဧည့်ဝန်ဆောင်မှု
• အပြုံးဖြင့် ဆက်ဆံခြင်း (Smile) နှင့် ဧည့်သည်ကို စနစ်တကျ နှုတ်ဆက်ခြင်း။
၃။ C - Cleanliness / 清潔感 (せいけつかん)
• သန့်ရှင်းမှု
• ဆိုင်အတွင်းအပြင် သန့်ရှင်းခြင်းနှင့် ဝန်ထမ်းများ၏ တစ်ကိုယ်ရေသန့်ရှင်းမှု စနစ်တကျရှိခြင်း။
၄။ A - Atmosphere / 雰囲気 (ふんいき)
• ဆိုင်၏ လေထု/ပတ်ဝန်းကျင်
• ဆိုင်၏အပြင်အဆင်၊ အပူအအေး မျှတခြင်းနှင့် သင့်တော်သော တေးဂီတ/အလင်းရောင် ရှိခြင်း။
ဒီ QSCA အချက် (၄) ချက်လုံး ပြည့်စုံမှသာ ဧည့်သည်တွေ စိတ်ကျေနပ်မှု အပြည့်အဝရရှိမှာ ဖြစ်ပါတယ်။ ညီငယ်၊ ညီမငယ်တို့လည်း စာမေးပွဲအတွက် သေချာမှတ်ထားကြပါဦး။

KHL #ပညာဒါ

KHL - Tokutei Food Service Sharing

28/04/2026

17/04/2026

13/04/2026

08/04/2026

28/03/2026

25/03/2026

20/03/2026

18/03/2026

15/03/2026

14/03/2026

13/03/2026

住所

ウェブサイト

アラート

ショートカット

共有する

カテゴリー

掲載情報の削除リクエスト