14/08/2026
နွေလယ်မေတ္တာစာ 暑中お見舞い
မြန်မာကျောင်းသားလေးရဲ့ ကျေးဇူးရှိသူတွေထံပို့တဲ့ နွေလယ်မေတ္တာစာ
✅「暑中見舞い（Shochuu Mimai）」 ဆိုသည်မှာ အလွန်ပူပြင်းသော နွေရာသီကာလတွင် ပုံမှန်အားဖြင့် တွေ့ဆုံရန် ခက်ခဲသောသူများ သို့မဟုတ် ကျေးဇူးရှိဖူးသူများ၏ ကျန်းမာရေးကို ဂရုတစိုက် မေးမြန်း၍ ကျန်းမာရွှင်လန်းစွာ ဖြတ်သန်းနိုင်ပါစေကြောင်း ဆုမွန်ကောင်းတောင်းပေးသည့် နွေရာသီ နှုတ်ခွန်းဆက် စာလွှာ ဖြစ်ပါသည်။
🥰 မိမိ၏ လက်ရှိအခြေအနေ အကြောင်းအရာများကို မျှဝေသည့် အဓိပ္ပာယ်လည်း ပါဝင်ပါသည်။
🤔 ဒီဓလေ့ထုံးစံသည် ဧဒိုခေတ် (Edo Period) တွင် စတင်သန္ဓေတည်ခဲ့သည်ဟု ဆိုကြပါသည်။
၎င်း၏ မူလအစမှာ အိုဘုန်းပွဲတော် (အမျှဝေပွဲတော်) တွင် ဇာတိရပ်ရွာသို့ ပြန်ကြသည့်အခါ ဘိုးဘွားမိဘများ၏ ဝိညာဉ်ထံ သွားရောက်ကန်တော့ရန် ပစ္စည်းများကို ကိုယ်တိုင် ယူဆောင်ပူဇော်ခဲ့ကြခြင်းမှ စတင်ခဲ့ခြင်း ဖြစ်ပါသည်။ ဧဒိုခေတ်သို့ ရောက်ရှိလာသည့်အခါတွင်မူ မိမိအပေါ် ကျေးဇူးရှိသူ အားလုံးထံ လက်ဆောင်ပစ္စည်းများ အပြန်အလှန် ပေးပို့သည့် ဓလေ့တစ်ခု ဖြစ်လာခဲ့ပါသည်။ ဝေးကွာသော ဒေသတွင် ရှိသဖြင့် ကိုယ်တိုင် သွားရောက် မတွေ့ဆုံနိုင်သော အိမ်များသို့မူ ဟိခယခုဘင်း (飛脚便 - ဧဒိုခေတ် စာပို့စနစ်/တိုက်ချောစနစ်) ကို အသုံးပြု၍ လက်ဆောင်များနှင့် စာလွှာများကို ပေးပို့ခဲ့ကြပါသည်။
ထိုမှတစ်ဆင့် မေဂျီ ၆ ခုနှစ် (Meiji Period) တွင် စာပို့တိုက်စနစ် တိုးတက်လာသည်နှင့်အမျှ ဤလက်ဆောင်ပေးပို့သည့် ဓလေ့မှာ ပိုမို ရိုးရှင်းလွယ်ကူလာပြီး နှုတ်ခွန်းဆက်မေတ္တာစာ ပေးပို့သည့် ဓလေ့အဖြစ်သို့ ပြောင်းလဲခဲ့ကာ၊ တအိရှိုးခေတ် (Taisho Period) သို့ ရောက်ရှိချိန်တွင်မူ လက်ရှိ အသုံးပြုနေကြသည့် 「暑中見舞い」 ဆိုသည့် ပုံစံအဖြစ် အခိုင်အမာ ကိန်းဝပ်တည်တံ့သွားခဲ့ခြင်း ဖြစ်ပါသည်။
