لا تهبد - شارك الحقيقة - مش الاشاعة

شكراً لك من أعماق القلب ففي صحيح ابن حبان عن أبي هريرة- رضي الله عنه قال: "سمعت أبا القاسم "صلى الله عليه وسلم" يقول: "‌لا ‌يشكر ‌الله ‌من ‌لا ‌يشكر ‌الناس" الدكتور القدير طلال محمد الخطاطبة

لا تهبد - شارك الحقيقة - مش الاشاعة أهلاً،
من قلب الحدث، ومن رحم التعليقات الغريبة والمشاركات المفخخة،طلعنا بحملة "لا تهبّد"
لو عندك ملاحظة، فكرة عبقرية (أو حتى نص هبد بدك تتأكد إذا لازم ينزل ولا لا) تواصل معنا من خلال هالإيميل:
( [email protected] )
منحكي جد، بس شدوا همتكم معنا

وخليكم متبعين معنا عشان ندلكم على tips بسيطة تقدروا من خلالها تتأكدو إذا الحساب وهمي او لا
#لاتهبد #تحقق

منصة الدار مو بس نقلت خبر حملتنا، هي كانت صوت داعم لإلنا، ووقفت مع فكرة إنو ورا كل إشاعة في مسؤولية. شكرًا لأنكم كنتوا معنا بنشر الوعي، ووقفتوا مع الحقيقة بوقت صار الكذب فيه أسهل من الضغط على زر💯
التفاصيل بالكومنتات.

من حملة "لا تهبد" بنوجه شكرنا الكبير لجريدة الدستور على تغطيتهم الجميلة والداعمة للحملة
وجودكم معنا بهاي الطريقة أعطى دفعة حقيقية لرسالتنا، وساهم إنو صوتنا يوصل بشكل أوسع وبأسلوب مهني وبسيط بنفس الوقت.
ممنونين لدعمكم... ولإنكم كنتوا شركاء حقيقيين في رفع صوت الحقيقة 🤍💪🏽
جريدة الدستور Addustour Newspaper

شكر كبير لـ نيروز على تسليط الضوء على رسالتنا في مواجهة الإشاعة وتعزيز ثقافة التحقق من المعلومة.
هذا دليل إنو صوتنا عم يوصل، وإنو في وعي عم يكبر بفضل جهود طلبة الإعلام في جامعة الخوارزمي💪🏽






التفاصيل بأول كومنت

ممكن تكون في زاوية تانية للصورة؟🤔
بكرا رح ننشرلكم الصورة الأصلية،
بس قبل هيك… جربوا تحققوا بأنفسكم 🔍
وحطوا رأيكم أو الصورة الصح في الكومنتات👇🏽
#تحقق

اختصرنالكم الموضوع
#تحقق

المايك معكم 🎤

بين الحقيقة والشائعة: شو اللي قاعد يصير بالأردن بخصوص خطف الأطفال؟

في الفترة الأخيرة، صرنا نسمع كتير عن “حوادث خطف أطفال” في الأردن، خاصة على مواقع التواصل الاجتماعي. كل يوم تقريبًا يطلع منشور أو فيديو أو تسجيل صوتي بيحكي عن محاولة اختطاف صارت هون أو هناك. الأمهات صاروا مرعوبات، والناس خايفة تبعت أولادها حتى على البقالة، بس السؤال الحقيقي: هل في عصابات فعلاً عم تخطف أطفال؟ ولا في مبالغة بالموضوع؟

أولًا، خلينا نحكي عن الإشاعات الي طلعت:
- تسجيلات صوتية تطلع على واتساب وفيسبوك، بتحكي عن "سيارة فان بيضا بتنخطف الأطفال من المدارس"، أو "ست لابسة نقاب دخلت مول وخطفت طفل"، وللأسف هاي الرسائل أغلبها ما فيها مصدر، وما حد بعرف مين نشرها أول مرة.
- في ناس عم تنشر فيديوهات قديمة أو من دول ثانية على أساس إنها بالأردن.
- في أهالي إذا طفلهم تأخر ساعة، بيكتبوا "خُطف"، ولما يرجع يتضح إنه كان زعلان وقاعد عند صاحبه.

أما الحقيقة بناءً على الجهات الرسمية:
مديرية الأمن العام صرّحت أكتر من مرة: نعم، صار في حالات تغيب أطفال، وبعضها بسبب مشاكل عائلية، أو الأطفال بيهربوا من البيت لفترة. بس ما في دليل على وجود موجة اختطاف منظمة أو عصابات خطف أطفال زي ما الناس بتحكي.

🔴 في حادثتين حقيقيتين أثاروا ضجة:
- حادثة الزرقاء: اللي فيها أب ألقى طفليه في سيل الزرقاء وقتلهم! والناس صارت تربطها بحوادث خطف، مع إنها جريمة أُسرية، ومرتكبها معروف وتم القبض عليه.

- حادثة الرمثا: الطفل اللي قال إنه اختُطف وتعرض للضرب وتم رميه في منطقة مهجورة مع رسالة. هاي الحادثة لا تزال قيد التحقيق، والأمن ما أكد إذا كان في خاطف فعلي أو لا. وفي شكوك إن الطفل ممكن يكون اختلق القصة.

طب ليش الناس بتصدق الاشاعات بسرعة؟ احكولنا شو المفروض نعمل كمجتمع؟
#خطف #الاردن