مساحه أمنه مع المرشد التربوي فادي السليحات

  • Home
  • Jordan
  • Amman
  • مساحه أمنه مع المرشد التربوي فادي السليحات

مساحه أمنه مع المرشد التربوي فادي السليحات مساحة آمنة للدعم النفسي والتربوي بإشراف المرشد التربوي فادي السليحات.
نقدم نصائح للطلاب والأهالي

أولياء الأمور الكرام...لم يبقى الى ايام قليله وتفصلنا عن بداية العام الدراسي الجديد، ونبدأ معا رحلة جديدة من العطاء والت...
18/08/2026

أولياء الأمور الكرام...
لم يبقى الى ايام قليله وتفصلنا عن بداية العام الدراسي الجديد، ونبدأ معا رحلة جديدة من العطاء والتعلم.

حتى تكون البداية قوية ومريحة لأبنائنا
هناك امور يجب العمل عليها لكي تكون العوده الى المدرسه منظمه

1. تنظيم النوم نبدأ من اليوم بالعودة التدريجية للنوم المبكر والاستيقاظ المبكر
2. التهيئة النفسية تحدثوا مع أبنائكم بإيجابية عن المدرسة الأصدقاء والمعلمين
3. تجهيز المستلزمات تأكدوا من الحقيبة والقرطاسية
4. تنظيم الوقت وضع جدول بسيط يتضمن وقت للدراسة والعب واستخدام الهاتف
5. الاستماع والحوار اسألوهم عن مشاعرهم مخاوفهم وأمنياتهم لهذا العام

بدايتنا معا هي سر نجاحهم نسأل الله أن يكون عاما مليئا بالإنجاز والطمأنينة لأبنائنا جميعا

المرشد التربوي: فادي السليحات

اسحب التلفون بدون حرب.. كيف؟ 📱⚽️مساحة آمنة مع المرشد التربوي فادي السليحاتكلنا بنفس المشكلة.. ابننا 24 ساعة على التلفون....
29/07/2026

اسحب التلفون بدون حرب.. كيف؟ 📱⚽️
مساحة آمنة مع المرشد التربوي فادي السليحات

كلنا بنفس المشكلة.. ابننا 24 ساعة على التلفون.
لو سحبناه بصير عياط وحرب، ولو خليناه بضيع.

الحل مش بالمنع، الحل بالاستبدال الذكي:

خطوات لبناء مساحة آمنة بدون شاشات:
1. وضع قواعد مشتركة: مش أوامر، اتفاق. "شو رأيك التلفون ساعتين باليوم ونختارهم سوا؟"
2. تشجيع نشاط بديل ممتع: كرة قدم، سباحة، شطرنج، رسم.. الفراغ هو اللي بخليه يرجع للتلفون.
3. دعم وتشجيع بدون لوم أو عقاب: لما يلتزم، احتفل فيه. "شفت اليوم لعبت مع أصحابك وانبسطت كيف كان نهارك؟"

التلفون مش عدو، العزلة هي العدو.
طلعوهم من الغرف المظلمة للملاعب المنورة.

سؤالي للأهالي: كم ساعة مسموح التلفون عندكم بالبيت؟ وكيف اتفقتوا عليها؟
خلينا نستفيد من بعض 👇

المرشد التربوي فادي السليحات

عناده مش قلة أدب.. عناده بده يحس إنه موجودكلنا بنحكي: "ابني عنيد، بنتي بتعاند بكل اشي!"بس خليني أحكيلكم كمرشد تربوي شو ي...
28/07/2026

عناده مش قلة أدب.. عناده بده يحس إنه موجود

كلنا بنحكي: "ابني عنيد، بنتي بتعاند بكل اشي!"

بس خليني أحكيلكم كمرشد تربوي شو يعني العناد عند المراهق والطفل:

العناد = أنا موجود.
لما تحكيله "قوم ادرس هسا" وهو يحكي "لا"، هو مش بقول لا للدراسة، هو بقول: "بدي أقرر أنا متى أدرس".

3 أخطاء بتزيد العناد:
1. الصراخ والأوامر: "لازم تعمل هيك غصب عنك!"
2. المقارنة: "شوف ابن خالتك أشطر منك"
3. الشرح الطويل والمحاضرات

شو نعمل بدلها؟ قاعدة الدقيقتين:

أول دقيقة - اسمع: انزل لمستواه، احكيله "شايفك معصب ومش حاب تعمل هيك، صح؟"

ثاني دقيقة - خيّره: "عندك خيارين: بتبلش دراسه هسا 20 دقيقة وبعدين بتلعب، ولا بترتاح 10 دقايق وبعدين بتبلش؟ انت اختار"

لما تعطيه خيارين انت موافق عليهم، هو بحس بالسيطرة وببطل يعاند.

العناد ما بده كسر، بده ذكاء واحتواء.

احكولي بالتعليقات: شو أكتر جملة عناد بتسمعوها من ولادكم كل يوم؟
أنا بقرأ كل التعليقات وبرد عليها.

فادي السليحات - مساحة آمنة
#الاردن

🌱 السمات الشخصية الإيجابية.. كيف ننميها عند أبنائنا الطلبة؟شخصية الطالب لا تُبنى بالعلامات فقط، بل بالقيم والسلوكيات الإ...
28/07/2026

🌱 السمات الشخصية الإيجابية.. كيف ننميها عند أبنائنا الطلبة؟

شخصية الطالب لا تُبنى بالعلامات فقط، بل بالقيم والسلوكيات الإيجابية التي ترافقه مدى الحياة.

أهم 5 سمات نحرص على تنميتها:

1️⃣ تحمل المسؤولية: بأن نكلف الطالب بمهام تناسب عمره ونعلمه تحمل النتائج.
2️⃣ التعاون: من خلال العمل الجماعي داخل الصف والبيت.
3️⃣ الثقة بالنفس: عبر التشجيع، والاستماع لرأيه، ومنحه فرصة التعبير.
4️⃣ احترام الذات والآخرين: بتعليمه احترام مشاعر الجميع وتقدير نفسه.
5️⃣ التفاؤل: بتعليمه النظر للجانب المشرق والتعلم من الأخطاء بدلاً من الخوف منها.

💡 رسالة للوالدين والمعلمين: الكلمة الطيبة، والقدوة الحسنة، والتحفيز المستمر هي مفاتيح بناء شخصية إيجابية قوية.

ما هي أكثر سمة تركزون على تنميتها عند أبنائكم؟ شاركونا في التعليقات 👇

🎉 خبر حلو لعائلتنا الكبيرة 🎉مساحة آمنة صارت الآن على انستغرام أيضاً!فتحنا بيتنا التربوي الجديد على انستغرام ليكون امتداد...
28/07/2026

🎉 خبر حلو لعائلتنا الكبيرة 🎉

مساحة آمنة صارت الآن على انستغرام أيضاً!

فتحنا بيتنا التربوي الجديد على انستغرام ليكون امتداد لعائلتنا هنا، عشان نوصل لأكبر عدد من الطلاب والأهالي.

تابعونا هناك لمزيد من النصائح التربوية، الدعم النفسي، وحلول مشاكل التنمر والقلق الدراسي.

👇 حسابنا الرسمي على انستغرام:


رابط مباشر في أول تعليق 👇
لا تنسوا تعملوا متابعة ونشر للصفحة ❤️

ابني ما بده يروح على المدرسة... هل هو تنمر؟في البدايه نعرف ما هو التنمر؟أذى متعمد ومتكرر من شخص قوي تجاهتجاه شخص أضعف1. ...
27/07/2026

ابني ما بده يروح على المدرسة... هل هو تنمر؟

في البدايه نعرف ما هو التنمر؟

أذى متعمد ومتكرر من شخص قوي تجاه
تجاه شخص أضعف
1. متعمد - قاصد يأذيك
2. متكرر - بصير كل يوم
3. فرق قوة - واحد أقوى من الثاني
"بنتي صارت تبكي قبل ما تلبس مريول المدرسة... ابني صار يرجع مضروب و بحكي وقعت لحالي"

إذا سمعت هالجمل في بيتك، اسمعني منيح:

التنمر مش مزح ولاد صغار، التنمر هو أذى متكرر و متعمد.

3 علامات تأكدلك انه ابنك بتعرض للتنمر :
1. بيخترع حجج عشان ما يروح المدرسة (بطني بوجعني، راسي بوجعني)
2. بيرجع وأغراضه ناقصة أو ممزعة
3. صار ساكت و منعزل و بيخاف يحكي
شو تعمل كأم أو أب؟
لا تحكيله "اضربه زي ما ضربك" ❌
احكيله:
"أنا معك، ومش لحالك، ورح نحلها سوا. انت مش ضعيف، انت محترم وما بتأذي حدا" ✅
وبعدين تواصل مع المرشد التربوي فوراً.

ورسالة لابنك اللي بقرأ هسا:
قوتك مش بعضلاتك، قوتك بأخلاقك. واللي بتمسخر على غيره هو الضعيف مش انت.

احكولي في التعليقات، عمركم واجهتوا موقف تنمر مع ولادكم؟ كيف تصرفتوا؟

"بنتي المراهقة صارت حساسة وتبكي كثير... شو أعمل؟"بنتك ما صارت "نكدية" فجأة. هرموناتها، ضغط المدرسة، مقارنات السوشال ميدي...
27/07/2026

"بنتي المراهقة صارت حساسة وتبكي كثير... شو أعمل؟"

بنتك ما صارت "نكدية" فجأة. هرموناتها، ضغط المدرسة، مقارنات السوشال ميديا، كلها بتخليها تحس أن الدنيا كلها فوق راسها.

دموعها مش ضعف، دموعها هي لغتها لما ما بتعرف تحكي شو جواتها.

كيف تحتويها بـ 3 خطوات؟

1. لا تحكيلها "ما في شي ببكي":
هاي الجملة بتسكّرها. بدلها احكي: "شايفة انك زعلانة كثير، احكيلي شو مضايقك، أنا سامعتك"
انتِ هيك بتعطيها إذن تحكي بأمان.

2. حضن قبل الحل:
المراهقة مش محتاجة محاضرة ونصائح بهاللحظة، محتاجة حضن. احضنيها، امسكي ايدها، وبعد ما تهدى، اسأليها اذا بتحب تسمع رأيك.

3. ثبتيها بكلمة حلوة كل يوم:
المراهقة بتفقد ثقتها بنفسها بسرعة. كل يوم احكيلها جملة واحدة بترفعها:
"أنا فخورة فيكي حتى لو ما جبتي علامة كاملة"
"شكلك حلو اليوم"
"أنا بثق بقرارك"

تذكري: بنتك ما بدها أم متزمته ، بدها أم آمنة تحس معها بالأمان.

اكتبولي في التعليقات: شو أكثر شي بيخلي بنتكم تبكي؟

"ابني المراهق ما بيسمعني... شو أعمل؟"كثير من الأهالي بيسألوني: "أستاذ فادي ابني تغير، صار يعاند، ما بيرد، طول الوقت على ...
27/07/2026

"ابني المراهق ما بيسمعني... شو أعمل؟"

كثير من الأهالي بيسألوني: "أستاذ فادي ابني تغير، صار يعاند، ما بيرد، طول الوقت على التلفون"

المراهقة مش عناد، هي معركة لإثبات الذات. ابنك ما بعاندك، هو بقول "أنا موجود، اسمعوني".

3 قواعد ذهبية للتعامل مع المراهق:

1. اسمع لتفهم، مش لترد:
لما يحكي معك ، لا تقاطعه وتحاضر فيه. اسمعه للآخر، احكيله "فاهمك، كلامك مهم". نص مشاكل المراهقين بتنحل بس لما يحسوا انه حدا سمعهم.

2. بدل الأوامر بالخيارات:
بدل ما تحكي "قوم ادرس هسا!"
احكي "حبي، بتحب تبلش دراسة هسا ولا بعد نص ساعة؟ انت اختار"
لما تعطيه خيار، بتحافظ على احترامه لنفسه وبنفس الوقت بتوصل لهدفك.

3. احكي عن السلوك، مش عن الشخص:
لا تحكي "انت فاشل وكسلان"
احكي "أنا زعلان من علامتك هاي، لأني بعرف انك أشطر من هيك وقدراتك أكبر"
الأولى بتكسره، الثانية بتبنيه.

تذكر: المراهق اللي بلاقي مساحة آمنة في بيته، ما بدور عليها برا البيت.

شو أكثر تحدي بتواجهوه مع أبنائكم المراهقين؟ اكتبولي في التعليقات وبجاوبكم بسرية.

أهلاً بكم في مساحتنا الآمنة ❤️معكم المرشد التربوي فادي السليحاتهاي الصفحة انعملت لتكون مكان آمن لكل طالب، ولكل أب وأم......
27/07/2026

أهلاً بكم في مساحتنا الآمنة ❤️
معكم المرشد التربوي فادي السليحات
هاي الصفحة انعملت لتكون مكان آمن لكل طالب، ولكل أب وأم...
مكان نحكي فيه بدون خوف أو حكم، عن ضغوطات الدراسة، التنمر، القلق، الثقة بالنفس، وكل شي بمر فيه أولادنا.
شو حابين يكون أول موضوع نحكي عنه؟
1- كيف أتعامل مع ابني المراهق؟
2- الخوف من الامتحانات
3- التنمر بين الطلاب
اكتبوا رقم الموضوع بالتعليقات، وأنا رح أبدأ بأكثر موضوع عليه طلب.

Address

الاردن
Amman

Website

Alerts

Be the first to know and let us send you an email when مساحه أمنه مع المرشد التربوي فادي السليحات posts news and promotions. Your email address will not be used for any other purpose, and you can unsubscribe at any time.

Shortcuts

Share

Category