Sara nhar henna

⁨ تفاصيل حناء مرسومة بحب… لأن كل نقش إلو حكاية 🤍

للحجز والاستفسار
Sara_nhar_henna
واتساب
0782499786

#حناء ⁩

✨✨🌙

" نحن بحاجة إلى الفن حتى لا تُهلكنا الحقيقه،نحن بحاجة إلى لحظة تعبرُ من خلالنا وتُشعرنا بالحياة، نحن بحاجة إلى قصة دافئه تؤنس وحِدتنا، نحن بحاجة إلى عِناقٍ يُشعرنا بالأمان أو صرخة تُخرج كبّتنا،نحن بحاجة إلى الفن حتى يُلون واقعنا القبيح..نحن بحاجة إلى الفن حتى لا تُهلكنا الحقيقه"💛



#فن #رسم #رسوم #فنانين #فنون #بورتريه #اكريلك #رسامين #لوحه #لوحات #افكار #موهبه

عندما سئل بيكاسو لماذا بعض لوحاته غير مفهومة ؟ أجاب: العالم بلا معنى.. لماذا تريدون مني أن أرسم لوحات ذات معنى. – بابلو بيكاسو

هاي ثاني رسمه برسمها ب2018 رسمتها من اكثر اللوحات الي بحبها لأنو كانت تحكي قصة امرأه مناضله وشاركت فيها بمعرض جمعية تواصل وكانت اول تجربه الي بألوان الزيتيه بس بعدين كملتها بأكريلك لغايه 💛

هاي الرسمه من اكثر الرسمات الي بحبها لأنها اول رسمة بلشت فيها ودخلت لعالم الفن والاحتراف بسنة 2017 💛

ستبدأ الانسانيه بالتحسن عندما نأخذ الفن على محمل الجد مثل الكمياء والفزياء والمال ..



#رسم #رسمي #فن #رسامين #بورتريه #فنانين #مواهب #رسومات #فنون #لوحات #طلبات #رسوم

💛🌻
مرحبا أول اشي رح اعرفكم عن حالي للناس الي ما بتعرفني...

اسمي ساره نهار الخرابشه وعمري ١٨ سنه عندي هواية الرسم من وانا عمري ٦ سنين بس كنت ارسم رسم هبل ولما بلشت احس انو عندي موهبه ولازم ارسم واتعلم كانت معلمتي الانجليزي بالمدرسه تدعمني وعملتلي معرض ب٣٠ لوحه وكان عباره عن لوحات شخصيات كرتونيه وانا صف سابع بلشت ارسم باحترافيه من ٣ سنين فقط لما بلشت اتعلم عن اليوتيوب تعلمت رسم بألوان الأكريلك رسمت أول لوحه بالمعرض الأول لجمعية تواصل وباسم ضد القتل والتهجير والدمار هاي الجمعيه اتعلمت كثير منها وزدت من ثقافتي بالفن واتعرفت اكثر عالفنانين فقررت اطور بحالي عن طريق اليوتيوب وضليت بالساعات والأيام وانا اتعلم خلط الألوان لأنو ما كنت بعرف اشي عنهم وكان لازم اطلع بلوحة اكريلك سفاحه والحمدالله طلعت بلوحه صدمت الجميع وما اتوقعو انو انا الي راسمها وهيه اللوحه المحببه لقلبي وكانت بدايتي بالرسم ومع نفس الجمعيه وبالسنه الي بعديها قررت اتعلم الزيتي واطلع بلوحه بالألوان الزيتيه ورسمت لوحه للمعرض التاني بالألوان الزيتيه لكن مش عارف ايش اجا عبالي وعدلت عليها بالاكريلك 😂🙆‍♀️ فصارت نص زيتي ونص اكريلك واللوحه انباعت قبل المعرض بيوم 😭ولو يرجع فيه الزمن ما ببيعها لانو كنت بدي اوصل فيها فكره كثير قويه وكنت حاب احتفظ فيها واكثر من ناس حكولي عيديها 🤦‍♀️بس انا من الناس برسم اللوحه وببدع فيها بس مره ومستحيل تطلع معي مرتين لأنو الأحساس والقوه بالرسمه والحماس ببتتحمسي مره وحده وصعب تعيدو مره ثانيه 😂💛🌻
وهاي كانت اللوحه ب٢٠١٨ طبعا بالسنه برسم رسمه وحده بس 😂🤦‍♀️
بعديها مباشره بشهر اتشجعت ورسمت رسمه طلعت سفاحه بتاريخ24/12/2018 لكن ما بعرف ليش لحد الأن ما عرضتها ولا بمعرض ولا نزلتها مع انو اللوحه كثير تعبت عليها وان شاء الله رح اعرضها بمعرض يليق فيها لأنو فكرتها خرافيه 🙆‍♀️

وننتقل للنقله النوعيه الي صارت بحياتي وبالرسم دخلت توجيهي وتركت الرسم وضليت ٨ شهور بدون رسم التوجيهي اثر علي بشكل سلبي دخلت بحالة اكتئاب بعد النتائج طبعا كنت ناجح بس عشان المعدل واطي ضليت احاول ٣ شهور انو ارجع ارسم وما كنت عارف امسك القلم وضليت احاول وبعدين ازهقت واستسلمت وقررت اترك الرسم لأنو الرسم بدو ممارسه وانا قطعتو فتره طويله بس استسلمت بسرعه ليوم من الأيام قررت اسجل بدورة رسم لرسم الوجوه لأنو كنت ضعيفه فيهم وما كنت متخيل انو رح اقدر ارجع ارسم بالأول ما كنت احب اروح عالحصص وكنت اطنش وما اروح وما احب الحصه لانو طبعا كنت مبتدأه ومره عمره لما شفت حالي بطور اكتر حبيت الموضوع الدوره كان مدتها ١٢ حصه اخدت ٩ حصص وبهدول ال٩ حصص طلعت ٣ لوحات وكل وحده احلى من التانيه وانصدمت من المستوى الي أنا فيه فقررت ارجع احضر يوتيوب واتعلم طبعا الدوره عند استاذ عبدالرحمان الشويكي وبشكره جدا
ومن بعد ما وقفت دوره تركت الرسم كعادتي بس كان في ناس كثير يبعثولي بدهم ارسمهم وما اقبل وكانو مصرين انو لازم اتصيري ترسمي وجوه وتستلمي طلبات وتشتغلي فيهم طبعا انا بكره اناقش الناس وكان صعب الموضوع انو اوافق بس بعدها بلشت استقبل طلبات رسم واجاني عدد كثير كبير من طلبات الرسم وما اتوقعت يكون الأقبال هيك وطبعا صرت اصرف عحالي من طلبات الرسم رغم انو في ناس بشيبو الراس ورغم اني بعصب عليهم كثير وبنرفزوني 😂بس ماشيه الطلبات والناس بتحبني طبعا انا اكثر نشاطي عالأنستقرام وقررت احول فيسبوك وطبعا ما حكيتلكم عن الجامعه بس اسجل بحكيلكم 😂🙆‍♀️

وبعد هيك صارو ناس يطلبو مني ادربهم رسم طلاب جامعات وطلاب مدارس وجمعيات ومراكز قعدت شهرين هيك بس حاليا وقفت بس شغال طلبات لأنو بطلت الحق وعملت هاي الصفحه حتى انزل عليها كل رسامتي خطوه بخطوه والأدوات الي بستخدمهم واي اشي متعلق بالرسم

واخر اشي شو ما كان تخصصك وشو ما كنت حاط اهداف بحياتك وضارت عوائق منعتك توصل للي بدك اياه اول اشي لا تجمع بين موهبتك وحياتك العلميه لانو هاي اشي وهاي اشي وبنفس الوقت لا تترك وتتخلى عن موهبتك لو كانو كل العالم موقفين بطريقك واستغل كل اشي بحياتك لتقدر اتنسق بين كل الأطراف وخلي طريق اهدافك متشعب واتحقق اكثر من شغله واتكون التوب بكل الجهات

💛🌻