24/10/2024
#منقول
وحدة بتحكي:
عِندي أُخت بالمدرسة .. فيها عَادة أنا عن نفسي بَحبها واللّه وبتعلم مِنها بحياتي ، يعني مثلاً :
هي كُل لما تمرق معلمة جَنبها بتحكيلها (صباح الخير ، ماا شاء اللّه يا مس طالعة بتتجنني اليوم ، بعد كُل حصة بتدّعي للمعلمة بالعافية ، بتجيب هدية.. وكذا ) .. فاليوم كان في معَلمة يبدو عليها ملامح التعب (كاينة سهرانة عطِفلها الصغير) فالطالبات حكولها (مس وجهك كتييير أصفر ليش هيك) .. وأُختي حَكتلها ( ييييي يا مس شو بحب وجهك بتعطيني أمل كُل لما أشوفك حتى وإنتِ مريضة شقفة من القمر اللّه يحميكِ ) .. راحت المس حاضنيتها وصارت تبكي (ويكأنها كانت محتاجة كِلمة حلوة ) كانت كلمِتها :
إنتِ بحياتي نِعمة .. (قَصدها عن أُختي)
الحلو من كُل هالمواقف ، إنّه المعلمة من حد ما أُختي داومت وهية كُل يوم بتبعتلها دُعاء .. واليوم كانت باعتة :
-"أنا بحبك لإنك بتجبري خاطري بكلام حلو وبَحس إنّي لسا في إلي دور بالحياة بعد هالتعب .. اللّه يحط بطريقك ناس يشبهوا قلبك وتلاقي الجَبر مِن كُل مكان "
-المعلمة كان معها (اكتئاب وِلادة)
" اللُّغة واسعة، والمُفرداتُ عديدة، وخاطرُ الإنسانِ واحد واللّه يا جماعة " 🧡
