Viska - eyjar

✨Samfélagsmiðla Masterclass✨

Leiðbeinandi: Tanja Ýr Ástþórsdóttir

Komdu og fáðu raunhæfan og hagnýtan skilning á samfélagsmiðlamarkaðssetningu með það að markmiði að byggja upp sterkt vörumerki og auka sölu, bæði með því að ná langt organically, með réttu efni, UGC og áhrifavöldum.

Námskeiðið er hannað fyrir fyrirtæki og einstaklinga sem vilja læra hvað virkar í raun, hvernig á að búa til efni sem nær athygli og hvernig á að setja saman herferðir sem skila árangri án þess að treysta eingöngu á kostaðar auglýsingar.

Við förum einnig í grunnskilning á auglýsingum, hvernig á að lesa tölur, hvað skiptir máli og ekki síður hvað á alls ekki að gera, til dæmis þegar unnið er með auglýsingastofum eða áhrifavöldum.

Þú lærir:

• Hvernig samfélagsmiðlar virka í dag (Instagram, TikTok o.fl.)
• Hvernig þú byggir upp miðla sem skilar raunverulegum árangri
• Hvernig á að búa til efni sem selur, ekki bara fær læk
• Hvernig UGC virkar og hvernig þú getur nýtt það í markaðssetningu
• Hvernig á að vinna með áhrifavöldum – frá fyrsta samstarfi til langtímasamstarfs og herferða
• Hvaða tegundir áhrifavalda- og UGC-herferða virka best
• Hvernig þú setur upp markaðs- og efnisherferðir frá A–Ö
• Grunnskilning á kostuðum auglýsingum og hvernig á að lesa tölur og árangur
• Hvað tölur skipta raunverulega máli í samfélagsmiðlum (og hvað ekki)
• Hvaða verkfæri og tól eru gagnleg í daglegri vinnu
• Hvernig hægt er að nýta gervigreind í markaðssetningu og efnisgerð
• Algeng mistök í markaðssetningu og hvað ber að varast

Þetta námskeið er fyrir þig ef:

• Þú ert markaðsstjóri, eigandi fyrirtækis eða sérð um samfélagsmiðla fyrirtækja
• Þig langar að byggja upp sterka viðveru á samfélagsmiðlum fyrir fyrirtæki
• Þú vilt læra hvernig efni og herferðir skila sölu
• Þú ert óviss um hvað virkar í efnisgerð
• Þú vilt nýta UGC og áhrifavalda á réttan hátt
• Þig langar að auka sýnileika og tekjur án þess að eyða óþarflega í auglýsingar
• Þú vilt fá betri yfirsýn og sjálfstraust í stafrænni markaðssetningu

Skráðu þig inn á heimasíðu Visku : https://viskave.is/vara/masterclass/

Nú er haustið að fara af stað og skráning er hafin á námskeiðin okkar. Endilega kynntu þér starfsemina og kíktu til okkar í vetur. Okkur hlakkar til að taka á móti þér í hlýju umhverfi Visku😊

Viskave.is

RAGGA NAGLI – BESTAR Á BREYTÓ

Ertu á breytingaskeiðinu og vilt vita hvað þú getur gert til að styðja betur við heilsuna, orkuna og líkamann á þessum nýja kafla?

Ragga Nagli kemur til okkar í Visku með tveggja klukkustunda námskeið þar sem farið verður yfir lífsstílsbreytingar fyrir konur á breytingaskeiði, með áherslu á mataræði, hreyfingu, vöðvauppbyggingu og bætiefni.

Á námskeiðinu verður meðal annars fjallað um:

• Hvernig hreyfing og næring nýtist best á breytingaskeiði

• Fitutap og vöðvauppbyggingu

• Áhrif hormónabreytinga á líkamssamsetningu

• Næringu fyrir og eftir æfingar

• Bætiefni fyrir konur á breytingaskeiði

Að fyrirlestri loknum gefst tækifæri til að spyrja Röggu spurninga og fá ráðgjöf. Þátttakendur fá einnig hugmyndir að áhrifaríkum æfingum og mataræði sem styður við heilsu og frammistöðu.

Dagsetning: 19. september

Tími: 13:00–15:00

Staðsetning: Viska, Ægisgötu 2

Verð: 19.900 kr.

Komdu og fáðu hagnýta fræðslu og verkfæri til að verða best á breytó.

Skráning hér: viskave.is

Strákar ! Takið daginn frá 💙
Skjöldur verður haldinn 17. október 2026
Dagskrá auglýst síðar :)

Haustdagsrká Visku 2026 er að mótast og nokkur spennandi námskeið komin inn.
Má nefna Samfélagsmiðla Masterclass, þrívíddarprentun með Frosta hjá Fab lab, Ítalskt kvöld með Sigga Gísla, Sushi kvöld með Thelmu Lind og Einsa Kalda. Vinnustofa með Fjólu Finnboga fyrir konur er nýtt og svo er Ragga nagli væntanleg til okkar 19. september. Verkfærakistan er námskeið fyrir fólk í atvinnuleit og íslenskukennslan með Jóhönnu Lilju er einnig á sínum stað.
Saman á skrefinu verður áfram næsta haust á miðvikudögum með þeim Siggu og Ásu og Ævintýraeyjan ver einnig af stað með Eyrúnu Haralds.
Við hvetjum fyrirtæki og stofnanir til þess að hafa samband við okkur til þess að halda utan um fræðslu og námskeið sem þau óska eftir.
Endilega kynnið ykkur dagskrána, skráning er hafin en kröfur verða sendar út seinna.

Viskave.is

Vegna mikilla vinsælda ætlum við að setja upp auka leiksýningu á verkinu „Á þjóðhátíð ég fer“ með Gleðisprengjunum!

Sýningin verður 16. júní kl. 18:00.

Miðasala hefst 12. júní og stendur til 15. júní frá
kl. 15:30–19:00.

Hægt er að panta miða í síma 852-1940 eða með tölvupósti á [email protected].

Miðaverð: 5.000 kr.

Hlökkum til að heyra frá þér 😊 [email protected]

Í dag fengum við heimsókn frá Viðari hjá Skyndihjálparskólanum sem hélt skyndihjálparnámskeið á ensku í Visku.

Þátttakendur fengu bæði fræðslu og verklega þjálfun í því hvernig bregðast skuli við neyðartilvikum og öðluðust mikilvæga færni sem getur skipt sköpum þegar á reynir.

Við þökkum Viðari kærlega fyrir frábært námskeið og góða samveru.

Starfsfólk Vinnslustöðvarinnar er nú að ljúka þriggja daga leiðtogaþjálfun frá KVAN.

Á námskeiðinu fengu þátttakendur hagnýt verkfæri sem nýtast í starfi, með áherslu á styrkleika, jafningjasambönd, leiðtogahæfni, markþjálfun, liðsheild, starfsanda, menningu og erfið starfsmannasamtöl.

Markmiðið er að efla bæði einstaklinga og teymi, styrkja jákvæð samskipti og skapa enn betri vinnustað þar sem starfsfólk getur haft jákvæð áhrif á eigið starf, líðan og árangur samstarfsfólks.

Við þökkum Jóni Halldórssyni frá KVAN fyrir frábært námskeið og þátttakendum fyrir góða þátttöku og metnað.