Grunnskólinn í Stykkishólmi

Skólaslit og útskrift

Þrískipt skólaslit í dag og hápunkturinn var útskrift 10. bekkinga.
Nemendur á yngsta stigi, miðstigi og unglingastigi komu saman ásamt fjölskyldum sínum og starfsfólki til að fagna lokum skólaársins.
Við erum afar stolt af öllum nemendum okkar sem hafa sýnt dugnað, seiglu og framfarir á skólaárinu.

Á skólaslitum yngsta stigs var Alberti Kárasyni, nemanda 1.bekkjar veitt viðurkenning fyrir að vera Umhverfishetja GSS, en Albert hefur verið duglegur við það að hreinsa dót og drasl af skólalóðinni þegar hann er í frímínútum eða í starfi Regnbogalands.
Á skólaslitum á miðstigi var Wojciech Ryszard Kowalski, nemanda 7.bekkjar veitt viðurkenning fyrir að vera Brúarsmiður GSS. Wojciech hefur með hlýju, hjálpsemi og jákvæðu viðmóti tekið á móti nýjum nemendum og lagt sitt af mörkum til að öllum líði vel. Wojciech hefur sýnt það á skólaárinu að góð vinátta, virðing og umhyggja geta byggt brýr á milli fólks.

Við skólaslit á unglingastigi var útskrift 10. bekkjar að venju hápunktur dagsins. Við athöfnina voru einnig veittar viðurkenningar fyrir framúrskarandi námsárangur, hvatningarverðlaun og þakklætisvottir fyrir framlag til félagsstarfa og þróunarverkefna innan skólans.
Þorvarður Daníel og Hóseas Haukur fengu þakklætisvott fyrir að leggja sitt af mörkum í að efla félagslíf skólans.
Gergö Petö fékk Hvatningarverðlaun skólaársins, en Gergö hefur sýnt að með þrautseigju, jákvæðu viðhorfi og vilja til að takast á við nýjar áskoranir er hægt að ná langt.
Viðurkenningu fyrir framúrskarandi námsárangur hlaut Hugrún María Hólmgeirsdóttir sem hefur náð markmiðum með vinnusemi, metnaði, seiglu og jákvæðu viðhorfi.
Heiðar Már, Kristófer Dean og Víkingur Leó fengu þakklætisvott fyrir að hafa komið að þróun verkefnisins Stagley með frumkvæði. Verkefnin í Stagley hafa vakið verðskuldaða athygli enda hefur sköpunarkrafturinn og frumkvæði strákanna verið til fyrirmyndar.

Við þökkum nemendum, foreldrum og starfsfólki fyrir farsælt samstarf á skólaárinu. Við kveðjum útskriftarnemendur með þakklæti og stolti og óskum þeim velfarnaðar á nýjum vettvangi.

Við óskum öllum nemendum, fjölskyldum þeirra og starfsfólki gleðilegs sumars og hlökkum til að hittast á ný þegar skólastarf hefst á haustdögum.

Eitt af vorverkefnunum okkar er að vera við útskriftina á leikskólanum og taka á móti glæsilegri bekkjarmynd verðandi
1. bekkinga.
Verið velkomin til okkar í GSS verðandi 1. bekkingar 🥳mikið verður gaman að kynnast ykkur.

SÍÐASTA SKÓLAVIKA SKÓLAÁRSINS

Við endum þetta GJÉGGJAÐA skólaár með stæl 🥳

Í tölvupósti sem sendur var á nemendur á yngsta stigi misritaðist að skólaslit væri á fimmtudegi og svo er hún að sjálfsögðu í júní en ekki í maí 🙈 😁

Hjólastrætó 28. maí 🚴‍♀️🚴🚴‍♂️

Fimmtudaginn 28. maí ætlum við að hjóla saman í skólann í hjólastrætó! Nemendum, foreldrum, starfsfólki og öllum áhugasömum er boðið að koma með í ferðina.
Björg og Rebekka leiða hópinn með tónlist og gleði.

Við hefjum strætóferðina 7:45 við grenndargámana á Hjallatanga. Þaðan hjólum við Ásklifið, niður hjá Bakaríinu og út á Aðalgötu, Silfurgötu, Hafnargötu, Austurgötu, Skúlagötu, Borgarbraut og endum við skólann. Grænu punktarnir eru stoppistöðvar en hægt er að hjóla inn í strætóinn hvar sem er.
🚓 Lögreglubíll fer fyrir hópnum.

Við komuna í skólann er hjólagörpum boðið á vatn og ávexti.
🍎🍏🍐🍊

Hlökkum til að sjá sem flesta .. og ekki gleyma hjálminum! 😉

Skólafréttir 22. maí ❤

Forsíðumyndina prýða nemendur 6. bekkjar er þeir fóru að plokka á uppbrotsdegi.

Síðasti fréttapakki skólaársins og hann er stútfullur af myndum, tilkynningum og allskonar gleðiefni.

Skólafréttir má líka finna inn á heimasíðu skólans og undir fréttir á Mentor.

Takk fyrir vikuna og eigið silkimjúka og kósý helgi
Starfsfólk GSS

22.maí 2026

Kristín Ósk í topp 10🏆

Nemendur i 3. og 4. bekk tóku þátt í hugmyndasamkeppni Evolytes fjölskyldan mín.

Samkvæmt tilkynningu frá Evolytes teyminu þá fóru viðtökur langt fram úr þeirra björtustu vonum og átti dómnefnd virkilega erfitt með að velja sigurvegara. Ákveðið var að verðlauna fyrir 10 bestu hugmyndirnar.

Kristín Ósk Sigurðardóttir nemandi í 3.bekk átti eina af 10 bestu hugmyndunum og óskum við henni hjartanlega til hamingju 🥳

Kæru foreldrar/forsjáraðilar 🤩

♻️Vilji þið kíkja til okkar og fara yfir óskilamuni. Við erum hreinlega að drukkna í húfum og peysum og vettlingum og buffum og nestisboxum.

🔵🔴🟢Hægt er að nálgast óskilamuni til og með þriðjudagsins 26. maí.