Haunted - Aðdráttarafl arfleifðar og staðartengsl í borgarlandslagi

Haunted á Skjaldborg
Heimildarmyndin Borgin mín: Skynjun, minningar og frásagnir í borgarlandslagi eftir Hrafn Helga Helgason verður frumsýnd á kvikmyndahátíðinni Skjaldborg sem fram fer um hvítasunnuhelgina 22.-25. maí n.k. á Patreksfirði. Í myndinni er einstaklingum fylgt eftir á göngu um eldri hverfi Reykjavíkur og rýnt í samtal þeirra við borgina. Sýnt er hvernig skynjun, fyrri reynsla og frásagnir af fólki, atvikum og staðháttum skapar tengingu fólks við umhverfið og þá merkingu sem það gefur borgarlandslaginu. Myndin byggir á rannsóknarverkefninu Hauntɘd. Ókeypis er inn á allar heimildamyndirnar sem sýndar eru í bíóinu Skjaldborg sem staðsett er í hjarta bæjarins. Hátíðarpassi veitir aðgang að allri dagskrá hátíðarinnar, sjávarréttaveislu, plokkfiskboði kvenfélagsins, partýi á laugardagskvöldinu, lokakvöldi með dansiballi, í sundlaugina alla helgina og gistingu á tjaldstæðinu.

skjaldborg.is

Í tímaritinu Ethnologia Fennica hefur birst greinin Engaging (with) places eftir Snjólaugu G. Jóhannesdóttur, doktorsnema, og Ólaf Rastrick, prófessor. Í greininni er tekin fyrir aðferðarfræði Haunted verkefnisins og þá sérstaklega notkun upptökugleraugna í rannsóknarskyni. Greinin er í opnum aðgangi og fyrir áhugasama er hér slóðin að greininni.

View of Engaging (with) Places - pdf

https://heimildin.is/spila/933/

Haunted: Minningar um miðborg Reykjavíkur Í þessum þætti af Þjóðháttum er fjallað um hvernig borgarlandslagið í miðbæ Reykjavíkur getur virkað sem minningarbrunnur fyrir þá sem þar fara um.

Spennandi ráðstefna Þjóðarspegilsins með ótalmörgum áhugaverðum málstofum. Við vekjum athygli á málstofunni Staðartengsl, örverur og dýrsleikar sem hefst þann 1. nóvember, kl. 13:00 og verður staðsett í Árnagarði, stofu 306. Þar munu Ólafur Rastrick, prófessor og Snjólaug G. Jóhannesdóttir, doktorsnemi, fjalla um hluta af þeim niðurstöðum sem Haunted rannsóknin hefur leitt í ljós.
Ráðstefnan er öllum opinn og því allir velkomnir!!

Þjóðarspegilinn 2024 Háskóli Íslands býður upp á fjölbreytt nám á grunn og framhaldsstigi. Lögð er áhersla á fræðilega nálgun og rannsóknatengt nám með góð tengsl við atvinnulíf og nýsköpun

Hér má hlusta á viðtal við Ólaf Rastrick, prófessor í þjóðfræði og Snjólaugu G. Jóhannesdóttur, doktorsnema um Haunted rannsóknina.

Samfélagið - Staðartengsl, einmitt og spellvirkjar úr dýraríkinu | RÚV Útvarp Upplýst og gagnrýnin umræða um samfélagsmál. Umsjón: Arnhildur Hálfdánardóttir og Guðmundur Pálsson.

Rannsóknin Hauntɘd eða Heritage attachment in the urban terrain. Everyday encounters with places of the past var formlega sett af stað fyrir rétt rúmu ári síðan. Verkefnið er styrkt af Rannsóknarsjóði Íslands til þriggja ára (2022-2024) og vistað í Félagsfræði-, mannfræði- og þjóðfræðideild Háskóla Íslands.
Vel hefur gengið að fá borgarbúa til að taka þátt í rannsókninni en okkur vantar enn nokkra einstaklinga til þátttöku. Við erum sérstaklega að leita að fólki sem er tilbúið að fara eitt í gönguferð um miðborgina með upptökugleraugu á nefinu og veita viðtal u.þ.b. viku seinna.
Tengistu miðborginni á einhvern hátt, ertu Reykvíkingur, hefurðu búið í nálægð við miðborgina, unnið á svæðinu eða hefurðu oft átt þar leið um? Áttu ljúfar minningar sem þú tengir við húsin í miðborginni, eða daprar eða ljúfsárar. Lítur þú ekki á þig sem Reykvíking en átt samt sem áður sterk tengsl við miðborgina? Reykjavík er auðvitað höfuðborg allra landsmanna og hjartað er í miðborginni. Tengirðu við eitthvað af framangreindu? Þá erum við að leita að þér og því hvetjum við þig til að skrá þig til þátttöku í gegnum vefsíðu verkefnisins og láta fólkið í kringum þig vita af þessari áhugaverðu rannsókn. Markmið hennar er að skýra hvernig fólk gefur sögulegu borgarlandslagi merkingu og gildi ásamt því hvernig tilfinningar móta samband fólks við staði fortíðar. Sjá nánari upplýsingar á vefsíðu verkefnisins og enn nánari upplýsingar eru veittar þeim sem skrá sig til þátttöku. https://haunted.hi.is/
Einnig er hægt að senda tölvupóst á [email protected] eða [email protected] til að fá frekari upplýsingar eða skrá sig til þátttöku.

Á meðfylgjandi myndbandi er sagt frá rannsókninni okkar, Haunted. Kíkið endilega á þetta en við stefnum á að fá fleiri þátttakandur til lið við okkur á vordögum, þegar sól hækkar á lofti.

Haunted - Aðdráttarafl arfleiðar og staðartengsl í borgarlandslagi | Þjóðarspegillinn | Málstofa Hvernig ljær fólk sögulegu borgarlandslagi merkingu og gildi? Í rannsókninni er nýstárlegum aðferðum beytt til að draga fram tilfinningleg tengsl fólks við staði og hvernig skynjun mótar það samband.

Ef þið sjáið vígalegan einstakling með svona gleraugu, gangandi um í miðborginni og talandi við sjálfan sig, þá er viðkomandi ekkert skrýtinn heldur þátttakandi í rannsókninni okkar, Haunted. Nokkrir þátttakendur hafa farið fyrir okkur í gönguferð um miðborgarsvæðið með gleraugu á nefinu sem taka upp allt sem þeir sjá og segja.

Bakgarðar og skúmaskot miðbæjarins með skemmtilegum viðmælanda sem tók þátt í Haunted rannsókninni. Lentum meira að segja inni í gamla hegningarhúsinu á Skólavörðustíg. Við erum að leita af fólki sem vill deila með okkur upplifunum og minningarbrotum um einstaka staði og hús í miðbænum. Þau sem hafa áhuga geta skráð þátttöku sína á vefsíðu verkefnisins https://haunted.hi.is/ eða sent tölvupóst á [email protected] eða [email protected].

Við erum að leita að þátttakendum fyrir rannsóknina Hauntɘd eða Heritage attachment in the urban terrain. Everyday encounters with places of the past. Verkefnið er styrkt af Rannsóknarsjóði Íslands til þriggja ára (2022-2024) og vistað í Félagsfræði-, mannfræði- og þjóðfræðideild Háskóla Íslands.
Rannsóknin var formlega sett af stað í sumarbyrjun og er ætlunin að nýta ágúst og september að afla gagna á meðal þátttakenda.
Tengistu miðborginni á einhvern hátt, ertu Reykvíkingur, hefurðu búið í nálægð við miðborgina, unnið á svæðinu eða hefurðu oft átt þar leið um? Áttu ljúfar minningar sem þú tengir við húsin í miðborginni, eða daprar eða ljúfsárar. Lítur þú ekki á þig sem Reykvíking en átt samt sem áður sterk tengsl við miðborgina? Reykjavík er auðvitað höfuðborg allra landsmanna og hjartað er í miðborginni. Tengirðu við eitthvað af framangreindu? Þá erum við að leita að þér og því hvetjum við þig til að skrá þig til þátttöku í gegnum vefsíðu verkefnisins og láta fólkið í kringum þig vita af þessari áhugaverðu rannsókn. Markmið hennar er að skýra hvernig fólk gefur sögulegu borgarlandslagi merkingu og gildi ásamt því hvernig tilfinningar móta samband fólks við staði fortíðar. Sjá nánari upplýsingar á vefsíðu verkefnisins og enn nánari upplýsingar eru veittar þeim sem skrá sig til þátttöku. Hægt er að skrá þátttöku á vefsíðu verkefnisins https://haunted.hi.is/ eða senda tölvupóst á [email protected] eða [email protected]

Hauntɘd – Heritage attachment in the urban terrain. Everyday encounters with places of the past. Heritage attachment in the urban terrain. Everyday encounters with places of the past (Hauntɘd) is a three-year research project (2022-2024) funded by the Icelandic Research Fund and hosted at the Faculty of Sociology, Anthropology and Folkloristics at the University of Iceland. The overall aim is ...