Skólar ehf.

Sæktu um á heilsusamlegum vinnustað ☀️

Vinna í leikskólum Skóla gefur þér tækifæri á að setja heilsuna í fyrsta sæti.

Gefandi starf með sveigjanlegum vinnutíma, líkamsræktarstyrk, þremur heilsumáltíðum á dag og auðvitað einlægustu og bestu vinnufélögunum.

Smelltu hér til að sækja um!

Skólar ehf.

Hulda Jóhannsdóttir, skólastjóri á Heilsuleikskólanum Króki í Grindavík, hélt fyrirlestur um núvitund í leikskóla á málþingi Embættis landlæknis í heilsubænum Mosfellsbæ í dag þar sem verkefninu Heilsueflandi leikskóli var formlega ýtt úr vör. MBL tók hana tali af því tilefni ásamt Nicole Leigh Mosty sem fjallaði um tannvernd.

Við hvetjum alla leikskóla til að taka þátt í þessu mikilvæga lýðheilsuverkefni og taka þar með virkan þátt í að efla heilsu og vellíðan barnanna okkar til framtíðar.

Kennum þeim að elska sjálf sig „Við mættum mikilli mótstöðu þar sem þetta var ekkert sérstaklega vinsælt meðal leikskólastjóra og leikskólakennara. Þeim fannst þetta ekki vera hlutverk leikskólans,“ segir Nichole Leigh Mosty um tannvernd í leikskólum. Hún var meðal þeirra fluttu erindi á málþingi um heilsueflandi leikskóla í dag.

Verkefninu Heilsueflandi leikskóla á vegum Embættis landlæknis verður formlega ýtt úr vör miðvikudaginn 11. janúar nk. Af því tilefni verður efnt til málþings kl. 14-16 þann dag í Listasal Mosfellsbæjar. Þar mun Hulda Jóhannsdóttir, skólastjóri í Heilsuleikskólanum Króki, m.a. fjalla um núvitund í leikskólastarfi en allir leikskólar Skóla ehf. tóku virkan þátt í þróun verkefnisins.

Aðgangur er ókeypis og allir velkomnir. Dagskránna má sjá hér:

Börn og starfsfólk heilsuleikskólanna hjá Skólum ehf. senda þér og þínum sínar bestu óskir um gleðileg jól og heilbrigði og gleði á komandi ári. Kærar þakkir fyrir samstarfið á árinu sem er að líða.

Heilsuleikskólinn Háaleiti í Reykjanesbæ vinnur nú að þróunarverkefninu “What´s your move?” Háaleiti stýrir verkefninu, sem styrkt er af Erasmus+, en það er unnið í samstarfi við Læringverkstedet Skogmo í Jessheim í Noregi og Pallipõnn í Tallinn í Eistlandi.

Verkefnið er samstarfsverkefni um innleiðingu á YAP (Young Athlete Program) aðferðinni, en Háaleiti hefur unnið með YAP-ið í leikskólanum síðan haustið 2015 og er fyrsti leikskólinn á Íslandi sem notar YAP. YAP var upphaflega hannað af Special Olympics samtökunum til að efla alhliða þroska 2-7 ára barna með frávik í gegnum íþróttir og leik, en efnið er auðvelt að nota með öllum börnum leikskólans.

Heilsuleikskólinn Háaleiti stýrir Erasmus+ verkefni - Local Sudurnes Heilsuleikskólinn Háaleiti fékk á dögunum Erasmus+ styrkveitingu fyrir samstarfsverkefnið “what´s your moove?”  Verkefnið er í samstarfi við Læringverkstedet Skogmo í Jessheim Noregi og Pallipõnn í Tallin Eistlandi, en Háaleiti stýrir verkefninu. Verkefnið er samstarfsverkefni um innleiðingu á YAP (...

Heilsuleikskólinn Krókur í Grindavík er að vinna að spennandi þróunarverkefni sem styrkt er af Nordplus Junior í samstarfi við fimm aðrar þjóðir; Litháen, Lettland, Finnland, Danmörk og Eistland, sem stýrir verkefninu. Verkefninu er ætlað að innleiða fimm þætti heilsueflingar samkvæmt kenningum Sebastian Kneipp sem taldi að hreyfing, næring, jafnvægi, vatn og jurtir væru þættir sem stuðluðu að bættri almennri heilsu og gætu jafnvel fyrirbyggt sjúkdóma."

Verkefnið fellur vel að því heilsueflandi skólastarfi sem allir skólarnir okkar leggja áherslu á m.a. í gegnum Heilsustefnuna (kennd við Unni Stefánsdóttur) og Heilsueflandi leikskóla hjá Embætti landlæknis. Jafnframt skipta verkefni á borð við þetta miklu máli þegar kemur að þekkingarsköpun og starfsþróun fólksins okkar.

Heilsuleikskólinn Krókur í erlendu samstarfi um heilsueflingu í leikskólum Verkefnið er um 5 þætti heilsueflingar byggðar á tveggja aldar gömlum kenninum Sebastian Kneipp.

Við hjá Skólum ehf. verðum með erindi á sýningunni og ráðstefnunni MyBaby sem verður í Hörpunni um helgina, 10. og 11. september. Ólöf Kristín Sívertsen, fagstjóri Skóla ehf., verður með erindið "Tengsl hreyfi- og heilaþroska barna - mikilvægi snemmtækrar íhlutunar" ásamt Krisztinu G. Agueda hjá Hreyfilandi.

Erindið verður á sunnudaginn kl. 14:00 þar sem verður m.a. komið inn á samstarfsverkefnið okkar með BHRG stofnuninni í Ungverjalandi sem styrkt er af Eramus+, menntaáætlun ESB. Nánari upplýsingar um dagskránna má sjá hér:http://www.mybaby2016.net/fyrirlestrar

my-baby | FYRIRLESTRAR FYRIRLESTRAR

Heilsuleikskólinn Krókur í Grindavík hefur nú bæst í hóp þeirra leikskóla sem innleiða verkefnið Vinátta á vegum Barnaheilla. Verkefnið byggir á "nýjustu rannsóknum á einelti og á ákveðinni hugmyndafræði og gildum sem skulu samofin öllu skólastarfinu auk raunhæfra verkefna fyrir nemendur, starfsfólk og foreldra". Eins og nafn þess gefur til kynna er höfuðáhersla lögð á að efla vináttu, treysta vináttubönd og stuðla þannig að bættri félagslegri og andlegri heilsu í anda þess heilsueflandi skólastarfs sem fram fer í öllum heilsuleikskólunum okkar.

Fyrsta námskeið haustsins er nú að baki. Á því námskeiði voru bæði leikskólar sem hafa notað Vináttu í einhvern tíma og tveir nýir leikskólar bættust í hópinn. Það eru Austurborg í Reykjavík og Krókur í Grindavík. Við bjóðum þá velkomna í hópinn og óskum þeim góðs gengis við að vinna að góðum skólabrag og koma í veg fyrir einelti á leikskólunum :)

Á Heilsuleikskólanum Háaleiti er sífellt verið að kynna börnin fyrir fjölbreyttum íþrótta- og afþreyingarmöguleikum með framtíðina í huga. Einn af þeim er SNAG – golf sem er hugsað til að virkja áhuga og löngun barna til að læra í gegnum leik. Það er óhætt að segja að leikurinn hafi vakið mikla lukku meðal barnanna og eru uppi áform um að taka og þróa verkefnið enn lengra :-D

SNAG-golf kennt í leikskóla á Ásbrú Á heilsuleikskólanum Háaleiti erum við sífellt að kynna fyrir leikskólabörnunum fjölbreytta íþrótta- og afþreyingarmöguleika með framtíðina í huga. Eitt af því er SNAG – golfið.  Leikurinn getur virkjað áhuga og löngun barna til að læra í gegnum leik. Samkvæmt Aðalnámskrá leikskóla (2011) er le...

Við erum afskaplega þakklát fyrir að hafa fengið úthlutað myndarlegum náms- og þjálfunarstyrkjum úr menntahluta Erasmus+ sem er mennta- og æskulýðsáætlun ESB.

Skólar ehf. fengu úthlutað góðum styrk vegna lýðheilsu- og forvarnarverkefnis sem snýr að því hvernig við getum greint áskoranir og nýtt markvissa hreyfiörvun sem snemmtæka íhlutun til að stuðla að bættum heila- og taugaþroska barna. Við verðum í samstarfi við Krisztinu Agueda hjá Hreyfilandi og dr. Katalin Lakatos hjá BHRG rannsóknarstofnuninni í Búdapest en sú síðarnefnda er mjög virtur fræðimaður á þessu sviði. Fulltrúar allra skólanna okkar munu taka þátt í þessu spennandi og þarfa verkefni.

Einn leikskólanna okkar, Heilsuleikskólinn Kór í Kópavogi, fékk jafnframt styrk til að þjálfa sitt fólk enn frekar með það fyrir augum að efla andlega, líkamlega og félagslega vellíðan barnanna.

Bæði þessi verkefni renna enn styrkari stoðum undir það heilsueflandi skólastarf sem við sinnum stolt og kristallast tilgangurinn í einkunnarorðum okkar „heilbrigð sál í hraustum líkama“.

Samfélagsverðlaun Fréttablaðsins voru veitt í dag. Um 300 tilnefningar bárust í ár.

Í flokknum „Frá kynslóð til kynslóðar“ var fagstjórinn okkar, Ólöf Kristín Sívertsen, tilnefnd ásamt tveimur öðrum. Tilnefning hennar er fyrir mikið og faglegt starf við eflingu lýðheilsu í skólasamfélaginu. Við erum að sjálfsögðu afskaplega stolt af okkar konu og óskum henni og okkur öllum hjá Skólum ehf. innilega til hamingju.