Tónlistarhátíð unga fólksins

17/08/2018

Nemendatónleikar Peters, Birnu og Svövu fimmtudaginn 16. ágúst 2018

12/08/2018

12/08/2018

Fyrstu kammertónleikar TUF í samstarfi við Point CounterPoint hátíð í Bandaríkjunum kl 11:00 í Salnum í dag 12.ágúst

10/08/2018

08/08/2018

Fyrsti dagur Tonlistarhatiðar Unga Folksins 2018. Nemendur i vinnustofu hja Greta Salóme 🎻

30/06/2018

Þverflautunámskeið TUF 2018. Hægt er að sækja um á www.tuf.is

Karen Erla Karólínudóttir lauk blásarakennaraprófi árið 2000 og einleikaraprófi ári síðar frá Tónlistarskólanum í Reykjavík. Þar vour aðalkennarar hennar Bernharður Wilkinsson og Hallfríður Ólafsdóttir. Karen hefur sótt fjölmörg námskeið til dæmis hjá William Bennet og Lornu McGhee. Hún hefur yfir 20 ára reynslu af kennslu og hefur líka numið stjórnmálafræði og lýðheilsuvísindi.

Karen tekur virkan þátt í tónlistarlífinu og skipuleggur til að mynda starfsemi Íslenska flautukórsins. Hún hefur fengist við allan skala flautubókmentanna og leikið fjölbreytta kammertónlist meðal annars í samstarfi við Svan Vilbergsson gítarleikara. Þá hefur hún leikið með ýmsum hljómsveitum svo sem Sinfóníuhljómsveit áhugamanna og Blásarasveit Reykjavíkur.

29/06/2018

Klarinettnámskeið TUF 2018. Hægt er að sækja um á www.tuf.is

Grímur Helgason nam klarinettuleik hjá Sigurði I. Snorrasyni í Tónlistarskólanum í Reykjavík og hjá Einari Jóhannessyni í Listaháshóla Íslands þaðan sem hann útskrifaðist árið 2007. Hann hlaut við námslok brautargengi í keppninni Ungum einleikurum og hlaut einnig styrk úr Styrktarsjóði Halldórs Hansen. Á násmsárum sínum var Grímur jafnframt einn stofnfélaga Kammersveitarinnar Ísafoldar. Grímur nam ennfremur við Conservatorium van Amsterdam hjá Hans Colbers og lauk þaðan M.Mus prófi vorið 2011.

Grímur hefur komið nokkuð víða við í íslensku tónlistarlífi undanfarin ár sem kammermúsíkant, hljómsveitarspilari, flytjandi nýrrar tónlistar og klarinettukennari. Meðal hljómsveita og tónlistarhópa sem hann hefur leikið með undanfarin ár má nefna Sinfóníuhljómsveit Íslands, Caput, Stirni ensemble, Kúbus og Kammersveit Reykjavíkur auk samstarfs við fjölbreyttan hóp tónskálda og framsækinna tónlistarmanna.

28/06/2018

Píanókennarar TUF 2018
Peter Máté er af ungversku bergi brotinn en hann var fæddur í Rožňava í Tékkóslóvakíu. Hann hefur verið búsettur á Íslandi frá árinu 1990.

Peter stundaði píanónám frá ungum aldri en lauk einleikara- og kennaramastersgráðu frá Tónlistarakademíunnni í Prag. Á námsárunum vann hann til margra verðlauna í heimalandi sínu og síðar í alþjóðlegum keppnum, svo sem í Vercelli og Enna á Ítalíu á árunum 1986 og 1989. Hann hefur komið fram sem einleikari með mörgum helstu hljómsveitum heimalands síns en einnig með Útvarpshljómsveitinni í Berlín og Sinfóníuhljómsveit Íslands. Árið 2012 frumflutti Peter píanókonsert Jóns Ásgeirssonar ásamt Sinfoníuhljómsveit Norðurlands.

Hann hefur haldið marga einleikstónleika og tekið þátt í kammertónleikum (Tríó Reykjavíkur, Kammertríó Kópavogs, o.fl.) víða á Íslandi og farið í tónleikaferðir til Frakklands, Bretlands og Bandaríkjanna auk Austur-Evrópulanda.

Peter kennir nú við Listaháskóla Íslands og Tónlistarskólann í Reykjavík. Hann hefur einnig kennt masterklassa við fjölda erlendra háskóla og tónlistarskóla á Íslandi auk þess sem hann hefur tekið að sér dómarastörf í píanókeppnum.

Út hafa komið nokkrir hljómdiskar með leik Peters, bæði sem einleikara og með öðrum.

27/06/2018

Píanókennarar TUF 2018
Birna Hallgrímsdóttir er fædd árið 1982. Hún lauk bakkalár gráðu frá Listaháskóla Íslands árið 2006 og meistaraprófi frá Royal College of Music í London árið 2009 auk þess að hafa stundað nám við tónlistarháskóla í Kuopio í Finnlandi og Stavanger í Noregi. Helstu kennarar Birnu voru Peter Máté, Kirsti Huttunen, Hakon Austbo, Ian Jones, Gordon Fergus-Thompson og Lilly Reiburn.

Birna er virk í íslensku tónlistarlífi og hefur komið fram á fjölda tónleika undanfarin ár. Hún lék debut tónleika sína í Salnum í Kópavogi í júní 2009 og Grieg píanókonsertinn með Sinfóníuhljómsveit unga fólksins í nóvember 2010. Hún hefur verið virkur þátttkandi í tónleikum sem haldnir eru í Hörpu á vegum Classical Concert Company Reykjavík frá árinu 2010. Á árinu 2014 fékk Birna styrk frá Félagi íslenskra tónlistarflytjenda til tónleikahalds á landsbyggðinni og lék einleikstónleika í Hömrum á Ísafirði, Hverargerðiskirkju og í Laugarborg í Eyjarfirði. Sama ár lék hún einleikstónleika í tónleikaröðinni Klassík í Vatnsmýrinni. Þann 1. apríl 2016 kom Birna fram sem einleikari á tónleikum Sinfóníuhljómsveitar Íslands þar sem hún lét Jeux d´eau eftir Ravel. Haustið 2016 gaf Birna út geisladiskinn Krot sem inniheldur íslensk einsöngslög ásamt Rannveigu Káradóttur sópran.

Birna er verðlaunahafi í Epta píanókeppninni á Íslandi og var valin bæjarlistamaður Seltjarnarness árið 2011. Á námsárunum hlaut hún Menningarstyrk Valitors, Styrk frá minningarsjóði Karls Sighvatssonar auk þess sem hún hefur tvívegis hlotið styrk um minningu Birgi Einarson apótekara.

Síðastliðin ár hefur Birna kennt við Tónlistarskóla Kópavogs, Tónmenntaskóla Reykjavikur og Listaháskóla Íslands.

26/06/2018

Sellókennari TUF 2018
Júlía Mogensen lærði hjá Gunnari Kvaran við Tónlistarskólann í Reykjavík og síðar við Listaháskóla Íslands þaðan sem hún útskrifaðist 2006.

Hún stundaði framhaldsnám við Guildhall School of Music and Drama í London og einnig í Beriín.

Júlía hefur leikið með ýmsum tónlistarhópum hér heima og erlendis og unnið með tónlistarmönnum úr öllum áttum. Júlía leikur nú með Sinfóníuhljómsveit Íslands.

25/06/2018

Víólukennari TUF 2018
Svava Bernharðsdóttir, víóluleikari, útskrifaðist með fiðlukennarapróf og burtfararpróf í víóluleik frá Tónlistarskólanum í Reykjavík 1982. Næsta vetur stundaði hún nám við Konunglega tónlistarháskólann í Hag, Hollandi undir leiðsögn Nobuko Imai. Haustið 1983 innritaðist hún í Juilliard skólann í New York. Kennarar hennar þar voru William Lincer og Karen Tuttle. Þaðan útskrifaðist Svava vorið 1989 með DMA gráðu (Doctor of Musical Arts). Næstu árin var Svava í Basel í Sviss og lagði stund á nám við leik gamallar tónlistar á upprunaleg hljóðfæri.

Svava var uppfærslumaður víóludeildar Slóvensku fílharmóníunnar, Ljubljana, Slóveníu í 12 ár, kenndi þar við tónlistarháskólann, á sumarnámskeiðum og spilaði með kammerhópum. Sumarið 2006 fluttist Svava aftur til Íslands. Hún er aðstoðarleiðari víóludeildar Sinfóníuhljómsveitar Íslands, kennir við Tónlistarskóla Kópavogs og Listaháskóla Íslands og spilar m.a. í Skálholtskvartettnum og Camerarctica.

Svava hefur leikið einleik með hljómsveitum: Hindemith víólukonsertinn með Juilliard Symphony, Mozarts Sinfonia Concertante með Sinfóníuhljómsveit Íslands og Bartók víólukonsertinn með Slóvensku fílharmóníunni. Tveir geisladiskar með leik Svövu hafa verið gefnir út: Svaviola og Svaviola II sem inniheldur íslensk víóluverk.

24/06/2018

Fiðlukennarar TUF 2018
Páll Palomares er einn af fremstu fiðluleikurum landsins. Hann hóf fiðlunám s*x ára gamall undir handleiðslu foreldra sinna, Unnar Pálsdóttur og Joaquín Palomares. Hann gegnir nú stöðu leiðara 2. fiðlu í Sinfóníuhljómsveit Íslands. Áður gegndi hann sömu stöðu hjá Randers Kammerorkester í Danmörku.

Hann hefur leikið fjölda einleikskonserta með hljómsveitum á íslenskri og erlendri grundu og ber þar hæst að nefna Sibelius- og Tchaikovski fiðlukonserta með Sinfóníuhljómsveit Íslands, Brahms fiðlukonsert með Sinfóníuhljómsveit Árósa og Árstíðirnar eftir Vivaldi með Orchestra Femminile Italiana. Fyrr á þessu ári lék Páll fiðlukonsert Beethovens með Sinfóníuhljómsveit Torrevieja. Páll er jafnframt virkur í kammertónlist og hefur haldið tónleika víða í Evrópu; á Íslandi, Spáni, Þýskalandi, Englandi, Ítalíu, Frakklandi, Færeyjum, Danmörku og Hollandi.

Hann hefur hlotið margvísleg verðlaun á ferli sínum. Hann var sigurvegari íslensku keppninnar ,,Ungir einleikarar” árið 2007, hlaut verðlaun í alþjóðlegu keppninni ,,Danish String Competition” árið 2014 auk fjölda annarra verðlauna í keppnum Konunglega Tónlistarháskólans í Kaupmannahöfn. Páll hefur sótt masterklassa hjá mörgum af virtustu fiðluleikurum heims. Meðal þeirru eru Guilles Apap, Pekka Kuusisto, Noah Bendix-Balgley og Nikolaj Znaider.

Hann lauk meistaragráðu við Konunglega Tónlistarháskólann í Kaupmannahöfn árið 2015 og stundar nú sólistanám við sama skóla undir handleiðslu fiðluleikarans Serguei Azizian. Hann lauk einnig bakkalárgráðu í hinum virta Hochschule für Musik ,,Hans Eisler” í Berlín árið 2013. Kennari hans var Prof. Ulf Wallin. Áður en Páll hóf námsferil sinn erlendis lauk hann námi við Tónlistarskóla Kópavogs og Listaháskóla Íslands þar sem hann naut leiðsagnar Margrétar Kristjánsdóttur og Auðar Hafsteinsdóttur.