Ásgarðsskóli - skóli í skýjunum

Nánari upplýsingar um Ágarðsskóla eru á heimasíðu skólans: https://www.asgardsskoli.is/skolavist-i-asgar%C3%B0sskola

Við erum alveg í skýjunum eftir útskriftina á mánudaginn. Ræða skólastjórans okkar á erindi við okkur öll og kannski ekki síst þau sem eru að hugleiða skólavist í Ásgarðsskóla næsta vetur:

Útskrift 2026 - ræða skólastjóra Í gær lauk fimmta starfsári Ásgarðsskóla með hátíðlegri og skemmtilegri útskrift. Skólastjórinn okkar og eigandi, Kristrún Lind Birgisdóttir, hélt þar ræðu sem sannarlega á erindi við alla sem vilja kynna sér skólann.

Í gær var stór dagur í Ásgarðsskóla. Við útskrifuðum 24 frábæra nemendur úr 10. bekk og fögnuðum jafnframt árangri 8. og 9. bekkjar. Útskriftin var bæði hátíðleg og skemmtileg. Tveir nemendur úr 10. bekk kynntu dagskrárliði og héldu auk þess glæsilega ræðu, við fengum góða gesti og skólastjórinn okkar fór yfir árið. Til hamingju öll með úrskriftina og skólaárið! Við hlökkum til að hitta þau sem halda áfram í haust.

Í dag var skemmtilegur dagur í Ásgarðsskóla! Síðasta staðlota vetrarins var vorferð í raunheimum og á Zoom. Leikir, gleði, spjall, pizza og minigolf einkenndu daginn. Takk fyrir daginn krakkar, við sjáumst á skólaslitunum.

🌟 Starfamessa Ásgarðsskóla — Dagur 4 af 4!

Síðasti dagurinn var ekkert minna en frábær — fjölbreyttur, skapandi og algjör bomba!

👶 Kristrún Lind Birgisdóttir kennari kynnti störf leikskólakennara og sagði frá reynslu sinni bæði á Íslandi og í Hong Kong þar sem hún rak skógarleikskólann Leap Frog.

🎭 Ævar Þór Benediktsson — leikari, rithöfundur og talsetjari — ræddi við nemendur um fjölbreytt störf sín, hvernig hann skapaði sér tækifæri og hvernig mistök og „nei“ geta orðið að styrk.

🎨 Óskar Finnur Gunnarsson kynnti heim tattoo‑listamanna og ræddi ferlið, fagmennskuna og sköpunina á bak við húðflúr.

Takk fyrir ótrúlega skemmtilega og fræðandi Starfamessu 2026! 🌟

Dagur 3
🌟 Starfamessa Ásgarðsskóla — Dagur 3 af 4!
Í dag fengu nemendur innsýn í allt frá forritun og flugvélasmíði til myndasagna og sálfræði — ótrúlega skemmtilegur og fræðandi dagur!
💻 Rebekka Garðarsdóttir kynnti störf í forritun og fór yfir hvernig starfsferill fylgir ekki alltaf beinni línu. Mikilvægt er að viðurkenna og læra af mistökum.
✈️ Hafþór Jónsson tók nemendur í gegnum ferlið við að smíða flugvélar og sýndi hversu nákvæmt og fjölbreytt starf það er.
📚 Atla Hrafney, myndasöguhöfundur og meðstofnandi íslenska myndasögusamfélagsins, sagði frá starfi sínu sem höfundur og ritstjóri — og kynnti Kríu‑keppnina fyrir 8–17 ára í sumar: ims.is/kria
🧠 Sigríður Helgadóttir (Sissa) sálfræðingur ræddi námið, störfin og hvert ungmenni geta leitað eftir stuðningi, m.a. um niðurgreiðslur á sálfræðiþjónustu.
Takk fyrir frábæran og fjölbreyttan dag 3! 🌟

🌟 Starfamessa Ásgarðsskóla — Dagur 3 af 4!
Í dag fengu nemendur innsýn í allt frá forritun og flugvélasmíði til myndasagna og sálfræði — ótrúlega skemmtilegur og fræðandi dagur!
💻 Rebekka Garðarsdóttir kynnti störf í forritun og fór yfir hvernig starfsferill fylgir ekki alltaf beinni línu. Mikilvægt er að viðurkenna og læra af mistökum.
✈️ Hafþór Jónsson tók nemendur í gegnum ferlið við að smíða flugvélar og sýndi hversu nákvæmt og fjölbreytt starf það er.
📚 Atla Hrafney, myndasöguhöfundur og meðstofnandi íslenska myndasögusamfélagsins, sagði frá starfi sínu sem höfundur og ritstjóri — og kynnti Kríu‑keppnina fyrir 8–17 ára í sumar: ims.is/kria
🧠 Sigríður Helgadóttir (Sissa) sálfræðingur ræddi námið, störfin og hvert ungmenni geta leitað eftir stuðningi, m.a. um niðurgreiðslur á sálfræðiþjónustu.
Takk fyrir frábæran og fjölbreyttan dag 3! 🌟

🌟 Starfamessa Ásgarðsskóla — Dagur 2 af 4!
Í dag fengum við ótrúlega fjölbreytta innsýn í fjölbreytt störf — allt frá alheiminum til kvikmyndatöku, matargerðar og heilbrigðisþjónustu!
🔭 Sævar Helgi Bragason (Stjörnu‑Sævar) tók okkur með út í geim, ræddi störf sín, leyndardóma alheimsins og komandi sólmyrkva 12. ágúst — allar upplýsingar á solmyrkvi2026.is. Nemendur fengu svör við öllum þeim spurningum sem þau höfðu um alheiminn.
🎬 Kristján Kristjánsson — Kiddi K, kvikmyndagerðarmaður, sýndi okkur hvernig auglýsing verður til: frá hugmynd → handriti → tökum → lokaafurð. Einnig fór hann yfir hversu mörg störf og vinna eru á bak við auglýsingar, þætti og kvikmyndir og hvernig hvert skref er úthugsað.
👨‍🍳 Gabríel Kristinn Bjarnason, landsliðskokkur og kokkur ársins 2025, ræddi um námið, starfið, sína vegferð og hvað þarf til að skapa frábæra upplifun á veitingastað þar sem hvert smáatriði skiptir máli.
🩺 Díana Jónsdóttir hjúkrunarfræðingur kynnti fjölbreytt störf hjúkrunarfræðinga, svo sem fræðslu í skólum, bólusetningar, heimahjúkrun, heilsugæslu og bráðaatvik á sjúkrahúsi.
Takk kærlega fyrir komuna — þið gerðuð Dag 2 áhugaverðan og skemmtilegan! 🌟

🌟 Starfamessa Ásgarðsskóla — Dagur 1 af 4!

Í dag opnuðum við dyrnar að fjórum ólíkum starfsgreinum með hjálp frábærra gesta:

👮‍♀️ Halldór Tumi, lögreglumaður, aðstoðarsaksóknari og samfélagslögga hjá Lögreglunni á Norðurlandi eystra (Akureyri), deildi reynslu sinni og sýndi okkur að lögreglustarfið er miklu fjölbreyttara en við héldum.

💅 Katla Halldórsdóttir — viðskiptafræðingur, naglafræðingur, eigandi og kennari hjá Shimmer-naglaskólanum (bleikasta skóla landsins!) gaf okkur æðislega bleika kynningu á starfinu, náminu og lífinu á bak við fallegar neglur. Skoðaðu ! 🩷

✈️ Sveinn Rúnar Einarsson flugþjónn hjá Icelandair fór yfir hvernig lífið er um borð — vinnudagar, fríðindi og hvernig það er að vinna með nýju fólki í hverju ferðalagi. Fullkomið starf fyrir þá sem elska samskipti!

🩺 Margrét Petrína Hallsdóttir unglæknir sem sérhæfir sig í heimilslækningum og lærði í Debrecen í Ungverjalandi — sagði okkur frá náminu, vinnunni og mismunandi hliðum læknisfræðinnar.

Takk fyrir okkur kæru gestir! 🎉