Vélstjórnardeild VMA

Á mánudaginn síðastliðinn skelltum við á Vélstjórnardeild VMA í svokallaðann ræsingardag. Á dagskrá var ræsing á öllum gangfærum vélum deildarinnar og tókst það bærilega.
vélarnar eru eftirfarandi frá minnstu í stærstu:
Christiania 1 cyl. glóðarhausinn, frá 1906
Victor Coventry 1 cyl diesel handsnúinn ca 1950.
Hatz 1 cyl diesel handsnúin, frá 1955.
Lister 2 cyl loftkældur frá ca 1960.
Deutsche Werke Kiel 2M32 ( oft nefnd litla delta) frá ca 1934.
Perkings 3466 common rail diesel frá 2015
Deutsche Werke Kiel 6M36 ( oft nefnd stóra delta) frá ca 1934.
Volvo Penta THD722GE frá 1999 ( oft nefnd Grímseyjarvélin, enda gömul ljósavél þaðan)
Og svo gamli Wichman 6ACA frá 1962.

Eins og sjá má á listanum eru þessar vélar á ýmsum aldri frá fyrir fyrra stríð og uppí nokkuð nýlegar.

Vel var mætt af ungum sem eldri og nemendafélag vélstjórnardeildar, Smyrillinn stóð sig með prýði og afgreiddi yfir 100 vöfflur ofan í viðstadda. Kunnum við þeim sérstakar þakkir.

Við þökkum annars öllum sem komu að þessum degi með einum eða öðrum hætti. Þetta gekk stórvel og vonandi að þetta verði að föstum lið.

Þessi fíni hópur fór í heimsókn til Útgerðarfélags Akureyrar í síðustu viku að kynnast vinnuumhverfi nútíma vélstjóra og sjá bakvið tjöldin í vinnslunni.
Við þökkum Jakobi Björnssyni sérstaklega fyrir túrinn og ÚA fyrir að taka við okkur.

Það kemur ekki oft fyrir að heilir bátar séu í salnum. En nemendur tóku að sér að þjónusta þennan utanborðsmótor fyrir siglingaklúbbinn Nökkva. Hér er Árni að dæla olíu á gírinn og Caius les fyrir hann úr manjúalnum.

Erfiðasta verkið í Ferguson hingað til, ná stýrinu af.

Eitt af verkefnum annarinnar í Viðhaldi véla er að reyna að lífga við þennan gullbelg. Ferguson FE35, 1957

Það verður mikið um að vera hjá okkur á morgun, föstudaginn 10. Maí! Einn af lokaverkefnisnemunum okkar, hann Arnar Snær Gunnarsson ætlar að vera með lifandi og skemmtilega kynningu í Gryfjunni í VMA!

Hvað haldið þið að Arnar sé að fara að kynna?

Hlökkum til að sjá sem flest ☀️

Útskriftarnemarnir og Colas starfsmennirnir Hilmar Bjarki Gíslason og Steinar Logi Sveinsson ætla að kynna lokaverkefnið sitt á morgun kl 13:45!

Eftir kynninguna verða þeir svo við færibandið sitt og hver veit nema þeir setji það í gang!

Hlökkum til að sjá sem flest 😁

Vaskur hópur útskriftarnema að undirbúa fyrir lokaverkefniskynningu 🤠

Í Marsmánuði fengum við heimboð til RARIK á Akureyri.
Heimsóknin var mjög vel skipulögð af starfsfólki RARIK og fá þeir bestu þakkir fyrir. Í heimsókninni var búið að útbúa 6 mismunandi stöðvar en þær voru: rafstöðin, raforkumælar, bílageymsla, lager, stauraklifur og rafveitukynning.
Nemendur á 4. ári í vélstjórn ásamt útskriftarnemum í rafvirkjun skiptu sér í hópa og fengu að kynnast starfsemi RARIK. Við látum fylgja með nokkrar myndir af vélstjórnarhópnum okkar.
Takk fyrir okkur RARIK!

Þökkum Guðna og Straumrás kærlega fyrir móttökurnar. Ávallt höfðingjar heim að sækja.

Hæ.
Þeir eru býsna margir góðu dagarnir í Straumrás. Hér er mynd frá einum slíkum nýliðnum degi með skýringum. Þannig er að um ca 25 ára skeið höfum við á hverjum vetri í kringum páska tekið á móti nemendum á málmiðnaðardeild í VMA. (Verkmenntaskólinn á Akureyri )í smá heimsókn. Kennarar hafa mætt hér með nemendur sína og við höfum farið yfir nokkur atriði í því sem við erum að gera hér. Aðalfókusinn hefur verið á að kynna fyrir þeim og sýna með dæmum hinar ýmsu gerðir af háþrýstislöngum og viðeigandi tengingar. Einnig höfum við kynnt lauslega fyrir þeim vöruúrval fyrirtækisins og þá þjónustu sem við getum boðið þeim varðandi þann vélbúnaðarheim sem þau eru að sökkva sér inn í til framtíðar.
Þetta hafa alltaf verið frábærar stundir öll þessi ár og virkilega gaman að taka á móti unga fólkinu sem mörg hver eðli málsins samkvæmt eru á leiðinni að bætast í hóp góðra viðskiptavina okkar.
Gleðilega páska VMA krakkar og þið öll hin líka!