30/07/2025
بەناوی خوای گەورە ومیهرەبان
پەیامی دەست خۆشی جەنابی دکتۆر شێخ مادیح نەقشبەندی بۆخانەقاومەدرەسەی بیارەیی شەریفە
پاش سوپاس و ستایش بۆ خوای گەورە ودرود و ڕەحمەتی بەردەوام بۆسەر حەزرەتی محمد ی ڕەسولی میهرەبان و ڕەحمەت.
دوعای خێر و دەست خۆشیم هەیە بۆ تاك بەتاکی ئەوکەسانەی هەستاون بەکۆکردنەوەی هاوکاری و یارەمەتیەکانیان بۆ براوخوشکەکانمان لە غەزەی داگیرکراو و سوتێنراو و برسی کراو چ لەخانەقاو مەدرەسەی بیارەی شەریفە وە چ لە باقی مەدرەسە و مزگەوت وخانەقاکانی سەربە تەریقەتی نەقشبەندی، وەیان هەرکەس و لایەنێك هەڵدەستێت بەهاوکاری وخزمەتی لێقەوماو و هەژاران ، ئەم جۆرە هەوڵ وکۆشش وکەمپینانە کە دەکرێت، کارێکی مرۆڤانەیە وە کارێکی زۆر موبارەک و پیرۆزە لەئاین و عەقیدەی ئێمەی موسڵماندا و هەست کردنە بەئازارو ژانی برایان و خوشکانی موسوڵمانان لەژێر دروشمی فەرموودەی خوای گەورە﴿ إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ﴾[ الحجرات: 10]
وەفەرموودەی حەزرەتی رسولی ئەکرەم (صلى الله عليه وسلم) کەدەکرێت(وکونوا عباد الله اخونا ) یان (( مثلُ المؤمنين في تَوادِّهم ، وتَرَاحُمِهِم ، وتعاطُفِهِمْ . مثلُ الجسَدِ إذا اشتكَى منْهُ عضوٌ تدَاعَى لَهُ سائِرُ الجسَدِ بالسَّهَرِ والْحُمَّى)) أخرجه البخاري (6011)، ومسلم (2586) .
بۆیە من وەکو دکتۆر شێخ مادیح نەقشبەندی سەرپەرشتیاری گشتی مەدرەسە و خانەقاکانی تەریقەتی نەقشبەندی ، هاوسۆزی و هاوخەمی خۆم دەردەبڕم بۆ موسوڵمانانی غەززە وتەواوی موسوڵمانانی جیهانی ئیسلامی هەرگرفت وکێشەیەکیان هەبێت
وەلێرەشەوە ڕای دەگەیەنین هەرکەس و لایەنێك و گروپێك کەلێدوان ئەدا بەدەر لە چوارچێوەی ئەم هەڵوێست و بۆچوونە کە هاوکاریە بۆ موسڵمانانی لێقەوماوی غەززە ئەوا هەڵوێست و بۆچوونی خۆیانە و تەنها گوزارش لە بۆچوونی خۆیانە و خۆیان لێی بەرپرسیارن .
لەکۆتاییدا جارێکی تر سوپاسی هەمووتان دەکەم خوای گەورە لێتان ڕازی بێت وهاوکاری و خێروخێراتان لێ قبول کات .
براتان دکتۆر شێخ مادیح نەقشبەندی
ئەستەنبول ٢٩ / ٧ / ٢٠٢٥
