ئامادەیی ئەزمڕی کوڕان

12/05/2026

(بەناوی خوای گەورە)
پرسەنامە:
مانەوە تەنیا بۆ خودایە، باوکی بەڕێزی خوێندنکار: لەوەند شۆڕش سەلیم، لەپۆلی (١١)ی زانستی، کۆچی دوایی کردوە.
بەناوی دەستەی کارگێڕی و مامۆستایان و فەرمانبەران و خوێندکارانی، خوێندنگەکەمانەوە - ئامادەیی ئەزمڕی کوڕان، پرسە و سەرەخۆشی خۆمان ئاڕاستەی خانەوادەکەیان دەکەین و لە پەروەردگاری مەزن داواکارین لەکۆچکردوو خۆش بێت و بە بەهەشتی شاد بکات.
(ٳنا لله وٳنا ٳلیه راجعون)

12/05/2026

ڕۆژی دووشەمە - بەرواری ٢٠٢٦/٥/١٢
بەڕێزان مامۆستا ڕۆزا شێخ ڕەئووف، بەڕێوبەری پەروەردەی ڕۆژهەڵات و سەرپەرشتیاری یەکەم مامۆستا ئاراز عبدالله و
مامۆستا هاوکار کریم لێپرسراوی هۆبەی تاقیکردنەوەکان سەردانی خوێندنگەکەمانیان - ئامادەیی ئەزمڕی کوڕانی کرد، بە مەبەستی ئاگاداربوون و بەدواداچوونی پڕۆسەی پەروەردە و ڕەووشی تاقیکردنەوەکانی کۆتایی وەرزی دووەم - خوولی یەکەم، بۆ ساڵی خوێندنی ٢٠٢٥ - ٢٠٢٦
بە ئامادەبوونی بەڕێز سەرپەرشتیاری خوێندنگەکەمان مامۆستا دارا

01/05/2026

خشتەی تاقیکردنەوەکانی کۆتایی وەرزی دووەم - خوولی یەکەم - بۆ پۆلەکانی (10 - 11)، زانستی و وێژەیی
ساڵی خوێندنی 2025 - 2026
تێبینی/
١- پۆویستە خوێندکار پابەندی یەکپۆشی جلوبەرگ بێت و پێداویستی تاقیکردنەوەی خۆێ پێبێت.
٢- خوێندکار خۆی بەدووربگرێت لەئەنجامدانی گزی، چونکە دەبێتە هۆی بێبەشبوون لە تاقیکردنەوەکە.
٣- هەر ڕۆژێکی تاقیکردنەوە کرا بە پشووی فەرمی، تاقیکردنەوەکەی دەکەوێتە ڕۆژی داهاتوو.

19/04/2026

خشتەی تاقیکردنەوەکانی وەرزی دووەم، بۆ پۆلی دوازدەیەمی زانستی و وێژەیی - ساڵی خوێندنی 2025 - 2026

06/04/2026

ئاگاداری:
بۆ خوێندکارانی پۆلی 12) ئەوانەی تاقیکردنەوەی (1 و 2) بابەتی دەکەن،
دەست بە مامەڵە بکەن،
چونکە بەمزووانە سیستەم دادەخرێت.

02/04/2026

21/03/2026

پرسە و سەرە خۆشی خۆمان ئاراستە مامۆستا
( عاصی سعید عول )
‌‌ و بنەماڵەی بەڕێزیان
دەکەین بەهۆی کۆچی دوایی باوکی بەڕێزیان
دواکارین لە خوای گەورە لێی خۆش بێت و بە بەهەشتی بەرینی شاد بکات.

ئەمڕۆ پرسەکەی لە مزگەوتی شێخ عبدالقادری چۆیسەیە لە گەڕەکی شێخان

پرسەی ژنان لە گەرەکی مامۆستایان لە ماڵی شێخ یوسف دەبێت.
ڕۆژی شەممە 21ی 3 یەکەم ڕۆژی پرسەکەیەتی

11/03/2026

ژیان دەرفەتە!..
خوێندکارانی پۆلی دوانزە
وەک بیرخستنەوەیەک داواکارم ئاگاداری ئەم چەند خاڵەبن:

①دڵنیابن خوێندکاری زۆر هەیە لەپێناو بەدەستهێنانی نمرەی بەرزوتەواو پێشبڕکێتان لەگەڵ دەکات بۆیە هەوڵی تەواوی خۆتان بدەن ئەم ڕۆژانەی پشوو لەدەستی خۆتان مەدەن...

②دڵنیابن هەرئەبێ تاقیکردنەوەی وەزاری بکەن و بەرهەمی ڕەنج و ماندووبونی خۆتان وەربگرن بۆیە ڕۆژانە(کۆشش)سەعی بکەن و ساردمەبنەوە...

③ئەم ڕۆژانەی کەکراوە بەپشوو وەک دەرفەتێک لێیبڕوانن بۆ پێداچونەوەی سەرجەم وانەکان ولە خوێندن دانەبڕێن...

④

کێ شەڕ دەباتەوەو کێ دەدۆڕێت کاری تۆنیە خۆتیانی پێوە مەشغوڵ مەکەن ئەوەی کاری تۆیە خۆئامادەکردنەوکۆششکردنە لەخوێندنەکەت...

مامۆستا سەربەست عزیز

06/03/2026

پرسە نامە:
دڵگرانین بە کۆچی دوایی، کەسایەتی و پەروەردەکاری کوردستان و شاری سلێمانی، مامۆستا شێخ حسێن شێخ مستەفا قەرەداغی.
خوا لێخۆشبوو ساڵانێکی زۆری تەمەنی بۆ خزمەتی پەروەردە و زانست تەرخانکرد و جێدەستی ماندووبونی لەم بوارەدا دیارە، ئەمە لەکاتێکدا مامۆستای کۆچکردوو، ئەرکی بەڕێوەبەری پەروەردەی پارێزگای سلێمانی-یشی لەئەستۆدا بوو.
بەم هۆیەوە پرسە و سەرەخۆشی خۆمان ئاڕاستەی خانەوادە بەڕێزەکەیان و پەروەردەکاران دەکەین،
لە خوای گەورە داواکارین، ئارامیان پێ ببەخشێت و گیانی خوالێخۆشبوو بە بەهەشتی بەرین شادبکات.
( إنا لله وإنا إلیه راجعون )
ئامادەیی ئەزمڕی کوڕان
رۆژی شەممە، بەرواری- 2026/3/7 یەکەم ڕۆژی پرسەکەیەتی لە مزگەوتی (حاجی محمدی چەمی سمۆر)، بەرامبەر شاری سپی، خوار نەخۆشخانەی ئاسیا.

28/02/2026

ڕاگەیەندراوی هاوبەش:

لەپێناو بەرژەوەندی گشتیی و پاراستنی سەلامەتی مامۆستایان و قوتابیان و خوێندکاران ، لە یەکشەممە ١ ی ٣ ی ٢٠٢٦ تا چوارشەممە ٤ ی ٣ ی ٢٠٢٦ ، لە گشت ناوەندەکانی خوێندنی وەزارەتی پەروەردە و وەزارەتی خوێندنی باڵاو توێژینەوەی زانستی حکومەتی هەرێمی کوردستان ، حکومی و ناحکومی و تایبەت و نێودەوڵەتیەکانیش ) پشوو دەبێت.

وەزارەتی خوێندنی باڵا و توێژینەوەی زانستی

وەزارەتی پەروەردە

٢٨ ی ٢ ی ٢٠٢٦

10/02/2026