21/11/2023
ئەمڕۆ سێشەممە 21ی تشرینی دووەمی 2023، لە دووەمین ڕۆژی چوارەمین کۆڕبەندی ئاشتی و ئاسایشی ڕۆژهەڵاتی ناوەڕاست لە زانکۆی ئەمریکیی کوردستان لە دهۆک، دیداری مەسرور بارزانی، سەرۆکی حکومەتی هەرێمی کوردستان لە پانێڵی سێیەمی کۆڕبەندەکەدا بەڕێوە چوو.
پوختەیەک لە گوتە و وەڵامەکانی سەرۆکی حکومەتی هەرێمی کوردستان:
• ئێمە لە حكومەتی هەرێمی كوردستان لە ڕێگەی دەزگای خێرخوازییەوە هەوڵمان داوە هاوكاریی مرۆیی بگەیەنینە ئەو كەسانەی كە پێویستیان پێیە. بەداخەوە تا ئێستا ئەو دەرفەتە نەبووە و دەسەڵاتدارانی ئەوێ دەروازەكەیان نەكردووەتەوە تا هاوكارییەكە بگەیەنین.
• پێویستە لە وڵاتی فیدراڵیدا دەسەڵاتەكان دابەش بكرێن و دەسەڵات بدرێتە ناوچەكان وەك ئەوەی لە دەستووردا باس كراوە. بەداخەوە عەقڵیەتێك هەیە لە بەغدا كە قۆرغكارە و دەیەوێ هەموو شتێك لە سەنتەرەوە كۆنترۆڵ بكرێت.
• كوردستان پابەندە بە دەستوور ئێمە كارمان كردووە لەگەڵ حكومەتی فیدراڵی لەسەر نەوت و پرەنسیپەكانی بەرهەمهێنان و فرۆشتنی نەوت، بەڵام بەداخەوە ئێمە ئەو پشتیوانییەی كە پێویستمانە لە دامەزراوە فیدراڵییەكانەوە پێمان نەگەیشتووە.
• ئێمە ڕێککەوتنێکمان واژوو کردووە لەگەڵ حکومەتی فیدڕاڵ، بەداخەوە تا ئێستا جێبەجێ نەکراوە، چونکە چەند هێزێک لە شنگال هەن بەهێزترن لە دامەزراوەکانی حکومەتی فیدڕاڵی.
• ئێمە باوەڕی تەواومان بە دیموکراسی هەیە لە هەرێمی کوردستان، هیچ مانای نییە هەڵبژاردن نەکرێت ئەگەر لایەنێک یان حزبێک نەیەوێت هەڵبژاردن بکرێت.
• كە سەردانی شار و شوێنەكان دەكەم، بەڵێنیان پێ نادەم بڵێم ئەمە دەكەم، بە كردار پێیان دەڵێم چیم كردووە. ئەمە باشترین ڕێگەیە بۆ ئەوەی باوەڕ بە خەڵكی بهێنیت، دەبێ سەركەوتنەكانیان نیشان بدەیت.
• خەڵکی کوردستان باجی باشی خۆی دەدات، چونکە ئێمە نە هێرشمان کردووەتە سەر کەس نە خەڵکی بێگوناحمان کوشتووە، لەباتی ئەوەی قەدری ئێمە بگرن کەچی سزامان دەدەن. ئایا ئەم عەقڵیەتە سەرکەوتوو دەبێت، باوەڕی من وایە، ئەوەی سەردەکەوێت میللەتی ئێمەیە.
