ئامادەیی 5ى ئازارى کوڕان

ئامادەیی 5ى ئازارى کوڕان ئەم پەیجە فەرمیەو تـایبەتە بە خوێندنگەى ئــامادەیی (5)ى ئــازارى کوران | ڕانیە .

15/08/2026

ئامادەیی ٥ی ئازار شکۆمەندی و شانازی

جوانترین یادەوەریت چی بووە؟

10/08/2026

✨ لەتاریکی شەوە زەنگەوە بۆ درەوشانەوەی زیاتری خوێندنگاکەمان ✨
بە هیمەت و خەمخۆری بەڕێز م. سەرکەوت (بەڕێوەبەری خوێندنگا) و بە هەماهەنگی بەڕێوەبەرایەتی کارەبا، توانرا پڕۆژەی بەستن و هەڵواسینی ٥ گڵۆپی ئینارەی نوێ بۆ بەردەم شەقامی خوێندنگای ٥ی ئازار بە سەرکەوتوویی جێبەجێ بکرێت.
جێی خۆیەتی زۆرترین سوپاس و پێزانینی ئیدارەی خوێندنگاکەمان ئاڕاستەی ئەم بەڕێزانە بکەین:
🔹 بەڕێز کاک عەلی بەڕێوەبەری گشتی کارەبای ڕاپەڕین بۆ هاوکاری و ئاسانکارییە بەردەوامەکانیان.
🔹 بەڕێز کاک ئازاد (بەڕێوەبەری گەنجینەی کارەبا) کە ماندوومان کرد لە هەڵبژاردن و تاقیکردنەوەی گڵۆپەکان.
🔹 بەڕێزان کاک عوسمان و کاک حاجی جەمال بۆ هاوکاری و پشتیوانییە بەردەوامەکانیان.
🔹 مامۆستای خوێندنگاکەمان
بەڕێز م. محمد مستەفا بۆ کڕینی پێداویستییەکان.مامۆستا شێرزاد بۆ پێشنیارەکەی 💡
📌 ڕوونکردنەوەی دارایی و شەفافییەتی خەرجییەکان:
* کەرەستەی وەرگیراو: تەنها ٥ گڵۆپە نوێیەکە (ئینارەکان) بە شێوەی دیاری/لەلایەن و بەڕێوەبەرایەتی گشتی کارەبای ڕاپەڕین.
* سەرجەم خەرجییەکانی تر: (کرێی شۆفڵ و ڕافیعە، کرێی وەستا، قۆڵ، فۆتۆسێڵ و وایەر) بە تەواوی لەسەر ئەرک و بودجەی ئیدارەی خوێندنگای ٥ی ئازار دابینکراون.
کۆی گشتی خەرجییە داراییەکانی ئیدارەی خوێندنگا: ٣٨٩,٠٠٠ دینار
(خەرجییەکان بریتی بوون لە: کرێی شۆفڵ ١٧٥,٠٠٠ + کرێی وەستا ١١٠,٠٠٠ + قۆڵ و فۆتۆسێڵ ٨٠,٠٠٠ + وایەر ٢٤,٠٠٠ دینار).
دووبارە سوپاس بۆ تێکۆشان و بەخشندەیی سەرجەم ئەو بەڕێزانەی دەستی هاوکارییان درێژ کرد بۆ ڕووناککردنەوەی ژینگەی خوێندنگاکەمان.
ئیدارەی خوێندنگای ٥ی ئازاری کوڕان
✨ خزمەتکردن لە پێناو پەروەردە و ڕووناکیدا بەردەوامە

📌 پڕۆسەی وردبینی نمرەکانئەمڕۆ، بە سەرپەرشتی سەرپەرشتیاری پەروەردەیی بەڕێز (م. عزیز تەها) و بە ئامادەبوونی لێژنەی سەرپەر...
19/07/2026

📌 پڕۆسەی وردبینی نمرەکان
ئەمڕۆ، بە سەرپەرشتی سەرپەرشتیاری پەروەردەیی بەڕێز (م. عزیز تەها) و بە ئامادەبوونی لێژنەی سەرپەرشتیار کە پێکهاتبوون لە بەڕێزان:
م. سەرکەوت عبدولکەریم — بەڕێوەبەری ئامادەیی ٥ی ئازاری کوڕان
م. هێمن — بەڕێوەبەری قوتابخانەی ڕەنجدەران
م. هەدیە — بەڕێوەبەری ئامادەیی کچان
م. محسین — یاریدەدەری ئامادەیی ٥ی ئازار
م.ئاشنا مامۆستا لە ئا.ڕانیەی کچان
لە کاتژمێر ٨:٣٠ی بەیانی لە بینای ئامادەیی ٥ی ئازار، پرۆسەی وردبینیکردنی تۆماری نمرەکانی ئامادەیی ٥ی ئازار بە سەرکەوتوویی ئەنجامدرا.

📢 ئاگاداری گرنگلە خوێندنگای ئامادەیی (٥ی ئازاری کوڕان)بۆ ناونووسینی خوێندکارانی پۆلی (١٠ی زانستی)بە ڕێزەوە ئاگاداری سەرج...
19/07/2026

📢 ئاگاداری گرنگ

لە خوێندنگای ئامادەیی (٥ی ئازاری کوڕان)

بۆ ناونووسینی خوێندکارانی پۆلی (١٠ی زانستی)

بە ڕێزەوە ئاگاداری سەرجەم ئەو خوێندکارە ئازیزانە دەکەینەوە کە دەرچووی پۆلی (٩)ی بنەڕەتین و ناویان هاتووەتەوە، یان ئارەزووی ناونووسینیان هەیە لە خوێندنگای ئامادەیی ٥ی ئازاری کوڕان بۆ پۆلی (١٠)ی زانستی، تکایە لە کات و شوێنی خوارەوە سەردانمان بکەن.

📅 ڕۆژانی وەرگرتنی داواکاری

تەنها ڕۆژانی یەکشەممە و چوارشەممە

⏰ کاتی پێشوازی

لە ٨:٣٠ی بەیانی تا ١١:٣٠ی پێشنیوەڕۆ

📍 شوێنی ناونووسین

کارگێڕی خوێندنگای ئامادەیی ٥ی ئازاری کوڕان

⸻

📂 بەڵگەنامە و پێداویستییەکان

✅ دوو (٢) وێنەی نوێ.

✅ کۆپی ملوەن لە:
* کارتی نیشتمانی خوێندکار.
* کارتی نیشتمانی دایک.
* کارتی نیشتمانی باوک.
* کارتی زانیاری.

تێبینی: هەموو کۆپییەکان لە یەک لاپەڕەی A4 چاپ کرابن.

✅ ژمارەی تەلەفۆنی باوک و ژمارەی خوێندکار (ئەگەر هەبێت).

✅ هەموو بەڵگەنامەکان لە زەرفێکی A4 قۆپچەدار دابنرێن بۆ دۆسیەکردن.

⸻

⚠️ تێبینی

تکایە لە ڕۆژ و کاتی دیاریکراو سەردانمان بکەن و هەموو بەڵگەنامە پێویستەکان لەگەڵ خۆتان بهێنن، بۆ ئەوەی پرۆسەی ناونووسینتان بە خێرایی و بە ڕێکخراوی ئەنجام بدرێت.

🌹 بەهیوای ساڵێکی خوێندنی پڕ لە سەرکەوتن بۆ هەموو خوێندکاران.

10 بنەمای زانستی ستراتیژییەکانی باڵایی ئەکادیمی: ڕێبەری خوێندکاری سەرکەوتوو بۆ داهاتووسەرکەوت عەبدولکەریم / بەڕێوەبەری ئ...
12/07/2026

10 بنەمای زانستی ستراتیژییەکانی باڵایی ئەکادیمی: ڕێبەری خوێندکاری سەرکەوتوو بۆ داهاتوو

سەرکەوت عەبدولکەریم / بەڕێوەبەری ئامادەیی 5ی ئازاری کوڕان

پڕۆسەی خوێندن و بەدەستهێنانی باڵایی ئەکادیمی، پێویستی بە پەیڕەکردنی کۆمەڵێک ڕێکاری ڕێکخراو و زانستی هەیە. لێرەدا دە کلیل و ستراتیژی سەرەکی دەستنیشان دەکەین کە هاوکارن بۆ بنیادنانی کەسایەتیی خوێندکارێکی سەرکەوتوو:

۱. پلاندانان و بەڕێوەبردنی کات
کارامەیی ڕێکخستن بنەمای سەرەکی سەرکەوتنە. بەکارهێنانی ڕۆژژمێر یان نامیلکەی پلاندانانی ئەکادیمی، یارمەتیدەرە لە دیاریکردنی وادەی ڕاپۆرت، توێژینەوە و تاقیکردنەوەکان. ڕاوێژکردن لەگەڵ پسپۆڕان و هاوڕێیان هاوکار دەبێت لە داڕشتنی پلانێکی گشتگیر و جێبەجێکراو.

۲. بەشداریکردنی کارا لە هۆڵی خوێندن
ئامادەبوون لە پۆلدا تەنها ئامادەییەکی جەستەیی نییە، بەڵکو پێویستی بە گوێگرتنی ڕەخنەیی و سەرنجدانی ورد هەیە. لە هەمان کاتدا، وەرگرتنی پشوویەکی کورت لە کاتی پێویستدا یارمەتیدەرە بۆ نوێکردنەوەی وزە و هێشتنەوەی جەستە و مێشک لە دۆخی هاوسەنگیدا.

۳. داڕشتنی خشتەیەک بۆ پەرەپێدانی زانیاری
دیاریکردنی کاتی تایبەت و گونجاو بۆ پێداچوونەوە، تەرکیز بەهێز دەکات. گرنگە ئەم خشتەیە بە شێوازێکی واقیعی دابڕێژرێت کە هاوسەنگی لە نێوان کاتەکانی خوێندن، حەوانەوە و خەوی پێویستدا بپارێزێت بۆ ڕێگریکردن لە شەکەتبوونی مێشک.

٤. ئامانجدارکردنی پرۆسەی فێربوون
پێویستە خوێندکار ئامانجی ڕۆژانەی ڕوون و دیاریکراوی هەبێت (بۆ نموونە: تەرخانکردنی ۹۰ خولەک بۆ قوڵبوونەوە لە بابەتێکی زانستی). تۆمارکردنی دەنگی یان نووسینەوەی تێبینییەکان ڕێگای گەیشتن بە ئامانجەکان ئاسانتر دەکات. بەردەوامی و خۆڕاگری، کلیلی سەرەکی تێپەڕاندنی ئاستەنگە مێشکییەکانن.

٥. پاراستنی تەندروستیی جەستەیی و دەروونی
سیستمی خۆراکی هاوسەنگ، خواردنەوەی ئاوی پێویست و خەوی ڕێک، فاکتەری بنەڕەتین بۆ بەرزکردنەوەی توانای کۆنتڕۆڵکردن و تێگەیشتن. لەپاڵ ئەمەشدا، ئەنجامدانی چالاکی وەرزشی، گوێگرتن لە مۆسیقای هێمنکەرەوە و وەرزشی مێشکی، ئارامی بە دۆخی دەروونی دەبەخشن.

٦. فەراهەمکردنی ژینگەی گونجاو بۆ خوێندن
ناسینەوەی پێویستییەکانی خود لە دیاریکردنی ژینگەی خوێندندا گرنگە؛ جا ئەو ژینگەیە شوێنێکی تەواو بێدەنگ بێت، یان ژوورێکی تایبەت بێت کە بە تابلۆ و وتەی هاندەری کەسایەتییە زانستییەکان ڕازاوەتەوە. دۆزینەوەی ئەم فەزایە ئاستی تەرکیز بەرز دەکاتەوە و سترێس کەم دەکاتەوە.

٧. پێداچوونەوەی خولیی و ستراتیژی
سەیرکردنەوەی کۆتایی و پێداچوونەوەی بەردەوام بەسەر خاڵە سەرەکی و تێبینییە دیاریکراوەکاندا، دەبێتە هۆی جێگیرکردنی زانیارییەکان لە یادگەی درێژخایەندا و ڕێگری دەکات لە لەبیرچوونەوەی بابەتەکان.

٨. هەمەجۆری لە سەرچاوە زانستییەکاندا
خوێندکاری سەرکەوتوو تەنها بە سەرچاوەیەکی دیاریکراو سنووردار نابێت، بەڵکو سوود لە پەرتووک، توێژینەوە و ئامرازە جیاوازەکان وەردەگرێت. تێکەڵکردنی لایەنی تیۆری لەگەڵ بەدواداچوونی پراکتیکی، ئاستی تێگەیشتنی زانستی قووڵتر دەکات.

٩. گەڕان بەدوای پشتگیریی ئەکادیمیدا
درککردن بە خاڵە لاوازەکان و داواکردنی ڕێنمایی لە مامۆستایان، پسپۆڕان و هاوڕێیان لە کاتی پێویستدا، نیشانەی هۆشیاریی ئەکادیمییە و ڕێڕەوی گەیشتن بە ئامانجەکان کورتتر و ڕوونتر دەکاتەوە.

١٠. پەرەپێدانی بەردەوامی لێهاتووییەکان
پرۆسەی فێربوون بێ کۆتاییە. تاقیکردنەوەی زانیارییە کۆنەکان و گەڕان بەدوای چەمک و دۆزینەوە نوێیەکاندا، خوێندکار لە ئاستێکی باڵای ڕۆشنبیری و زانستیدا دەهێڵێتەوە و ئامادەی دەکات بۆ داهاتوویەکی گەش.

بەناوی خوای گەورە و میهرەبانپیرۆزبایی و دەستخۆشی لە پێشەنگەکان دەکەین 🎨✨لە لایەن دەستەی کارگێڕی و سەرجەم مامۆستایانی ئام...
09/07/2026

بەناوی خوای گەورە و میهرەبان
پیرۆزبایی و دەستخۆشی لە پێشەنگەکان دەکەین 🎨✨
لە لایەن دەستەی کارگێڕی و سەرجەم مامۆستایانی ئامادەیی ٥ی ئازاری کوڕانەوە، گەرمترین و جوانترین پیرۆزبایی و دەستخۆشی ئاراستەی سەرجەم خوێندکارە ئازیزەکانمان و خانەوادە بەڕێزەکانیان دەکەین.
شانازییەکی گەورەیە کە خوێندنگاکەمان وەک هەمیشە لە پێشەنگیدا مایەوە و لە خولی یەکەمدا بەشێکی زۆر لە خوێندکارەکانمان توانیویانە نمرەی بەرز لە نێوان (٩٠ بۆ ٩٨) بەدەست بهێنن.
لە هەمان کاتدا، دەستخۆشی و پیرۆزبایی لەو خوێندکارە ئازیزانەشمان دەکەین کە نمرەی خوارتریشیان بەدەست هێناوە. لای ئێمە لە ئامادەیی ٥ی ئازار، سەرجەم خوێندکاران بەبێ جیاوازی جێگەی شانازی و ڕێزن، چونکە هەموان بەیەکەوە ماندوو بوون و هەوڵیان داوە. هیوای سەرکەوتن، درەوشانەوە و پێشەنگی بۆ سەرجەم خوێندکارانمان دەخوازین لە تەواوی قۆناغەکانی داهاتووی ژیانیاندا.
⚠️ تێبینی گرنگ:
وەک پابەندبوونێکی تەواو بە ڕێنمایی و بڕیارەکانی وەزارەتی پەروەردە، کە تێیدا بڵاوکردنەوەی ناوی خوێندکاران و نمرەکانیان بە تاک یان بە شێوازی لیست قەدەغە کراوە، ئێمە وەک خوێندنگا ناوی هیچ خوێندکارێک بڵاو ناکەینەوە. مێژوو و ئاستی زانستی خوێندنگاکەمان پێویستی بە شکاندنی یاسا نییە، و سەرکەوتنی خوێندکارەکانمان هەمیشە گەورەترین شانازیمانە.
ڕێز و پێزانینمان بۆ هەموان...
دەستەی کارگێڕی ئامادەیی ٥ی ئازاری کوڕان

مرەکبێک بۆ خوێندنگای حکومی حەرام و بۆ ئەهلی حەڵاڵ!«یاساکان لەبەردەم دەرگای خوێندنگا ئەهلییەکاندا کۆتاییان دێت؟📄 نووسراوێ...
09/07/2026

مرەکبێک بۆ خوێندنگای حکومی حەرام و بۆ ئەهلی حەڵاڵ!
«یاساکان لەبەردەم دەرگای خوێندنگا ئەهلییەکاندا کۆتاییان دێت؟

📄 نووسراوێکی فەرمی وەزارەتی پەروەردە (بەڕێوەبەرایەتی گشتی ئەزموونەکان و ساڵنامەی خوێندن).
بە ژمارە (٣٦٧٦) لە ڕێکەوتی ٢ - ٦ - ٢٠٢٦ دەرچووە.
قەدەغەکردنی بڵاوکردنەوەی نمرە: بە هیچ شێوەیەک ڕێگە پێدراو نییە نمرەی قوتابیان و خوێندکاران " لە پەیج، ماڵپەڕ، یان تۆڕە کۆمەڵایەتییەکاندا دابنرێت یان بڵاو بکرێتەوە، چونکە پاراستنی بارودۆخی دەروونی و نهێنیی خوێندکاران لە سەرووی هەموو شتێکەوەیە.

بەڵام ئەوەی جێگەی پرسیار و تێڕامانە ئەوەیە کە وەک هەمیشە، وا دیارە هەندێک یاسا تەنها لەسەر خوێندنگا حکومییەکان بە جدی جێبەجێ دەکرێن. لە کاتێکدا ئێمە بە تەواوی پابەندی بڕیارەکە دەبین، هێشتا هەندێک خوێندنگای ئەهلی بەردەوامن لە بڵاوکردنەوەی نمرەی خوێندکاران و بەکارهێنانیان بۆ مەبەستی ڕیکلام و پێشاندان.

پرسیارەکە ڕوونە: ئایا پاراستنی دەروونی خوێندکاران تەنها بۆ خوێندنگا حکومییەکان گرنگە؟ یان یاسا دەبێت بە یەک شێوە بۆ هەمووان جێبەجێ بکرێت؟

ئەگەر مەبەست لە قەدەغەکردنی بڵاوکردنەوەی نمرەکان پاراستنی خوێندکارە، ئەوا ئەم پاراستنە دەبێت بۆ هەموو خوێندکارێک بێت، نەک بە پێی جۆری خوێندنگا.

لە هەمان کاتدا، ئەگەر مەبەست دەرخستنی ئاستی زانستی و سەرکەوتن بێت، ئێمە پێویستمان بەو جۆرە ڕیکلامانە نییە. ئامادەیی ٥ی ئازاری کوڕان لە ساڵی ١٩٨١ەوە مێژوویەکی پڕ لە دەستکەوتی زانستی هەیە و بەردەوام پێشەنگ بووە لە تۆمارکردنی نمرە بەرز و ئامادەکردنی نەوەیەک لە پزیشک، ئەندازیار، مامۆستا و فەرمانبەران کە ئێستا لە خزمەتکردنی کۆمەڵگەدان. ئەمانە باشترین بەڵگەن بۆ ئاست و متمانەی خوێندنگاکەمان.
سوپاس بۆ خودا ئەمساڵیش چەندین خوێندکارمان بەرزترین نمرەیان هێناوە.
ئێمە مێژوو، زانست و متمانەمان هەیە و پێویستمان بە شکاندنی یاساکانی پەروەردە نییە بۆ خۆسەلماندن.

هیوادارین وەزارەتی پەروەردە لە جێبەجێکردنی بڕیارەکاندا یەکسانی، دادپەروەری و چاودێریی گشتگیر بنەمای کار بێت، چونکە یاسا کاتێک متمانە دروست دەکات کە بۆ هەمووان یەکسان بێت.

سەرکەوت عەبدولکەریم
بەڕێوەبەری ئامادەیی ٥ی ئازاری کوڕان

ئاگاداری خوێندکارانی بەشداربووی تاقیکردنەوە گشتییەکانی پۆلی ۱۲ی ئامادەیی بەهەموو بەشەکانیەوە بۆ ساڵى خوێندنى (٢٠٢٥-٢٠٢٦)...
09/07/2026

ئاگاداری خوێندکارانی بەشداربووی تاقیکردنەوە گشتییەکانی پۆلی ۱۲ی ئامادەیی بەهەموو بەشەکانیەوە بۆ ساڵى خوێندنى (٢٠٢٥-٢٠٢٦) دەکەینەوە ، لە رێگەى ئەم لینکەى خوارەوە دەتوانن ئەنجامى تاقیکردنەوەکانتان وەربگرنەوە.
https://www.azmwnakancom

🔴 وە ئاگادارتان دەکەین، کە دوای یەک کاتژمێر لە ڕاگەیاندنی ئەنجامەکان دەتوانن پەڕەی وەڵام ( سۆما )کانتان ببینن لە ڕێگەی ئەم لینکەی خوارەوە.
https://soma.azmwnakan.com
بە هیواى سەرکەوتن .

وەزارەتی پەروەردە/لیژنەی باڵای تاقیکردنەوەکان
٩ی ٧ی ٢٠٢٦

ڕێکارەکانی تۆمارکردن و وەرگرتنی خوێندکاران لە دامەزراوە پەروەردەییە حکومیەکان.
05/07/2026

ڕێکارەکانی تۆمارکردن و وەرگرتنی خوێندکاران لە دامەزراوە پەروەردەییە حکومیەکان.

Address

Rania

Website

Alerts

Be the first to know and let us send you an email when ئامادەیی 5ى ئازارى کوڕان posts news and promotions. Your email address will not be used for any other purpose, and you can unsubscribe at any time.

Shortcuts

Share

Category