طلاب النظم المعلومات الادارية

(رسالة من بوكا)
على جمر المواجع بيدي أگليك
يگلبي وبيش لوتنصاب أشلك
أريد بكل قواي الآه انسيك
تذكر ليش ماتنسى اليملك
يلو مي برمل بوكا لبديك
ولاخلي العدو مرة يذلك
تهت وتريد تسأل عاليدليك
تعال بنار بوكا هناي ادلك
يگلبي حيل مستاهل بلاويك
وبعد مستاهل الحسرات خلك
أعوفك راح اعوفك دون تشكيك
دموت بحسرتك يگليبي اگلك
محمد ليش بطل مايمر بيك
دشوف شرايح بطيفك يگلك
يگلك بابا وينك وين نلگيك
عجيبة شلون بابا تعوف خلك
أعوفك لا ولا فد يوم ناسيك
الگلب منك طفل أصبح وطن لك
بعد مو آه وحدةاليوم أوديك
ودموع من اذكرك فورا تهلك
إذا أنسى البشر منسى خطاويك
أحبك وأعشگك واهواك كلك
وسلامي لبيت اهلنا وضحكتك ذيك
ومحلتنا وشوارعها الخطن لك
وسلامي لفاتنة تحبك وتغليك
بكثر ماني أحبك هي تجلك
سلامي لأمي أمي اللي تهم بيك
عشگ موبس عشگ طيبة تكن لك
(صدام السحل/بوكا)