خوێندنگای هەیبەت سولتانی کچان xwendngay haibat soltany kchan

13/05/2026

:
📢 #ئاگادارییەکی #گرنگ #بۆ #خۆێندکارانی #ئازیزی #پۆلی (٩) ی #بنەرەت
وەک بیرخستنەوەیەک، سبەی پێنجشەممە (١٤-٥-٢٠٢٦) تاقیکردنەوەکان بەپێی خشتەی دیاریکراو دەست پێ دەکەن.
تکایە پابەندبن بەم ڕێنماییانەی خوارەوە:

* کاتی ئامادەبوون: پێش کاتژمێر (٨:٠٠) ی بەیانی لە خوێندنگا بن.
* شوێنی تاقیکردنەوە: ڕاستەوخۆ بچنە ئەو هۆڵەی کە پێشتر بۆتان دیاری کراوە.

هیوای سەرکەوتن و نمرەی بەرز بۆ هەموو لایەک دەخوازین! 🌟

وەزارەتی_پەروەردە

13/05/2026

سەرکەوتن بۆ ئەو کەسانەیە کە خەونی گەورەیان هەیە.
چاومان لە ڕێی سەرکەوتنتانە و دڵمان بە داهاتووتان خۆشە. 🎓
​. هەمیشە پێشەنگ بن و ناوتان لە لوتکەدا بێت خوێندکاڕانی پۆلی نۆیەمی هەیبەت سوڵتان ا

06/05/2026

چوارشەممە رێکەوتی 6/5/2026
ووردبینی کردنی نمرەکانی پۆلی نۆ و دوازدەیەمی زانستی خوێندنگاکانی ئامادەیی هیوا و هەیبەسوڵتان و باوە قوب بەسەرپەرشتی مامۆستا فەتاح سەرپەرشتیار و سەرۆکی لیژنەو ئەندامیەتی بەرێوەبەری هەرسێ خوێندنگا .

06/05/2026

06/05/2026

🔹خشتەی تاقیڪردنەوەڪانی ڪۆتایی وەرزی دووەم ➖ خولی یەڪەم
سالی خوێندن ٢٠٢٥ ➖٢٠٢٦م

تاقیڪردنەوەڪان ڕۆژی یەڪ شەممە لە
١٠ / ٥ / ٢٠٢٦
ڪاتژمێر ❪ ٨ ❫ دەست پێدەڪات .

✧ پێویستە خوێندکاران ڕۆژانە پەرتووڪ(ڪتاب) لەگەڵ خۆی بینێتەوە ، چونڪە ڕۆژانە لێی وەردەگیرێتەوە ی

29/04/2026

((( خشتەی تاقیکردنەوەی نیشتیمانی )))

پۆلی نۆیەمی بنەڕەتی - خوولی یەکەم

بۆ ساڵی خوێندنی ( ٢٠٢٥ - ٢٠٢٦ )

بەهیوای سەرکەوتن بۆ خوێندکارانی ئازیز .

25/04/2026

چەند ڕێنماییەکی سادە و سوودبەخش بۆ قوتابیان دەربارەی پاک ڕاگرتنی ژینگە:
1_فڕێدانی زبڵ لە شوێنی دروستدا.
هەمیشە زبڵەکانت لە سەبەتەی تایبەتی زبڵ فڕێدە . فڕێدانی لە سەر زەوی ژینگە پیس دەکات و مێروولە و نەخۆشی دروست دەکات.
2. کەمکردنەوەی بەکارهێنانی پلاستیک:
هەوڵ بدە قاپی دووبارە بەکارهاتوو یان بوتڵی ئاوی دوبارە پڕکراو بەکارنەهێنیت.
3. پاراستنی دار وگژو گیا:
دار و گژو گیا هەوای پاک دروست دەکەن، بۆیە نەیانبڕیت و زیانیان پێمەگەێنە .
4. خاوێنکردنەوەی قوتابخانە:
پێویستە قوتابیان بەشداربن لە پاککردنەوەی پۆل و یاریگاو باخچەی قوتابخانە.
5. بەکارهێنانی ئاو بە شێوەی باش:
ئاو بەفیڕۆ مەدە، چونکە سەرچاوەی ژیانە.
6. جیاکردنەوەی زبڵ:
ئەگەر دەتوانیت، زبڵی کاغەز، پلاستیک و خواردن جیا بکەوە.
7. نمونەی باش بوون:
قوتابیان دەبێ ببنە نمونە بۆ یەکتری لە پاراستنی ژینگە.

ح

14/04/2026

خشتەی تاقیکردنەوەکانی کۆتایی وەرزی دووەم بۆ پۆلی نۆیەمی بنەڕەتی 📋✍️
بەهیوای سەرکەوتن و بەدەست هێنانی نمرەی دڵخوازی خۆتان 🎓✨ هیوای دواڕۆژێکی گەش بۆ هەمووان 🌟🤲
​سەرکەوتووبن!

10/04/2026

ئاگاداری سەرجەم خوێندکارانی خوێندنگاکەمان دەکەین ڕۆژی یەکشەممە، ڕێککەوتی ١٢ ی ٤ ی ٢٠٢٦. دەوامی ئاسایی لە خوێندنگا دەست پێدەکاتەوە.
تێبینی:
1ـ ڕۆژی یەکشەممە بەیانیانین کاتژمێر 8:00ی بەیانی
2ـ بە هەمان خشتەی وانەکانی پێشوو
3ـ دەبێت خوێندکار پابەندی یەکپۆشی بێت

29/03/2026

ڕاگەیەندراوێک لە وەزارەتی پەروەردەوە:

🔴 پاش ئەنجامدانی کۆبوونەوەیەکی تایبەت بە پرۆسەی خوێندن ، بڕیاردرا بە ڕاگرتنی دەوام لە دووشەممە ٣٠ ی ٣ ی ٢٠٢٦ وە ، بە شێوەی ئامادەبوون، لە ناو هەموو ناوەندەکانی خوێندنی حکومی و ناحکومی ونێودەوڵەتی لە هەرێمی کوردستان ، تا ئەوکاتەی بەفەرمی ئاگادار دەکرێنەوە پرۆسەی دەوامکردنی ناو پۆل لە هەموو ناوەندەکانی خوێندن ئەنجامنادرێت.

🔵قوتابخانە حکومییەکان بەشێوەی خوێندنی ئەلیکترۆنی و دیجیتاڵی دەتوانن سوود لە خزمەتگوزارییەکانی پلاتفۆرمی ( ئی-وانە) و پلاتفۆرمی ( قوتابخانەکەم ) وەربگرن ، یان سوود لە گروپە ئەلیکترۆنییەکانی قوتابخانەکان وەردەگرن بۆ پێدانی ئەرکی ماڵەوە لەلایەن مامۆستایان بەشێوەی ڕۆژانە وێڕای پەخشکردنی وانەکانی هەموو قۆناغەکانی خوێندن لە هەرسێ (تەلەفزیۆنی پەروەردەیی ) هەولێر و سلێمانی و دهۆک کە لەهەموو شارو شارۆچکەکانی کوردستان پەخشیان هەیە

🔴قوتابخانە ناحکومیەکانی
سیستمی وەزارەتی پەروەردە و قوتابخانە ناحکومییە نێودەوڵەتیەکان و بیانییەکان خوێندنی ئۆنلاین بەگوێرەی سیستمی خۆیان بەرکار دەکەن .

🔵دڵنیایش دەدەینە ناوەندەکانی خوێندن و قوتابیان، لەکاتی گونجاو هەموارکردنەوە و گۆڕانکاریی لە ساڵنامەی خوێندن دەکرێت وکاتی تاقیکردنەوەکان دیاری دەکرێت و مافی قوتابیان پارێزراو دەبێت .

وەزارەتی پەروەردە
٢٩ ی ٣ ی ٢٠٢٦

27/03/2026

ڕاگەیەندراوێک لە وەزارەتی پەروەردەوە:
​
ڕۆژی یەکشەممە ٢٩ ی ٣ ی ٢٠٢٦، دەوامی ناوەندەکانی خوێندنی حکومی، ناحکومی و نێودەوڵەتی دەستپێدەکاتەوە، بە ڕەچاوکردنی ئەم خاڵانە:

​١- هەر بەخێوکارێکی قوتابی ئەگەر نەیەوێت منداڵەکەی لە پۆلی فیزیکیی قوتابخانەدا ئامادە بێت، (نەهاتن - غیابات)ی لەسەر تۆمار ناکرێت و دەتوانێت لە قوتابخانە حکومی و ناحکومییەکانی خوێندنی سیستمی وەزارەتی پەروەردەدا، سوود لە پلاتفۆرمەکانی خوێندنی ئەلیکترۆنی وەربگرێت (کە لەگەڵ ئەم ڕاگەیەندراوەدا ئاماژەی پێ دەدرێت). تەنیا لە کاتی تاقیکردنەوەکاندا بەگوێرەی خشتەی تاقیکردنەوەکانی قوتابخانە و وەزارەت ، لە قوتابخانە ئامادە بێت، بۆ ئەمەش پێویستە بەخێوکاری قوتابی فۆرمی تایبەت لە قوتابخانە پڕ بکاتەوە. هەروەها مامۆستایان لە ڕێگەی گرووپی قوتابخانە یان ئەپڵیکەیشنی (ئی-هەڵسەنگاندن) ئەرکی ماڵەوە بنێرن بۆ ئەو قوتابیانەی کە خوێندنی ئەلیکترۆنییان هەڵبژاردووە.

​٢- قوتابیانی قوتابخانە نێودەوڵەتییەکان ئەگەر بەخێوکارەکانیان ئامادە نەبوون منداڵەکانیان بنێرنەوە قوتابخانە، پێویستە قوتابخانە نێودەوڵەتییەکە بە ڕێگەی ئۆنلاین، ئەلیکترۆنی یان هەر ڕێگەیەکی دیکە خوێندنیان بۆ فەراهەم بکات و تەنیا لە کاتی تاقیکردنەوەکاندا پێویستە لە قوتابخانە ئامادە بن.

​٣- قوتابخانە بیانییەکان دەتوانن بە هەمان شێوە سوود لە خاڵی (٢) وەربگرن، یان دەتوانن بڕیار بدەن تەواوی خوێندنەکەیان بکەنە ئۆنلاین یان ئەلیکترۆنی، بەگوێرەی بڕیاری دەستەی کارگێڕیی قوتابخانەکەیان.

​٤- بە مەبەستی دڵنیایی بە قوتابیانی پۆلی ١٢ی ئامادەیی و ٩ی بنەڕەتی کە تاقیکردنەوەی نیشتمانی و وەزارییان هەیە، ئاگاداریان دەکەینەوە کە وەزارەت سەبارەت بە تاقیکردنەوەکانیان ساڵنامەی خوێندنیان بۆ هەموار دەکاتەوە.

​🔴 لە پۆلی ١ی بنەڕەتی تا ١٢ی ئامادەیی (قوتابخانەی حکومی و ناحکومی) دەتوانن سوود لە خوێندنی ئەلیکترۆنی وەربگرن لە ڕێگەی پلاتفۆرمی (ئی-وانە) کە لە ئێستادا کارایە:

https://ewane.krd

​🔵 لە پۆلی ١ تا ٦ی بنەڕەتی پلاتفۆرمی کارلێکارانەی دیجیتاڵیی (قوتابخانەکەم) ئێستا کارایە بۆ قوتابیانی قوتابخانە حکومییەکان:

https://qutabxanekem.krd
​
وەزارەتی پەروەردە
٢٧ ی ٣ ی ٢٠٢٦