Koya University - Faculty Of General Medicine - فاکەڵتی پزیشکی گشتی کۆیە

15/08/2026

لە چوارچێوەی کۆڵەگەی سەرکەوتنی خوێندکار ، دەست خۆشی لە خوێندکارانمان دەکەین کە
وەکو نوێنەری فاکەڵتیمان بەشداریان کرد لە پێشبڕکێی (Think Med) لە چوارچێوەی پێشانگای نێودەوڵەتی (Medico) کە گەورەترین ئیڤێنتی پزیشکییە لە سەرجەم عێراقدا.
​توانیان هەموو قۆناغەکان سەرکەوتووانە تێپەڕێنن و پلەی دووەم بەدەستبهێنن.
لێرەوە پیرۆزباییان لێدەکەین و هیوادارین لە ڕێچکەی سەرکەوتن بەردەوامبن.

19/07/2026

بەدەستهێنانی نازناوی زانستی

پیرۆزباییەکی گەرم ئاڕاستەی هەر یەک لە بەڕێزان:
دلاوەر حمد مەحمود هەڵگری بڕوانامەی بۆرد لە کلینیکەڵ فارماسی بۆ بەدەستهێنانی نازناوی زانستی مامۆستا.
زەهرا جلیل شربا هەڵگری بڕوانامەی بۆرد لە بواری نەخۆشیەکانی ژنان و منداڵبوون بۆ بەدەستهێنانی نازناوی زانستی مامۆستا.
زانیار وەلی محمود هەڵگری بڕوانامەی ماستەر لە بواری کلینیکەڵ بایۆکیمیستری بۆ بەدەستهێنانی نازناوی زانستی مامۆستای یاریدەدەر.

بە ناوی ڕاگر و مامۆستایانی فاکەڵتی پیرۆزبایی ئەو دەسکەوتە زانستیەیان لێ دەکەین وە هیوای بەدەستهێنانی پلەی بەرزتریان بۆ دەخوازین.

15/07/2026

ئاگاداری بۆ خوێندکاران
تکایە لەم لینکەی کە وەزارەت دایناوە دەتوانن داوای گواستنەوە بکەن

هەواڵێکی گرنگ بۆ خوێندکاران و قوتابیان …

لە ئەمڕۆوە پرۆسەى گواستنەوەو دابەزیىنى خوێندکاران/ قوتابیان لە نێوان زانکۆکان بە ئەلیکترۆنى دەستیپێکرد

وەزارەتى خوێندنى باڵاو توێژینەوەى زانستى پرۆسەى گواستنەوە و دابەزینى خوێندکاران/ قوتابیان بۆ ساڵى نوێى خوێنـدنى (2026-2027) بەشێوەى ئەلیکترۆنى ڕادەگەیەنێت، پرۆسەکە لە ئەمڕۆوە ڕێکەوتى (2026/7/15) تاکو (2026/8/15) بەردەوام دەبێت. مەرجە فەرمانى دەرچونى زانکۆیی تایبەت بە گواستنەوە یان دابەزین لە (2026/8/31) تێپەڕنەکات.

بەمەبەستى بەرچاوڕونى بۆ ئەو خوێندکارو قوتابیانەى دەیانەوێت پرۆسەى گواستنەوەو دابەزاندن ئەنجامبدەن، پێویستە دەقى ڕێنماییەکان بە وردى بخوێننەوە، هەروەها دەتوانن پرسیارەکانیان ئاراستەى تۆمارى هەریەک لە زانکۆکان بکات و وەڵام دەدرێتەوە.

تێبینى:

1/ ئەگەر قوتابی/ خوێندکار (یوزەرنەیم و پاسۆردى) نەبوو یاخود لە یادى کردبێت، بۆ چونە ناو سیستمى گواستنەوەو دابەزین، ئەوا بە ژمارەى تاقیکردنەوەى پۆلى دوانزەى ئامادەیی دەبات لە تۆمارى زانکۆکەى پرۆسەکە ئەنجامدەدات.

2/ بۆ ئەنجامدانى پرۆسەى گواستنەوەو دابەزین پێویست ناکات هیچ قوتابى و خوێندکارێک سەردانى وەزارەت بکات، چونکە پرۆسەکە بە ئەلیکترۆنى ئەنجام دەدرێت.

3/ پێویستە لەو ماوەى دیارى کراوە خوێندکاران و قوتابیان مامەڵەکانیان تەواو بکەن، چونکە لە دەرەوەى ئەم ماوەیە مامەڵەکەى جێبەجێ ناکرێت.

- بۆ ئەنجامدانى پرۆسەى گواستنەوەو دابەزین کلیک لەسەر ئەم لینکەى خوارەوە بکەن:
https://regayzanko.com/

بۆ خوێندنەوەى ڕێنمایی و مەرج و پێوەرەکانى گواستنەوەو دابەزین کلیک لەسەر ئەم لینکەى خوارەوە بکەن:

https://drive.google.com/file/d/1o09tKFS3NtIcdNDYA622Xiz9FgZea5VG/view?usp=sharing

14/07/2026

ئاگاداری خوێندکاران و خانەوادەکانیان دەکەینەوە ئەوانەی داوای گواستنەوە دەکەن لە فاکەلتیمان بۆ کۆلیژە پزیشکییەکانی تر و ئەوانەی لە کۆلێژەکانی ترەوە داوای گواستنەوە دەکەن بۆ فاکەلتیمان بە هیچ شێوەیەک پێویست بە سەردانی فاکەلتی و پەیوەندی کردن ناکات
ئەو بەڕێزانەی کە رێنمایەکانی گواستنەوە دەیان گرێتەوە بە ئۆنلاین کارەکانیان ئەنجام بدەن

وەزارەتى خوێندنى باڵاو توێژینەوەى زانستى؛
(7/15/ 2026) پرۆسەى گواستنەوە و دابەزیىنى خوێندکاران/ قوتابیان لە نێوان زانکۆکان بە ئەلیکترۆنى دەستپێدەکات.

لە (15 7/ 2026) وە مەرج و پێوەرەکانى گواستنەوەو دابەزین بۆ قوتابیان و خوێندکارانى زانکۆکانى کوردستان بۆ ساڵى نوێى خوێنـدنى (2026-2027) بەشێوەى ئەلیکترۆنى بڵاودەبێتەوه.

بۆ ئەنجامدانی پرۆسەی گواستنەوە و دابەزین پێویست ناکات خوێندکار/ قوتابی سەردانی وەزارەت بکات، چونکە تەواوی پرۆسەکە بە ئەلیکترنی ئەنجامدەدرێت.

01/07/2026

#پەیامی پیرۆزبایی
بەبۆنەی کۆتایی هاتنی ساڵی خوێندنی ٢٠٢٥-٢٠٢٦ بە سەرکەوتویی لە گشت قۆناغەکانی فاکەڵتیمان وە دەرچوونی پۆلێک لە دکتۆری شایستە بۆ خزمەتکردنی گەل و نیشتیمان. پیرۆزبایی دەرچوونتان لێ دەکەم داواکارم پزیشکی باش و دلسۆز و زانستی و خەمخۆر بن. هەردەم یەکەم ئاواتتان خزمەتی نەخۆش بێت. بۆ ئەوانەش کە دەرنەچوون دڵنیاین ئەوانیش کەسانی زیرەک و باشن بەلام لەو تاقیکردنەوە چانسی دەرچونیان نەبووە

پ. ی. د. دەوەن جمال حەوێزی
ڕاگری فاکەڵتی پزیشکی

25/06/2026

The great Grand OSCE for stage 6

20/06/2026

20/06/2026

‎ڕێککەوتی ٢٠٢٦/٦/١٩ ، وێڕای ئامادەبوونی ڕاگری فاکەڵتی پزیشکی بەڕێز پ.ی.د.دەوەن جەمال حەوێزی و مامۆستای فاکەڵتیمان د.ئاراس عمر فتاح هەروەها مامۆستای فاکەڵتیمان پ.ی.د.سامان تاهیر بەرزنجی بە پێشکەش کردنی وانەیەک دەربارەی دۆخێکی تۆمارکراوی دەگمەن و سەرنجڕاکێشی نەشتەرگەری بەشدار بوون لە یەکەمین کۆنفرانسی نێودەوڵەتی نەخۆشیەکانی کۆئەندامی هەرس و جگەر لە هەولێر کە ماوەی دوو ڕۆژ و بە پێشکەش کردنی دەیان بابەتی زانستی دەربارەی پەرەسەندنەکانی ئەو پسپۆڕیە و بە ئامادەبوونی سەدان پزیشکی پسپۆڕی بوارە پەیوەندارەکان و خوێندکاران و دەرچوووانی فاکەڵتیمان بەردەوام بوو، ...