UoG - كۆلێجی پەروەردەی بنەڕەت

ئەمڕۆ (٤/١٤) لە یادی ٣٦ ساڵەی تاوانی جینۆسایدی ئەنفالدا، بەشی پەروەردەی وەرزش لە کۆلێجی پەروەردەی بنەڕەت، ماراسۆنێکی بۆ خوێندکاران ئەنجامدا.
دواتر لەلایەن (پ.ی.د.کۆمار نعمت شەوکت - ڕاگری کۆلێجی پەروەردەی بنەڕەت) و یاریدەدەری ڕاگر و ژمارەیەک لە سەرۆک بەش و مامۆستایانەوە، خەڵات بەسەر خوێندکارە سەرکەوتووەکاندا دابەشکرا.

ئەنفال..ناسنامەی نەتەوەیەکی ستەملێکراو

جەژنی ڕەمەزانتان پیرۆزبێت
خوای گەورە ڕۆژوو و تاعەت و نزای هەموولایەکی قبوڵ کردبێت.

وەزارەتی خوێندنی باڵا بڕیارێک لە بەرژەوەندی دەرچوانی زانکۆ و پەیمانگەکانی هەرێمی کوردستان دەردەکات

لە پێناو رەخساندنی دەرفەت بۆ دەرچوانی زانکۆ و پەیمانگەکانی هەرێمی کوردستان، لە گشتاندنێکدا بە ژمارە (784) لە رێککەوتی (2024/4/7) وەزارەتی خوێندنی باڵا و توێژینەوەی زانستی کە ئیمزای د. ئارام محمد قادر وەزیری خوێندنی باڵا و توێژینەوەی لەسەرە و ئاراستەی گشت زانکۆ حکومیەکانی هەرێمی کوردستان کراوە، هاتووە:

پاڵپشت بە بڕیاری ئەنجوومەنی وەزارەت و بڕیاری ژمارە (86) لە (2016/5/2) بڕیاری دا بە بەخشینی رسوماتی داواکردنی پشتگیری بۆ زانکۆ و پەیمانگە حکومییەکان بەمەبەستی پێشکەشکردن بۆ بون بە چاودێر لە کۆمسیۆنی باڵای سەربەخۆی هەڵبژاردنەکانی عێراق، لە رۆژی دەنگدان بۆ هەڵبژاردنی پەرلەمانی کوردستان.

پیرۆزبایی

بەناوی سەرۆکایەتی زانکۆی گەرمیانەوە، پڕ بەدڵ جەژنی نەورۆزی کوردان و سەری ساڵی نوێی کوردیی لە کوردانی جیھان بەگشتی و مامۆستایان و فەرمانبەران و خوێندکارانی زانکۆی گەرمیان بەتایبەتی پیرۆز دەکەین، لەخوای گەورە داواکارین ساڵی نوێی کوردیی کۆتایی نەھامەتییەکان و سەرەتای خۆشبەختی بێت بۆ ھەموو لایەک.

سەرۆکایەتی زانکۆی گەرمیان

" ئەنجومەنى وەزارەتى خوێندنى باڵاو توێژینەوەى زانستى سەرەڕاى لێخۆشبونى (٤٥%)ى کرێى خوێندنى پارالێل، لەهەوڵێکی تردا بڕیاریدا بە لێخۆشبونى (٢٠%) دیکەى کرێى خوێندنى پارالێل لە زانکۆ و پەیمانگە حکومییەکانى هەرێمى کوردستان".

ئەنجومەنى وەزارەتى خوێندنى باڵا و توێژینەوەى زانستى

زانکۆی گەرمیان بووە پاڵەوانی خولێکی تۆپی پێ

کاتژمێر ((١٢)ی نیوەڕۆی ئەمڕۆ یەکشەممە، ڕێکەوتی (١٠ی ئازاری ٢٠٢٤) یاری کۆتایی لەنێوان تیپی تۆپی پێی زانکۆی گەرمیان و زانکۆی سلێمانی لە یاریگای زانکۆی کۆمار بەڕێوەچوو.

یاریەکە بە ئەنجامی دوو گۆڵ بە هەردوولا کۆتاییهات، دواتر بە لێدانی یەکلاکەرەوە، زانکۆی گەرمیان توانی ببێتە پاڵەوانی پاڵەوانێتی تۆپی پێی زانکۆکانی شاری سلێمانی و دەوروبەری.

پیرۆزبایی و دەستخۆشی لە خوێندکاران و مامۆستایانی بەشداری خولەکە دەکەین.

♦️ژمارەیەک لە وێنەکان لە پەیجی زانکۆی کۆمارەوە وەرگیراون.

زانکۆی گەرمیان گەیشتە یاری کۆتایی
ئەمرۆ تیپی تۆپی پێی زانکۆی گەرمیان لە خولی زانکۆ حکومی و ناحکومیەکانی سلێمانی و دەوروبەری توانی بە ئەنجامی ٤_ ٢گۆڵ لە زانکۆی گەشەپێدانی مرۆیی بباتەوەو خۆی بگەیەنێت بە یاری کۆتایی.
سبەی لە یاری کۆتایی ڕوو بەڕووی زانکۆی سلێمانی دەبێتەوە.
بەھیوای سەرکەوتن بۆ تیپی تۆپی پێی زانکۆمان

‎گفتوگۆى تێزى دکتۆراى مامۆستایەکى کۆلێجمان بەسەرکەوتوویى بەڕێوەچوو

‎گفتوگۆى تێزی دکتۆرای مامۆستایەکى بەشى زانستە کۆمەڵایەتییەکانی کۆلێجمان، لە هۆڵی کۆنفرانسی کۆلێجی زمان و زانستە مرۆڤایەتییەکانی زانکۆمان لە خانەقین ئەنجامدرا.

‎ڕۆژی چوارشەممە ڕێکەوتى (٢٠٢٤/٣/٦)
‎گفتوگۆى تێزى دکتۆرای توێژەر (شێروان احمد مجید – مامۆستا لە زانکۆى گەرمیان) لە پسپۆڕی جوگرافیا، بەناونیشانى: (خەمڵاندنی قەبارەی لافاو لە هەردوو ئاوەزێڵی قەڵاتۆپزان و پاریۆڵە و چۆنیەتی دروێنەکردنیان) بەسەرکەوتوویی بەڕێوەچوو.
‌
‎بەناوى ڕاگرایەتى کۆلێجی پەروەردەى بنەڕەتەوە پیرۆزبایى لە (د.شێروان احمد مجید) دەکەین، هیواى سەرکەوتنى بۆ دەخوازین. ‎

بۆ خوێندکارانی قۆناغی چوارەمی کۆلێجمان
خشتەی ناوی بەشەکان و کاتی وێنەگرتنی دەرچوون خوێندنی (بەیانیان و ئێواران)

بۆ یەکەمجار گەورەترین کۆنفرانسی زانستیی نێودەوڵەتی تایبەت بە گەرمیان ئەنجامدەدرێت

رۆژانی یەکشەممە و دووشەممە (٣-٤/ ٣/ ٢٠٢٤ ) بە بەشداری دەیان توێژەری ناوخۆیی و دەرەکی و دامەزراوەی ئەکادیمی و پەروەردەیی و رۆشنبیریی جیاواز لە وڵاتانی ئەوروپا و تورکیا و میسر و ئێران و عێراق ، بۆ یەکەمجار گەورەترین کۆنفرانسی زانستیی نێودەوڵەتی تایبەت بە گەرمیان ئەنجامدەدرێت .

بە دروشمی (له‌ پێناو ئێستا و ئاینده‌یه‌كی گه‌شتر بۆ گه‌رمیان) سه‌رۆكایه‌تی زانكۆی گه‌رمیان بە ھەماھەنگی لەگەڵ دامەزراوەی جەلال تاڵەبانی، چوارمین كۆنفرانسی زانستیی نێوده‌وڵه‌تی به‌ ناونیشانی: ( گه‌رمیان له‌ كایه‌ی زانسته‌ مرۆڤایه‌تییه‌كانه‌وه‌)به‌ڕێوه‌ ده‌بات.

تەوەرەکانی کۆنفرانسەکە بریتین لە ؛
(زمان و ئەدەب، مێژوو ،شوێنەوار، جوگرافیا ، ئایین ، کلتور، یاسا، سیاسەت، وەرزش، ھونەر ، ڕۆشنبیری ، پەروەردە و خوێندن ، زانستە کۆمەڵایەتییەکان ، زانستەکانی تر).
کۆنفرانسەکە ٨٤ پوختەی توێژینەوەی بۆھاتووە لەوژمارەیە ٦٢ توێژینەوە گەیشتووە بە دەست لیژنەی زانستی کۆنفرانس. دوای ھەڵسەنگاندن لەلایەن ھەڵسەنگێنەرانەوە ٤٨ توێژینەوەی وەرگیراوە و ١٤ توێژینەوەی ڕەتکراوەتەوە توێژینەوەکان لە ١٧ زانکۆ و پەیمانگا بە زمانەکانی کوردی، عەرەبی ، ئینگلیزی ، فارسی گەیشتووە بەدەست لیژنەی زانستی کۆنفرانس.

حەوتەمین فێستیڤاڵی ئەدەبیی ئاران کۆتاییهات

ئەمڕۆ چوارشەممە ڕێکەوتی ( ٢٨ / ٢ /٢٠٢٤ ) بەشی زمانی کوردی بە هەماهەنگیی ڕێکخراوی هاوکاریی ئەڵمانی ڕۆژی دووەمی فێستیڤاڵی بە سەرکەوتوویی ئەنجامدا.

گروپی مۆسیقای وەفایی بە چەند بەرهەمێکی گۆرانی بەشدارییان کرد. پاشان بەشداربووانی شیعر بەرهەمەکانی خۆیانیان خوێندەوە و دواتر بەشداربووانی چیرۆک پوختەیەکیان لە بیرۆکەی چیرۆکەکانیان پێشکەش کرد. لیژنەی تایبەت لە شیعر و چیرۆک یەکەم و دووەم و سێیەمیان بۆ دەقی شیعر و چیرۆک هەڵبژارد، پاشان وتەی کۆتایی فێستیڤاڵ لەلایەن بەڕێز ( د.دیار فایق)ەوە پێشکەش کرا و حەوتەمین مۆمی فێستیڤاڵی ئەدەبی ئاران کوژێنرایەوە.

براوه‌كانی خه‌ڵاتی حه‌وته‌مین فێستیڤاڵی ئه‌ده‌بیی ئاران:

• شیعر:
1. سوهه‌ید سالار: له‌ چاوه‌كانی ئه‌و ئه‌چێ- گه‌رمیان/ پ.بنه‌ڕه‌ت- ئێواران- كوردی- ق4

2. هێمن عومه‌ر: ئامێزی ئومێده‌كانم بۆنی ئاوابوونیان لێدێت- پۆلیته‌كنیكیی سلێمانی/ ئه‌ندازیاری پاوه‌روكۆنترۆڵ- ق3

3. محه‌مه‌د عوسمان: تــۆ- گه‌رمیان/ په‌روه‌رده‌/ كوردی/ ق٤

• چیرۆك:
1. عه‌لی حه‌سه‌ن: مرۆڤی پیاده‌- گه‌رمیان/ په‌روه‌رده‌/ كوردی- ق3

2. ئه‌سماء زانـا: چیرۆكێكی پایزانه‌ له‌ خاكێكی دووره‌ده‌ستدا/ گه‌رمیان/ په‌روه‌رده‌/ كوردی- ق3

3. جه‌لال عه‌بدولمه‌جید: ژن و په‌یژه‌/ گه‌رمیان/ پ.بنه‌ڕه‌ت- ئێواران- ق1

پیرۆزبای لە سەرجەم بەشداربووان دەکەین بەتایبەتی براوەکانی حەوتەمین خولی فێستیڤاڵی ئەدەبیی ئاران.